أدخل برجلك اليمين ... وعرفنا بيك هنا

من طرف **Shamsology** الإثنين أغسطس 30, 2010 5:50 pm

الدرس الأول فى عملى الكارديو : history of cardiology 60774430

الدرس الأول فى عملى الكارديو : history of cardiology Fw12

السلام عليكم ورحمه الله وبركاته

أولا : أنا آسف يادكاترة على التأخير الشنيع ده لأنى كنت مستنى

حد يشرح نظرى الكارديو لكن لاقيت أنى لو استنيت هنتأخر

فهشرح إن شاء الله العملى و هحاول أبسط على أد مأقدر

وياريت تبدأوا تسمعوا شرايط النظرى لأن اللى هيستنى المشروع هيتأخر

ثانيا : لازم تعرفوا إن الكارديو أجمل برانشات الباطنة على الأطلاق

من وجه نظرى هتحسوا إن فيه علم و فهم و نقدر نوصل لتشخيص مؤكد

إن شاء الله بالأضافة إن الـ outcome بتاع العيان أحسن من برانشات تانية

كتير فى الباطنه أضف إلى ذلك إن الكارديو هنقابل حا لاته كتير فى الأستقبال

وأحنا امتياز فمش شرط أبقى أخصائى قلب علشان أشوف حالات كارديو

ناهيك عن موضوع الـ hypertension ده اللى معرفش فيه يبقى

مش دكتور أساسا لأنه من أكتر الأمراض المنتشرة

[center]بسم الله مقدمه عملى الكارديو

عملى الكارديو السنة دى يشمل الحالات الآتية

Mitral stenosis

Mitral regurage

Aortic stenosis

Aortic regurage

Tricuspid regurage & mitral valve disease

Prosthetic vavle

مش هيجى فى امتحان الـ under غير الحالات دى يبقى لازم نذاكرها كويس

ممكن ندخل حالة كارديو long بـ 100 درجة و تبقى الأسئلة فى موضوع

واحد من المواضيع دى يعنى درس بمية درجة والبرانش كله درجاته فى النظرى

لاتتجاوز ثلاثين أو أربعين درجة يعنى العملى ممكن يضبطك جامد فى

الدرجات وبمهجود أقل من النظرى فنشد حيلنا علشان نجيب كلنا

امتيازت عالية إن شاء الله

شيت الكارديو بتكون من history & examination

الـ history ده زى اللى أحنا خدناه فى المرتين اللى فاتوا وده هنبدا بيه إن شاء الله

History of cardiology

طبعا فاكرين الخمس نقط بتوع الـ history اللى هما أيه علشان التكرار بيعلم أيه ؟

طبعا الشطار يا ولاد

Personal History

Compliant

Present History

Past History

Family History

نستعين بالله كده ونبدا

Personal history

وده كان فيه اختصار ليه مشهور خدناه زمان اللى هو

ناس أمره - جمع أمور- NAS OMRH

قلنا الـأسم أهمية أيه ؟ عاشان أبقى حبوب مع العيان familial بالأنجليزى

تانى حاجة الـ Age أهمية فى الكارديو أيه

فاكرين جدو وميدو

يعنى لو العيان فى سن جدو أفكر فى Ischmeic heart disease زى ألـ

angina و infarction

على فكرة جدى عنده Ischmeic heart disease فعلا

أما ميدو واد صغير فى السن يعنى أفكر فى أيه congentila heart disease

مثلا. VSD أو ASD

طيب الست فتكات اللى هيه فى ريعان شبابها ثلاثين أربعين سنه ممكن

يكون عندها collagen disease فاكرينها ولا أيه

اللى هو زى الروامتيود وده أيه علاته بالقلب يا دوك ؟

بيعمل حاجة أسمها pericarditis

ألتهاب فى الـ pericardium هتعرفوه فى النظرى إن شاء الله

تالت حاجة الـ sex

طبعا زى ما اتفقنا الحريم بياخدوا الأمراض السهله اللى مبتومتش أما الرجالة

كل أمراضهم بتموت هنا فى الكارديو Ischmeic heart disease أكتر فى الرجالة ليه ؟ علشان بتموت

والحريم زى ما أحنا عارفين collagen disease يجيبولها شويه ألتهابات

وقرصين دوا وتخف وتبقى زى الفل

و حسبى الله ونعم الوكيل

الـ occupation

رجال الأعمال مثلا بيزيد فيهم IHD بسبب الـ stress

مش بتشفوهم فى التمثليات لما يخسر فلوسه فى البورصة يقولك

آه قلبى قلبى وبعدين يودع ده بقى علشان IHD

مثلا واحد زى حاكم دبى خسر فى الأزمة المالية 6 مليار دولار فى عين الحسود

مش عايز يجيلة IHd ده أنا لو وقع منى 6 جنيه هزعل عليهم

بس الحمد لله لسه ماجلوشه

ال marital status

ودى أيه علاقتها بالقلب

طبعا ليها علاقة قوية الست الحامل

عرضه أكتر أنها يجيلها heart failure

لو عندها صمام ضيق أو فيه ارتجاع حالتها بتسوء مع الحمل

ليه ؟

لأن الحمل بيعمل slat & water retention

بسبب زيادة الهرمونات زى estrogen & progesterone

والـ slat & water retention ده بيسوء حالة القلب التعبان

دكتور النسا حكى لنا على حالة كان عندها حاجة فى الصمامات

وكانت بنت صغيرة 17 سنة وأول حمل ليها فنصحهم إن الحمل ينزل

على ما تضبط موضوع القلب وبعدين تبقى تحمل

أهلها رفضوا

بيقول البنت جت فى أواخر الحمل دخلت فى severe heart failure grade 4

ودى أعلى grade وماتت الله يرحمها

طيب الـ residence أهمية فى الكارديو أيه

الناس اللى ساكنين فى المدن أكثر عرضه IHD

برضه بسبب ضغط الحياة

أخر حاجة فى الـ personal تهمنا

Habits

'السجاير وما أدراك ما السجاير

أسوأ حاجة بتعمل IHD

وتقريبا بتعمل infarction علطول يعنى بتوت بسرعة

أعرف حالتين sudden death بسبب الموضوع ده

ومننساش نكتب ال smoking index

compliant

.

زى ما قلنا قبل كده أنها بيت القصيد فى الشيت

وليها ثلاث شروط

تكون قصيرة وبكلمات العيان واكتب المدة كمان

طيب أيه الحجات اللى بيشتكى منها عيان الكارديو

هنعرفها فى HPI

ثالثا : HPI

نركز مع بعض علشان دى أهم نقظة فى الشيت

عيان الكارديو ممكن يجى يشتكى من حاجة أو أكتر من 16 شكوى

أول وأشهر حاجة pulmonary congestive symptoms

أعراض احتقان الرئه بالدم

طيب أيه هيا
pulmonary congestive symptoms

1- dyspnea

أهم شكوى على الأطلاق فى شيت الكارديو فلازم تذاكرها بضمير فاهم

العيان هيقولى نفسى اتكرش طيب أكتبها فى compliant أزاى ؟

زى ما جون فى أمريكا بيقولها

بيقولها shortness of breath

طيب أحللها أزاى

عندنا الثوابت فى أى شكوى خمس حاجات أكيد فاكرينهم علشان كده هقولهم تانى

O, C,d ,treatment recived& associated symptoms

وقلنا أن أى حد فى طب الصومال عارف الكلمتين دول

لكن اللى هيميزك عن الصوماليين أيه

Leading questions

اللى لازم تحفظها

طيب أهميتها أيه

أن أميز بين كرشه النفس اللى سببها القلب وكرشه النفس اللى سببها الرئه

يعنى الـ type وتبقى دى النفطة السادسة فى تحليل الـ dyspnea

أزاى هقولك دلوقتى

بص يامعلم هم 3 أسئلة

أول سؤال : degree of dyspnea

تانى سؤال عن : orthopnea

تالت سؤال عن : paroxysmal nocturnal dyspnea

هقول بالتفصيل متخافش

أول حاجة : degree of dyspnea

طيب أعرفها منين

أسأله عن حاجة أسمها NYHA يعنى أيه مش فاهم

هقوله ياحاج أيه أخبار NYHA معاك ولاأيه

لآه يازعيم لو قلت كده هيقولك NYHA ورحمه الله وبركاته

NYHA ده اختصار منظمه القلب فى نيويورك NEW york heart association

مالها NYHA دى بقى

دى عملت تقسيم للـ dyspnea

من واحد لأربعة

Grade I : لو العيان بتجيله كرشة النفس من طلوع سلالم ثلاثو أدوار
وده اسمه الـ more than ordinary effort
لأن أى بنى آدم طبيعى بيجيلة كرشه نفس لما يطلع أكتر من الدور الثانى
بس حاجة خفيفة يعنى

Grade II : لو كرشه النفس جلته من طلوع السلالم دورين
اللى هى ordinary effort

Grade III : لو طلع سلالم دور واحد بس less than ordinary effort

Grade IV : لو مطلعش حاجة وبتجيله كرشه نفس

بيستهبل يعنى ودى اسمها dyspnea at rest قاعد على السرير وعنده كرشه نفس

يبقى هسأل العيان أقوله يا عم الحج كرشه النفس دي بتجيلك لما تطلع سلالم كام دور ؟

وأكتبها كالآتى : فى HPI

My patient experience dyspnea on less than ordinary effort e.g. climping 1st floor

ملاحظين حاجة

هم حاجتين مش حاجة

أنى كتبت dyspnea مش SOB ليه ؟

لأنى باكتب فى HPI وقد قال العلماء أنه يجوز كتابة المصطلحات العلمية فى الـ HPI

تانى ملحوظة أنى متكبتش grade

لأن العيان مش هيقولى grade

لأنه ببساطة مش عارف NYHA فهيعرف الgrade أزاى

نقطة أخيرة

الgrade تقدر تعرف لى type of dyspnea

لآه متعرفش ده بس علشان أنا أعرف الـ severity of disease

فاكرين البنت بتاعت النسا االلى أتكلمنا عليها فى الأول

توهتوا مش كده

متقلوش لآه

أنا شخصيا تهت

نلم عزلنا تانى

و نعيد اللى قلناه

باختصار

العيان جاى يشتكى من dyspnea

بأسأله على ست حاجات

خمسه أنا حافظهم وواحدة لسه هأحفظها إن شاء الله

الخمسة هما O, C,d ,treatment recived& associated symptoms

ماشى

السادسة type

بأسأل عليه أزاى

تلت أسئله

السؤال الأول علشان أعرف الgrade

بتطلع كام دور يا حاج ويجيلك كرشة النفس دى

فاضل سؤلين :

الثانى : هسأله عن الـ orthpnea

الأول يعنى أيه الأنجيلزى ده

Orthpnea:dyspnea on lying flat relived by sitting

يعنى العيان بيجيله dyspne وهو نايم flat عادى زى البنى آدميين

ماتروحش كرشة النفس دى إلا لما يقعد أو يحط مخده تحته

فهت يا دكتور

طيب أسأل عم عويس عليها أزاى

هقوله ياعم عويس

لما بتنام بتنام على مخده واحده ولا أكتر :

لو قالك مخده واحده يبقى بنى آدم عادى

لو قالك أكتر من مخده

قوله ليه

هيقولك علشان كرشه النفس

الكلام ده تسأله للعيان بجد أنا مش بهزر

هى دى طريقة السؤال على الـ orthpnea

أكتبها أزاى فى HPI
Pt has orthpnea & sleeps on 4 pillows

على فكرة برضه دى مش خاصة بالcardic dyspnea

الفيصل هى paroxysmal nocturnal dyspnea
يعن أيه الكلمة المجعلصة دى

يعنى العيان يقوم من النوم مفزوع بسبب كرشه النفس والكحة

ويقعد يقول مش قادر أخد نفسى هموت ( هموت دىاسمها بالعنجليزى angor anemi )

وبعدين يجرى على الشباك يقف يشم شويه هوا يلاقى نفسه اتحسن

يفتكر أنه اتحسن بسبب الهوا بس مش الهوا طبعا

دى ليها mechanism معين لازم نقراه فى النظرى

دى بقى اللى ممكن أحلف بس أنا مبحلفش طبعا

أنها cardic dyspnea

هسأل العيان عليها أزاى

هقوله ياحاج عويس لما بتنام بتكلم لحد الصبح

ولا فى حاجة بتصحيك

هيقولك آه الولية مراتى بتصحينى

قوله لآه يعنى بيجيلك كرشة نفس وأنت نايم وتقوم مفزوع

لو قالك آه هتكتبها

My patient experience PND , he awake from sleep by duspnea , cough & angor anemi

مش شرط كل عيان cardic dyspnea يشتكى من PND or orthpnea

أخيرا بعد ده كله أستفدت أيه من dyspnea فى التشخيص

أولا بتحدد نوع المرض

يعنى عيان MS أول شكوى له على الأطلاق dyspnea

الأمراض التانية بتاعت الكارديو بتيجى فيها برضه لكن متأخرة

مبتبقاش أول شكوى

يعنى لو دخلت لجنة كارديو

وأول كلمه قالها لى العيان عندى كرشه نفسى

تبقى حالتك أيه ؟ عروستى

ثانيا : نحديد درجة المرض زى ما أخدنا فى الgrades

فاضل فى الـ plumonary congestive symptoms

حاجات هايفة مش ليها لازمة

بكتبها فى الشيت بالسلب أو لأيجاب كسد خانه لا أكثر وهى

Cough

وهناخدها فى الشيست إن شاء الله بالتفصيل أزاى أسأل عنها وكده

Heamoptysis
كحيت دم يا حاج

Recurrent chest infections

لون البلغم أتغير

كده خلصنا plumonary congestive symptoms

اللى هى تمثل أعراض الـ MS حالة شهيرة لازم ناخد بالنا منها

ونكمل باقى الـ HPI المرة القادمة إن شاء الله

ملحوظة :

معظم الكلام من مذكرات دكتور بشير حلمى- ربنا يجزيه خير - وهى موجودة على المنتدى ممكن تصوروها وتذاكروا منها بجد رائعة جدا

ربنا يوفقكم

اسره شمسولوجى Smile