لدرس الثانى فى عملى الكارديو : History of Cardiology 2
2 مشترك
صفحة 1 من اصل 1
لدرس الثانى فى عملى الكارديو : History of Cardiology 2
من طرف Shamsology الإثنين أغسطس 30, 2010 5:49 pm
السلام عليكم ورحمه الله وبركاته
فى البداية بصراحة أنا مكنتش ناوى أكمل فى موضوع نحو القمة
لأن الموضوع تقريبا فشل فشلا ذريعا
لكن فى بعض الناس بتابع الموضوع وإن كان عددهم قليل جدا
مقارنة بالحلقتين الأولى والثانية
فهكمل وأمرى إلى الله وربنا يسامحك يا محمد يا قاضى
دبستنى وأنت أول واحد خلعت
نكمل مع بعض إن شاء الله
History of cardiology
قلنا المرة اللى فاتت فى HPI
إن فى 16 عرض من أعراض الكارديو بأسأل عليهم فى الشيت
واتكلمنا عن أول واحد وهو pulmonary congestive symptoms
هنكمل النهاردة باقى الأعراض إن شاء الله ونبدأ بالـ
systemic congestive symptoms
ودى مجموعة من الأعراض بتحصل بسبب توقف الدم فى الأوردة فى الجسم كله
أول حاجة فى الأعراض دى وأهمها واللى هشوفها كتير هى
1- Edema
العيان يقول لك : رجلى ورمت يادكتور أو رجلى بتحوش ميه
أكتبها فى الـ compliant :
Swelling of Lower limb
طيب أحللها أزاى
الخمسة المشهورين ياشاطر وهما
O, C,d ,treatment recived& associated symptoms
وزى ما اتفقنا أى واحد عارف الكلام دى
لكن الجديد أن associated symptoms
فى حاجة معينة لآزم أسأل عليها وهى ASictes
العيان هيقولك بطنى ورمت
هتقوله قبل ورم رجليك ولا بعده أصل دى تفرق معانا كتير
لو قالك رجل ورمت الأول تبقى edema بسبب القلب غالبا
أما لو قالك بطنى كبرت الأول يبقى edema سببها الكبد غالبا
وخلى بالك من غالبا
أصل أنا لبست حالة بسبب الموضوع ده
واحد جارنا رجله ورمت منغير أى أعراض تانيه مفيش ascites
وحالته العامة كويسه جدا
فأنا فكرت فى سبب ورم الرجل أنه كارديك
سمعت القلب لاقيته كويس
فى الآخر قللتله ياحاج لازم تروح لدكتور باطنه
علشان أنا صراحة مش عارف تشخيص لسبب الورم اللى فى رجلك
راح للدكتور سراج زكريا عارفينه طبعا
طلع عنده multi centeric hepatoma & chirrosis
فخلى بالك من موضوع ورم الرجل ده ومتخدش
الموضوع lightly غالبا هتلاقى وراه مصيبة
Heart failure أو liver cell failure
أو renal cause
طيب لو أنت مش أى واحد هتزود كمان خمس نقط لازم تحفظهم ياحمادة وهما :
1- مكان الـ edema
يعنى فى الرجلين ولا فى الأيدين
لأن edema بتاعت الكارديو بتبقى dependent
يعنى تحت
يعنى فى الرجل غالبا
ولو واحد نايم على السرير علطول بتبقى فى sacraum
طبعا ده مش هيجي لنا فى امتحان العملى
كل العيانيين اللى بيجوا الامتحانات صحتهم زى الفل ماشاء الله
2- الورم على ناحية واحدة ولا على الناحيتين
تكتبها بالأنجليزى unilateral or bilateral
3-الشراب بيعمل فى رجلك يا حاج ولا لآه
طيب هو أنا مالى الشراب بيعلم وملابيعلمش
لآه لازم أعرف علشان أعرف نوع الedema
Pitting or not
4- الورم واصل لحد فين يعنى مثلا نص الرجل ياحاج لحد الركبة ممكن لحد وسطه
علشان أعرف الـ Extent
5- بتوجعك ياحاج لما يحد يلمسها ولا لآه علشان الـ tenderness
أصل الـ DVT بتبقى tender فلازم أستبعدها
هقول الخمسة فى جملة واحده هى دى اللى تتحفظ صم
Site
Uni or Bi
Pitting or not
Extent
Tendrness
طيب كل وجع الدماغ ده ليه علشان الـ edema
يا دوك ليها أسباب كتير مش بس القلب
وكل نوع ليه وصف خاص بيه
يعنى بتاعت الكارديو بيبقى فيها الصفات الآتيه الله يخليك أحفظها
Dependent ,
Bilateral
Pitting
Painless
Edema precedes ascites
لو عيان الكارديو قالى عندى ورم فى رجلى
وأنته سألته ووصلت للوصف ده
تفكر أول حاجة فى MS وقلبت بـ TR
وخلى بالك بأقولك أول حاجة لأن أى حالة بتقلب بـ Heart failure
باقى أعراض الـ systemic congestion
كلام فاضى وسد خانه برضه وهم
Asictes
هيقولك باطنى ورمت
أسأله الخمس أسئله وشكرا
GIT congestion
يقولك اللقمة مبتريحنيش
أكتبها discomfrt related to meals
كده خلصنا أكبر مجموعتين من الـ symptoms
بسأل عليهم فى شيت الكارديو
باقى حاجات سهلة وصغننوه وهى
Symptoms of low cardic out put
الكلام ده فى النظرى أعراض كتيرة منهم
1) syncope
هيقولك بيغمنى عليا
أكتبها أنا بقى fainting or blacking out
طبعا الخمسة وأزود عليهم
3 أسئلة
* بيحصل مع المجهود
With exertion or not
* معها زرقان ولا لآه cynosis or not with
* معاه تشنجات ولا لآه with convulaions or not
آخر سؤالين لو موجودين تبقى الحالة دى غالبا
fallot`s tetrallogy
وده مهم فى عملى الأطفال طبعا مش مهم عندنا خالص
وإن كان صاحبى الأنتيخ دخل فى الباطنه حالة
congcential anomiles in cardio
فنحطاه فى دماغنا برضه
2) chest pain
بصوا ياجماعة أى ألم فى الدينا أين كان مكانه لازم
أسأل على النقط الآتية وقلناهم قبل كده فى تانى حصه وهم
Site
Character
Radiation
Duration
What increase it
& what decrease
والخماسية الشهرية بتاعتنا
طيب فى العملى أيه الحالة اللى
أول ماتشتكى تشتكى من أعراض low output
حالة aortic stenosis
أول حاجة يشتكى منها العيان syncope
بعدين chest pain
كده خلصنا LCOP symptoms
نيجى للى بعدها وهى
palpitations
اللى بتحصل فى 3 حالات من اللى علينا
وهما MS with AF
, AR
, MR
العيان هيقولك قلبى بيرفرف
أكتبها أنا awarness of heart beats
أوعى تكتبها palpitations
فى عيانه مشهورة قوى بتروح الأزهر مش فاكر اسمها دلوقتى
تيجى تمليك الشيت تقولك أكتب palpitations
والطلبة مش عارفين حاجة دفعوا الفلوس وهيتملوا الشيت وخلاص
فخلى بالك يادكترة
طبعا الأسئلة
الخماسية الشهيرة
زائد أسئلة الـ arrhythmia
يعنى أيه
يعنى أى arrhythmia
بسأل عنها بالأسئلة دى
وهى
1 – rate
يعنى رفرفة سريعة ولابطيئة
2- rhythm وده مهم قوى
يعنى منتظمة ولا لآه
لو مش منتظمه تبقى الحالة على طول من غير تفكير
MS وعملت Atrial fibrillation( AF ) وخلصنا
أما لو منتظمه يبقى regurge
وفيه عندنا نوعين من الـ regurge
يبقى أنا معرفتش أوصل لتشخيص
3- مع المجهود ولا علطول يعنى At rest كمان
ودى برضه مهمه قوى
أصل لو مع المجهود تبقى regurge
لو at rest كمان تبقى MS with AF
يبقى عندى 3 أسئلة مهمين
Rate
Rhythm
Exertional or not
كده خلصنا المهم فى كل الشيت
لكن فيه شويه symptoms
هنحطهم فى الشيت سد خانه بالسلب أوالإيجاب
Pressure symptoms
دى بتحصل late in MVD
وهى Brassy cough, dyspnea, dysphagia& horsness of voice
سبب الكلام ده إن القلب بيكبر
فبيضغط على الحاجات اللى موجود فى الصدر
Trachea, osephagus &recurrent lyrangeal nerve
على الترتيب مع الأعراض السالف ذكرها (( الجملة دى جامدة ))
على فكرة ال syndrome
ده أسمه ortenr`s syndrome
hypertension symptoms
كل الأعراض زى الصداع مش أكيد أهم حاجة
دوا الضغط لو بياخد دوا ضغط يبقى عنده ضغط
Systemic emblization
اللى أحنا بنقول عليها فلان انتقط
ودى بتحصل فى حالات
MS with AF
و infective endocarditis
و atheroma
مش هيجى عيان اتنقط فى امتحان العملى ده مكانه الأنعاش إن عاش
فيه بقى fever
برضه مش هنشوفها
فيه symptoms of peripheral vascular disease
زى الكرامبات اللى اسمها بالأنجليزى claducations
كل الكلام ده هنكتبه فى الشيت فى الآخر بالسلب
يعنى مثلا NO fever no cladicutions.
كده خلصنا HPI
وارتحنا منه
نخش بعد كده على
past history
هنسأل على تلت حاجات فاكرينهم DOD
عادى زى الجينرال شيت بس أهم حاجة
أسأل عليها
هى Rhumatic fever
وليها كام سؤال هسألهم
1- من أمتى
2- أعراضها كانت أيه
3- اتشخصت أزاى
4- اتعالجت بأيه
5- كمل الدوا ولا لآه أصل المفروض ياخده لسن 25 سنه
6- حصل recurrence ولا لآ
نص العيانيين هيقول أن جالهم حمى روماتزمية
والباقى بينفى الموضوع ده
ليه بقى مع أن كل حالتنا تقريبا
سببها حمى روماتزمية
لأن فيه subclinical cases
يعنى العيان ولاالدكتور بيعروفها
بس برضه هكتبها بالإيجاب
حتى لو مقالهاش
Family history
زى ماقلنا قبل كده فى الجينرال شيت
بسأل على حاجتين
فى حد فى العيلة بيشتكى من نفس المرض
تانى حاجة consanguinity -
كده خلصنا history of cardiology
وده شيت مثالى فى الكارديو لحالة mitral stenosis with tricuspid regurge
M.S with T.R
Complaint (C/O) :
Shortness of breath four months duration.
History Of Present Illness (HPI
The condition started 10 years ago by gradual onset and
progressive course of dyspnea.
The patient experienced exertional
dyspnea on less than ordinary effort
, on climbing the 1st floor
not associated with orthopnea or PND
this dyspnea was associated
with gradual onset, progressive course
rapid irregular palpitation increased with exertion
The patient sought medical advice,
investigated by chest X-ray, ECG and ECHO
diagnosed as tight mitral stenosis
and treated by mitral valve replacement.
the patient was quite well, after operation,
till 4 months ago when he redeveloped
again exertional dyspnea on less than
ordinary effort associated with orthopnea
,
the patient used to sleep on three pillows
and PND, after one or two hours
of sleep the patient usually wakes up
with dyspnea ,cough and wheeze
then after 15 minutes the condition
usually relieves. This dyspnea is
associated with gradual onset
,
progressive course rapid irregular palpitation
increased with exertion. Two months later
,
the patient experienced dyspepsia,
dull aching pain in the right upper abdomen
associated with bilateral pitting painless
lower limb edema extending to thigh level
and also gradual onset, progressive course
of generalized abdominal distension.
Past history
There is past history of rheumatic fever since
he was 14 years old, manifested by fever
and arthritis, investigated by CBC, ESR and ECHO
, treated by aspirin and the condition
relieved and he was advised to take
long acting penicillin for life and
it was recurrent several times.
-No DM no HPN.
No past history of operations or drugs.
Ø Family history
-No consanguinity\
No common diseases.
-No similar condition.
كان فى أحد الأخوات اقترحت أننى أطلب منكم شيتات تعملوها
بمعنى تروحوا قسم الكارديو وتستأذنوا من النايب تاخدو شيت من حالة
بس تكون valvular disease
وتحطوها فى المنتدى ونشوف الأخطاء اللى وقعتوا فيها
وعلى فكرة أنا عملت كده مرة فى أول سنه خامسة
ورحت خدت شيت من حالة فى قسم الكارديو
اللى عايز يعمل كده ياجماعة يتفضل وهو المستفيد الأول والأخير
ولن أطالب به على وجه الإلزام
علشان ميجيلش أحباط أكتر من اللى عندى
أسألكم الدعاء بظهر الغيب
دمتم بخير
والسلام عليكم ورحمه الله وبركاته
Shamsology- مـشــرف عــام
- عدد المشاركات : 1191
تاريخ التسجيل : 16/07/2010
المود :
رد: لدرس الثانى فى عملى الكارديو : History of Cardiology 2
من طرف طب عين شمس الخميس سبتمبر 02, 2010 4:16 am
طب عين شمس- الإدارة
- عدد المشاركات : 1480
تاريخ التسجيل : 24/08/2010
المود :
مواضيع مماثلة» الدرس الأول فى عملى الكارديو : history of cardiology
» الدرس الثالث فى عملى الكارديو : General examination 1
» عملى:: Chest case ~ History of COPD
» كل ماتريد معرفته عن راوند الكارديو
» امتحان الروند الكارديو بتاريخ 2/4/2009
» الدرس الثالث فى عملى الكارديو : General examination 1
» عملى:: Chest case ~ History of COPD
» كل ماتريد معرفته عن راوند الكارديو
» امتحان الروند الكارديو بتاريخ 2/4/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى