متابعة إضراب الأطباء
+2
Abotreka
Admin
6 مشترك
صفحة 3 من اصل 3
صفحة 3 من اصل 3 • 
1, 2, 3
رد: متابعة إضراب الأطباء
من طرف Admin السبت مايو 21, 2011 12:32 am
اللقاء
__
خارج الموضوع
انا قصدي علي زرار الاقتباس اللي جمب حرف الـ u .. اللي فوق الرد السريع
بتاخد الكلام كوبي وبيست مثلا وتحطه في الرد السريع
ولو عايز تحدد اي جزء منه في اقتباس
بتظلله وتدوس ع الزرار اللي وصفتهولك ده
Admin- Admin
- عدد المشاركات : 13407
البلد : هنـا .. في مكـاني
تاريخ التسجيل : 01/07/2010
المود :
-
رد: متابعة إضراب الأطباء
من طرف dr shms السبت مايو 21, 2011 12:39 am
Admin كتب:
محدش قاله انه مبقاش نقيب ؟؟
علق عالنقطة دى تقريبا وقال انى دى اخر فترة هيمسكها
وانه مازال نقيب ويمثل الاطباء لحد ما يحصل انتخابات جديدة
dr shms- شمسولوجي ذهبي
- عدد المشاركات : 1264
تاريخ التسجيل : 08/07/2010
المود :
رد: متابعة إضراب الأطباء
من طرف Just a doctor السبت مايو 21, 2011 9:08 am
نقيب مين صلى عالنبى
ده حتى الحزب الوطنى اللى كان تبعه سقطه فى الانتخابات
ده حتى الحزب الوطنى اللى كان تبعه سقطه فى الانتخابات
Just a doctor- من شموس شمسولوجي
- عدد المشاركات : 4835
البلد : هنا القاهرة
تاريخ التسجيل : 20/07/2010
المود :
رد: متابعة إضراب الأطباء
من طرف Admin الأربعاء مايو 25, 2011 4:51 pm
بسم الله الرحمن الرحيم
______________________________
حضر الاجتماع كل من استاذ عاطف مسئول الميزانية
د-محمد حسن خليل د-احمد بكر د-منى مينا د-رامي فؤاد د-حنان عبدالعليم د-شيماء مسلم د-محمد عبدالرازق د-محمد زيد د- حسام
_________
بعد حوار مطول عن الازمة اللي البلد فيها ...تم السؤال عن الميزانية
وكان الرد ببساطة انه سيتم زيادة الميزانية حوالي 6 مليار لتصبح 23 مليار
ولكن ال23 مليار دول مش من اجمالي الموازنة بتاعت الدولة اللي هي حوالي 509 مليار وانما بعد طرح بنود قدرت بحوالي 250 مليار
فاصبحت الميزانية الجديدة 10 % ولكن من اصل 250 مليار
ولو انها من اصل ال500 مليار لكانت 5% فقط
ما علينا ...طبعا اعدنا نهاتي ونتشال ونتحط ...ونجيبه يمين وشمال ... وامتقعت الوجوه واحتبست الانفاس
__________
وبعدين لما الوقت طول ...قولنا طيب عشان نخلص ..ندخل في الاجور
تم التاكيد على ان الميزانية الجديدة ستشهد حد ادنى وحد اقصى وديه كبداية كويسة
وكذلك رفع في الحد الادنى
فبدانا نسال عن قيمة الدرجة الثالثة ...استاذ عاطف محددش ارقام ...طرحنا احنا رقم 850 معترضش عليه ..وفيما يبده انه ممكن يقارب ال850
قعدنا نسال عن العدالة الاجتماعية ...واذاي اننا لازم ناخد كل المستحقات اللي هي الجوب ديسكريبشن
لحد هنا واحنا فاكرين ان ال850 ده الاساسي
وسيتم اضافة ال300% و ال3 علاوات وبدل العدوى طبعا بعد رفعه وبدل طبيعة العمل و...و...
ممكن يوصل الراتب الى 4000 وديه كانت هتبقى بداية العدالة الاجتماعية
وقعدنا نساله ...متأكد ان الدولة هتديك كل البدلات والحوافز ...وكان الرد نعم
يعني الدولة هتستحمل تبني كل البدلات والخوافز ديه على اساسي مرتب تم رفعه ؟؟...قالك نعم وبثقة
بدانا نحسب الحسبة وبنقول يعني اساسي 850 ونحط عليهم 300% ونحط ....
لقينا استاذ عاطف بيقولنا ان ال850 دول هم الاجمالي وليس الاساسي
ويعتبروا كحد ادنى ...وفي داخلهم تم رفع الاساسي بالفعل ...بس ال850 دول مش اساسي دول اجمالي
طبعا هنا مش هوصفلكم احنا عملنا ايه
_________
المهم خلاصة النقطة ديه ان الحد الادنى للدرجة الثالثة 850 وتم رفع الاساسي اعلى مما كان
ده مش معناه اننا هناخد ..850 في اكيد اكتر ...لكن مش اقل
يعني اللي كان بياخد اقل من 850 هيرتفع لل850 ويمكن يعديهم وده نظرا لزيادة الحد الادنى
واللي كان بياخد اكتر من 850 ...هيرتفع وده نظرا لزيادة الاساسي
...وده معناه ان اجور الاطباء هتشهد ارتفاع وتحسن
...النقطة اننا مطلبناش لا ارتفاع ولا تحسن وانما طلبنا عدالة اجتماعية
هنا الاستاذ عاطف اكدلنا ان القوانين والقرارات تقيد اي محاولة للاصلاح في الاجور ...وانه مؤمن بضرورة تحسين دخول الاطباء ولكن القوانين وتوازن الفئات المختلفة بيقيده ..وان الحل الوحيد عشان تطلع من تحت الضغط ده وتحلق في سماء الحرية ...انك تعتمد كادر
واكد الموضوع بصورة قوية
وانها فرصة لعدم وجود مجلس شعب ...وانه في ظل الضغوط سيوافق عليها المجلس العسكري
وسيتم اعتمادها ..وانه كخبير ينصحنا بذلك
طبعا بعيدا عن العدالة الاجتماعية
وبعيدا عن الميزانية
فكرة الكادر هي فكرة محترمة جدا وسنحاول السعي وتم الاتفاق مع احد خبراء الاقتصاد للالتقاء به لبداية اعداد خطة الكادر ... وسيتم الاتفاق مع غيره ...وان شاء الله نعد كادر محترم ...ونقدمه ونشوف ...حتى الان ديه اقتراحات وليس قرار الا بعد الرجوع للناس
____________________
Admin- Admin
- عدد المشاركات : 13407
البلد : هنـا .. في مكـاني
تاريخ التسجيل : 01/07/2010
المود : -
رد: متابعة إضراب الأطباء
من طرف Admin الأربعاء مايو 25, 2011 4:52 pm
وقفة احتجاجية أمام وزارة الصحة ضد الفساد
Time
29 May · 11:30 - 14:30
Location
أمام رئاسة الوزراء و وزارة الصحة
كنا ناويين نخصص الوقفة دى للوزير فقط
لكن الظاهر الفساد فى كل مكان
الثورة يتم سرقتها سرا و الكذب على الجمهور بل وقاحة
الثورة انطلقت بحثا عن العدالة الاجتماعية
لكن وزارة الثورة تخدع الشعب و تتهرب من العدالة الاجتماعية
أطباء مصر يستكملون الثورة ضد رؤوس الفساد
يوم الحسم
https://www.facebook.com/event.php?eid=217299978288179
Admin- Admin
- عدد المشاركات : 13407
البلد : هنـا .. في مكـاني
تاريخ التسجيل : 01/07/2010
المود : -
رد: متابعة إضراب الأطباء
من طرف Admin الأحد مايو 29, 2011 12:04 pm
مسيرة للأطباء من النقابة إلى "الوزراء" للمطالبة بإقالة وزير الصحة
انطلقت مسيرة حاشدة لعشرات الأطباء، من أمام النقابة إلى مجلس الوزراء، ضمت ممرضات وأطباء أسنان، اعتراضاً على عدم استجابة مجلس الوزراء لمطالبهم، والتى تضم رفع ميزانية الصحة إلى 15%، بالإضافة إلى إقالة وزير الصحة، الدكتور أشرف حاتم، وإدراج الأطباء فى هيكل عادل للأجور، وحماية المستشفيات من أعمال البلطجة.
وقال الدكتور شعبان رشوان، منسق اللجنة العليا لإضراب أطباء مصر، "إننا ذاهبون إلى مجلس الوزراء علشان نطلع لساننا للمسئولين ونغيظهم لأنهم لم يستجيبوا لمطالب أحد، وإذا سمعوا لا يستجيبوا وإذا استجابوا يستجيبون للفتات من المطالب"، مشيرا إلى أن نقص موارد الحكومة تسبب فيه مؤامرات أعداء الثورة، لافتا إلى ضرورة تطهير وزارة الصحة من رموز الفساد".
وأشارت الدكتور إيمان حماد، إلى اهتمام الحكومة بتأمين مباريات الدورى فى الوقت الذى تتجاهل فيه حماية المستشفيات من أعمال البلطجة، وتابعت قائلة، "إن أطباء مصر لا تضحك عليهم لافتة، إلا أن الحكومة تدفع الأطباء إلى العمل الخاص على حساب إهمال العمل فى الحكومة".
وأكدت الدكتور منى مينا، عضو اللجنة العليا للإضراب، خداع وزارة المالية للمواطنين على خلفية إعلان حد أدنى للأجور لن يمس أساسى أى درجة وظيفية، وإنما ستكون الزيادة فى الأجور المتغيرة، لافتة إلى أن صحة المواطن يجب أن تكون أحد أولويات حكومة الثورة، مطالبة بالتزام وزارة الصحة والحكومة باتفاقية "أبوجا" الموقعة عام 2001، والتى تقضى برفع ميانية الصحة إلى 15%.
وردد المتظاهرون فى المسيرة عدد من الهتافات، جاء فى مقدمتها "يسقط يسقط أشرف حاتم"، يسقط يسقط حمدى السيد"، "الإضراب هو سلاحنا.. ضد السلطة اللى بتدبحنا"، مطالبين أيضا بإقالة الدكتور عبد الحميد أباظة وسحر السنباطى واللواء أحمد فرج ومرتجى نجم والدكتور محمد هانى والدكتور عمرو قنديل.
ورفعوا لافتا "لا لنهب نصيب الصحة لصالح كبار مسئولى الفساد".. "إحنا مش عواطلية.. يا نقيب بدون شرعية".
Admin- Admin
- عدد المشاركات : 13407
البلد : هنـا .. في مكـاني
تاريخ التسجيل : 01/07/2010
المود : -
صفحة 3 من اصل 3 • 1, 2, 3
مواضيع مماثلة» توقف طباعة المصحف الشريف فى السعودية بسبب إضراب الموظفين
» متابعة الوضع في سوريا
» متابعة مظاهرات الغضب
» متابعة الوضع في ليبيا
» متابعة الإستفتاء على التعديلات الدستورية
» متابعة الوضع في سوريا
» متابعة مظاهرات الغضب
» متابعة الوضع في ليبيا
» متابعة الإستفتاء على التعديلات الدستورية
صفحة 3 من اصل 3
صلاحيات هذا المنتدى:
لاتستطيع الرد على المواضيع في هذا المنتدى