أدخل برجلك اليمين ... وعرفنا بيك هنا

من طرف Just a doctor السبت فبراير 26, 2011 2:13 pm

مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة»

أثار مقطع فيديو يظهر فيه اللواء مجدى أبوقمر، مدير أمن البحيرة، يلقى كلمة لعدد من ضباط المديرية، يوم ٦ فبراير الجارى، حالة من الجدل بين المواطنين، بعد تسريب الفيديو على الإنترنت، أمس الأول، بالتزامن مع حادثى اشتباك وإطلاق نار بين مواطنين وضباط شرطة فى محافظتى القاهرة والجيزة.
تبلغ مدة مقطع الفيديو ٣ دقائق و٢٢ ثانية، لكن المتداول منه على نحو واسع عبر موقع «فيس بوك» مدته دقيقة و٤٨ ثانية، ويظهر فيه اللواء «أبوقمر» وحوله عدد من قيادات ضباط المديرية فى ساحة بنك القاهرة بدمنهور وهو يقول: «إحنا موجودين ورجالة، وبندافع عن المواقع بتاعتنا صح، ومفيش أى (عـ..) يقدر يقرب منكم، وإحنا إيد واحدة، وعمالين يطلّعوا فى إشاعات إن مساعدين الوزير يروحوا المحاكمة.. أنا بقى أمشى؟.. الكلام ده كله كذب، والمقصود بيه يستولوا على البلد والسلطة، وأى شخص غلط لازم ييجى ويتعمل معاه إجراء قانونى.. واللى يمد إيده على سيده لازم ينضرب بـ(الجزمة)، بس وإحنا بنتعامل مع الناس يجب تكون المعاملة بأسلوب كويس، أما المنحرف فله معاملة خاصة، ولازم نقف إيد واحدة ولا نسمح بالكلام ده، شدوا حيلكم».

من جانبه، علق اللواء مجدى أبوقمر لـ«المصرى اليوم» على مقطع الفيديو قائلاً: «الكلام فى الفيديو واضح جداً، وكان يتعلق بالمنحرفين والخارجين على القانون، لكن تم قطع أجزاء منه بطريقة (لا تقربوا الصلاة)، والغرض من ذلك إثارة المواطنين ضد الشرطة، لأن الجزء الثانى المستقطع من الفيديو يحث أفراد الشرطة على حسن معاملة المواطنين، وعدم التعالى عليهم».

هحاول ادور عالفيديو مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة» 25851

من طرف Just a doctor السبت فبراير 26, 2011 2:19 pm

no comment

من طرف **Abotreka** السبت فبراير 26, 2011 2:21 pm

الراجل و هو بيتكلم ف الفيديو شكله سكران
ده قال ملافظ متتقالش

من طرف **abdoo** السبت فبراير 26, 2011 2:24 pm

مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة»

يا واد انت يا خطر Laughing

شوف دى..شوف دى..شوف شوف شوف: "الشرطة فى خدمة الشعب" :yahooo:

من طرف Just a doctor السبت فبراير 26, 2011 2:27 pm

الرأى والرأى الآخر
شوف نفس الراجل كلاكيت تانى مرة...كملوا للاخر

من طرف Just a doctor السبت فبراير 26, 2011 5:56 pm

وزير الداخلية يقيل مدير أمن البحيرة بعد ساعات من نشر فيديو «إحنا أسيادهم»

أصدر اللواء محمود وجدي، وزير الداخلية، السبت، قرارًا بإقالة اللواء مجدي أبو قمر، مدير أمن البحيرة، من منصبه، وعين مكانه اللواء محمد صلاح الدين زايد، اعتبارًا من الأحد.
وجاء قرار «وجدي» بعد نشر المصري اليوم، السبت، فيديو لمدير الأمن السابق يقول فيه لعدد من مساعديه: «إحنا أسياد الناس.. واللي يمد إيده على سيده يضرب بالجزمة».

من طرف **Abotreka** السبت فبراير 26, 2011 6:36 pm

لسه كنت داخل اقول كده مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة» 705252

من طرف Just a doctor السبت فبراير 26, 2011 6:59 pm

كدة أحسن يحشوا الفساد أول باول مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة» 25851

من طرف **7oda** السبت فبراير 26, 2011 7:46 pm

وانا كنت داخل اقول

كوبس والله

مين كان يصدق
ان الفيس يتحكم فى الحكومه Very Happy

من طرف **Abotreka** السبت فبراير 26, 2011 7:59 pm

و لا كل الوزارات عايزة تتقابل مع الشباب و مقترحاتها عن طريق الفيس بوك مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة» 632488

مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة» 632488

من طرف Just a doctor السبت فبراير 26, 2011 9:22 pm

صدقونى والله واحدة واحدة الأمر هيتظبط
هما أصلا خلاص اعترفوا بالفيس بوك واهميته وان الشباب اللى عليه دول مش بيلعبوا بدليل صفحة القوات المسلحة عالفيس

من طرف **Admin** الأحد فبراير 27, 2011 3:14 pm

قريت خبر علي لسان مدير الامن ده
انهم تعاملو مع الفيديو علي طريقة ’’ ولا تقربو الصلاة ’’
وانه كان يقصد بكلامه .. المجرمين و اللي زيهم

Very Happy

من طرف Just a doctor الأحد فبراير 27, 2011 3:16 pm

إسمع الفيديو ...فوق أهو
هو فى النص الاول كان بالظبط بيقول الناس عرفت قيمتنا لما سيبناهم عشان احنا اسيادهم ومفيش جزمة يتعدى على سيده
وبعدين فى النص التانى بيحث الظباط بتوعه على حسن التعامل مع المواطنين
تحس انه إنسان سايكو
عموما هو اكيد اتشال عشان موضوع اسياد وعبيد ده اصله حتى لو قصده مجرمين بردو ميديلوش الحق

من طرف **abdoo** الأحد فبراير 27, 2011 3:40 pm

اتصل امبارح بمعتز الدمرداش-اعتقد على المحور- وقال انه كان بيحفز العساكر بتوعه بس..
معتز سأله: يعنى انت مش ندمان؟؟ قال : لأ أبدا

من طرف **Abotreka** الأحد فبراير 27, 2011 5:00 pm

غير كده قاعد بيشتم بالفاظ زبالة اساسا

من طرف Just a doctor الأحد فبراير 27, 2011 10:28 pm

ماهو أكيد اتشال عشان الألفاظ الزبالة دى لأنه مسئول والمفروض ميقولش حاجة من دى مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة» 137415

مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة» 137415