كل اللي عايز تعرفه عن سنة تالتة

في أي استفسار في المادة اللي مش بطيق أقول اسمها دي

مشكور على المجهود

العفو يا د حسام

Dr.7ossam Rashwan كتب:مشكور على المجهود

منور ياسيدى

و أنا يعني مش منور

انا قريت الميكرو اللي فوق.تسلم ايدك بجد

هبقي اكمل باقي المواد عشان عاوز استفسر علي حاجات كتيرة

اسأل أنا معاك لحد متزهق من السؤال

في أي أسئلة يا ردالة

كدا انت خلصت الاربعه ؟؟

لسه البارا

بتاعت الدبان والنموس دى

و البراغيث كمان
و كلها تحاليل stool

طب كمل

فين بقيت المواد انا قريت ده بس

بقية الصفحات هتلاقي فيها كل حاجة
و أي استفسار اسأل براحتك

بعد الاطلاع علي ال3 مواد ظهرت التساؤلات التالية
استحملنا بقي يا تريكة
1.
بالنسبة للدروس انا كنت ناوي اخد ف ماده واحده بس و كنت محتار بين الفارما و الميكرو و انت دلوقتي بتقول ان الباثولوجي غلس.

الفارما لو بتتفهم بسهولة زي الفسيولوجي ممكن محتجش فيها درس و احضر محاضرات و اسمع تسجيلات و كمان انت بتقول انهم بيلغو كتير من المنهج ف الاخر.

الميكرو ده شكلو كده زي الهستولوجي لا بيتفهم و لا بيتحفظ.و كمان 200 درجة بس....مهم اخد درس فيه ؟


اتبقي الباثولوجي........ايه رايك اخد درس ف المادة دي بس ؟


2.

بالنسبة لطرق لمذاكرة
انا متعود اذاكر من كتب القسم عشان بيقي فيها كل حاجة و الامتحان مش بيطلع منها.و مبحبش ورق الدروس بحس انه مختصر و سايب حاجات ف المنهج........فبريح ضميري و اذاكر من الكتاب مع اني مش بلحق اخلصه كما يجب.

بس انت بتقول ان الكتب ف 3 مش حلوة.يعنمي اتوكل علي الله و اذكر من ورق الدروس؟


هيا التسجيلات بتغني بنسبة كام ف % عن حضور الدروس يا تريكة؟

المحاضرات و الانتظام ف الكلية مهمين؟

لو كنت جبت امتياز ف تانية و عاوز تجيب امتياز ف تالتة هتبذل ضعف المجهود و لا اكتر؟

بس لحد دلوقتي

1-بص ي سيدي
أو بلاش سيدي خليها فلوبي

الفارما ممكن تفهمها من المحاضرات أو تسجيلات
و حتى العملي بتاعها ممكن تخد حصص د علاء فيه او ممكن متخدش حتى و تقرا الورق فمش فارقة جامد

البكتريا كلها محصلة بعضها
ممكن تقضيها سماع برضه

فخد ف الباثو و اتكل
لانه كبير و العملي بتاعه مش بيتقضى مع الكلية و حرام تدفعله فلوس لوحده خارج الكورس
مش فارقة جامد يعين


الفارما هي بدايتها فهم لكن في الآخر هتحفظ برضه ....أسماء الأدوية و خلافه و أعراضها الجانبية و الاستخدامات ....
مش كلها فهم يعني
بس هي غلسة يعني و لا معقدة

فلو ف ماة وحدة خليها باثو

البكتريا ...عرفت تسمع التسجيلات خير و بركة ..و خدلك قبل حصص العملي مراجعة مع د ايبمن او علاء الل يريحك يعني


2-في تالتة انت هتلاقيك تلقائيا بترمي كتاب القسم ...
كتاب القسم في تالتة = الدروس لا أكثر و لا أقل
اللهم إلا في الميكرو
ف تالتة كمان اتبع مثل ....عصفور في اليد خير من 10 عالشجرة
و الطمع قل ما جمع و
اديني اللي يعديني
مبشرة بالخير الأمثال دي صح ؟


التسجيلات بتغني بنسبة كم ف المية دي ترجعلك ...أنا عن نفسي مقضتهاش تسجيلات أوي غير يمكن ف البارا ف الترم التاني لما د أيمن بطل عشان الدكتوراة و مكنتش بحب د خالد الصراحة ...
و العملية كانت ماشية بس برضه أنا عن نفسي مش بحب اسمع الدرس مش متعود عليها اوي ..ز
اذا كنت سمعت ف البارا لان الترم التاني كان كله 6 اوو 7 حصص
و برضه مكنتش بفهم للدرجة
فدي بترجع للتعود و كمان أنا من النوع اللي من عيوبي مش بقدر أقعد ربع ساعة على الجهاز من غير معمل حاجة
يدخل عالنت يعمل داونلود ..فده برضه كان بيخليني مش مركز اوي و الدرس الل مدته ساعه بيخد معايا سعتين

هي مش بطالة خصوصا ف البارا
و الحاجات اللي مفيهاش رسم كتير زي البكتريا و ممكن الباثو
و البارا
الفارما ممكن فيها شوية رسومات بسيطة ...محتاجة تفهمها و تشوفها بتسهل عملية الحفظ شوية
خصوصا ف الجنرال
حتى لو الرسومات موجودة ف ورق د علاء لكن برضه لما تبص عالسبورة غير لما تبص عالكتاب و لا الورق
بس طبعا مش هقولك بتستفاد من الدرس لما تسمعه زي متحضره
يعني لو فرضنا انك بتخرج من الدرس بنسبة 100%
ممكن الدرس لما تسمعه يبقى 80 %

بص كليتنا امشي عالقاعدة دي
يا شكاشن و دروس
يا محاضرات و دروس

التلاتة صعب جدا
و هتشتت نفسك لانهم مش هيكونوا منتظمين مع بعض أبدا


هو انت باين من اسمك انك متميز و بتجيب امتيازات
هو مجهودك هيتضاعف طبعا و هيتحرق دمك كتير و هتبقى ضد الصدمات
و دي من أهم فوائد سنة تالتة بتعلم الصبر

متشكر جدا يا تريكة


خلاص هاخد ف الباثولوجي ان شاء الله و احاول اسمع تسجيلات ف الباقي. هحاول انتظم ف الكلية كمان

هو انت باين من اسمك انك متميز و بتجيب امتيازات

لأ ده تشابه اسماء بس.أنا بقول لوووو

يعني دلوقتي بس عشان نرتيب الافكار

هاخد درس باثولوجي عند د.جمال
و اذاكر بارا من ورق د.يمن
و اذاكر بكتريا من ورق د.علاء
و اذاكر فارما من ورق د.علاء 2
و اسمع تسجيلات

تمام يا فندم ؟

.

اذاكر معااااااااااااكوا (بصوت كركر )أ....

motamiez كتب:متشكر جدا يا تريكة


خلاص هاخد ف الباثولوجي ان شاء الله و احاول اسمع تسجيلات ف الباقي. هحاول انتظم ف الكلية كمان

هو انت باين من اسمك انك متميز و بتجيب امتيازات

لأ ده تشابه اسماء بس.أنا بقول لوووو

يعني دلوقتي بس عشان نرتيب الافكار

هاخد درس باثولوجي عند د.جمال
و اذاكر بارا من ورق د.يمن
و اذاكر بكتريا من ورق د.علاء
و اذاكر فارما من ورق د.علاء 2
و اسمع تسجيلات

تمام يا فندم ؟

.

البكتريا ..قلتلك دي مسألة نسبيا ..في الجنرال مفيش فرق جامد ...هتحس الفرق ف الستمك و الفيروولوجي
فشوف اللي يريحك
الباثو و الفارما تمام
البارا ..مش فارقة ذاكرت من أنهي ورق فيهم
و استنى لأنها هتنزل بعد 10 دقايق كده
كل الل عايز تعرفه عنها

تمام كده اطمنت علي مستقبلي.......

بعد ما وجعت دماغكو بالتلات مواد الل فاتت و التفاصيل اللي فيها
نيجي بقى على أسهل مادة الل تعتبر فاكهة سنة تالتة
هنتكلم عن البارا أو بمعنى أصح علم الطفيليات
هتدرسوا فيها شوية طفيليات من حشرات و ديدان و شوية الكائنات الدقيقة دي اللي بتأذي الإنسان
نقول بسم الله و نبتدي
أولا:رئيس القسم
د/شاهيناز فيروز شاه عبدالله الشناوي
دكتورة بجد طيبة جدا و لذيذة و محترمة جدا تحس انها نسخة من دكتورة سمية في حيث إنك تحس إنها أمك التانية
يرب تكون هي اللي لسه ماسكة القسم

ثانيا:مصادر الدح
عندكو كتاب القسم أو ورق د أيمن أو ورق د خالد
نتكلم بس بسرعة عن كتاب القسم
هو مش كتاب واحد ...هما كتابين للنظري +كتاب عملي+كتاب ام سي كيو و كيسس و صح و غلط و تجميعات+
Notebook
المجموعة على بعضها ب 150 جنيه
السنة اللي فاتت كانوا بيسمحوا إنك ممكن تشتري كتاب العملي لوحده بالنوت بوك و كتاب ال ام سي كيو ب 80 جنيه فقط لا غير
بسيطة خالص
طبعا لانه كتاب قسم ولازم التمن يتوزع عالكل فلازم يغلوا التمن
معرفش السنة دي هيسمحوا انك تشتري كل حاجة لوحدها ولا لا
للاسف كتاب العملي لازم تشتريه
لان بيبقى فيه اسئلة لازم تجاوبها و رسومات لازم ترسمها و كمان النوت بوك بيكتبلك فيها غيابك
فلازم تجيبهم
كتاب النظري مش مهم خالص


بداية مفيش فرق بين التلات مصادر في الكلام اللي مبينهم
الفرق كالتالي...
ورق د أيمن أو د خالد بيكتب ساعات كلام بالعربي يشرح نقط مش واضحة
او جملة تفكرك بحاجة ....أو يكتبلك مهم جدا أو يكتبلك ده سؤال ام سي كيو و ده سؤال ايسي و كمان مكتوب بخط كبير عن الكتاب شوية و سايب مسافات بين الكلام و بيكتب كل شوية تجميعات في النص و remember
...ده اللي يفرق الكتاب عن الورق لا أكثر ولا أقل
طب إيه اللي يفرق ورق د أيمن عن ورق د خالد؟؟؟
تقريبا بجد مفيش أي فرق لكن ممكن يكون الفرق في عدد الصفحات يعني ممكن يكون فصل معين 60 ورقة عند أيمن تلاقيه 65 او 70 عند د خالد
عشان أحيانا د خالد بيكتب كلام أكتر في التجميعات و كل شوية يكتب ريممبر (remeber(
لكن الاتنين نفس الكلام بالمللي لانهم ناقلين كتاب القسم بالنص من غير أي تلخيص
انت ممكن تتخض لما تسمع ان مثلا كل شبتر ف البارا 60 صفحة ف الورق لكن في الآخر اللي بيتذاكر منهم مبيعديش 30 او 40 بكتيره و ده بسبب ان في حاجات في النص بتتطنش و مش بتيجي في امتحان بس لازم يكونوا كتبينها عشان يبقوا زي كتاب القسم
في الآخر بجد صعب أفضل في الورق ورق حد معين فيهم و الا هبقى بضحك عليكو لكن هو مسألة راحة نفسية و طبيعي برضه ان اللي بيخد مع د أيمن هيذاكر من ورقه و اللي بيخد مع د خالد هيذاكر من ورقه




ثالثا:المحاضرات
هما محاضرتين في الأسبوع
طبعا المحاضرات في البارا زي قلتها و مضيعة وقت عالفاضي لأنك هتخرج مش فاهم حاجة ....
يتهيألي قليل الل مميز في المحاضرات ..طبعا د خالد بيدخل بعض المحاضرات
و في كمان دكتور رائع اسمه د خليفة
و عندكو د هبة عبدالعاطي بتشرح حلو برضه هي وواحدة اسمها د هالة
الباقي معرفهمش اوي
ده البارا لو الواحد قراها أو سمع درس و لله الحمد و المنه الدروس بتاعة البارا متسجلة بأعلى جودة صوت ..فالمحاضرات فككوا منها
و متستغربوش لو لقيتوا واحد في المحاضرات داخل يعمل إعلان عن كتاب ليه أو ما شابه أو لو واحد قاعد بيقولكوا تجميعات لحاجات انتم مخدتوهاش
احنا دخلنا الساعة الل فاتت دكتور قالنا الديدان اللي بيتنقلوا بال أوتو إنفكشن هما كذا و كذا .....
احنا لسه كنا بنخد أول واحدة فيهم و قعد يقولنا الباقي كإن إحنا خدناهم و عرفناهم
لكن أقولكو برضه حاجة حلوة
القسم كل مبيخلص شبتر بيعمل محاضرة مراجعة للشبتر بيدخل د خالد فيها يراجعها تاني بسرعة

ابتسموا ...أنتم في طب عين شمس


رابعا :البرانشات
البارا عبارة عن تلات برانشات
1-helminthes الديدان
2-protozoa وحيدات الخلية
3-arthropods الحشرات
هتدرسوا أول شبتر ف الترم الأولاني اللي هو ال helminthes
و يمكن تدرسوا شوية بروتوزوا لكن مبيدخلوش معاكو ف امتحان نص السنة غالبا
أول فصل الل هو ال helminthes
بيتقسم لتلات برانشات صغيرين
1-trematodes الديدان المفلطحة(زي الفاشيولا و البلهارسيا أشهرهم )
2-cestodes الديدان الأسطوانية
3-nematodes الديدان الشريطية(زي دودة الأسكارس و الأنكلستوما و الدودة الدبوسية ...تقريبا دول أشهرهم)

البروتوزوا بتدرسوا فيها حاجات برضه لذيذة زي الأميبا و الملاريا و اللشمانيا و التريبانوسوما

الحشرات مش بتدرسوا فيها كل الحشرات و لا تركيبها لأن ده شغلانة كلية علوم ..إنما بتدرسوا اسم الحشرة و أهميتها الطبية
بتدرسوا مثلا البعوضة الل بتنقل مرض الملاريا و حاجات زي كده
و الفصل ده أكتر من نصه بيتلغي أساسا هو في أي ورق بيوصل في حدود 110 صفحة لكن فعلا الل بيتذاكر منه ميعديش 40 صفحة

نظام المذاكرة
البارا تختلف عن بقية المواد في أهمية إنك تذاكرها بالعرض ...يعني بنظام التجميعات ...يعني مثلا ايه الديدان اللي بتصيب الانسان من الحمة بتاعة الخنزير أو إيه الل بتتقل بالأوتو انفكشن حاجات زي كده
معرفش الصراحة كتاب القسم فيه التجميعات دي و لا لا ...لكن في ورق د أيمن و د خالد فيه تجميعات
بس أحيانا د أيمن مش بيكون كاتب التجميعات و إنما بيمليها في الحصة
عكس د خالد اللي كتبها ..عالأقل في ورق الترم الأول الل أنا شفته و أعرفه
المصدر التالت اللي كتبها ...هو كتاب ال ام سي كيو بتاع القسم
كتبها في آخر الكتاب خالص
بس التجميعات بتاعة الكتاب أكتر شوية من الورق و أحيانا بيتسأل فيها كتير في الشفوي و التحريري و مهمة برضه في ال ام سي كيو
حلاوة التجميعات لما تبقى في الورق إنها بتبقى قدامك و انت بتذاكر أي درس و كل شوية هتبص عليها غير كتاب القسم الل كتبها في حتة و الشرح في حتة

رابعا:العملي
عملي البارا مضمون بإذن الله
العملي عبارة عن شرايح بتشوفوها كل سكشن
و في الأخر امتحان العملي بيبقى من 20
15 شريحة و شوية حاجات كده ب 5 درجات هتعرفوها ف وقتها ..رخامتها في إنك لازم تكون مذاكر شوية حاجات من النظري
الشرايح مشكلتها انها كتير تعدي 100 او 120 شريحة
كتير منهم بيتلغي في آخر السنة
نصيحة ابقوا بصوا بس عالشرايح كده و خلاص لانكو مش هتقدروا تحفظوها
فسواء بصيت او مبصتش مش فارقة خالص
بس بص برضه عشان تتعود تضبط الاين ادجستمنت خاصة في البروتوزوا لانها رخمة شوية
لانكو هتنسوها تاني لان مبيبقاش في مراجعة للشرايح ف السكشن الل بعده زي الهستو لان عدد الميكروسكوبات محدودة جدا

بس برضه حلاوة شرايح البارا حاجة معينة انها مش بتتغير ...يعني مفيش نسخ من الشرايح زي الهستو و الباثو ..
الشريحة غالبا بيشتروها من بره بالشيء الفلاني و مفيش غير نسخة واحدة من الشريحة فانت بتحفظها كده لدرجة ان احنا بنعلم بعض الشرايح بنقول ان دي الشريحة الل فيها شرخ ....
فالمشكلة في حفظ الشرايح و ليس في تفرقة الشرايح لأنها مش بتلخبط نهائيا معدا بعض شرايح البروتوزوا

هتقولوا ايه الحل ؟
هقولكو القسم بيعمل في آخر السنة مراجعة ف 3 أسابيع
بيعمل مراجعة لشرايح كل شابتر في اسبوع يعني ال هلمنثز بيعملها اسبوع و هكذا ..بس للأسف مينفعش غير تحضر في غير معاد سكشنك
عشان الزحمة و لأن شرايح البارا كلها (don’t move)
و لو حاجة فيهم اتحركت بيبقى موال على ميضبطوها
بس للأسف المراجعة دي أحيانا مش بيكون فيها شرح من الدكاترة بيسيبوكوا بس تهيصوا مع نفسكوا عشان يخلوكوا تخدوا المراجعات اللي بفلوس
و دي بتبقى مراجعة في وقت امتحانات العملي تقريبا
و الدكاترة بيشرحولك اسكيمة تمشي عليها عشان تتعرف عالشرايح فبيسهلك الموضوع اوي
و غير كده كمان في اسطوانة للقسم فيها صور الشرايح طبق الأصل زي مبتشوفها تحت الميكروسكوب موجودة على النت ..و دي بتبقى الاسطوانة اللي بيتشرح منها في السكاشن و صورها هي هي اللي تحت الميكروسكوب بالضبط
فلو حتى انت فاهم الاسكيمة و مشفتش الشرايح تحت الميكروسكوب ف المراجعة سعتها مش مهمة خالص المراجعة لو انت عارف ازاي تعرف كل حاجة فيهم
أنا عارف إن عدد الشرايح بيبقى كتير أوي في الآخر د شاهيناز مشكورة بتنزل لكم ورقة فيها الشرايح المطلوبة منكم
و بجد خلوا آخر حاجة تفكروا فيها هو عملي البارا
و طبعا دكاترة الدروس بيعملوا مراجعة للعملي و بيجيبوا برضه شرايح لكن مش بتبقى بنفس حلاوة بتاعة الكلية حتى لو احسن منهم بس مش هيجيلك غير بتاعة الكلية لدرجة ان د خالد بنفسه بتاع الدروس هو الل كان بيقولنا احضروا بتاعة الكلية

كتاب العملي بقى بيبقى مطلوب منك شوية أسئلة تحلهم و صور تلزقهم (بعض الدكاترة بيشد في موضوع الصور و البعض بيسيب ) و في شوية رسومات هترسمها بسيطة خالص كله بالقلم بالرصاص ....وداعا للهستولوجي نهائيا

خامسا:الدروس
اللي بيدي دروس هما 3
د أيمن نبيل
و د خالد و د أيمن الأشقر و ده لسه جديد

نبتدي نتكلم عن واحد واحد

د/أيمن نبيل



الاسم الكامل:أيمن نبيل إبراهين الخضري
تاريخ الميلاد:26/1/1974
نوع السيارة:تويوتا
العنوان:210 شارع جسر السويس بجوار فندق السلام
رقم الموبايل :0105189049

بجد د أيمن شخصية لذيذة و طيبة جدا و ممتاز أوي في الشرح و عايزك تفهم مش تحفظ و خلاص ..و تحس إن هو أخوك
هو لسه باديء يدي من 3 سنين أو 4 تقريبا و خد الدكتوراة السنة اللي فاتت و بنكلمه عادي عالفيس و يدردش معانا و ولاده أنا عامهم أد عندي أنا شخصيا
و ولاده عسل خالص ربنا يخليهمله
ده لنك البروفايل بتاعه عالفيس بوك
[ندعوك للتسجيل في المنتدى أو التعريف بنفسك لمعاينة هذا الرابط]
زي متكلمت عن الورق تقريبا مفيش فرق غير في موضوع التجميعات و أنا لاحظتها ف أول كم ورقة من الترم الاول ممكن الباقي يكون مكتوب فيه التجميعات فمقدرش أفتي ..لكن ورق الترم التاني التجميعات مكتوبة فيه زي الفل
د أيمن بيدي ب 300 ف الترم سواء ف مدينة نصر او في الصفوة
و حصة المراجعة ب 30 ف الصفوة و 40 ف مدينة نصر
في الشرح هو بجد أحسن بكتير من د خالد و مش بيسيب فسفوسة غير لما يفهمهالك
و كمان لو عالعدد فالعدد عنده اكتر بكتير من د خالد او د ايمن التاني
هتسألوني ايه هي حصة المراجعة هقول بكل بساطة ان انت عندك 3 امتحانات ف الترم الاول و امتحانين ف الترم التاني
ف الترم الاول عندك على كل برانش من برانشات من برانشات ال هلمنثز امتحان
بمعدل كل شهر امتحان
فاللي مش بيخد درس ..ممكن يحضر الحصة في الصفوة و الدكتور مش بيراجع ...لا ده بيشرح من الاول كأنك و لا سمعت بارا في حياتك لأنه بيكون عارف ان كتير من الناس بتعمل كده و بيني و بينكو هي أوفر في التمن كتييييييييير
هو بيعمل 4 حصص ترم اول
حصتين على اول شابترين و حصتين على آخر شبتر عشان كبير شوية
و ممكن 3 او 4 حصص الترم التاني تغنيك عن المحاضرات لو مش هتحضر او لو مش هتخد كورس..بس طبعا لما تكون بتسمع الحصة كمراجعة غير لما تكون بتسمعها لاول مرة
تقريبا كل اللي بيدوا بارا بيعملوا نفس النظام سواء د خالد او د أيمن الأشقر
و الدكاترة عارفين نظام امتحان البارا في انه بييجي سؤالين interpret
و 3 ام سي كيو أو صح و غلط
فبيوزعوا ورق بالانتربريت ده و الرسومات اللي ممكن تيجي ف الامتحان و الورق بيبقى موجود ف اوسكار او ف السناتر خاصة الصفوة
و صعب الامتحان يخرج عن ورقهم كلهم ...لانهم بيبقوا مستوفيين كل المنهج
د أيمن ميزته أو عيبه زي متصنفوها بقى انه مش مألف من دماغه أسئلة و مجاو ب عليها
لا
ده مجاوب أسئلة الا نتربريت (علل يعني أو اذكر اسبب) اللي موجودة ف كتاب ال ام سي كيو بتاع القسم


د خالد

الاسم بالكامل :خالد سيد محمد حبيب
تاريخ الميلاد:13/1/1954
رقم الموبايل:0117343125
لنك الوول بتاعه : [ندعوك للتسجيل في المنتدى أو التعريف بنفسك لمعاينة هذا الرابط]
دكتور كبير و واضح إنه اكبر من د أيمن ب 20 سنة تقريبا و 13 يوم
دكتور ليه برضه طريقته المميزة في الشرح و ليه معجبينه فإنه بيحفظ ببعض التحشيشات و التشبيهات
لكن كشرح هو مش زي د ايمن و مش بيحب يتعب نفسه أوي و لا يبذل مجهود زي د أيمن
كان السنة اللي فاتت بيدي مجموعات مراجعة مجانية اللي هي بتاعة كل شهر في سنتر القوادرية في الترم الأول لان د أيمن كان بيدي في نفس الوقت معاه فعشان يلاقي حد يشرحله عملها مجاني ..طبعا ممكن يكون قاصد بيها وجه الله الله أعلم بالنية طبعا ..لكن أنا بتكلم عن اللي ظهر ليا
المهم في الترم التاني لما د ايمن كان بطل عشان بيحضر الدكتوراه ...راح لغى الحصص المجانية و كمان المفروض ان حصة المراجعة ب 30
هو المفروض في حصص الشرح العادي كان بيشرح البروتوزوا ف 4 حصص و يعيدها في حصتين مراجعة يعني يشرح ف الحصة الواحدة المراجعة ما يعادل حصتين عاديتيتن ...فراح عمل حصة المراجعة ب 60 عشان يساوي اللي حضر باللي محضرش
بس لو د أيمن كان بيدي ممكن تحضروا مجاني في القوادرية لو لسه د خالد بيدي مجاني ..تدفعوا تمن السنتر فقط
و ساعات بيعمل مراجعات بفلوس في الكلية برضه

د أيمن الأشقر
تقريبا لسه باديء السنة اللي فاتت بيدي في سنتر جوبيتر
ساعات بينزل ورق للعملي حلو جدا و ورق مراجعة بس صراحة أنا مكنتش بفهم من شرحه في السكشن بتاعنا ....و مجربتش شرحه في الدرس عشان أحكم عليه






سادسا:توزيع الدرجات
بتتغير من سنة للتانية
بس غالبا كالآتي هي من 150 يعني أقل مادة ف تالتة من حيث الدرجات
75 على امتحان آخر السنة (15 درجة ام سي كيو على 30 سؤال +60 شورت ايسي)
15 شفوي
20 عملي
10 عالكتاب بتاع العملي
15 نص السنة
تقريبا 5 على بحث بتعملوه
10 على امتحانات السكاشن



نصيحة ..بلاش تهملوا البارا و الا هتتكوم على دماغكو
ذاكروها إن شاء الله لو حتى قراية جرايد أو حتى ساعتين ف الاسبوع

جزاك الله كل خير بجد مجهود رائع

تعديل بسيط
الكتب بقت ب 160 بدل من 150
الفارما زي مهي
الباثولوجي 175 ...دي المجموعة كلها معرفش ممكن تشتري كل حاجة لوحدها و لا لا
البكتريا معرفش

Abotreka كتب:تعديل بسيط
الكتب بقت ب 160 بدل من 150
الفارما زي مهي
الباثولوجي 175 ...دي المجموعة كلها معرفش ممكن تشتري كل حاجة لوحدها و لا لا
البكتريا معرفش

ايه الهدف ان احنا اجبارى لازم نشترى الكتب دى