كل اللي عايز تعرفه عن سنة تالتة

بسم الله الرحمن الرحيم



السلام عليكم يا شباب



بداية أحب أقولكو ربنا معاكو السنة الجاية
لأنكم هتعانوا كتيييييييييييييييييييييييير



بس بجد عايز أقولكو حاجة



سنة تالتة بتفرق ف ترتيب أي واحد لأن في كتير
بيقل فيها و في كتير بيشد حيله وبيزيد



و كتيييييييييييييير جدا بيتظلموا في التصحيح
و أولهم أنا




عايز بس أقولكو سنة تالتة مش مستحيلة و مش
صعب تجيبوا امتياز فيها



بس السهل فيها انك هتلاقي درجات بالهبل
بتطيييييييييييييييير منك




و عايز أقولكو إن سنة تالتة هي سنة الدروس



لأن فعلا المواد غلسة و لازم تفهم عالأقل
شوية عشان تعرف تصم



و هذا ما لا يحدث في المحاضرات



و كمان ف سنة تالتة المحاضرة مدتها ساعة مش
ساعة الا عشر دقايق



سنة تالتة من 950 درجة



300 فارما و 300 باثولوجي



و 200 بكتيريا أو ميكرو لو عايزين نتكلم صح



و 150 بارا







نبتدي نمسك مادة مادة



أولا الفارما



بجد هي ألذ مادة في سنة تالتة و المادة
الوحيدة الل هتفيدك من السنة المقرفة دي و تخليك دكتور و هي الل هتحتاجها ف مختلف
تخصصاتك



و الفارما من 30 سنة كانت فعلا بعبع تالتة



لان كان رئيس القسم ساعتها صعب جدا ف الشفوي
و كانت المادة كبيرة ف الحجم



3 اضعاف الوقت الحالي تقريبا



و كان تلتين الدفعة بيبقوا بيمتحنوا في الدور
التاني فيها



و ساعات كتير كانوا بيسقطوا لغاية ما رئيس
الجامعة او الوزير طلع قرار ان ممكن الواحد يعدي سنة تالتة بالفارما



ما علينا



رئيسة القسم د سمية مسعود



لو هي الل فضلت ماسكة فيا سعدكوا و يا هناكوا



بجد انسانة تحس انها أمك و حنينة جدا



و المفاجأة انها بتلغي تلت منهج الفارما
تقريبا ف آخر السنة



نبدأ نتكلم عن كذا حاجة



أولا:مصادر المذاكرة



1-كتاب القسم



2-ورق د/علاء



قبل ما نتكلم في أي حاجة



سنة تالتة ميزتها إن دكاترتها بجد عالم تقيلة
في المادة و فاهمة أوي



عكس بتوع تانية و اولى مع احترامي للكل



و كمان الأحلى إن مفيش حاجة اسمها ملزمة و
ملخص



كلهم تقريبا ناقلين كتاب القسم بالنص في جميع
المواد



و مفيش فرق إطلاقا تقريبا



يعني اللي يذاكر يذاكر و هو مطمن



الفرق في حاجة واحدة بين كتاب القسم في
الفارما و ورق د علاء



ان الورق مكتوب بخط الإيد و ممكن يبقى فيه
شوية رسومات تساعد على ما يسمى بالفوتو ميموري



يعني مثلا لو الدوا بيأثر على الكبد و الكلية



يرسملك مثلا صورة كبد و كلية



بدل ما تقعد تحفظ انه بيأثر عليهم ممكن تفتكر
بالرسومات



و كمان هو أكبرحجما من الكتاب لأن الصفحة في
كتاب القسم تعادل حوالي صفحتين او تلاتة من ورق د علاء



لكن في كتير بيحبوا يذاكروا من الكتاب برضه



و هو كتاب محترم ينفع يتذاكر منه عكس كتب
الفسيولوجي و البيو مثلا



الل تحس انك بتقرأ طلاسم فيها و رغي كتير
متفتكرش منه حاجة







عايز اقول برضه نقطة أنبه عليها



إنك غالبا هيبقى غصبن عن الل خلفوك لازم
تشتري الكتاب الل تمنه بسيط جدا



180 جنيه مصري فقط لا غير




و ده عيب سنة تالتة ان مفيش كتاب خاص بدكتور
يبقى تمنه معقول و إنما بيبقى اسمه كتاب القسم و لازم تمنه يتوزع على كل أعضاء
التدريس فبيغلوا التمن اوي في العلالي
و ده في جميع المواد




بس الميزة ان اسمه كتاب قسم يعني مش هيخرج
منه الامتحان







هما عبارة عن 3 كتب



2 نظري و واحد عملي



طبعا كلهم بيتباعوا مع بعض عشان يكسبوا تبع
نظام الجودة الرهيب للي ماشي في كليتنا



النظري طز فيهم لو بتذاكر من الورق العملي
بيبقى فيه ورق بتسلمه ف السكاشن و بيبقى عليه درجات كتير



و كمان بيبقى فيه الباسورد و اليوزر نيم بتوع
موقع الكلية



الل هما أكيد غير سنة تانية هتقولي لو عالورق
هنصوره زي مكتير بيعملوا هقولك قشط ة



لكن الباسورد غالبا قالوا انهم ممكن يعملوا
امتحانات من على أجهزة الكمبيوتر



ف الكلية



و طبعا مش هينفع تخد باسورد



زميلك و هنا تكمن المشكلة




لكن برضه زي ما القسم بيعمل كده



د/محمد عبدالباري راجل محترم لو حد ظروفه
متسمحش انه يجيب الكتاب ممكن يقوله انا عايز الباسورد



هيديهوله بإذن الله



و الورق الل بيتلم ف السكاشن ممكن تصوروه مش
قضية أوي




هتقولوا طب و هنذاكر العملي منين هقولكوا
محدش بيفتح كتاب العملي غير في السكشن



غير كده جميع الدفعة بتذاكر العملي من ورق د
علاء



لأن المعيدين اللي هيشرحوا ممكن متفهموش من
شرحهم و كمان الكتاب جايب المسائل و مش جايب عليها شرح







تقريبا كده وفينا نقطة مصادر المذاكرة



ثانيا:توزيع الدرجات



بتختلف من سنة لسنة و متشغلوش بالكو بيها اوي



للأنها بتطير في الهوا



غالبا على ما أعتقد كانت كالتالي



150 على امتحان آخر السنة



100 ام سي كيو +50 إيسي



75 عملي



30 امتحان midterm



30 امتحان نص السنة



عندكو 15 للشفوي



تقريبا بيخدوا فاكتور من كل حاجة في الآخر
عشان يسيبوا درجات للشفوي



15 على الغياب و الورق الل بيتوزع ف السكاشن
و الكلام ده



ده على حسب كلام د محمد عبدالباري في موقع
الكلية ردا على استفسار احد الطلبة



ثالثا:المحاضرات



عندكو 4 محاضرات فارما في الأسبوع او ممكن
تسموها 5 على أساس السكشن بيبقى محاضرة برضه



رابعا:الدروس



في تلاتة تقريبا هما الي بيدوا دروس في
الفارما



طبعا د/علاء أحسنهم بدون نقاش







دي صورته




أو



أو






ده لنك الوول بتاعه



[ندعوك للتسجيل في المنتدى أو التعريف بنفسك لمعاينة هذا الرابط]



و ادي الجروب



[ندعوك للتسجيل في المنتدى أو التعريف بنفسك لمعاينة هذا الرابط]



و ده جروب تاني



[ندعوك للتسجيل في المنتدى أو التعريف بنفسك لمعاينة هذا الرابط]



اشتركوا فيهم لأن ساعات الدكتور بيبعت فيهم
مواعيده لو غيرها او بيعمل ابلود لحاجات







التانيين واحد اسمه د/أسامة عباس و
د/محمد الشاعر



د علاء بجد شخصية لذيذة جدا و دمه خفيف و تحس
ان هو ابوك بجد



و بيقعد معانا عالفيس كتير جدا



و يعمل ابلود لصور ليه و يتطمن علينا و كل
الدفعة بتحبه تقريبا و تحب تخد صور معاه



دونا عن بقية الدكاترة



هو بيدي في السناتر الآتية



الصفوة و بيدي هناك معظم الدروس لأنها جنب
بيته



و بيدي في سنتر مكة و العين برضه



أحيانا بيدي مواعيد في القوادرية لكن مش كتير
قوي



هو بيدي ب 1400 ف الصفوة و 1800 لسناتر مدينة
نصر



عايز بس اقول حاجة



اللي بيستغلي التمن فأحب أقوله د علاء بيدي
70 حصة نظري تقريبا و ما يقرب من 12 عملي



و 6 او 7 مراجعات



بتوع تانية منهم اللي كان بيخد أكتر من التمن
ده و مش بيدي غير في سناتر مدينة نصر
الغالية نسبيا و مبيديش نص عدد الحصص دي



و منهم الل كان بيخد قريب من التمن ده برضه بعدد حصص أقل بكتير



مواعيد سنتر الصفوة



على حسب السنة الل فاتت



كان بيدي السبت و الاتنين و الأربعاء



من 3 ل 5 و من 5 ل 7



عشان الل عندهم سكشن من 12 ل 2 يحضروا الساعة
3 و الل عندهم سكشن من 2 ل 4 يحضروا الساعة 5



و مدينة نصر بيدي فيها الأحد و الثلاثاء و
الخميس



تقريبا في نفس المواعيد او يمكن ازيد معاد



كمان د/علاء مش بيدق أوي في الل مثلا مسجل ان
هو بيحضر في مدينة نصر و حضر في الصفوة لظروف ما



أو العكس



إلا طبعا لو العدد بقى أوفر



و طده بيحصل كتير جدا في الصفوة



بيبقى الواحد مش عارف يخد نفسه و بنقعد ف
الأوضة اللي فوق و العدد بيبقى في حدود 180 واحد فقط ف المرة



لان
الفارما مش بيديها غير شخص واحد عكس بقية المواد



د/محمد الشاعر و د/أسامة عباس مش مشهورين اوي



ممكن يكونوا اقل في التمن لكن صعب تلاقي
مواعيدهم متضبطة مع بقية الدكاترة



بسبب ان مثلا د علاء لو خلص 5 فالي خلصوا
بينزلوا يحضروا الباثو مع د جمال أو د عبدالعليم
أوممكن د حسام



اللي غالبا بيقوا كلهم منسقين مع بعض



و الحصص بتكون في نفس السنتر



أما د أسامة و الشاعر فبيدوا تقريبا في إيليت
و جوبيتر



اللي مش بيدي فيها أي حد من بتوع تالتة
الباقيين



و كمان صعب تلاقيهم فاهمين الفارما أوي زي د
علاء



لأنهم لسه دكاترة صغيرين



تقريبا كده خلصنا نقطة الدروس







رابعا:البرانشات



1-general



2-autonomic(cholinergic &
adrenergic)



3-renal



4-CVS



5-endocrine



6-blood



7-autacoids



8-chemotherapy(general & special)



9-respiration



10-GIT



11-NSAIDs



12-CNS







غالبا في الترم الأولاني هتخلصوا لغاية ال autacoids



و هو من اغلس البرانشات بجد



خامسا:العملي



هتسألوني و تقولوا انت قلتلنا كتاب العملي
بلوه و اشربوا ميته امال هنذاكر العملي منين



بصوا يا شباب



العملي هو عبارة عن نظري و مفيس اي عملي
بتعملوا بإيدك طول السنة زي الفسيو



اللهم إلا تشوف شرائح الباثو و البارا و كم
شريحة بكتيريا



الفارما عندكو العملي عبارة عن سكشنين سكشن
ثابت كل أسبوع



و سكشن أسبوع اه و أسبوع لا



الأولاني هتخدوا في أول سكشنين أو 3 أول 21
صفحة في الكتاب



عبارة عن بيقولك إزاي بيحضروا الدواء



و إيه ال routes
of adminstration



و طريقة
كتابة الروشتة و كلام نظري بحت



بعد كده برضه هيقلبوكوا في سكشنين و يدوكوا
أغلس حاجات في الفهم



و هي عبارة عن كيسس مثلا فار اديناله الدوا
رقم 1 فحصله tachycardia



واديناله بعد كده دوا رقم 2 حصله bradycardia



و بعد كده اديناله دواء 3 محصلوش حاجة



كيسس زي كده و دي الل بقول عليها ان حلولها
مش في الكتاب يا إما تفهمها من السكشن لو شرحوها بضمير و أشك في كده أو يا إما
عليك بورق د علاء و هو بينزل في أوسكار



و بعد
كده طول السنة هتخدوا تقريبا تلت منهج النظري في السكاشن



عشان بيحبوا يكبروا دماغهم في المحاضرات
فبيشرحوا حاجات من النظري كتيييييييير في السكاشن



و طبعا انت و حظك في الل بيديك في السكشن
لأنه مش بيتغير تقريبا طول السنة و يا إما يبقى شرحه كويس و زي الفل



أو يا إما مش ولابد و لازم تستحمل و تحضر لأن
الحضور غير إنه بدرجات ممكن لو عديت نسبة
الغياب المسموح بيها متدخلش الامتحان



و اللي عايز يحضر في سكشن غير سكشنه د علاء
كان بيدي سكشن الثلاثاء من الساعة 10 لي عايز يحضر ممكن يتغير معاده طبعا كل سنة و
ظروفها







السكشن التاني ده بتقعدوا فيه على جهاز
كمبيوتر و المفروض في تجارب بتعملوها زي اللي شفتوها في أولى لما جابوا حتة ileum



و حطوها و محلول و قعدوا مرة يحطوا ca



مرة atropine



و غيره



المفروض ان التجارب دي تتعمل في فئران و
نشوفها لكن نظرا لغلو الفئران فبيجيبوا برنامج على الكمبيوتر و يخلوكوا تعملوا
الكلام ده على جهاز و ترسموا كرفات في ورق و تسلموها و تخدوا درجات



و بتدخلوا على النت في آخر السنة و يخلوكوا
تشوفوا حالات فعلا مش ممكن الفارما لوحدها تقولك حل فيها



يعني كيس زي



واحد عنده 76 سنة و عنده سكر و ضغط و جاتله
جلطة قبل كده



فاحنا ممكن نديله ايه عشان نقلل حدوث جلطة
تانية



Heparin و لا aspirin و لا warfarin



فانتوا بتدخلوا على مواقع فيها حالات مشابهة
و يقولك مثلا المرضى الل خدوا الدوا الفلاني جابوا نتايج أحسن من الل خدوا الدوا
التاني



حاجات زي كده



ده كده بالنسبة للسكاشن







هتقولوا هنمتحن العملي ازاي ؟؟



السنة اللي فاتت كل الدفعة امتحنت يوم 25/5



ف قاعة الامتحانات و غيرها على دفعتين



يمكن السنة دي تمتحنوا على الكمبيوتر بالباسورد
عشان كده الكتاب مهم



رئيسىة القسم السنة اللي فاتت مشكورة دخلت 6
مواضيع



من النظري و حطتهم مع العملي بحيث منمتحنش
فيهم آخر السنة



و كان الامتحان عبارة عن 40 ام سي كيو عليهم
و على أول 21 صفحة في كتاب العملي و حاجات بسيطة على الكيسس



و دول كانوا ب 40 درجة



الباقي حاجات بقى زي اللي ف امتحان العملي
التجريبي اللي انا حطيته ليكو مع امتحانات سنة تالتة







و كانت ب 35 درجة



ملحوظة:امتحانات الفارما رخامتها في حاجة



شكلهم بيحبوا يوفروا ورق فبيجيوا نص الامتحان
وصل






في امتحان آخر السنة اللي دفعتنا نجحت في تقليبه كان الامتحان فيه 58
وصل من اصل 100 سؤال في 80 دقيقة






ومشكلة وصل ان الغلطة بتجر معاها وحدة تانية



و ده اللي بينرفز



و لازم تكون حافظ الكتاب بالنص



لأنه لو مثلا عندك 6 اختيارات A+B+C+D+E+F



ييجي مثلا في الاختيارات D+E+F



و يلخبطك يقولك



A+B



و لا A+C



و لا all of
the above



و ده اللي بيضيع ناس كتير



اولهم العبد لله








الشفوي عبارة عن لجنة واحدة من 15



كان من سنتين لجنتين ب 30 لكن عدلوها الحمد
لله







عايز بس أقولكو حاجة



ف آخر السنة تقريبا نص الترم الأول بيتلغي
+حاجات كتير من الترم التاني



يعني عندكو ف الترم الاول



General +most of autonomic and
endocrine



تقريبا كلهم بيتشالوا من امتحان آخر السنة
سواء ام سي كيو أو إيسي



+ال autacoids



بتتلغي كلها معدا صفحة واحدة هي الل
هتتطالبوا بيها



+اللي هيدخل من النظري في العملي



بس بلاش حد يعتمد على كده اوتقعدوا تنشروها
في الكلية او لرئيس القسم لأنه ممكن في الآخر ميلغيش حاجة لو شافوكوا معتمدين على
الحكاية دي








و كمان انتو ممكن تتسألوا فيهم في الشفوي بس
مش كتير



قليل اللي ممكن يسأل فيهم و ممكن قول للي
بيسألك ان الكلام ده اتلغى من عليك



الأول على دفعتنا في أولى عملها







تقريبا كده خلصت كل ما في جعبتي عن الفارما و
اللي حابب يسأل عن أي حاجة يسأل أنا تحت أمركم في أي وقت

تقريبا كلهم بيتشالوا من امتحان آخر السنة
سواء
ام سي كيو أو إيسي



+ال autacoids



بتتلغي
كلها معدا صفحة واحدة هي الل
هتتطالبوا بيها

امال هما بيقولو على تالته صعبه ليه بقى



جزاك الله خيرا يا تريكه

ده و هما بيلغوا و يريتنا فالحين
جتنا خيبة

ربنا يعيناعليها

يارب


تريكه
كنت عايز اسال على حاجه

افرض واحد مش عايز ياخد الاربع قرصات ايه القرصات اللى ليها الاولويه
انك تاخد فيها ؟؟

الف شكر يا ابو تريكة
بس ياريت تتكلم عن بقي المواد في اسرع وقت وبنفس الطريقة كده يا ريت و اسعار الدروس و المواعيد القديمة و جزاك الله خير

وربنا يستر علينا ولا ايه يا حودا

اه ربنا يستر

Dr.7oda كتب:يارب


تريكه
كنت عايز اسال على حاجه

افرض واحد مش عايز ياخد الاربع قرصات ايه القرصات اللى ليها الاولويه
انك تاخد فيها ؟؟

خد قرص سندوتش طعمية
إيه قرص دي ياض


بص يسيدي الفاضل
الباثولوجي و الفارما ليهم الأولوية طبعا

البكتريا و عرفت تتباعها مع المحاضرات قشطة أوي
معرفتش عندك تسجيلات د أيمن فيها موجودة بتاعة السنة اللي فاتت أو ممكن لو حد هيخد السنة دي عند د علاء و هيسجله و عرفت تسمعه يبقى احسن برضه

بس ضرري جدا و حتما و لا بد تخد في العملي بتاعها
بتبقى الحصة ب 30 تقريبا عند أي حد من الاتنين
سواء د علاء او ايمن
العملي عبارة عن حصة في الترم الأول
و 3 حصص ف الترم التاني
دول عشان امتحانات السكاشن

اما لمراجعة عملي آخر السنة د علاء كان عامل حصتين
دول بجد لازم تحضرهم ملهمش حل غير كده
صعب تفهم في السكشن
و كل العملي برضه متسجل يعني
متقلقش لو انت مش عايز توجع دماغك و تحضر
البارا
بص ي سيدي
الكورس بتاع البارا بتاع د أيمن ب 600 جنيه
300 ترم اول و 300 تاني
و هو بعد كل شابتر بيعمل حصة مراجعة
فبيبقى عندك 4 حصص ترم اول
و في 3 ترم تاني تقريبا
الحصة منهم ب 30 جنيه لو في الصفوة
و عندك 6 جنيه سنتر تقريبا في الحصة
يتهيالي أوفر من تمن الكورس
في المراجعة بيشرح من أول و جديد كأنك لسه أول مرة تحضر مش بيعتمد على إنك عارف
مش عايز تحضر مع د أيمن
في د خالد حبيب بيدي أحيانا
حصص مجانية في سنتر القوادرية
مش هتدع غير تمن السنتر بس سعتها
هو كان بيدي المراجعة مجاني لسبب
ان هو تقريبا معتقدش 20 في الدقعة على بعضها بيخد عنده
فبيدي المراجعة عشان يثبت لنفسه شهرة
و لما د أيمن بطل ف الترم التاني عشان كان بيحضر الدكتوراه
مبقاش يدي مجاني دي خالص
و الأعجب من كده إنه مرة السنة اللي فاتت كان عامل مراجعة للبروتوزوا هو كان بيدي فالترم التاني بالحصة مش بالكورس فكانت الحصىة ب30
فلما عمل مراجعة على البروتوزوا شرح في حصة المراجعة ما يعادل حصتين من الشرح العادي
فخلى الحصة ب 60
راجل ناصح
بس الصراجة شرحه مش و لا بد

طب اية نظام الباثولوجي يا تريكة ؟؟؟؟؟؟؟ و بذات الكوراسات و فين و بكام ؟؟؟؟؟؟

هقولك بس نبذة عن الباثو كتصبيرة
اللي بيدوا الباثو 3
د/جمال
و /محمود عبالعليم
و د/حسام

د/حسام بيدي في الصفوة و إيليت و جوبيتر
د/جمال و عبدالعليم
بيدوا في الصفوة و العين و مكة

نتكلم عن واحد واحد
د/جمال
أفضل واحد فيهم بيدي باثو بشهادة الجميع
فاهم حرف حرف في المادة
و مش بيكروت و صامم المنهج
وورقه كامل مفيهوش نقص
و كمان بيبقى في ورقه جداول في المقارنات بين أنواع التيومرز أو الحاجات اللي فيها مقارنة
ورقه كمان فيه أوراق ملونة بس دي بيخدها اللي بيحضر معاه فقط لأنه بيوزعها بنفسه في الحصة
و كمان ورقه أقل في الحجم من ورق د عبدالعليم مش عشان الكلام قليل
لا بالعكس الكلام بتاعه أكتر كمان من د عبدالعليم بس د جمال بيملى الصفحة كلام
عكس د عبدالعليم اللي كلامه قليل و ناقص كتير عن الكتاب

هتسألوني ليه متكلمتش عن كتاب القسم
هقولكو
اسمعوا برنامج الطبعة الأولى و انتو تعرفوا ليه
[ندعوك للتسجيل في المنتدى أو التعريف بنفسك لمعاينة هذا الرابط]

كتاب الباثو عبارة 530 صفحة تقريبا و مفيهمش غير يمكن صورتين او 3
و استحالة انسان بشري يدح منه
لانك عشان تحفظ لازم تتخيل و تشوف صورة للتيومر أو حاجة تساعدك عالتخيل
لكن ده أبيض يا ورد

د جمال مشكلة ورقه انه ممكن متلاقيهوش في أوسكار كامل لأنه بينزل الشابتر ناقص
4 او 5
ورقات
اللي هما بيكونوا ألوان و بيوزعهم في الحصة
انا السنة اللي فاتت نزلت الترم التاني كامل في المكتبة اللي جنب عم نور
معرفش هتبقى موجودة و لا لا لغاية دلوقتي
دجمال عامل زي د ايمن بيو مش بيسيب حرف الا ميشرحه
و كمان بيزع ورق ريممبر بعد كل شبتر فيه أهم النقط الل تركز عليها
و كمان بيبقى عارف الزيادات اللي اتقالت ف المحاضرات
و كمان
بيشرح بضمير
أوي
السنة اللي فاتت ادي مجموعة في الترم التاني شرح فيها العملي كله +الترم التاني كله +سمح للي بيخدوا فيها يحضروا المراجعات بتاعة الدروس
ببلاش يدوبك يفعوا 10 جنيه تمن السنتر

و كانت المجموعة ب 400 جنيه
د/جمال حلاوته انه بيشرح على السبورة و بيكتب و يرسم و كمان بيعمل مواعيد الصبح عشان منضيعش وقت بالليل
بيعمل من 10 ل 12 و من 12 ل 2 ف السنتر بتاعه
و مكانه قريب جدا من الكلية عشان الل عايز يحضر بتاعة 10 او خلص 12 او 2 و عايز يحضر سكشن
ف العمارة اللي فيها مطعم فلفلة
جنب المحكمة اللي هناك بالضبط
تقريببا مكانها ف منتصف الكوبري بتاع العباسية

التمن
بيدي ب 1300 ف الصفوة
و 1700 ف مدينة نصر
700 ترم أول و 700 تاني
900 ترم اول و 800 تاني لبتوع مدينة نصر

عكس د عبدالعيم اللي مش بيدي الصبح خالص
نظرا لانه ساكن في التجمع و راجل كبير في السن هيكمل 60 سنة السنة دي
يعني اكبر من د شادية رئيسة القسم

مبيديش غير بالليل و ده بيضيع وقت كتير لانك بتخد الباثو بعد الفارما اللي يا اما تخلص على 5 و نص و تبدا بعدها و تخلص على 8
او تخلص فارما 7 و تبدا بعدها و تخلص 9 او ازيد من كده
و على متروح بيتك فبيضيع وقت كتيييييييييييير
د جمال بيدي الصبح
في السنتر بتاعه اللي في العباسية ده
و كمان د جمال رغم انه اصغر من د عبدالعليم ب 13 سنة الا انه أقدم منه في الدروس لان د عبدالعليم مبتداش غير من 7 سنين لأنه كان في السعودية و أول مجيه قالك يدي
دروس


شوية بقى و أبقى اكلمكو عن الباقي

Merciiiiiiii awi awi awi awi ya tereka walahy ma3arf a2olak eeeeeeeeeh :D da enta ya ragl msa :D tnf3 tsht8l doctor :P
merci bgd

تسلم يدك يا تريكه

AShrOo2015 كتب:Merciiiiiiii awi awi awi awi ya tereka walahy ma3arf a2olak eeeeeeeeeh :D da enta ya ragl msa :D tnf3 tsht8l doctor :P
merci bgd

بجد أنفع ؟؟

دانتا الكبير يا كبير

teraka hwa kan bidy ayam eh w maw3eed eh bzabt dr. GAMAL plzzzzz

بعد مخلصنا الفارما نبتدي في الباثولوجي
و هو بجد أغلس مادة هو و البكتريا
لأنه كله عبارة عن صم و حفظ
و لأن العملي بتاعه رخم و لأنه كبير جدا في الحجم
رئيسة القسم د/شادية مبروك
دكتورة صعبة في التعامل نسبيا و عايزة الواحد حافظ المنهج زي اسمه
و ماشية بمبدأ الباثولوجي كله مهم
و مش بتضحك و صعبة في التعامل
للأسف الشديد

أولا:مصادر المذاكرة
الورق و لا شيء غير الورق
لأن زي محنقول الكتاب مش ولا بد ف المذاكرة
الورق عندك ورق د جمال و ورق د عبدالعليم دول اللي غالبا بيبقوا موجودين في أوسكار
ورق د حسام مش كتير بيذاكروا منه و معتقدش هتلاقيه في أوسكار
و هنقول إيه مميزات ورق كل واحد عن التاني
د جمال
ورقه كامل مفيهوش نقص إلا حاجت بسيطة جدا جدا
و كمان بيبقى في ورقه جداول في المقارنات بين أنواع التيومرز أو الحاجات اللي فيها مقارنة
ورقه كمان فيه أوراق ملونة بس دي بيخدها اللي بيحضر معاه فقط لأنه بيوزعها بنفسه في الحصة
و كمان ورقه أقل في الحجم من ورق د عبدالعليم مش عشان الكلام قليل
لا بالعكس الكلام بتاعه أكتر كمان من د عبدالعليم بس د جمال بيملى الصفحة كلام
عكس د عبدالعليم اللي كلامه قليل و ناقص كتير عن الكتاب

هتسألوني ليه متكلمتش عن كتاب القسم
هقولكو
اسمعوا برنامج الطبعة الأولى و انتو تعرفوا ليه
[ندعوك للتسجيل في المنتدى أو التعريف بنفسك لمعاينة هذا الرابط]

كتاب الباثو عبارة 530 صفحة تقريبا و مفيهمش غير يمكن صورتين او 3
و استحالة انسان بشري يدح منه
لانك عشان تحفظ لازم تتخيل و تشوف صورة للتيومر أو حاجة تساعدك عالتخيل
لكن كتاب القسم أبيض يا ورد

توزيع الدرجات
300 درجة
• 30 oral
• 30امتحان نص السنة
• 10 درجات على البحث
• 60 practical
•
o 30 microscopic slides
o 30 Jars
• 20 اعمال سنة في ال section
• 10 ترم اول
• 10 ترم تانى
• 150 امتحان اخر السنة

•
o general includes 8 chapters
1. Inflammation.
2. Healing & repair.
3. Bacterial infection.
4. Cell injury.
5. Granulomas
6. Parasitic diseases
7. Disturbances of Blood & body fluids
8. Disturbances of Growth & Neoplasm
•
o systemic includes :
1. CVS.
2. Respiratory system.
3. Renal system.
4. GIT.
5. Male genital system.
6. Female genital system.
7. Bone.
8. Endocrine system.
9. Blood.
10. lymphatic system.
11. CNS

ثانيا:العملي

بينقسم لجزئين
جارات و سلايدات
الجارات بيبقى فيه كتاب أطلس للجارات ب 50 جنيه بيبقى موجود فيه صور للجارات كلها أبيض و اسود و كل جار و مكتوب قصاده في الصفحة اللي جنبه الكومنت بتاعه
أو يا إما عندكم الورق
هتقولوا إيه فرق الورق عن الأطلس؟
1- هقولكوا الورق بيبقى مرسوم فيه الجار و ليس متصور
2-الورق بيبقى مكتوب فيه النقط اللي هتتكلم فيها عن الجار تحت بعض
لكن الأطلس بيبقى سايح على بعضه الكلام و جنب بعض و ليس تحت بعض
يعني ممكن الكومنت في الأطلس يبقى 3 سطور لكن في الورق يوصل ل 8 سطور
عشان تحت بعض

3-الورق حجمه أكبر طبعا
4-الورق بيبقى الجار جنبه الكومنت على طول
إنما الأطلس صور الجارات في صفحة و الكومنتات في الصفحة الل قصادها
و الورق هو هو نفس الكلام اللي في الاطلس بالضبط
5-الورق بيتهيألي يبقى فيه مساحة إنك ممكن تكتب حاجات تفكرك أو رسمة تساعدك حاجات زي كده
إنما الأطلس صعب شوية
6-الورق ارخص 40 جنيه من الاطلس اللي ملوش لزمة
الجارات انت هتشوفها طول السنة لغاية متزهق منها و كمان متصورة عالنت بالالوان يعني ملوش لزوم انك تشتري الأطلس

في مصدر آخر بس ده لما تكون مخلص مذاكرة الجارات و عايز تراجع
و هو ورق د/علا ندا
ده عبارة عن اسكيمة للجارات
يعني مثلا جارات ال cvs
عاملة اسكيمة ليها
لو لقيت قلب مفتوح يبقى كذا لو لقيته مقفول يبقى كذا
و راسمة رسمة مبسطة لكل جار
لكن مفيهاش كومنت
الأول هتخدوا الجارات تبع الجنرال يعني مثلا انتو اول حاجة في الجنرال درس ال inflammation
هتخدوا كل الجارات اللي ليها علاقة بال inflammation
في مختلف ال systems
يعني هتخدوا الجارات اللي فيها inflammation
تبع
Cvs +cns+respiratory ………………..etc
و بعد ما الجنرال يخلص بعد حوالي 3 شهور تبدأوا تخدوا ال cvs
ف الجارات هتلاقي منه حاجات خدتوها في ال general
مع بعض الزيادات و النظام ده برضه بيسري على السلايدات
و بعد متخلصوا خالص معمل الجارات بيفضل مفتوح لمدة اسبوع أو اكتر للي عايز يراجع
الجارات عددها بسيط يعني اكتر من 200
من غير مكرر
هتقولوا يعني ايه مكرر هقولك يعني الجار بيبقى فيه منه كذا نسخة لو مثلا inflammation in lung
بيبقى فيه منه 3 جارات واحد هو اللي بتشوفوه طول السنة و الباقي بيبقى محطوط في الدواليب لو انت عايز تشوفه في اي وقت من السنة و مش بيحصل لأن بيبقى كفاية عليك انك تعرف تحفظ الأساسي لما تحفظ المكرر و مش بينزل إلا في المراجعات للأسف الشديد
امتحانها بيبقى غالبا 7 جارات
3 عليهم 18 درجة بتكتب عليهم
Comment+diagnosis+specimen
اما ال 4 الباقيين بيبقى تكتب بس أساميهم و العينة متخدة منين

بالنسبة لسكشنا فاحنا من أول الترم التاني كان بيبقى فيه امتحان أسبوعي في الجارات على كل سستم خدتوه عشان تلحقوا تحفظوا الجارات و إلا هتتكوم فوق دماغكوا و مش هتعرفوا تحفظوها
و متفتكروش إن الجارات صعبة
لا دي أسهل من السلايدات بكتير لأن ليها اسكيمة بتمشي عليها و انت بتكتب الكومنت و كمان بيبقى سهل إنك تعرفها لأنها مش بتتغير
و ثابتة
عكس السلايدات
السلايدات هي رخمة إلى حد ما هي برضه بتتطلب ان الواحد يكون شاطر في الهستولوجي شوية
ف الشرايح
عددها ممكن يوصل لقريب من 50 أو 60
في جزء منهم ممكن يتلغي ف آخر السنة
إحنا السنة اللي فاتت اتلغى ييجي 7 شرايح من علينا تحت الميكروسكوب
انتو عندكو الشرايح نوعين
نوع هتمتحنوا فيه تحت الميكروسكوب و عمره مييجي غير تحت الميكروسكوب
و النوع التاني demonstration
يعني بييجي عال projector
و أي شريحة من اللي خدتوها تحت الميكروسكوب ممكن تمتحنوا فيها عالبروجكتور و في منها شرايح عمرها متيجي غير بروجكتور
و هتعرفوا الكلام ده كله سعتها
المشكلة في الشرايح انها مش زي بعض لأن ال organ مش بيبقى سليم اللي متخدة منه العينة
يعني التيومر مثلا ليه درجات انت مش مطلوب منك ك undergraduate
انك تفرقها تحت الميكروسكوب
لكن ممكن ييجلك تحت الشريحة تيومر مثلا grade 1 و ممكن يجيلك grade 2
و انت متكونش طول السنة شفت غير grade 1
فهي بتكون حاجات زي كده
السلايدات برضه مش مطلوب بس انك تعرفها زي الهستولوجي
لا مطلوب إنك تعرفها و تكتب عليها كومنت كمان
هتقولوا هنذاكر منين الكومنت ؟
في أطلس طبعا للقسم تمنه رخيص كالعادة 50 جنيه فقط لا غير
ممكن متجيبوش لو انت بتخد مع د جمال
لأنه بيطبع مذكرة بالألوان فيها نفس الكومنت
و ب 30 جنيه بس طبعا مش بيديها غير لل بيخدوا معاه
اللي مش بيخد معاه و حابب يصورها بالألوان هتقف عليه بتمن أغلى طبعا
من 50 جنيه ممكن لو عنده برنتر و سكانر تقف بتمن أقل شوية
كل ده لو عايز يصورها بالألوان لو عايز يصورها عادي مش هتكلف 4 جنيه على بعض
بس طبعا من غير الوان
مذكرة د عبدالعليم من غير ألوان
في تقريبا ورق ل د ريهام أبوزيد بألوان بيتباع في أوسكار ب 20 جنييه تقريبا
د /حسام معرفش نظامه إيه الصراحة

مذكرة د جمال تغني عن الأطلس
بس المشكلة في حاجة وحدة بسيطة جدا
أحيانا في الامتحانات بيجيبوا صور بالنص من كتاب القسم و حجتهم في كده انها في كتاب القسم حتى لو الصور مش واضحة للأسف الشديد
بس قليل لما يحصل
في برضه ورق ملون للدكتورة ريهام أبو زيد بس يتهيألي الكومنت مختصر شوية
الأطلس برضه عامل زي أطلس الجارات في حيث إن الكومنت سايح على بعضه و مش منظم
زي الورق
و نظام الدراسة في السلايدات نفس طريقة الجارات بحيث تبدأوا الجنرال و بعده السستمك
الشرايح بيبقى مسموح ليكو تأجروا علبة الشرايح ب 250 جنيه و بيترد ليكو منهم 200 جنيه لما تسلموها
الحد الأدنى في عدد اللي بياجر بيبقى 4 للعلبة
هتقولوا هنشوفها فين هقول اللي عايز يأجر ميكروسكوب من القسم ممكن يأجر
أو ممكن يشوف في العمل بفلوس طبعا
أو ممكن في وقت المراجعات أو وقت السكشن مجاني طبعا
ممكن انت و حظك تجرب تنزل معمل الهستو و تشوف فيه ف الخباثة
ممكن لو انت بتحضر مراجعات د جمال
أو د عبدالعليم
تشوف الشرايح هناك
ممكن برضه تأجر ميكروسكوب من أي محل أو تشتري
ليها كذا حل يعني

و حاولوا تدربوا عنيكو على أسوأ أنواع الشرايح
عشان الامتحان متضمنوش إيه اللي ييجي فيه
كل مرة بتبقى شرايح السكشن اللي قبله محطوطة و عندكو يمكن أربع نسخ لكل شريحة من السكشن الأساسي
مشكلة الشرايح انك لو معرفتهاش في الامتحان ممكن تنقص 6 درجات ف الشريحة الواحدة و دي مشكلة الشرايح
آخر حاجة في حاجة اسمها النوت بوك بيشتروها ب 5 جنيه من القسم
الله أعلم هيعملوا زي قسم الفارما و الأقسام التانية و يقولولكو تشتروا الأطلسين بتوع الجارات و السلايدات و النوت بوك ب 100 جنيه و لا لا
بالنسبة لدكاترة الدروس فهما بيدوا العملي في أجازة نص السنة
يعني مش هتتهنوا بيها
د جمال بيديه لوحده ب 400 للأسف الشديد
+70 جنيه سنتر في كل الحصص
عبارة عن 14 حصة
في نص السنة
ممكن تحضرهم في أول أو تاني أسبوع في الأجازة
بيبقى كل يوم من 8 الصبح بيشرح
حصة من 8 ل 10
بتبقى جارات غالبا
و بعد كده من 10 ل 12
سلايدات
و بعيد حصة 8 من 12 ل 2
و بيشرح الشرايح عالبروجكتور و بعد كده يسيبكوا تشوفوا الشرايح

الكلام ده كله في سنتر د جمال اللي ف العباسية
طب اللي مش عايز يحضر في نص السنة ؟
براحته
هو بيعيد الحصص تاني غالبا بيبقى يوم الجمعة من كل أسبوع من بداية الترم التاني
و بيبقى ليها إعادة كمان في يوم من ايام الأسبوع تقريبا
و كمان بيعيدها بعد ميكون خلص كورس النظري كله
و الاحسن طبعا تخدهم كلهم ورا بعض في نص السنة بدل متزنق نفسك و لأن كمان انت بتبقى في الكلية بتحضر و كانها مراجعة ليك سواء ف السلايدات أو الجارات
ميزة د جمال في الموضوع ده
1-السنتر جنب الكلية
2-إن اللي بيخدوا معاه الشرايح بتبقى موجودة طول السنة عالميكروسكوبات و بتتغير كل اسبوع
يعني لو انت بتخد معاه ممكن تشوفها في أي وقت طول السنة
3-بييجي معاك ممكن يوريك كل شريحة و يشرحلك اللي فيها
4-شرايحه حلوة
5-أيام مراجعات آخر السنة بيعمل مستويات للشرايح أصعبهم مستوى 1 و أسهلهم مستوى 5
عبارة إنه كل ساعة بيغير الشرايح و يحط شرايح صعبة شوية عشان عينك تخد على جميع المناظر بتاعة الشرايح و مش هتلاقي مستوى أصعب من 1
طبعا بلاش تفلحس و تروح تبص على مستوى 1 و انت مشفتش مستوى 5
لأنك هتتعقد و مش هتعرف حاجة
6-بيراجعلك على الجارات كأنك في متحف الكلية بيعرض صور للجارات اللي بتتعرض في السكاشن و كأن الجار قدامك
و بيعملهالك على هيئة باوربوينت فيه مثلا عدد معين في الجارات
و انت تكتب أساميهم
فبيخليك تحفظ الجارات
7-أطلس السلايدات ملون
8-السنتر قريب جدا من الكلية ميكملش 5 دقايق مشي

د عبدالعليم محضرتش العملي بتاعه بس هو بيشرحه تقريبا في سنتر القوادرية اللي ف العباسية
و كمان بيبقى غالبا أسبوع واحد في نص السنة
و الأطلس مش ملون طبعا
ممكن يكون ورق الجارات بتاعه منظم أكتر شوية
هو برضه بيعيد العملي في الآخر خالص في سنتر حسبو و ده ممكن مش كل الناس تحب تروحه عكس العباسية اللي كل الناس بتروحها
بس أسمع من اللي بيخدوا معاه إن الشرايح بتبقى مش ولابد قوي
يعني من الآخر د جمال أفضل بكتير من د عبدالعليم في العملي
د حسام معرفش نظامه قوي الصراحة
بس هو أساسا بتاع كلنكال باثولوجي مش الباثولوجي بتاعنا ده
كده تقريبا خلصنا كل حاجة عن العملي

الله عليك يابوتريكه تسلم رجليك

الواحد بقرا الحاجات دى بقى بعد رمضان عشان ميفطرش

منت فاطر دلوقتي

من هم لهم
يا قلبى لا تحزن
اتكتب عليا اكون دكتور
بودع كل حاجة فى حياتى
بدون دموع ........... بدون دموع


شكرا يا تريكة
وادعولى يا جماعة
شفت النهارده اللى محدش فى الدنيا كلها شافه

ثالثا:المحاضرات
عندكو 5 محاضرات في الأسبوع

رابعا:دكاترة الدروس
د/جمال أبو النجا :
العربية بتاعته :terios
رقم التليفون 0105135826
أفضل دكتور فعلا بيدي باثولوجي و هو فعلا فاهم بزيادة
في ناس ممكن متحبوش لأنه مش لذيذ و مادي شوية
و المساعد بتاعه عم سنوسي راجل رخم
ر
في معاملته للناس و مش بيدخل غير بكروت و اللي بيخد في الصفوة مثلا مش مسموح ليه إنه يحضر ف مدينة نصر إلا ميدفع 30 جنيه في الحصة
بس هو بجد شخصية محترمة زي د ايمن دايما بيسيب الدرس و يروح يصلي
و ساعات بيصلي إمام في السنتر بتاعه
اللي عايز بجد يفهم باثولوجي صح يخد عنده

د/محمود عبدالعليم
العربية:opel
دي صورة ليه
اللي لابس جاكت بني فاتح
ساعات ليه حاجات بتساعد في الحفظ يعني يجيلك على حاجة معينة و يقولك اكتب عليها لو نسيتها ابقى حمار
أو يحفظك بشتايم و جمل قبيحة و حاجات زي كده
و ممكن شوية شعر بسيط

صورته اهيه الراجل اللي لابس جاكت بني فاتح
و اللي واقف جنبه بقميص أسود ده دكتور علاء بكتريا




دكتور دمه شربات و بيحب الهزار و هو كبير في السن عنده 60 سنة
ممكن ناس تتضايق من هزاره البايخ
يعني بدل ميقول براز بيقول الكلمة العامية بتاعتها اللي بتبدا ب حرف الخاء
و اظن عرفتوها
و بيقول كلام أكتر من كده
و بيشرب سجاير في الحصة و مش بيشرح عالسبورة أوي
أنا عن نفسي من الناس اللي بسرح من شرحه من كتر الهزار بتاعه
ليه اسلوبه الخاص بيه ي كل حاجة
مقدرش أقول عنه إنه وحش
لكن بجد د جمال أفضل منه في حاجات كتير خصوصا في توصيل المعلومة و الشرح بتاعه
و ممكن تجربوا حصة لده و حصه لده


د/حسام
الصراحة مجربتوش لكن هو دكتور كلنكال باثولوجي و ليس باثولوجي
و طبعا ملوش صلة بالقسم و لا يعرف أي حاجة بتدور فيه

المواعيد
د/جمال بيدي ف السنتر بتاعه الصبح من 8 ل 10 و 10 ل 12 يوميا تقريبا ف العباسية
و السبت و الاثنين و الأربعاء بيدي ف الصفوة بعد الفارما من 5 ل 7 و 7 ل 9
الأحد و الثلاثاء و الخميس
بيدي في مكة الأول من 5 ل 7 و بعد كده في العين من 7 ل 9
لغى مجموعة مكة السنة اللي فاتت و ضمها على عين لأنه في الوقت بتاعها بقى يشرح الترم التاني في الكلية تبع المجوعة اللي ب 400 جنيه
د عبدالعليم برضه بيدي تقريبا في نفس المواعيد بس ساعات مبيديش ف معاد 5 ل 7 ده
د جمال كمواعيد و كسناتر أفضل من د عبدالعليم
لأن د عبدالعليم مش بيدي الصبح فلازم تستنوا لبالليل
خصوصا اللي سكاشنهم بتخلص 4
و اليوم كله بيضيع لأن اللي بيرجع بيرجع هلكان فعلا
لأن د عبدالعليم راجل كبير في السن و مش بيحب يجهد نفسه

تقريبا بكده نكون وفينا الباثولوجي حقه من الكلام

vitsh كتب:من هم لهم
يا قلبى لا تحزن
اتكتب عليا اكون دكتور
بودع كل حاجة فى حياتى
بدون دموع ........... بدون دموع


شكرا يا تريكة
وادعولى يا جماعة
شفت النهارده اللى محدش فى الدنيا كلها شافه

شفت إيه يبني ؟
اشجينا

msh fahm y3ni hwa dr. gamal bidy bkam f el center el 3absia w fel 3absia bidy yum el sabtw etnin w arb3 el sob7 wla l2 :s

بيدي ب 1700 ف العباسية
بيعامله معاملة سناتر مدينة نصر
لأن العدد الصبح بيبقى رايق و حلو

للأسف الشديد
بيدي سبت و اتنين و اربع
و بيبقى ليهم اعادات تاني يوم برضه تقريبا