كل اللي عايزين تعرفوه عن سنة رابعة

بس استحمل غلاسة الرمد ف الاول
لانك هتخدوا حصص كتير عملي
مش اقل من 10

تريكة انا بتفائل بيك

انا هبدأ ENT
ايه الخلطة السحرية

هو انا لما أخلص الراوند ببقي عارف اشخص أي حالة ولا لأ؟

المراجع ممكن تفيد ولا تضييع وقت و حماسة علي الفاضي؟

ent=فراغ السنين
يبختك

لا يحبي
مفيش حالات خالص هتشوفوها
انت لو عايز تشوف حالات انزل مع نفسك العيادات بتاعة انف و اذن
لا فكك من المراجع
الا لو انت فاضي
بس تذاكر الاساس الل عليك الاول
و استغل الفراغ ده و ذاكر بارت2 كوميونتي احسن

أصل انا اتعقدت من حتة الدرجات و التقادير دي فمش فارقة معايا كتير ...دلوقتي بدور علي الاستمتاع بالمادة كعلم عشان كده فكرت اجيب مراجع

لو مش هتجيلك نيابة و بتاع و الكلام ده يبقى استمتع بالطب

الطب الشرعي و السموم

نبذة عن المادة

عبارة عن جزء طب شرعي لذيذ هتدرسو فيه مثلا حاجة اسمها WOUNDS او الجروح ...هتخدوا فيه انواع الجروح و تعرفوا مثلا ايه العلامات ان الجرح حصل قبل الوفاة و لا بعدها تعرفوا مثلا لو لقيتوا واحد مدبوح تعروا ده انتحار و لا عملية قتل حاجات لذيذة شوية مثلا ازاي تحدد ساعة الوفاة و ايه التغيرات اللي بتحصل بعد الوفاة
بس برضه مش هتحسوا زي منتو فاكرين انك هتبقى المحقق كونان و لا زي تمثلية BONES
كلام نظري جدا و طريقة تدريسه كلاسيكية جدا للأسف مش زي مكنت متخيل
السموم هي عبارة عن فارما و لكن بطريقة اخرى يعني في الفارما كنا بندرس الACTIONبتاع المادة احنا هنا هندرس ال OVERDOSEبيعمل ايه مع فارق انك ممكن في الفارما تفهم ليه حصل كل حاجة عكس التوكسو اللي كله STIMULATION THEN DEPRESSION و كل السموم تدخل في بعض جزء رخم اوي بس اللي كان شاطر في الفارما ممكن يحبه و يبقى سهل عليه الى حد ما بعد مندرس التسمم بيعمل ايه هندرس علاجها ازاي سواء بغسيل المعدة او باقراص الفحم او ندي ANTIDOTE او مثلا ندي للمريض مادة تخليه يتقيأ الدواء يعي هتدرسوا مختلف الطرق

الدروس
في 2 بيدوا دروس د ياسر و د محمود لطفي بس الأخير مسافر و مداناش السنة فمحدش فينا يعرف عنه حاجة الا اننا احيانا كنا بنذاكر من ورق له لأنه بينجز و فيه اختصار جامد و عامل مقارنات بين السموم و كده فورقه بيفيد للي عاوز الانجاز مش عايز الدرجات و بينفع في المراجعات او ليلة الشفوي بيلم المنهج جامد جدا في كمان د حنان بتدي التوكسو فقط في الكلية مجموعات مبتديش فورنسك بس هي دكتورة محترمة جدا و متدينة و بتدرس بطريقة كويسة و شرحها تحس انه كلنكال شوية مش اكاديمي و ليها تسجيلات صوتها خرافي عالنت


نتكلم عن اللي نعرفه
دكتور ياسر
الاسم بالكامل:ياسر فؤاد عبدالمنعم
تاريخ الميلاد:28-11-1964
السيارة:نيسان ساني
العنوان:109 شارع المدينة المنورة –تقسيم الرقابة الإدارية
تليفون البيت:26038111
الموبايل: 0105258371
دكتور الحق يقال انه محترم جدا و دايما مبتسم و بشوش بس الحلو ميكملش شرحه كلاسيكي جدا يعني مثلا مش بيربطه بحالات كلنكال او يحفظك بطريقة ما او يبسط الموضوع مثلا و بيتكلم بوتيرة واحدة طول الحصة و صوته هادي جدا و بيتكلم احيانا بسرعة تحس انه شريط كاسيت حافظ المنهج و مش بيتحرك او يستخدم زي ما بيقولوا ال BODY LANGUAGE زي حركة الايدين او تعبيرات الوش او انه يتحرك من مكانه فللأسف ممكن تفقد تركيزك في الحصة بسهولة معاه و كمان ورقه حجمه كبير و لو حطيته على بعضه هيعمل كمية كبيرة تخض الواحد ناقل الكتاب كوبي و بيست من غير اي فن حتى مفيش صور في ورقه و لا اي حاجة و كمان مشكلته ان ورقه مكتوب بطريقة تنسي يعني مثلا ممكن الأكشن بتاع توكسين مثلا يبقى 5 نقط
تلاقيه كاتب نقطتين منهم في آخر الصفحة و التلاتة التانيين في اول الصفحة اللي بعدها فانت تنسى لكن ورقه تقريبا كامل مفهوش نقص على فكرة هو بيسمح بالتسجيل بس استأذنوه الأول بيدي حصة واحدة في الاسبوع الا لو زود عشان الروند او اتزنق او كده يعني و المنهج كله تقريبا بيخلص في 22 او 23 حصة
و عندكو 3 حصص عملي كل وحدة ب 30 جنيه زي بقية نظام بتوع رابعة الخنقة ده بيدي ب 1000 جنيه سواء في حسبو أو الصفوة كله واحد


المحاضرات

طول الاسبوع عندكو كل يوم محاضرتين او اكتر كل جروب ليه محاضراتو بينزلكو جدول بيها بيدخل فيها ستات طبعا معدا كم محضرة و الوقت بيكون ضيق فبيشرحوا في السريع كده و المشكلة ان الامتحان في آخر الروند في المنهج كله و لو هتحضر المحاضرات يوميا مش هتعرف تلحق تذاكر لان بيدخل لاخر جزء في الامتحان اللي بيتشرح في آخر اسبوع اللي محدش فيه بيحضر اساسا
اللي مش ناوي يحضر محاضرات خالص يحضر لرئيس القسم طبعا د-عاصم بدوي ربنا يصبركو عليه و د مجدي المليجي في محاضرة RAPE لانه بيشرح بمزاج و كوميديان و دماغه عالية و د أحمد السجيني لأن دمه خفيف و شرحه رائع رغم انه حسبي الله و نعم الوكيل فيه نقصني درجتين في الشفوي و للي ميعرفش ده دكتور من ضمن الدكاترة اللي مسكوا قضية سوزان تميم طبعا لو دكتورة حنان دخلت احضروا غير كده اللي مش بيحضر من اساسه يفكس



نظام الروند

الروند بتاعكو بيتقسم مجموعتين بتخدوا سكشنين في الاسبوع ورا بعض مع كمان يوم بيبقى تقريبا اسبوع اه و اسبوع لا بالتبادل بين الجروبين بتوع الروند دول سكاشن العملي فعلا اسمها SKILLS .....الباقي عندكو يوم تاني اسمه (PROBLEM ORIENTED SESSION) POS اللي بيحصل انكو بتجتمعوا فيه مع دكتورين ..واحد توكسو و التاني فورنسك بتبقى كيسس ملهاش حل هو بس بيعلموكوا ازاي تفكروا و ليه استبعدنا الدوا الفلاني من الكيس دي و ليه خدنا الدوا الفلاني ....
يعني يبقى فيا اكتر من حل ينفع بس تتعلموا طريقة الدفرنشيال ديجنوزيز في التوكسو ده إذا عملوا معاكو كده فعلا احنا بس الدكتورة بتعتنا كان عندها ضمير شوية الباقي بيقلب متقلقوش ... و بتمتحنوا كل اسبوع في السكشن ده امتحان بدرجتين مستقلوش بيهم لانه بيخليكو تذاكروا بس دخ جد شوية غير الكوميونتي :D و مطلوب منكم بحث ب 15 درجة يا كل الجروب يشترك في بحث او بتتقسموا على بحثين او اكتر حسب مزاج الدكتور

تقسيمة الدرجات

1. 20درجة شفوي على لجنين
2. 100 نظري مقسم بالتساوي ويشمل:50 ESSAY و 50 MCQ
3. 80 الروند..(10 بحث 10 على ال CPR بيحيبلكو زي MACKET و تعملوا عليها 20 على امتحان الام سي كيو و 40 على امتحان سلايدات و بوربوينت و حاجات زي كده )

مكان القسم

الدور الأول في المبنى الجديد و ده مكان ال POS و في عندكو الدور اللي تحت الأرضي ده مكان الجارات و السكلز و كده


كتاب القسم
ملهمش لزمة اوي صراحة غير جلدة الكتاب بتاع التوكسو جت سؤال قبل كده ب 14 درجة و هي عبارة عن القواعد العامة للحماية من السموم مكتوبة على الجلدة 14 نقسطة ب 14 درجة
و كمان احيانا بيجيبوا كلام مكتوب على الصور في كتاب الفورنسك بتقري بالميكروسكوب و مش بيتشرح تقريبا في كل الروندات و يسالوه في الامتحان
و احيانا بيجيبوا شوية كلام عن قوانين ممارسة المهنة مكتوبة في اول كتاب الفورنسك بالعربي كلام يخص كلية حقوق زي مثلا الحطا اللي ناشيء عن اهمال من الطبيب يبقى عقابه كذا و اللي غير مقصود عقابه كذا و اللي مثلا اتلف عضو بايظ في الجسم زي مثلا واحد فقع لواحد عينه العميا غير اللي يفقع عين واحد سليمة و كلام يخص كلية حقوق تماما بس ممكن ييجي
الكتابين ب 80 جنيه كل كتاب 250 صفحة بس حجم الورقة بتاعة الكتاب نفسه صغيرة

نذاكر العملي منين ؟
للأسف القسم الجميل مش منزل سورس يتذاكر منه رسميا للعملي لكن اللي بيحصل ان الطلبة خدوا باور بوينت د ياسر مع بور بوينت من كمبيوترات القسم اللي بيتشرح منها السكاشن مع باور بوينت لدكتور أيمن مع شوية ورق عملي لدكتور ياسر فعملوا كوكتيل حلو يتذاكر منه






إيه اللي حصل لنا السنة اللي فاتت ؟

الإجابة بكل بساطة اتروقنا زي متروقنا في تالتة في الميكرو
بصوا مبدئيا
1-أول روند خالص داخل فورنسك كان عارف ان الامتحان بتاع اخر الروند بيبقى نص المنهج ....و د ياسر كان ماشي بالراحة على اساس كده اللي حصل ان قبل الامتحان باسبوعين الكتابين كلهم هيدخلوا و طبعا في الدرس كان الدكتور متأخر و اضطر ينزلهم كل يوم و مكنش بيلحق يشرح كان بيقولهم الحتة دي علموا عليها الحتة دي مهمة كده يعني و ملحقش يشرح و بتوع اول روند كسلوا يحضروا الشرح مع بقية الروندات لانهم خلصوا المادة و امتحنوها فبقت مشكلة بالنسبة لهم
2- اخر جزء اللي بيتشرح في اخر اسبوع بيدخل رغم انه الطبيعي اننا نكون بنذاكر اللي فاتنا مش الجديد لكن للأف ده اللي بيحصل
3- نحكى عن مهازل الامتحان ....في الام سي كيو ما لايقل عن 3 او 4 اسئلة خارج المنهج تماما و في كم سؤال محطوطين برضه غلط
4-الامتحان مدخلش فيه شباتر كاملة تقدر بحوالي مثلا سدس حجم كتاب التوكسو بعد مقالو لنا ذكروها رغم اننا طلبنا اكتر من مرة انها تتلغي لانها اتكروتت في المحاضرات و محدش كان بيحضر سعتها عشان بتتشرح في الاخر خالص لكن رئيسة القسم المبجلة سعتها د سهام قالت ازاي ألغي جزء من المنهج و ده علم و بدام اتشرح لازم تمتحنوا فيه و الكلام اللي لا يودي و لا يجيب ده نفاجأ في الامتحان بعد متنحل وبرنا فيه انه و لا سؤال ييجي فيه اللي هو المفروض اسمه DRUG DEPENDANCE الأدمان يعني يعني ادتنا مقلب محترم اه هو من حقها متجبهوش و كويس انها مجبتهزش لكن مش تتعبنا فيهعالفاضي و هو جزء رخم لانك بتخد ACUTE TOXICITY بتاعة كل المخدرات مرة وحدة بعدها تدرس CHRONIC TOXICTY اللي هي ال DEPENDANCE و دماغنا تتحول فيهم عشان تفرق الاتنين من بعض و في الآخر نخد مقلب ....و لما طلعنالها بعد الامتحان قالت لنا منا جبتلكو سؤال مقارنة بين HEROIN و ال COCAINE رغم ان الهروين مش عندنا في المنهج يعني مش عارفة هي حاطة إيه في الامتحان و لا عارفة المنهج من أساسه نفس النظام في سبتر كامل 30 صفحة اسمه METALS و لا سؤال منه و طلبنا الغائه لاننا خدناه في الكوميوتي مرضيتش و الفورنسك في شبترين نسيتهم طب تلغيهم احسن هي فعلا بتطبق المثل اللي بيقول "أحشفا و سوء كيلة" يعني تمر رديء و ميزان التاجر بايظ كمان
5-الكيسس في الامتحان بيجي عليها اسئلة غريبة و محدش بيعرف اجابتها و لا حتى اللي في القسم عرفوا و احنا المفروض نعرف
6-رئيس القسم الحالي عنده اعتقاد و قناعة ان الجودة تعني ان الطالب يجيله 20%%%%%ف المية من المنهج بره الكتاب و اننا لازم نذاكر من النت و نبحث في جوجل عن كلمة فورنسك و نعيش مع نفسنا بعتبار انه بيسألنا عن معلومات عامة ز مستغربش لو سألك في الشفوي عن تمن الدواء :D
7-رئيسة القسم المبجلة سايبة كل منهج التوكسو و جابتلنا كيس عن واحد اتعض بتعبان نعالجه ازاي يعني المفروض الكيس تكون واقعية شوية احنا مش عايشين في صحرا و التعابين بتتنطط حوالينا
8-مكتوب لنا سؤال في الامتحان بدرجتين و نص عن الفرق بين المسؤولية الجنائية و المدنية بالضبط
DIFFERENTIATE BETWEEN CICIL AND CRIMINAL RESPONSIBILTIES
و يقولك دي معلومات عامة بالله عليكم اللي يعرف إجابة السؤال يقول
السؤال ده محسسني اني في كلية حقوق زائد ان كل دكتور كان بيفتي ازاي نجاوب السؤال الجميل ده زائد انه لا مكتوب في كتاب و لا اتقال في كل المحاضرات و لا حتى ورق دروس و تريبا اجابتع بالعربي كمان يوم لما دكتور ياسر وزع علينا اجابة السؤال ده مشرحوش هو وزع في الحصة الاخيرة قبل الامتحان كم ورقة بالعربي اللي هي القوانين و الكلام اللي في اول الكتاب للي معهوش الكتاب و قال اقروا الكلام ده يمكن ييجي منه سؤال ام سي كيو حتى استغربنا سعتها و قلنا ييجي سؤال بالعربي ؟قال لا ممكن يجيبه بالانجليزي لكن مش لدرجة انه يسألنا ESSAY فيه و هو متشرحش غير لراوند او 2 من الاربعة و اللي شرحه هو الوحيد دكتور عاصم ده
9-في امتحان الوند متستغربش لما تلاقي نفسك بتنقص بالجملة عادي جدا و على اساس ايه متعرفش لكن دي كليتنا للأسف.......ده اللي حبيت أقولهولكو عم المادة الجميلة دي :D

هانت
انا الكلام الل قصادكو ده قاعد حوالي 3 ساعات بكتب فيه عالوورد حاجة تتعب بجد

جزاك الله عنا كل خير

هو انا لو هاخد عند الكفراوي و الرمد عندي اخر راوند ....أحجز من دلوقتي ؟
هو الدروس بتبدأ كل المواد من أول السنة ؟
طب ازاي؟ حصة كل اسبوع يعني اصل هما كده هيشرحو 45 يوم في 10 اشهر

بص يا تريكة اخر 4 اسئلة هسألهلك عشان تعبت من كترالقراية وحاسس نفسي متلخبط

قولي كل مادة اذاكرها منين أحسن؟
هو انا لو خدت عند الكفرواي عشان بيفهم رمد ..هعرف اتعامل مع الامتحان ولا سويلم احسن؟
انا ناوي اسمع في كل المواد و ااخد كورس رمد ؟ تمام ده!!
اسمع مين بقي في الشرعي و الكميونتي ENT
بس دووول و جزاك الله كل خير

motamiez كتب:هو انا لو هاخد عند الكفراوي و الرمد عندي اخر راوند ....أحجز من دلوقتي ؟
هو الدروس بتبدأ كل المواد من أول السنة ؟
طب ازاي؟ حصة كل اسبوع يعني اصل هما كده هيشرحو 45 يوم في 10 اشهر

تحجز من اول ميقولوا ان في حجز يعني بعد السنة متبدا باسبوعين و لا حاجة
اه كلها بتبدا على طول
حصة كل اسبوع على بال متوصل لوقت الروند بتاعك بيخلصك ....بيديك ف الروند بتاعك حصص زيادة طبعا لانه مطالب انه يخلصك

motamiez كتب:بص يا تريكة اخر 4 اسئلة هسألهلك عشان تعبت من كترالقراية وحاسس نفسي متلخبط

قولي كل مادة اذاكرها منين أحسن؟
هو انا لو خدت عند الكفرواي عشان بيفهم رمد ..هعرف اتعامل مع الامتحان ولا سويلم احسن؟
انا ناوي اسمع في كل المواد و ااخد كورس رمد ؟ تمام ده!!
اسمع مين بقي في الشرعي و الكميونتي ENT
بس دووول و جزاك الله كل خير

متلخبط ليه بس ؟
عشان نظام الروند عشان نظام الروندات و كده بكره تتعود عليبه

الرمد ..لو هتخد مع الكفراوي يبقى الكتاب
اي ان تي ....ورق جودة حلو
كوميونتي ..اشرف مع بعض الزيادات في بارت 1 بسيطة اوي ممكن تزودها من كتاب القسم او ورق د سيد
شرعي ...الكتاب او د ياسر ميفرقةش ..بس د ياسر عندك مثلا ظهر الصفحة فاضي و الصفحةة نفسها فيها هوامش تعرف تكتب فيها شرح لحاجة او كده اما الكتاب ملزق في بعضه

و مش تمام ليه ...بس يرب حد يسجلككو الشرعي بنظافة بالذات اول كم حصة
الشرعي مفيش غير ياسر
انف و أذن..جودة
كوميونتي ..أشرف

انت برنس

ألف شكر يا ابو تريكة

بجد مش عارف من غيرك كنت هعمل ايه

هتعمل ايه

تسلم ياتريكه ..
ايه السناتر اللى بيدى فيها د/ سويلم ؟

في اي بي و حسبو

طيب ممكن توصفلنا حسبو ده؟

اركب من الكلية عادي ميكروباص لأول مكرم ...من اول مكرم اتمشى شوية لقدام هتلاقي على يمينك شارع احمد فخري ادخله هتللاقي مستشفى حسبو على الشمال ..و هتلاقيها على ناصية شارع ادخل الشارع ده و اتمشى فيه هتلاقي ف العمارة اللي ورا حسبو سنتر فرست على طول على يمينك و جنبه على طول حسبو

قشطات

طب و ايه اللى يودينا حسبو . ما vip قريب

نصيحة ..كسنتر في اي بي اجمد من حسبو خصوصا التكييف فيه ابن ابالسه عيبه الصوت بس