كل اللي عايزين تعرفوه عن سنة رابعة

كل اللي عايز تعرفه عن سنة رابعة

بداية أحب أقولكم ان سنة رابعة تعتبر من أسهل السنين في الكلية كمنهج و تعتبر سهلة جدا للي بيخدوا دروس و حتى كمان اللي بيخدوا دروس ف الاربع مواد مش هتبقى صعبة بالنسبة ليهم الحكاية و مش هيضطروا ينزلوا كتير من بيتهم و هتعروفا ليه بعدين
بداية بس تعالوا نتعرف على نظام سنة رابعة لأانه مختلف شوية و يلخبط
نظام الدراسة في سنة رابعة
الدفعة بتتقسم اربع مجموعات(روندات يعني)
لو على نظام سنتنا تقريبا جروب A
بيبدا أنف و أذن على نظام سنتنا كان من رقم 1 -427 بدأوا بيها
و من رقم 428 لحد 851 بيخدوا شرعي و تالت جروب من 852 لحد 1377 بداوا كوميونتي و الباقي بداوا رمد
و يبختهم الل بيبدأوا كوميونتي بيبقوا جروب محظوظ
الروند مدته 45 يوم بتخلص فيه المادة كاملة بالنظري بالعملي بتعها مع مراعاة ان مفيش حاجة اسمها امتحان عملي للوحده زي التلات سنين اللي فاتوا بيبقى فيه حاجة اسمها امتحان الروند بعد ما الروند يخلص ممكن يشمل المادة كلها او تلات اربعها زي الشرعي مثلا او نصها زي الكوميونتي او الجزء العملي و التابع ليه في النظري زي الانف و الأذن و الرمد
بعدها بتخلص علاقتك بالمادة لحد آخر السنة تضطر تفتحها تاني و دي الغلاسة في كده يعني لو هتمشي على نظام الكلية في انك متخدش دروس و متحضرش غير روندات بتلاقي صعوبة في بعض المواد زي الكوميونتي مثلا و الرمد لانهم اكبر مادتين ...لان مثلا اول مادة هتخلص على نص شهر 11 و متفتحهاش غير شهر 6 فكأنها مادة جديدة خالص فعشان كده يعتبر نظام غلس حبتين .....
بعد اول روند ميخلص المجموعة التالتة بتبدل مع الاولى و التانية مع الرابعة يعني اللي خدوا أنف و أذن اول حاجة يخدوا كوميونتي و العكس صحيح و كذلك للجروب التاني و الرابع الل خد رمد ف الاول هيخد شرعي ....لغاية ما السنة كلها تخلص


*مميزات النظام
1-قلة عدد الجروب الواحد و قلة العدد ف السكشن فبالتالي بتبقى المسألة مريحة شوية
2-بتتفرغ للمادة بتعتك فده بيخلليك تركز احسن
3-العدد ف المحاضرات للي بيحضروا يعني بيبقى قليل
4-دي ميزة للي بيخدوا دروس ان عدد السكاشن بيكون قليل ساعت سكشنين او تلاتة ف الاسبوع لانه معندوش غير مادة وحدة بيدرسها ف الوقت ده فمش هيضطر ينزل كل شوية عشان يحضر السكاشن بتاعة
الحاجت التانية
5-ممكن لو فاتتك محاضرة في الروند بتاعك تحضرها الروند اللي بعده لو مكنش عندك حاجة سعتها


*عيوب النظام
1-المادة بيتم كروتتها ف 45 يوم الل مش بيصفوا على 45 يوم ساعات بيكون في اجازات و كده و لو حسبت 6 اسابيع بتحضر فيهم 5 ايام ف الاسبوع هيطلع عندك 30 يوم فقط للمادة من غير اجازات رسمية و في مواد ممكن تتشرح في الوقت ده و في مواد يصعب شرحها مثل الكوميونتي 500صفحة و الشرعي كده برضه غير لما تتشرح عالمرتاح طول السنة
2-الملل من المادة و محاضراتها لانك ممكن تقعد ف يوم تحضر محاضرتين او تلاتة للمادة زي الكوميونتي و كل محاضرة لا تقل عن ساعة من الرغي المستمر من الدكاترة عشان ينجزوا زي الكوميونتي و الشرعي فبتحس بالمللل الفظيع لو هتحضر محاضرات
3-ممكن دكتور يدخل يقول حاجة لروند ما ف المادة بتعته و ميقولهاش لبقية الروندات او يدخل غيره ف الموضوع اللي هو شرحه فميقولهاش و تيجي ف الامتحان لان كل شيء في كليتنا وارد حدوثه
4-مفيهوش ذرة عدل لان مثلا مادة زي الكوميونتي عبارة عن كتابين كل واحد 250 صفحة بيتشرحوا ف الروند و مش مطلوب منك ف امتحان الوند غير الكتاب الاولاني فقط المفروض انك هتذاكره في ما لايقل عن اسبوع او اسبوعين .....في الوقت اللي بيكون بيتشرح فيه تاني كتاب ف المحاضرات فانت يا اما تذاكر الكتاب التاني لو هتمشي مع المحاضرات او تذاكر الكتاب الاولاني و تطنش المحاضرات و دي للي مش بيخدوا دروس او حتى بيسمعوا متنفعش طبعا لانهم مش هيحضروها تاني فعشان كده الناس بتطنش محاضرات الكوميومنتي غير انه بيجمع 500 واحد في مدرج الكوميونيتي الل مهوش تكييف و لا مروحة شغالة و عشان كده المادة دي تلات اربع الدفعة بتسمع تسجيلات د أشرف او د سيد فيها لان حضور المحاضرات لن يفيدك شيء لان مفيهاش شرح بالباور بوينت او على السبورة كلها رغي زي البكتريا كده مثللا
5-احيانا بيخدوا غياب في محاضرات الكوميونتي
6-لو انت مثلا اخر روند كوميونتي المفروض انك تكون ذاكرت الكتاب التاني طول السنة مع التسجيلات لانك مش هتلحق تذاكره ف الروند بتاعك لانك يا اما هتكون بتجهز لمراجعة التلات مواد الل خلاص درستهم عشان امتحان اخر السنة لو الفترة بين اخر روند و اخر السنة قليلة
6-مفيش عدالة خالص لان ممكن امتحان روند ييجي سهل و التاني صعب و كده
7-بتحس انك منعزل عن بقية دفعتك سواء ف الدروس او محاضرات
8-في الرمد لو مخدتش درس او مجموعة انسى انك تفهم لان بيدخلولك معيدين او مدرسين مساعدين هما الل بيشرحوا و مش بيبقوا فاضيين لان وراهم عمليات و بيشرحوا اي كلام عشان ينجزوا يعني ممكن تلاقي درس بيتشرح ف 3 محضرات ف الدروس يتشرح ف سكشن واحد عادي جدا ف الرمد و مطلوب منك انك تكون مذاكر المنهج كله رغم انك مش بتمتحن فيه نطري في وقت الروند


كده تقريبا خلصنا اهم مميزات و عيوب الروندات هكلمك شوية عن نظام الدروس و نخد مادة مادة لوحدها



نظام الدروس
بصوا هو نظام رخم شوية و مش هتفهموه غير لما تدخلوا رابعة لانه بيختلف على اختلاف الروند بتاعك
اللي هتبدأ بيه
هديكو مثال مثلا على الناس اللي هتبدا كوميونتي عشان انا كنت منهم
انت الكوميونتي عندك فيه كتابين في الروند بتاعك ف المحاضرات بيتشرح الكتابين طبعا كلهم كروتة زي مقلنا
لكن في الدروس اللي بيحصل كالتالي:
د أشرف خليه على جنب دلوقتي لانه مسافر بينزل شهر بس ف السنة يخلص المنهج كله للي عنده روند و اللي معندوش
خلينا في د سيد العقدة ....
لو هتبدأ كوميونتي اول روند مش هيشرح لك الكتابين في الروند لانه صعب يشرح الكتابين مع بعض و انت مش هتحتاجهم في الروند فبيحصل كالآتي انه بيشرح الكتاب الاول و بيديكو 3 حصص في الاسبوع حصتين اساسي و حصة للعملي اللي معندهمش روند كوميونتي ف الوقت ده الل هو اول روند مش بيحضروا غالبا لانهم هيتشرحلهم بعدين ....نكمل بقى
و بعد متخلصوا اول روند يبدأ بقى يشرح الكتاب التاني لكل الدفعة لانه مش بيشرحوا خالص ف اول روند
بيشرحوا بمعدل حصة ف الاسبوع بداية من الروند التاني و الل كان عندهم كوميونتي اول روند بيحضروا بقى دروس الاي ان تي و الشرعي و الرمد مع الكتاب التاني اما الل كان عندهم اول روند اي ان تي مضطرين يحضروا الكتاب الاول الل بيتعاد شرحه كل روند + الكتاب التاني فدول حظهم اسوا شوية

طب هتقولولي هنحضر الاربع مواد كلهم مع بعض لحد امتحان الروند ولا هنعمل ايه ؟؟؟
لا طبعا مش كده....اللي بيحصل انك بتخد اجازة قبل امتحان الروند بتاعك ايا كان روندك...حوالي اسبوعين او تلاتة يعني مثلا خلينا في مثالنا الاولاني بتاع اول روند كوميونتي بتخد الاربع مواد ف الدروس مع بعض قبل امتحان الروند كل دكتور بيدي اجازة للي مش الروند يعني مثلا بتخد اجازة من الرمد و الانف و الاذن و الشرعي قبل الامتحان باسبوعين و تتفرغ فيهم للكوميونتي لان سعتها مثلا كل دكتور بيشرح للروند بتاعه الجزء العملي او بيزود حصص و كده مش هتفيدك غير ف وقت الروند بتاعك يعني بتاع الرمد و الشرعي و الانف و الاذن بيشرحوا العملي لبتوع رونداتهم مش هتفيدك و انت بتخد كوميونتي و انت بتخد حصص او زيادة ف الكوميونتي او مراجعات او حصص عملي و كده ...هما في نفس الوقت مش بيخدوها غير ف الروند بتعهم
بعد كده كل واحد يمتحن الروند بتاعه و تخدوا اجازة 3 ايام بعد امتحان الروند وتدخل الروند الجديد ....هتبقى مثلا اي ان تي هتحضر سعتها الاي ان تي و حصة وحدة الكتاب التاني ف الكوميونتي و احسن حاجة بقى انكو بتخلصوا الاي ان تي سعتها و مش بتشوف وشها لحد اخر السنة ف المراجعات يعني من بداية رابع روند .....د عمرو ف الاي ان تي بيشرح مثلا
EAR
كلها ف اول روند فقط و مش بيشرح الباقي و بيحضر سعتها كل اللي بيخد معاه و تاني روند بيكمل باقي المنهج و بيعيد ال EAR ف تاني روند و تالت روند ....للي مكنش حضرها ف الروند الاولاني و كذلك د محمد سعد مع اختلاف الجزء اللي بيتعاد شرحه يعني د سعد ممكن يبقى بيعيد ال THROAT للي محضروش مع اول روند و تنقطع علاقتك بعد الروند بتاعك بالاي ان تي عشان كده انت ممكن متخدش انف و اذن غير في وقت الروند بتاعك لو انت مش رابع روند اي ان تي لانه بيتعاد بس هتتزنق عالاخر.....قبل امتحان الروند بيحصل اللي حكينا عليه قبل كده من الاجازة الل قبل الامتحان الل بيتفرغ فيها كل واحد لرونده تدخل بعد عالشرعي السنة اللي فاتت تقريبا المنهج كله دخل ف الامتحان و دي كانت حاجة مفاجاة و اول روند شرعي لبسوا ف الحيط لان د ياسر كان ماشي بسرعة معينة بحيث انه يخلص نص المنهج على امتحان الروند زي مبيحصل كل سنة لكن قبل المتحان باسبوعين رئيسة القسم قالت كل المنهج داخل فاضطر انه يكروت المنهج ليهم .....فاعتقد السنه دي هيبقى النظام مختلف على حسب اللي داخل لان رئيسة القسم اتغيرت و الحمد لله ....و اعتقد انكو هتخدوا بمعدل حصة ف الاسبوع للي معندهمش روند يحضرها الكل اما الل عندهم روند فهيبقالهم حصص زيادة ....المنهج كله 22 حصة اساسا متقلقوش قوي يعني و اللي تالت روند شرعي بيكون حظهم حلو من اول و تاني روند لان بيكون اتشرحلهم نص المنهج على مدار الروندين السابقين فمش بيبقوا مضغوطين ....رابع روند بقى بيبقى الرمد ...تقريبا انتو هتكون خلصتوا المناهج كلها فبتقضوا رابع روند مراجعات في كل المواد فبتبقى الحصص كتيرة حبتين شوية .......
بس بجد اللي هيخد حتى 4 دروس في رابعة مش هيحس بقرف تالتة لان المواد اقل حجما و الذ يعني الاي ان تي هتحس انها بارا و اقل حجما كمان و مش هتحسوا بعدد الحصص الرهيب ده
يعني الرمد كاملا مع د سويلم ميعديش 40 حصة بالعملي بكله
الانف و الاذن ممكن 30 بالعملي
الشرعي ممكن 25 حصة
الكوميونتي د اشرف بيخلصه ف 25 حصة د سيد ممكن يوصلوا 30 او حاجة و 30 بالكتير و مش بيبقوا مع بعض زي مقلنا فمفيش قرف زمان

الل عنده أي سؤال يتفضل يسأل

هايل ياتريكه

بتحس انك منعزل عن بقية دفعتك سواء ف الدروس او محاضرات

ازاى هنكون معزولين عن بعض ؟
يعنى مش هنشوف بعض غير فى الامتحانات

كل واحد و الروند بتاعه بقى
افرض انت بتشوف واد صحبك ف المحضرات يوميا لو بتحضر
مش هتشوفه لو رقمه بعيد عنك
ممكن يبقى الفرق بينك و بين صحبك رقم واحد ولا رقمين و هو يبقى روند و انت روند
بتبقى حاجة شلل شوية

طيب هو كل روند وليه مواعيد محضرات خاصه بيه ؟
ولا مواعيد المحضرات عامه للكل؟

طول عمرك فنان ياتريكه
بس الاحسن احضر محاضرات ولا اسمع تسجيلات
اصل مش ناوى اخد دروس

7oda كتب:طيب هو كل روند وليه مواعيد محضرات خاصه بيه ؟
ولا مواعيد المحضرات عامه للكل؟

الشرعي من 9 الصبح هو و الكوميونتي
الانف و الاذن من 1 ل 3
الرمد بيبقى من 10 على ما افتكر
بس كل وحدة ف مكان

الرمد ف مستشفى الباطنة او العيادات الخارجية لو انت وحدة د طارق عبدالله
الشرعي ف المدرج الل بتلاقيه ف وشك لو انت داخل المبنى الجديد من الباب اللي ناحية مسجد النور مش عارف رقمه كم صراحة
الانف و الاذن المدرج اللي هتلاقيه على يمينك لو انت داخل من الباب التاني ناحية حمام البنات
الكوميونتي في قسم الكومونتي الل قصاد صالة الامتحانات (الجيمانزيوم سابقا


فصعب انك تقابل زمايلك الا لو متفقين او فكستوا للمحضرات
بس احسن حاجة ف سككاشن الاي ان تي مفيهاش غياب خالص

magician كتب:طول عمرك فنان ياتريكه
بس الاحسن احضر محاضرات ولا اسمع تسجيلات
اصل مش ناوى اخد دروس

لو هتخد خد في الرمد و الشرعي
لانه ارخم حاجة
و لان الشرح ف الرمد وحش جدا ف الوحدات و الشرعي تسجيلاته مش و لابد اوي ف الصوت الا لو حد هيسجلها بانتظام هنا ف المنتدي او غيره
د ياسر لو استأذنتوه هيوافق
الكوميونتي قضيه سماع لانه مش فارقة خالص و مش طالبة حضور ف المحاضرات ليه لانك مش هتتابع و هتنام فيها و لان الل بيدخلوا ستتات و انت عارف شرحهم
الانف و الاذن هايفة و متعديش 200 صفحة في ورق د سعد 250 و لا حاجة زي كده ورق د جودة...و ممكن تذاكرها لوحدك او تسجيلاتها حلوة جدا هنا و كاملة فمش محتاة حضور ..بس احضر اول محاضرة و لا اتنين عشان تعرف الاناتومي بتاع ال ear
لو مش فاكره من سنة تانية


بس لازم تخد الحصص اللي قبل الروند في الاي ان تي هما 6 حصص اي ان تي مع د عمرو عشان بيشرح النظري و العملي مع بعض في نفس الوق يعني يوريك صورة و يشرح العملي و النظري بتعها مع بعض
اما دسعد يتهيألي بتبقى 4 او 5 لانه بيشرح الصور لوحدها ....و النظري لوحده
فلو انت متمكن من النظري من خلال مذاكرتك او السماع متحضرش نظري

لكن في بقية المواد احضر معدا الكوميونتي لانو مش محتاج حضور و العملي بتاعه عبارة عن نظري برضه مفيهوش اي صور غير حاجات عبيطة ميعدوش 4 و لا 5 صور هتعرفهم من السكشن

نظام الدروس
بصوا هو نظام رخم شوية و مش هتفهموه غير لما تدخلوا رابعة لانه بيختلف على اختلاف الروند بتاعك
اللي هتبدأ بيه
هديكو مثال مثلا على الناس اللي هتبدا كوميونتي عشان انا كنت منهم
انت الكوميونتي عندك فيه كتابين في الروند بتاعك ف المحاضرات بيتشرح الكتابين طبعا كلهم كروتة زي مقلنا
لكن في الدروس اللي بيحصل كالتالي:
د أشرف خليه على جنب دلوقتي لانه مسافر بينزل شهر بس ف السنة يخلص المنهج كله للي عنده روند و اللي معندوش
خلينا في د سيد العقدة ....
لو هتبدأ كوميونتي اول روند مش هيشرح لك الكتابين في الروند لانه صعب يشرح الكتابين مع بعض و انت مش هتحتاجهم في الروند فبيحصل كالآتي انه بيشرح الكتاب الاول و بيديكو 3 حصص في الاسبوع حصتين اساسي و حصة للعملي اللي معندهمش روند كوميونتي ف الوقت ده الل هو اول روند مش بيحضروا غالبا لانهم هيتشرحلهم بعدين ....نكمل بقى
و بعد متخلصوا اول روند يبدأ بقى يشرح الكتاب التاني لكل الدفعة لانه مش بيشرحوا خالص ف اول روند
بيشرحوا بمعدل حصة ف الاسبوع بداية من الروند التاني و الل كان عندهم كوميونتي اول روند بيحضروا بقى دروس الاي ان تي و الشرعي و الرمد مع الكتاب التاني اما الل كان عندهم اول روند اي ان تي مضطرين يحضروا الكتاب الاول الل بيتعاد شرحه كل روند + الكتاب التاني فدول حظهم اسوا شوية

طب هتقولولي هنحضر الاربع مواد كلهم مع بعض لحد امتحان الروند ولا هنعمل ايه ؟؟؟
لا طبعا مش كده....اللي بيحصل انك بتخد اجازة قبل امتحان الروند بتاعك ايا كان روندك...حوالي اسبوعين او تلاتة يعني مثلا خلينا في مثالنا الاولاني بتاع اول روند كوميونتي بتخد الاربع مواد ف الدروس مع بعض قبل امتحان الروند كل دكتور بيدي اجازة للي مش الروند يعني مثلا بتخد اجازة من الرمد و الانف و الاذن و الشرعي قبل الامتحان باسبوعين و تتفرغ فيهم للكوميونتي لان سعتها مثلا كل دكتور بيشرح للروند بتاعه الجزء العملي او بيزود حصص و كده مش هتفيدك غير ف وقت الروند بتاعك يعني بتاع الرمد و الشرعي و الانف و الاذن بيشرحوا العملي لبتوع رونداتهم مش هتفيدك و انت بتخد كوميونتي و انت بتخد حصص او زيادة ف الكوميونتي او مراجعات او حصص عملي و كده ...هما في نفس الوقت مش بيخدوها غير ف الروند بتعهم
بعد كده كل واحد يمتحن الروند بتاعه و تخدوا اجازة 3 ايام بعد امتحان الروند وتدخل الروند الجديد ....هتبقى مثلا اي ان تي هتحضر سعتها الاي ان تي و حصة وحدة الكتاب التاني ف الكوميونتي و احسن حاجة بقى انكو بتخلصوا الاي ان تي سعتها و مش بتشوف وشها لحد اخر السنة ف المراجعات يعني من بداية رابع روند .....د عمرو ف الاي ان تي بيشرح مثلا
EAR
كلها ف اول روند فقط و مش بيشرح الباقي و بيحضر سعتها كل اللي بيخد معاه و تاني روند بيكمل باقي المنهج و بيعيد ال EAR ف تاني روند و تالت روند ....للي مكنش حضرها ف الروند الاولاني و كذلك د محمد سعد مع اختلاف الجزء اللي بيتعاد شرحه يعني د سعد ممكن يبقى بيعيد ال THROAT للي محضروش مع اول روند و تنقطع علاقتك بعد الروند بتاعك بالاي ان تي عشان كده انت ممكن متخدش انف و اذن غير في وقت الروند بتاعك لو انت مش رابع روند اي ان تي لانه بيتعاد بس هتتزنق عالاخر.....قبل امتحان الروند بيحصل اللي حكينا عليه قبل كده من الاجازة الل قبل الامتحان الل بيتفرغ فيها كل واحد لرونده تدخل بعد عالشرعي السنة اللي فاتت تقريبا المنهج كله دخل ف الامتحان و دي كانت حاجة مفاجاة و اول روند شرعي لبسوا ف الحيط لان د ياسر كان ماشي بسرعة معينة بحيث انه يخلص نص المنهج على امتحان الروند زي مبيحصل كل سنة لكن قبل المتحان باسبوعين رئيسة القسم قالت كل المنهج داخل فاضطر انه يكروت المنهج ليهم .....فاعتقد السنه دي هيبقى النظام مختلف على حسب اللي داخل لان رئيسة القسم اتغيرت و الحمد لله ....و اعتقد انكو هتخدوا بمعدل حصة ف الاسبوع للي معندهمش روند يحضرها الكل اما الل عندهم روند فهيبقالهم حصص زيادة ....المنهج كله 22 حصة اساسا متقلقوش قوي يعني و اللي تالت روند شرعي بيكون حظهم حلو من اول و تاني روند لان بيكون اتشرحلهم نص المنهج على مدار الروندين السابقين فمش بيبقوا مضغوطين ....رابع روند بقى بيبقى الرمد ...تقريبا انتو هتكون خلصتوا المناهج كلها فبتقضوا رابع روند مراجعات في كل المواد فبتبقى الحصص كتيرة حبتين شوية .......
بس بجد اللي هيخد حتى 4 دروس في رابعة مش هيحس بقرف تالتة لان المواد اقل حجما و الذ يعني الاي ان تي هتحس انها بارا و اقل حجما كمان و مش هتحسوا بعدد الحصص الرهيب ده
يعني الرمد كاملا مع د سويلم ميعديش 40 حصة بالعملي بكله
الانف و الاذن ممكن 30 بالعملي
الشرعي ممكن 25 حصة
الكوميونتي د اشرف بيخلصه ف 25 حصة د سيد ممكن يوصلوا 30 او حاجة و 30 بالكتير و مش بيبقوا مع بعض زي مقلنا فمفيش قرف زمان

كل مهكمل جزء هحطه ف اول مشاركة عشان يبقى مجمع ...و الحلقة الجاية هنخد مادة مادة نتكلم عن كل حاجة فيها بقى

بس اتمنى تكونوا فهمتوا حاجة من اللي مكتوب فوق لانه نظام توهان و لو اتشرحلي من غير مجربه ثقوا اني مش هفهمه

يريت تبعتوا الموضوع عالجروب ف الرسايل بتعته و تحطوه برضه هناك عالوول

نبدأ بقى نتكلم عن مادة مادة يشطار يحلوين
نبتدي بالكوميونتي

الكوميونتي

1-نبذة عن المادة
هي مادة اقرب للبكتريا شوية هندرس فيها تقريبا كل الامراض اللي خدناها ف البكتريا و حاجاات من البارا لكن مش هنركز على الدياجنوزيز و ال فيريولانس فاكتور زي البكتريا لكن هنركز على الوقاية و العلاج و طرق العدوى و الانتشار و العوامل اللي بتساعد عالانتشار
يعني مثلا مرض زي التيفود بينشر ازاي و ايه العوامل اللي بتساعد على كده و ايه الفاكسينات او الادوية اللي ممكن نمنع بها انتشاره
هو مش صعب لانه معلومات عامة وورق جرايد و هتحس انك عارف منه كتير صعوبته في اجزاء منه زي جزء الاحصاء و كمان لان عادي جدا انك تلاقي اسئلة كتير ف الامتحان غلط عادي جدا

2-البرانشات
هو عبارة عن كتابين ..بارت1 و بارت 2
بارت1 هو اللي انت مطالب بيه ف امتحان الروند رغم انك بتدرس الكتابين في وقت الروند و ده العيب و هو حوالي 220 صفحة تقريبا
و ده عبارة عن جزء GENERAL هتفهموا فيه اساس الكوميونتي و هو حاجة اسمها EPIDEMIOLOGY او علم الوبائيات و هتعرفوا الكلام ده بعدين رخامته ان فيه شوية كلام احصاء رخم و معادلات بتحفظوها +عندك جزء اسمه CHILD بتدرسوا اهم امراض الاطفال بس متقلقوش لان كل الكلام ده لييه اسكيمة بتحفظوها بترضوها في اي مرض بعدها في جزء اسمه WOMEN بتخدوا فيه اهم امراض الستات و كله كلام معروف و سهل و ييجي بعد كده جزء غلس اسمه ال HEALTH SERVICES ده جزء رخم عبارة عن حفظ فقط و كلام دمه تقيل بيقولك من بيقدم الخدمات الصحية في مصر و انها متقسمه لمستويات و كده يعني المستوى الاول المستشفيات الجامعية التاني المستشفيت الخاصة و الحكومة التالت و هو الوحدات الصحية و ايه الحدمات الصحية بتاعة كل حاجة و كلام كده وو بكده بارت1 يخلص ...العملي بتاع الكوميونتي مهو الا عبارة عن نظري بس برضه كلام سهل و منه جزء كبير هتكونوا خدتوه في النظري او خدتوه في الفارما السنة اللي فاتت زي انواع الدراسات ال COHORT+CASE CONTROL+CASE STUDY وكده يعني
بارت 2 ....بتخدوا امراض ال ADULT رخامته ان المراض ال NON COMMUNICABLE زي الضغط و السكر ملهاش اسكيمة زي بقية بارت1 ....بعده ييجي جزء اسمه OCCUPTIONAL عبارة عن طب الصناعت زي اللي بيشتغلوا في منجم يجيلهم ايه للي بيشتغلوا في الرخام يجيلهم ايه جزء لذيذ شوية بعده ييجي اخر جزء اسمه GERIATRIC او طب المسنين
رخامة الكوميونتي انك هتحس انك بتقرى كلام جرايد او دراسات اجتماعية متحسش ان هو طب فعلا او انه اداك معلومة مفيدة عشان كده الناس بتسترخمه بالذات بارت2 كلام كله معروف لكن بصياغة مختلفة مضطر انك تحفظها زي ازاي تحاول تققلل الضغط و تنظف البيئة و تمنع امراض القلب المختلفة .....بس رئيسة لقسم احتمال كبير بتلغي جزء كبير من بارت 1 في آخر السنة فربنا يسهلكو

3-الدروس
اللي بيدي فعليا و عندهم عدد هما 2
د/سيد العقدة و د/أشرف السنة اللي فاتت حصلت هيصة و طلع مل واحد كان عايز يدي ..د علاء بكتريا كان هيدي و د أيمن و ناس كتير......
في ناس تانيين زي د هاني الحناوي بيدي و ده بتاع سيكولوجي و د ايهاب و واحد اسمه د محمد جويلي بس معرفش نظامهم خالص صراحة عشان مفتيش
لكن معندهمش عدد جامد......السؤال الجامد من احلى ..د سيد و لا د أشرف
كل له عيوبه و ميزاته ......
نبتدي ب د/سيد......
تاريخ الميلاد:12/11/1970
السيارة:HYUDAI ACCENT حمرا
تليفون البيت 33080025
الموبايل:
ميزاته
1-هو الصراحة راجل فاهم و جامد و تمام
2-ميزته انه بيدي طول السنة و بيعيد بارت 1 تقريبا تلات مرات
3- دايس في الكلنكال شوية اكتر من د اشرف لانه محضر زمالة باطنة و فاتح عيادة باطنة في بولاق تقريبا لكن الكلنكال ميفيدش في الكوميونتي لانك مش هتتسأل في SIGN +SYMPTOM
بتاع لانه مش كوميونتي و ان كان مكتوب في كتاب الكوميونتي
4-ورقه كمان مش ناقص و ناقل ا لكتاب كوبي و بيست زي مبيقولوا و تحس ان الورقة مش ملياة كلام زي ورق د ايمن بكتيريا
و هو كمان دفعة د سويلم و دعبدالحميد :D

عيوبه
1-معندوش كنترول عالحصة
2-ورقه مش متلخص زي د أشرف و ان كان هو اكمل منه لكن ناقل باسلوب الكتاب بالضبط من غير اي اختصار تقريبا
3-ملوش في حوار الجداول و التلخيص و كده
4-معندوش اسكيمات جمدة اوي للحفظ زي د أشرف
5-ورقه تقريبا ناقل الكتاب بس موسع المسافات بين السطور فالورق حجما اكبر تقريبا من الكتاب
هو بيدي ب 1000 جنيه و بيدي في سنتر فرست (جنب حسبو) و ساعات في سنتر VIP و احيانا في الصفوة


د/أشرف أكرومن مرقص




صفحة الفيس بوك بتاعته [ندعوك للتسجيل في المنتدى أو التعريف بنفسك لمعاينة هذا الرابط]
تاريخ الميلاد:15/11/1968
نوع السيارة :دايو سوداء اللون
تليفون البيت: 22671652
رقم الموبايل :بيجيب شريحة جديدة كل سنة :D
من أشهر دكاترة الكوميونتي و كل الدفعات بتفضل انها تخد معاه اكتر ...بس مش دايما يعني
مشكلته انه عايش في كندا و مش بينزل غير شهر في السنة غالبا بيكون على بداية تالت روند يخلص المنهج في شهر فقط

مميزاته
1-دمه خفيف و حبوب شخصيته جامدة
2-بيعرف يعمل كنترول جامد عالحصة
3-بيعرف يشرح حلو و متمكن اوي من المادة
4-عارف ايه اللي يهمك تحفظه و ايه اللي تطنشله
5-ورقه جامد جدا ..هو ممكن يكون ناقص عن ورق د سيد او الكتاب لكن في حاجات فسافيس متفرقش اوي و مش بتيجي ف الامتحان و ده المهم
6-بيعرف يختصر الكتاب و يعرف يحفظك المنهج و يعمل جداول و كده
7-دي ميزة في الكوميونتي عموما ان تسجيلاتها متفرقش ابدا عن حضور الحصة لان مفيهاش شرح عالسبورة و رسم
8-بيدي بالحصة غير د سيد يعني هو بيخد في الحصة 50 و بيدي 12 حصة لبارت 1 و 12 لبارت 2
اللي هيحضر 8 من 12 ميدفعش ال 4 حصص الفاضلين...يعني تدفع 400 لبارت1 و لو هتحضر التاني تدفع 400
بس اللي حضر بارت1+2 بيحضر مراجعات اخر السنة لو حب ب 40 عكس اللي حضر جزء واحد بس بيدفع 60 على ما اعتقد في الحصة غير 10 جنيه سنتر

عيوبه
1-بينزل شهر بس في السنة بيشرح فيه المهنج كله على مدار 25 حصة تقريبا في مدة 30 يوم فبتبقى حاجة مرهقة جدا لانه بيشرح الحصة في 4 ساعات و في حسبو و يعيدها في الصفوة تاني يوم فحاجة مرهقة للطالب و للدكتور
2-بيلخبط جدا مواعيد باقي الدروس و بيزنقك في المنهج مع باقي الدكاترة و تلاقي بقيت تنزل بالاسبوعين متواصل من غير يوم رست
3-اللي مكنش خد بارت 1 مع د سيد او مكنش امتحن فيه قبل كده و عايز يخد مع د اشرف هيحضر ال 25 حصة و في ناس عملتها
4-العدد بيبقى كبير نسبيا

طب هتقولولي احنا نعمل ايه ...هقولكوا اللي مثلا بيحب د اشرف زي حالاتي بس خايف يتنزق يعمل الاتي
لو هو عنده اول روند كوميونتي يخد مع د سيد او اللي عيزه لو طبعا د اشرف مش موجود يعني
يخد بارت 1 مع د سيد و ممكن يحضرله شويه في بارت2 بمعدل حصةة ف الاسبوع بعد كده مع د سيد
و ميدفعش حاجة زيادة او يستنى د اشرف ينزل و يحضر معاه بارت 2 لو هو حب
اللي عندهم تاني روند كوميونتي ...بيحضر بارت 1 مع د سيد لو د اشرف منزلش و ممكن برضه في نفس الوقت يحضر بارت 2 مع د سيد او يستنى د اشرف
بتوع تالت روند ....ممكن يحضر مع د اشرف بارت 1 و 2 مع بعض لو حب ..او يحضر بارت 1 فقط مع د اشرف بشرط انه يكون بيحضر بارت 2 مع د سيد من تاني روند عشان ميزنقش نفسه
طبعا اللي هيخد مع د سيد هيخد معاه على طول يحضر بارت 2 بداية من الورند التاني ..و يحضر بارت1 في الروند بتاعه

الدرجات
300 درجة: 100 اعمال سنة - 200 اخر السنة
100 تنقسم كالآتي:
1. 60 ام سي كيو على النظري الكتاب الأولاني + كتاب العملي
2. 10 درجات OSPE وهو امتحان داتا شو على كتاب العملي + كتاب التمارين + اجزاء بسيطة جدااااا من النظري
3. 30 درجة على البحث + الامتحانات + الانشطة + 4 درجات منهم غياب في المحاضرات
200 تنقسم كالآتي:
1. 170 درجة امتحان اخر السنة ESSAY 80--MCQ 90
2. 30 درجة امتحان شفوي على لجنتين

القسم فين ؟؟
القسم مكانه قدام مبنى رعاية الشباب و جنب صالة الامتحانات هتلاقي مكتوب قسم الصحة العامة
في حاجة رخمة في القسم ده ...ان المحاضرات احيانا بيبقى عليها غياب يمكن ب 5 درجات او حاجة هبلة
ساعات بيخدوه ف اخر المحاضرة ساعات يخدوا غياب عشوائي و كده
السكاشن:
أحسن حاجة فيها انك بتتفق مع الدكتورة اللي بتديك لانه قسم مفهوش رجالة تقريبا معدا كم واحد على مواعيد السكشن و كده اخر دلع يعني
في حاجة كمان انت مطالب تعمل بحث انت و مجموعتك بس ده مش بحث من النت كوبي و بيست و خلاص
لا ده بحث ميداني بتنزل مستشفيات او تسأل طلاب من دفعتك او دفع تانية او العية اللي هتعمل عليها البحث بتعمل زي استطلاع رأي و تخدوا نتايجه و كل واحد احيانا بيبقى مطلوب منه ما لايقل عن 15 عينة و هتناقشوه كمان
انا مثلا كان الراجل صاحب البحث طلب نعمل بحث الفشل الكلوي و علاقته بالارق لفيت مسشفيات الدمرداش و الزهراء الجامعي و الايطالي و اليوناني و دار الشفاء عشان تلاقي عيانين لان كل واحد مطلوب يسجل بيانات المريض و سنه و كده ممكن الواحد يضربله كم عينة و يالفهم بس نصيحة محدش يقول لرئيس الجروب انه هيضرب حالات ليبلغ عنك الدكتورة المشرفة و وقعتك طين سعتها و هييجي على دماغكو

المحاضرات..
خنيقة و ملهاش لزمة عبارة عن 3 ساعات رغي متواصل و جو المدرج خنقة اساسا بتبدا من 9 الصبح تقريبا ساعات بيبقوا محاضرتين او تلاتة في اليوم المفروض بينهم ريك نص ساعة لكن مش بيحصل عشان الدكاترة ستات و عايزين يروحوا بيوتهم بدري افكسوا ليها لو مفهاش غياب
نسيت بس اقولكم ان بيبقى عندكو امتحان كل اسبوع في اللي خدتوه ..ممكن متكونش لحق في الدرس تمشي بسرعة الشرح بس فاكس لان كلهم بدرجتين و لانك سهل تغش رغم اني مش بشجع على كده طبعا لانكو 500 واحد بتمتحنوا في مدرج الكوميونتي و لازقين في بعض بس بلاش غش لأنه حرام

الزيارات الميدانية
بينزلكوا جدول بالزيارت الميدانية اللي مطلوبة منكو ..بتبقى قسم الكوميونتي بيشرحولكو حاجات هناك ...و عندكوا وحدة مكافحة العدوى عند باب الجراحة الل جنب الكنيسة عند العيادات الخارجية بيبقى فيه مراكز صحة زي مركز صحي الدراسة أو سراي القبة او في مركز في الحي السابع كل واحد و نصيبه بتشوفوا الطفال و هما بينطعموا و كده طبعا بتروحها لوحدك مفيش باص يخدك من الكلية :D
هما تقريبا 3 او اربع زيارات بالكتير بتروح هناك تخد الغياب و تمضي الدفتر و كده من الدكتورة

الكتب
كتب القسم نفسها مش لازم تشتريها لانك مش هتفتحها عاملة زي كتب البكتريا كله كلام رغي تحت بعضه فطبعا عندك ورق د اشرف او د سيد
الطتاب الوحيد اللي اجباري في رابعة هو كتاب عملي الكوميونتي لانك بتحل امتحان العملي في الكتاب
و ده عبارة عن كتابين او 3 ب 40 جنيه مش غاليين اوي زي تالتة يعني

هتدرسوا فيها العين بالكامل بكل ما يتعلق بها من امراض ...كتاب القسم حوالي 14 او 15 برانش لكن منهم برانشات صغيرة و منهم برانشات كبيرة في ناس كتير بتحبها و ناس كتير مش بستظرفها زيي لان القسم مش بيحاول يخليها ظريفة نظرا لطريقة الشرح و توزيع الدرجات الغبي بتعها فهم اعداء الطلبة قلبا وقالبا
نتكلم عن المهم و هنبدا باللي الكل هيسأل عليه
الدروس


اللي بيدي دروس
هما تقريبا 3 او 4
د/ممدوح الكفراوي د/حسين سويلم د/محمد حنفي د/تامر بدران
نبدا ب د/ممدوح الكفراوي
الاسم بالكامل :ممدوح حمدي محمد الكفراوي
تاريخ الميلاد:23/7/1958 يوم الثورة :D
السيارة:كيا كارينز
صفحته عالفيس بوك [ندعوك للتسجيل في المنتدى أو التعريف بنفسك لمعاينة هذا الرابط]

بس د الكفراوي مش بيدي دروس هو بيدي مجموعات ...تقريبا مجموعته ب 700 او اغلى شوية



مميزاته:
1-مفيش فلوس سنتر كل مرة
2-ارخص من د سويلم بكتير
3-شرحه رائع جدا جدا و ناس من القصر العيني و الازهر بيخدوا معاه و بيشرح شرح علمي و دمه خفيف
4-بيشرح عالداتا شو اللي اكتر من رائع
5-مش بيفصل النظري عن العملي زي د سويلم و غيره
6-بيدي ف الكلية فمعرفش ده عيب و لا ميزة ...
7-هيخليك علامة رمد
8-ملتزم بالمواعيد
9-بيسمح احيانا ان طلبة من بره المجموعة يحضروا في المراجعات بتاعة اخر السنة و قبل الامتحان

عيوبه بقى
1-ملهوش سورس غير الكتاب ف المذاكرة يعني د سويلم بيلخص الموضوع
2-مش بيفنط الموضوع SIGNS&SYMPTOMS زي د سويلم
3-بيشرح ف الكلية بس فلو انت عندك سكشن الصبح مثلا و بيتك بعيد عن الكلية لازم تستنى
4-ملوش في حوار التحشيش زي د سويلم و لا يحفظ باسكيمات و كده شرحه علمي جدا
5-بيدي احيانا 3 حصص ف الاسبوع
6-مش بيدي اجازة كفاية قبل امتحان الروند زي بقية الدكاترة
7-بيوسع أحيانا في حاجات مش علينا
8-مينفعش تجرب معاه و تقول يهخد أو لا انت بتدفع كاش كله مرة وحدة ...و معرفش عن مدى امكانية استرداد الفلوس
9-مش بيحل كتاب ام سي كيو القسم زي د سويلم
نتكلم بقى عن د/حسين سويلم شوية

الاسم:الحسين علي سويلم
صفحته عالفيس
[ندعوك للتسجيل في المنتدى أو التعريف بنفسك لمعاينة هذا الرابط]



و دي مع ولاده ربنا يرجعهملو


و دي ف التحرير

سلفي آه بس روش طحن بصوا عالتيشرت:D
تاريخ الميلاد:14/10/1975 و خريج دفعة 1995 يعني و سنه 21 سنة :D
السيارة:كيا سيراتو سودا
الموبايل:0106077215
بس ابقوا قابلوني لو رد عليكو:D
نظرا لمشغولياته فابعتولوا رسالة و ابقوا قابلوني لو رد برضه (احيانا بيرد عشان مكدبش)
الاولاد:يوسف و فريدة ربنا يخلهملو
هو تقريبا يعتبر من أذكى الناس في مصر ....نط سنة تانية و تالتة ابتدائي خدهم في سنة واحدة و كذلك اولى و تانية ثانوي
فدخل كليتنا الموقرة و عنده 14 سنة اصغر من كل دفعته بما لا يقل عن 3 سنين
و تخرج 21 سنة خريج مدارس الشويفات الدولية في ابو ظبي ...و كان كل سنة بيطلع الرابع او الخامس عالدفعة و هو اصغر من كل دفعته و من غير دروس و كان بيلخص لنفسه المحاضرات اللي بيحضرها لانه مش بيحضرها كلها و بكره هتشوفوا قد ايه هو عبقرينو عصره و اوانه ف التلخيصات على فكرة هو مكنش متدين كده الاول لكن ربنا هداه و ممكن تسموه الشيخ حسين سويلم و على فكرة ه تلميذ د الكفراوي و د الكفراوي قال عليه انه ابنه الكبير و ده يعكس مدى الحب اللي مبينهم اللي صعب تلاقيه في اتنين بيدوا دروس لنفس المادة لكنهم فعلا الاتنيين قمة ف الاحترام
بصوا الفيديو ده و اسمعوا كلامه
[ندعوك للتسجيل في المنتدى أو التعريف بنفسك لمعاينة هذا الرابط]
نيجي بقى للكلام المهم

مميزاته :
الناتس بتحبه جدا من الطلبة ..من المسيحيين قبل المسلمين

قالنا مرة ان الل عايز يخد معاه ببلاش يكلمه و هو هيوافق و هو قال ان الفلوس مهمة لكنها مش كل حاجة و قال انه يتكسف لما ولي امر واحد يكلمه ان ابنه يخد عنده و يناديه يقوله حضرتك و يكون ولي الامر اكبر منه سنا مثلا و قال الل يعرف حد معهوش يقوله او يبعتله رسالة و قال اللي مش عايز يدفع ميدفعش بس لو كان معاه فلوس و مدفعش فالدكتور هيخد حقه يوم القيامة
متواضع جدا لأقصى حد تتخيلوه انه قال في الحصة مرات ان في ناس جزمها عند ربنا أحسن منه مليون مرة و انه مش أفضل من أي حد مننا الا ان ربنا اختاره انه يكون مدرس لانه اكبر مننا سنا فقط لا غير
بيصوم اتنين و خميس و يوزع عصير على الصايمين في الحصة و يعلمنا احترام الأذان
بيعمل افطار جماعي في آرخ السنة للدفعة ..عزمنا على كوك دور:D
1-بيعيد الحصة مرة وحدة
2-بيلخص المنهج في تحشيشات تخليك متنساش و يعرفك ازاي تحل ف الامتحان
3-بيحل كتاب ام سي كيو القسم
4-بيشرح عملي لكل روند الل مش بيشرح عملي لوحده
5-بيدي اسكيمات للحفظ و ورقه متوافر رغم انه مش هو اللي عامله من نفسه لان القسم مانعه و انما ناس كتبوه وراه من كم سنة و ملخصينه تحديدا كريم كامل اللي يعرفه يعني
6-بيدي اجازة العشر الاوائل من ذي الحجة
7-بيشرح حصتين ف الاسبوع و قليل لما يزود
8-مهتم بالجانب الديني شوية
9-ورقه في حدود 100 ورقه او اكتر شوية ملخصة المنهج كله
لو منزلهوش ابقوا خدوه من الدفعات اللي قبلكو

عيوبه
مش بيسمح بالتسجيل زي د كفراوي
1-اغلى حبتين من د كفراوي تقريبا ضعف التمن ...900 في العباسية و 1100 ف حسبو
2-بيعمل حركة مش لذيذة زي بقية دكاترة رابعة و هو قال انها مش بايده و انها مفروضة عليه لانه مينفعش يخالف باقي الدكاترة هيبقى منظره وحش رغم انه يا اما بفضل راحة الطلبة يا اما راحة بقية الدكاترة ...بس هو اختار الخيار التاني انه بيفصل العملي عن النظري و كل حصة عملي ب 35 جنيه زائد 10 جنيه سنتر فبتوصل حصة العملي ل 45 جنيه ....و السنة اللي فاتت اعتقد انه ادى حوالي 11 او 12 حصة عملي يعني زود على تمن الكورس 350 من غير سناتر شوف بقى يطلعلك كم
3-مش بيشرح على داتا شو زي د كفراوي و هو بيوقل السبب انه كل مرة عشان يركب الداتا شو هتخد وقت جامد من الحصة فعشان كده بيضطر يفصل العملي عن النظري لان العملي معتمد على داتا شو ....السنة دي قال انه اتفق مع السنتر انهم هيثبتوا الداتا شو في السنتر فيمكن يقدر يشرح العملي مع النظري فيقل عدد الحصص بتاعة العملي لانه هنكون شفنا الصور في اثناء شرح النظري
4-سريع الكلام بطريقة رهيبة جدا فساعات ناس متفهمش منه لانه فاكر ان كل الناس في عقليته...اسرع من دجمال و د عبدالحميد :D
و رغم ان الناس كل مرة تقوله يريت بالراحة مش بيهدي ....ممكن يكون اتعود على كده و مش عارف يتخلص من الحكاية دي
5-ممكن تنتقده عادي جدا و بيوزع ورق في آخر السنة يقولنا اكتبا فيا العيوب و المميزات و عنده هو الشجاعة انه يقراها قدام الناس و مش بيقرا المميزات بل بيقرا العيوب و ده اللي بيعجبني فيه و يوقلنا انتقدوا بعنف لدرجة ان رمة واحدة قلتله انت منافق و قالنا الكلام ده اتكتب ف الورقة و قالنا انا مش زعلان من اللي كتب كده ...انا علان من انها كدبت لانها دخلت جوه قلبيو ده حاجة ربنا بس الل يعلمها بس قال هي صدقت لانها قالت انا بتاخر عن مواعدي

6-معندوش كنترول اوي عالحصة لانه طيب بزيادة
7-شرحه عبارة عن اسكيمات و تحشيش و كلام من ده في ناس ممكن متحبش الاسلوب ده و في ناس تحبه
8-مش بيهتم انه يفهمك كل فسفوسة اوي زي د كفراوي هو بيفهم اه لكن مش زي الكفراوي
هو عده حجة في كده و هو انه قالنا في اول السنة انا بشرح لماجستير و دكتوراه و زمالة و بديهم دروس و المعدين ف القسم بيخدوا معاه و قال انا مش جاي اتنطط بمعلوماتي عليك لان في فرق جامد بيني و بينك ف العلم ...قالنا ال DEAL اللي بيني و بينك اني افهمك اللي في المنهج و خلاص باسلوب بسيط
9-لازم يكون معاك سورس تعرف تتابع منه وراه ....لانه يا اما تسمع منه لو سمعت اساسا يااما تكتب وراه
10-الحصص بتبقى زحمة و ساعات اللي قاعد ف الجنب مش بيعرف يشوف ف السنتر
11-احيانا بيسكت للسنتر بتاع حسبو لحركات كتير استغلالية بيعملوها لما يغلوا الفوس و يقول دي تسعيرة موحدة و يتحجج ان بتوع خمسة بيغلوا و مفيش حد بيفتح بقه و بيوقل ده عرض و طلب مش عجبك متجيش...و بيحابي سنتر حسبو عن سنتر العباسية قوي عشان طارق بتاع الينتر صحبه
بس الحق يقال الراجل جبار جدا خلقا و دينا و علما و كل حاجة
بس نصيحتي اللي مش همه درجات و همه العلم يروح للكفراوي..مقلتش انه مبيديش درجات لكن مش بيعلمك للامتحان زي د سويلم ...و مش هيخليك تكتب كويس في الامتحان الا لو انت من الدحيحة اللي مش بتفرق معاهم الدكاترة و بيصرفوا نفسهم بنفسهم ....لكن الاغلبية اللي نفسها في ازاي تعرف تكتب ف المتحان هيخوا مع سويلم لان الامتحان مش عايز فهم
الامتحان 5 اسئلة الواحد ب 14 في 85 دقيقة و عيش يا معلم
باقي د محمد حنفي بيدي في سنتر حسبو و الصفوة بيدي ب 1000 جنيه و ناس بتشكر فيه لانه بيخلص بدري بدري لان العدد قليل معاه حوالي 30 واحد و بينزل ورق...ميزة بتوع الرمد كلهم انهم بيدوا الساعة 3 العصر عشان اللي بيخد مع د الكفراوي او غيره يعروفا يحضروا درس الانف و الاذن سواء د جودة او د سعد بعد الرمد عل طول باقي بس دكتور اسمه تامر بدران تقريبا بيدي في سنتر عين بس معرفش حد بيخد معاه صراحة و لا اعرف عنه حاجة


المحاضرات
10 محاضرات في المبنى الجديد من 8 الصبح المحاضرة ساعة بيشرحوا احيانا حاجت مش ف الكتاب بس مش بتيجي ف الامتحان ....بس فاكس لانها متسجلة عالنت و موجود ملخصات ليها و كده
بس ممكن تتسال في الشفوي
الروند
عندكو 6 وحدات او 7 حاجة زي كده بتتقسموا عليهم و بيبقى كل وحدة و نصيبها من الدكاترة ...
د سويلم بيدخل وحدة د فاطمة الحناوي ...د كفراوي بيدخل وحدة د ممجدي البربري
عامة الشرح في الروندات زفت و ازفت من الزفت لان بيدخلوا نواب او مدرسين و ناس اخر حاجة في بالهم الشرح لانهم مطحونين شغل ف العيادات بره و وراهم عمليات و بتاع و ممكن تلاقي درس دسويلم يشرحه في 3 محاضرات يشرحوه في سكشن و غير كده الدكاترة مش ملتزمة ابدا بمواعدها.............و مفيش حاجة فيه اسمها ده عملي و ده نظري لا بيشرحوا الحاجة و يوروك صورتها بيسرعة كده و انت تشوف مع نفسك بعدين و يمكن ميعرفوش هو ايه نظام امتحان العملي اساسا
اهم حاجة هناك الغياب لانه لو عديت نسبة الغياب المحددة فيها حرمان من امتحان الروند و القسم جاد في كده مش بيهزر...فتعالى الصبح خد غيابك و اخلع لو مش ناوي تستفيد
انا كنت باجي كل 3 او 4 ايام اخد غيابهم كلهم لان الراجل اللي بيخد الغياب بيبقى متساهل و بتاع امتياز و كده (ده اللي بيعملوه في بتوع امتياز اللي هما دكاترة خلاص فما بالكم بينا) و اللي مكنش بييجي كان بيخدله غيابه برضه
كوسة يعني:D
ده في وحدة طارق عبدالله بقية الوحدات معرفش نظامها المهم بس انك تخد غيابك و تمشي ....


تقسيمة الدرجات
250 درجة موزعين كالآتي
50 على الروند(20 عالامتحان معاهم 15 عالبحث و 15 على امتحان ال SKILLS(
امتحان السكلز كلام اهبل ازاي تقيس طول النظرو قطر النظرو تختبر البيوبل و كلام اهبل مضمون يعني بإذن الله
يتبقى 200 موزعين كالتالي
20 على الشفوي و 70 على ورقة النظري 5 اسئلة الواحد ب 14 عشان الحبر هيخلص لو زودوا عدد الاسئلة ....و 35 ام سي كيو الواحد بدرجتين و ممكن تلاقي اسئلة غلط عادي زي امتحاننا سؤالين غلط باعتراف د الكفراوي و د سويلم و القسم يحسبك انك غلطت فيهم عادي جدا و تنقص
بعد كده 40 درجة على امتحان سلايدات بعد الشفوي على طول 8 سلايدات الواحدة ب 5
و تقريبا سؤالها دياجنوزيز فقط ....او عليها سؤال واحد و يا عرفت يا معرفتش ...بس طبعا د سويلم و الكفراوي بيراجعووا للواحد ليلة امتحان الشفوي بعد النظري على طول بيراجعو السلايدات معاكو
و عادي انك تلاقي صور مختلف فيها بين الدكاترة و يتحسب انك غلطت فيها عادي جدا عشان كده بحس ان القسم ده عدو الطلبة الأول
احنا مرة طلعنا لرئيس القسم قلناله عايزين نزود عدد اسئلة الام سي كيو قالنا ده م جهود ابن .....اننا نحط 35 سؤال كمان) عيب طبعا اننا نسأل و عادي جدا انك متكونش عارف نظام الامتحان و انت داخل لان السنين الل قبلنا كانوا بسالوهم10 اسئلة الواحد ب 7 معدا دفعتنا الجميلة .....عادي جدا لما تلاقي سؤال اجابته كلمتين ب 7 درجات فقط و مفهوش رغي و يخليك تشك في نفسك



مكان القسم
القسم في الدور الرابع في مستشفى الباطنة و كل الوحدات هناك معدا وحدة د طارق عبدالله اللي هتلاقيها على ايدك الشمال اول متدخل من باب مستشفى الباطنة هتلاقي هناك مكتوب العيادات الخارجية هو ده مكان الوحدة
كتاب القسم
مش اجباري تمنه حوالي 45 او 50 جنيه بيبقى معاه كتابين ام سي كيو القسم منزلهم مهمين جدا و بييجي منهم كتير في الامتحان

طب اللى هيبدأ رمد يعمل ايه ؟

امتحان الروند بيجى فى المنهج كله نظرى و عملى ولا ايه

يعنى الواحد مطالب انوا يذاكر عملى و نظرى فى 40 يوم ؟

حاجة كمان

لو انا مثلا بسمع تسجيلات و بحضر راوندات

دا كدا كافى ولا لازم احضر مراجعة عملى مع دكتور الكفراوى او دكتور سويلم قبل الامتحان ؟

ايه المادة اللي مينفعش تسمع فيها تسجيلات ؟

هو احنا هنذاكر كل المواد من اول السنة ؟

mido le roi كتب:طب اللى هيبدأ رمد يعمل ايه ؟

امتحان الروند بيجى فى المنهج كله نظرى و عملى ولا ايه

يعنى الواحد مطالب انوا يذاكر عملى و نظرى فى 40 يوم ؟

حاجة كمان

لو انا مثلا بسمع تسجيلات و بحضر راوندات

دا كدا كافى ولا لازم احضر مراجعة عملى مع دكتور الكفراوى او دكتور سويلم قبل الامتحان ؟

الل هيبدا رمد اله يصبره
لازم تحضر يوميا عشان الغياب زي مقلت

الل هيبدا رمد و ناوي مثلا يخد كوميونتي ....فهو ميخدش اول روند خالص كوميونتي كدروس و يخد بارت2 ف تاني و تالت روند ..+هو هيكون عنده كوميونتي تالت روند يخد بارت 1 سواء مع د سيد او أشرف لو نزل
و يخد دروس اي ن تي و شرعي من اول روند عادي جدا لانه هيكون مش بيخد كوميونتي فهيلاقي وقت


امتحان الروند عبارة عن سلايدات و عليها اسئلة...سويلم بيقولكو الجزء النظري المتعلق بيها في العملي مش بيدوس معاكو جامد ف النظري ..متقلقش اوي
هي دي الصعوبة انك هتخد حاجات نظري و تحفظها و متكنش خدتها كلها على بعضها فهتحس انك مش فاهم شوية
فالحصص بتبقى طويلة شوية

د كفراوي مش بيدخل حد من بره المجموعى فمعندكش حل غير سويلم...يستحسن تحضر لان الشرح مش و لا بد ف الروندات

motamiez كتب:ايه المادة اللي مينفعش تسمع فيها تسجيلات ؟

كلهم ينفعوا لكن اقل واحدة ينفع فيها الرمد ..مش في كل الدروس يعني
في دروس عادي جدا ممكن تسمع فيها
و في دروس لا
لان الشرح بيعتمد على رسمة او داتا شو

motamiez كتب:هو احنا هنذاكر كل المواد من اول السنة ؟

اه..زلكن مش بنفس القدر
يعني انت عندك رمد ف الاول ..زتذاكره كويس اكتر مثلا من مادة زي الاي ان تي سعتها لو انت هتسمها مثلا او تخد فيها
يعني باختصار ف وقت الروند ذاكر مادتك احسن من البقي و حاول تسمع الباقي خصوصا بارت 2
لانك لو مذكرتوش من اول السنة هتحتاس
خلصه سماع في اول و تاني روند و ذاكر بارت1 ف الروند بتاعك

متشكرين جدا ياتريكه ربنا يكرمك

تريكه هو فيه مواد لازم اخد فيها دروس ولا ممكن مع نفسى والمحاضرات والتسجيلات امشى فيها
وانا بدا رمد
امته ابدا افتح ايى ان تى او كوميونتى او شرعى
وازاكرهم ازاى
نسجيلات ولا ايه

يستحسن تخد رمد و شرعي

اي ان تي و كوميونتي مع نفسك
و انت بتبدا رمد ....
حاول تخلص بارت 2 كوميونتي في خلال اول و تاني روند سماع تسجيلات و تذاكر برضه
بارت 1 كوميونتي خلصه ف وقت الروند
ابدا شرعي من اول رون عشان متتزنقش ف تاني روند
نظام انك تسيب المادة للروند بتععها و متفتحهاش ده فاشل
قضيها سماع تسجيلات سواء من بلاطي او بتاعتي

افادكم الله
احلى حاجه فيك انك بتجيب من الاخر