قصائد هشام الجخ

الموضوع سهل .. لما تجربي هتعرفي انه سهل

طب انا هجيب كام قصيدة كمان وبعدين ارفعهم كلهم

اوكش

http://www.mediafire.com/?6kb83e0c73bycuv

انا عملت كل الخطوات بس مش عارفه كده صح ولاايه؟
ياريت تبقى تقولى عشان لو صح اكمل
ولو غلط يبقى مفيش فايدة

كده صح جدا ..
وانا بانزل 3 خرفان اهو ..

go on

Admin كتب:كده صح جدا ..
وانا بانزل 3 خرفان اهو ..

go on

متجيب بقرة أحسن

اسكت يا جاهل

و الله اراجل بيضحكني بحركاته

http://www.mediafire.com/?hb5gh9vhi6vfmdc
سرى جدا للبحر

دى قصيدة جحا..من أجمل ما كتب هشام الجخ

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف

كرامتنا متهانة
واللقمة بإهانة
بتخلفينا ليه لما انتى كارهانا

يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع

لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش

يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى

يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته

أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه


علا صوت أدانك جرس
فى الشدة صاحينلك
من امتى كانوا الحرس
هما اللى باقينلك

بعتينى علشانهم
وعنيكى معصوبة
ياهلترى خاينة
ولا زيى مغصوبة



علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام

مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق

الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة

يعنى لما اعرق تكافئيى بعدالة
الحب حالة
الحب مش شعر وقوالة

الحب حاجة ما تتوجدش فى وسط ناس
بتجيب غداها من صناديق الزبالة

بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة

الدفة مظبوطة
وأصلا مافيش دفة
والكفة مش مايلة
علشان مافيش كفة

و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى

الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك

احنا اهلك
احنا رجالتك
أمانك
إحنا وقت الشدة سندك
إحنا زادك

يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين

وابكى على حلمى اللى تاه
بس مش هاشحت رغيف
هاشحت وطن لله

ممكن تحولو الفيديو ل mp3
ببرنامج any vedio convertor

بإذن الله هحطهولكو بالشرح

أنا حولت قصيدة جحا ل mp3

لما النت يتظبط هرفعها

دا الجزء الاول من قصيدة جحا فى حفلة اسيوط
http://download317.mediafire.com/fhmy1mpzz57g/qw8o3vi842235ny/YouTube_-___________________-__________________________________________-______________________.mp3


وده الجزء التانى

http://download243.mediafire.com/w64r9vzkjerg/796ex336by5a8c3/YouTube_-___________________-__________________________________________-________________________.mp3

مانا رافعها كامله ياعبدو في الموضوع التاني .. mp3
وكل القصايد الل رافعها كامله ..

ma5adesh baly w ana esh darrany

Admin كتب:
مانا رافعها كامله ياعبدو في الموضوع التاني .. mp3
وكل القصايد الل رافعها كامله ..

بس ياريت تحط طريقة الشرح برده ياعبدو

اللي عارف قصيدة انسحبو .. يقرا دي :
* منقولة من جروب ع الفيس *

ذاااكر
كان اللاسلكى بعييد
والطالب ما سمعش
ذاكر
شوفو العجب يا ولاد
الطالب ما ذاكرش

الطالب سامع
لكنه واد ماكر
رما كتابه وضحك
اشمعنى أنا أذاكر

بقالو يجي شهرين
قاعد وبيشاهد
بيسمع مسلسلات
وبيعيد فى مشاهد

الامتحانات ظهرت
ذاكر يا ابنى حراام
دا كان كلام أبوه
ودا برضو وقت كلاام

وقف الولد دببان
يا ساده يا سامعين
عمال يصطاد دبان
محروس يا واد م العين

كتبه كانو صفين
ضاعو وافترقو
فى زنقه الامتحانات
بس تشوف عرقه

طول السنه بيدلع
وعامل مش شايف
والسنه بتخلص
وهوا مش خاايف

الضحكه على وشه
تقولش بيصيف
وهوا زي ما هوا
ما هو اصله متكيف

الامتحانات كترت
والكتره دى غوول
والقلب لو مؤمن
ولا ألف مقبوول

لا جامدة بجد

sose كتب:
بس ياريت تحط طريقة الشرح برده ياعبدو

حاضر من عنيا
بس النت يتعدل

اوكيه
ادينى مستنيه

طيب..

لو مستعجلة..

ده البرنامج

http://download1022.mediafire.com/7yq743wn69ng/qeqk1vrnfdbgv4r/AVC.rar

هتفكى ضغطه

وتسطبيه عادى خالص

وتفتحى الفولدر اللى اسمه باتش..

تاخدى الملف اللى جواه كوبى..

وتدخلى تعمليله بيست فى الدايريكتورى بتاع البرنامج..واللى هيكون
C:\Program Files\AnvSoft\Any Video Converter Professional

وتدوسى دبل كليك..وتدوسى patch هيكتب doneتروحى قفلاه

وتفتحى البرنامج عادى خالص بأه

هتسحبى اى ملف فيديو عايزة تحولى صيغته وترميه ف صفحة البرنامج

وهتختارى الصيغة اللى عايزة تحولى الملف ليها من فوق خالص ع اليمين..

هتلاقى صيغ الصوت تحت كدة..اختارى مثلا mp3

بعد كدة هتدوسى على تحويل من فوق

هتلاقى الملف بدأ يتحول وبيديكى نسبة مئوية للتحويل..
بعد لما يخلص هدخلى قايمة ملف..وتختارى فتح ملف المخرج

هيفتح الفولدر اللى الصيغة الجديدة اتحفظت فيه

بس كدة


دا يعنى لو مستعجلة..

لو مش مستعجلة استنى لما احطه ف قسم البرامج بالشرح والصور..على بالليل مثلا او بكرة..

عشان كل الداتا اللى عندى اللى بشتغل بيها ضاعت فلسه هجيبها بأه

استنى.... ماستناش ليه
وادى قاعده...هه
سؤال بره الموضوع
بحاول ارفع صور من الجهاز للمنتدى
من الصبح ومش نافع ...قولى ارفعها ازى؟
بليييز.....