قصائد هشام الجخ

كان الاسلكى بعيد والعسكرى مسمعش
انسحبوا
شوفواالعجب ياولادالعسكرى مرجعش
انسحبوا
اطرش دا ولا صنم
ارجع ياجندى بياده
دخل العدو العريش ارجع خلاص بزياده
العسكرى سامع
لكنه واد مجدع
شال اربجيهه وضحك اشمعنا انا اللى ارجع
وقف الزمن مذهول ساعتين بيشاهد
الجندى قام كبر و المدفع اتشاهد
الدبابات ظهرت
ارجع ياجندى نظام
دا كان كلام القياده
ودا برضوا وقت كلام
وقف الواد ددبان
ياسادة ياسمعين
صادهم كما الدبان
محروس ياواد من العين
الدبابات صفين
اتافجؤا وافترقوا
على كتفوا كان مدفع
وعلى الجبين عرقه
غطا العفار النار
ولاحد عاد شايف
والدبابات بتهل
وداه برضوا مش خايف
الضحكة على وشه متقلش بيصيف
ولسه الزمن واقف
مبسوط ومتكيف
الدبابات كترت
والكترة غلابه
والقلب لو مؤمن ولاالف دبابه
هتقولوا مات الولد
أناقولكم لا عاش
ما الجنه ولا فيها موت
ولاتدخل ببلاش

Go On

ربنا يخليك
وياريت اى حد عنده قصائد تانيه للشاعر يتفضل يضفها

نــادية

وبقولها يا نادية ونادية ونيدية
وصحكة فقلبى منيسة
وربى لولا متربى
ماقولك غير يا غازية
يا ناعسة
نعاس الليل على شعرك بنى بيوته
وحط الطوب وانا ايوب ومش صابر
كلامك وقف اللحن القديم وجددنى
وشد ربابة الشاعر
لانى بيرم ولا حداد ولا جابر
كفاية الليل ملكتينى
مفيش فالشمس جنية ...ياغازية
كفاية الحب عاشقينه
ولسعة حبك المولود بتسحرنى
انا ... اللى نسيت بنات الدنيا فوق رمشك
ما عايز غير اشوف وشك
بيضحكلى بالوانه وتفانينه
ادينا بقينا عاشقينه
ومساكينه ومساجينه ومجانينه
وحبيتك بصوت الناى وصوت الطار
وضرب النار وبراكينه
لو الواد اللى جلبك مالله كان فارس
انــــا عنتـــر
ولو عاوزاه يكون رقاص
... اكون من بكرة
غــــــــــازية
يا صدقى وسهرى وغنايا
يا غنـــاية
ياريتنى اموت فجبانتك
او ابقى حتة فلبانتك
تبلينى وترمينى فارجعلك
اللزق نفسى فى نعلك
واحبك يكش تكرهى لقايا

هشام الجخ

واحد يجيب جحا بقي
جامد التوبيك ياسوسي

جميل

جامد الموضوع

أديني نجحت
وشمتت فيا البوابات

والمدرج والسلالم
والحيطان قالت يا عالم

بكرة هنشوف منه تاني ولا غار
وإرتحنا منه بعد ما طال الإنتظار

دار الضيافة علقت زينة بسرينة
والمسرح اللي يدوب عرفني مرتين عامل فرح
هشام نجح

وإرتحنا منه ومن كلامه ومن قصايده ومن اللومان اللي يوماتي بينفتح
هشام نجح
ونجاحه عبرة وموعظة ودرس إنشرح

إسمع وإعي
يا كل طالب في النشاط الجامعي إسمع وإعي
كان في هنا واد أسمراني ألمعي
عملي فيها الأصمعي
وكتب قصايده على الورق
وكتب حياته على الورق
يا جامعة مليانة ورق

أهو لما قالوا إنه نجح قفلوا ملفه وكفنوه
من غير ما حتى يتنعي
فإسمع وإعي

جاني الخبر وأنا في الصعيد .. فاكرينه بشرى
مقدرتش أستنى لبكره
كانت ساعتها الشمس لسه يدوب بتطلع
وأنا جاي الصبح وحدي
لسه واصل من السفر والدنيا برد
الدموع دفتلي خدي
قلت أنط السور ألم سنيني من جوه
السور غبي مرديش يخليني أعدي
سور الرعايا عشان جديد مفهمش قصدي
كل حاجة فيكي يا جامعة فرحت لما قالوا إني نجحت
أنا الوحيد اللي إتدبحت

البغبغان

كان يوم مطر ..
البغبغان جوا القفص طلع لسانه لعصفورين فوق الشجر ..
خليكوا سايقين العناد ..
العش قاد ..
وخسرتوا وياه الولاد لما انفجر ..
هو انتوا حمل السيل ولاحمل المطر ..
كان فيها ايه لو تعملوا زيي وتقولوا زى مايقول البشر ؟؟
ردوا عليه العصفورين , لو ع الولاد .. البطن ولادة ..
العش مهما يقيد , صخر الجبل عناقيد ..
نفرشها سجادة ..
وانت اللى فرحان بالقفص , اصلك قفص ..
كتموا الهوا جواك ونسوك ان مابين الحياة والموت نفس ..

أيوه بغير

لانقصان ولا ضعفان
ولا مسطول ولاسكران
ولا زايغ من عينى الضى
ولا حد احسن منى فى شى
بس بغير
واللى قالولك غيرة الراجل قلة ثقة او قلة فهم
ناس حمير
غيرة الراجل نار فى مراجل
نار بتنور ما بتحرقش
واحنا صعايدة بنستحملش
شمسنا حامية وعرقنا حامى وطبعنا حمى
واللى تخلى صعيدى يحبها
يبقى ياغلبها
واصلنا ناس على قد الطيبه
كلنا هيبه
والنسوان فى بلادنا جواهر
طب لوعندك حتة ماس
حتخليها مداس للناس؟؟
ولا حتقفلى اوضه عليها بميت ترباس
يمكن حتى تأجرى ليها جوز حراس
يبقى أنا لاجاهل ولاغافل
كل الفرق مابينى وبينك انى صعيدى
لو كان بيدى
كنت اعملك هندى بريش
واقلب شعرى كنيش كرابيش
والبس لك سلسلة متدلدله خرزه وقلب
بس ازى البس لك سلسلة ؟؟هو انا كلب ؟؟
ثم العبرة ماهيش فى اللبس
اصل المشكلة عندك..عندك
قلت حسيبها وبكره تحس
بعده تحس
بعده تحس
ده انا لوجبس كنت زعقت
ماشى صداقه وماشى زماله
بس ماتجيش على الرجاله
ماهى نسوان الدنيا كتير
وانا مبقولش تخاصمى الناس
ولاتعتكفى وتسكنى دير
بس ياريت حبة تقدير
انى بحبك
وانى بريدك
وانى زرعت حياتى فى ايدك
وانى غزلت بنات الدنيا عقود على جيدك
وانى تعبت من التفكير
وانى بغير

هشام الجخ

كان فيه قصيدة يا ريت حد يعرف يجيبها..

كان بيقول فيها:
كل شىء باخ..ولادك متمرغين ف الساخ

حاجة زى كدة.. حد عارفها؟؟

abdoo كتب:كان فيه قصيدة يا ريت حد يعرف يجيبها..

كان بيقول فيها:
كل شىء باخ..ولادك متمرغين ف الساخ

حاجة زى كدة.. حد عارفها؟؟

حاول تفتكر كلمات اكتر من كده وانا هحاول اجيبهالك

ما هى المشكلة انى مش فاكر غير كدة

حلوين اوى
انا كنت بحاول اجبهم mp3ومعرفتش

هأحاول اعملهم mp3

انا عندى 3خرفان و24 شارع الحجاز mp3

طب ماترفعيهم ..

قولى ازى وانا اعملهم

ممممم

ادخلي هنا
http://www.mediafire.com/

ودوسي علي الزرار الأخضر اللي مكتوب عليه
upload to mediafire

هيفتحلك نافذة صغيرة في النص مكتوب
click here to upload
دوسي عليها
هيفتحلك نافذة تانية .. اختار الملفات من جهازك

وبعدين دوسي علي
begin upload files

واستني لما يخلص

وبعدين دوسي علي go to my files
هتلاقي الملفات اللي انتي رفعتيها موجوده

هتفتحي كل واحد منهم لوحده ( تدوسي عليه يعني .. هيفتح في صفحة جديدة )
وبعدين تجيبي اللينكات كوبي وبيست هنا ..
اللينكات اللي هي بتبقي موجودة فوق في المتصفح
او هتلاقي مربع اسمه url هاتي اللينك اللي فيه كوبي وحطيه هنا بيست


جربي كده

اوعدك هحاول