وعادت أجواء الحرب الباردة!!!

انا شايف ان اى انسان..ولد او بنت..معرض لتقلبات المزاج دى

البنات لما بيقلبو بتبقى مشكلة

يعنى مثلا لو انا متضايق من اى حاجة ده هيأثر على تعاملى مع كل الناس...


وبعدين تفرض شخصيتها على مين؟؟ احنا جامدين اويييييييييي

الموضوع مش فرض شخصية أو غيره

لو فيه توافق .. مفيش حاجة اسمها فرض شخصية

_______

فرض الشخصية ده يكون بين اتنين أول مرة يتقابلو مثلا .. مش بين الاتنين اللي بتتكلمو عليهم

shaymaa okasha كتب:مثلا يتعاملوا يوم كويس ويوم عادي ويوم مخنوقين كده
ان مكنتش البنت تفرض شخصيتها بتبقي ضحية تقلبه كل يوم بحال

بتهيالى اى حد معرض انه يتغير موده ممكن يكون بسبب او حاجه جواه هو نفسه مش عارف ليه بس وممكن نشوف بنات متقلبين مودهم اكتر من الرجاله بكتير اوى
اما بالنسبه للطريقه اللى ممكن تتعامل بيها البنت مع رجل متقلب مش انها تفرض شخصيتها عليه وتمنعه من انه يعبر عن نفسه لان ده هيعمل عنده كبت لعند الانفجار وياويلها لو اتفجر فيها
لازم تحاول تتكلم معاه وتشوف سبب زعله او تقلب موده اكيد هتوصل لحل ونفس الكلام مع الرجل اللى متجوز واحده متقلبه

دى تقلبات مناخية بسبب سوء المناخ والتضاريس الجوية
تصيب كلا النوعين من ذكر وانثى

اها
وضع طبيعي
بس انا لاحظت ان الاولاد اكتر من البنات
لان بالطبيعه البنت بيبقي سرها مع امها ,اختها ,اصحابها
لكن الولد ممكن يبقي كتوم جدا ومساحة الفضفضه عنده اقل وبالتالي بيطلع انفعلاته النفسيه في التعامل
غير كده ان الولد دايما بيحب يحس انه مسيطر زي ما عبده قال
وده مش عيب بعينه ديه طبيعه حتي لو كان الطرفين مفيش بينهم روابط زي الخطوبه او الحب وكانت الفكره مجرد زماله بيحب يبقي مسيطر
(احساس الرجوله )وتبقي البنت ضحية سيطرته وتقلبه

انتى قولتيها احساس الرجوله بس فيه رجاله مبتحبش تتنرفز على طول ويكون ردفعلها اكبر ودول التعامل معاهم اصعب

مش فاهمه

يعنى حب السيطره نابع عندنا من احساس الرجوله وكل افعالنا وتصرفاتنا بتكون على الاساس ده
اما بالنسبه للرجاله اللى مبتحبش تبين سيطرتها بالطريقه دى فبيكون رد فعلها بعد كده اصعب
يعنى من الاخر بالعربى كده اللى يجعجع كتير ميتخافش منه لانه بيفضى غضبه بالطريقه دى

بس ده شئ مش حلو
يعني ليه اصلا يبقي في احساس السيطره
هو الراجل مينفعش يحس برجولته الا اذا سيطر ؟؟؟
الموضوع بتاع السيطره ده له عوامل كتير جدا اخرها الرجوله
بلاش حجج
بس انا بأيدك ان اللي يتكلم احسن من اللي يكتم في نفسه سواء اولاد او بنات

فى كل مكان ف العالم لازم يكون فيه حد مسيطر لكن السيطرة درجات
فيه دول مسيطرة ع العالم زى امريكا
القاضى بيسيطر ع قاعة المحكمة
الدكتور يسيطر ع المحاضرة...الخ..

ودى مش حاجة وحشة لأ بالعكس ..لو مفيش سيطرة الدنيا هتبوظ



ففيه احتمالين يا اما البنت تسيطر يا اما الولد يسيطر...

هل انتى ترضى مثلا انك تكونى مسيطرة على سعيد الحظ فيما بعد؟؟

الصراحه لا
بس برده ميتحكمش فيا لدرجة انه يحسسنتي اني في سجن لكونه راجل والمسطير في البيت
علي فكره اي بنت تحب يكون فارس احلامها شخصيته اقوي منها لكن بحدود
انا مثلا احب الشخصيه القويه بالكلمه والعقل والاقناع
يعني بدون مشاكل او تحكم
ولو بحبه كلامه هيمشي
واحيانا في المواقف الحاسمه لو قال كلمه برده تمشي
لكن مش يقلب عليا ويشخط وينطر واقول شخصيه
لا كده مش تمام

يادكتوره الراجل الذكى هو اللى يعرف يتعامل مع مراته كويس يعرف امته يكلمها بالاقناع والعقل والحكمه وامته يقلب عليها ويشخط ولو حست انه لما يقلب عليها ده ضعف فى شخصيته يبقى العيب فى اسلوبه

هيا مش هتبقي سيطرة بالمعني السطحي للكلمة...

سيطرة الرجل هتبقي بحكم الخبرة و العقل ...التفاهم و الاحترام المتبادل هيلاشي كلمة سيطرة دي و هيخلي معناها اسمي من كده.

هو ده الكلام شباب وهو ده اللي اقصده
بس الموضوع اصلي لا يخاطب الرجال العاقله يخاطب اللمجانين المتقلبين اللي كل يوم بحال وشكل واسلوب

يعنى اقتنعتى طب كويس
طب سؤالنا بقى للبنات
ليه البنت غيوره دايما سؤاء بتغير على جوزها اوخطيبها
او غيره من صاحبتها فى اى حاجه المذاكره اوالشياكه اى حاجه بتغيروا من بعض

ده وضع طبيعي زي ما الرجاله غيوره علي ززوجاتهم وخطيباتهم
بس من صاحبتها ديه اشك

لا الغيره عند البنات اكتر من الرجاله
وبعدين فيه بنات كتيره اوى بتغير من صاحبتها

لا دول مرضي بقي
وبعدين احنا بنتكلم ع القاعده العامه ان الغيره من الصحاب قليله او مفيش
لكن في الخطوبه والجواز في رجاله لعنه غيوره بشكل صعب وبعدين الست لو غارت تحوش
الراجل لا بيعمل بهدله ويقلب ويتخانق كده
بص هتلاحظها في البيت اللي الست فيه بتشتغل وخصوصا لو في مكان عمل الراجل
لكن ست البيت ممكن تغير اكتر من الراجل لاحساسهخا انه بيشوةف بره ناس هي مش شايفاها وكده
لكن بقي لو راجل شاف مراته سواء بتشتغل ولا مع حد ولا حد بيكلمها بيقلب الدتنيا

حينما يدخل الوسواس في قلوب الناس تبدأ الغيرة لا مناص

يا سلام يا سلام
صح سواء راجل او ست

فعلا دول مرضى
بس اعمل ايه يادكتوره زمايلى البنات بتوع ثانوى كانوا ناقصين يولعوا فى بعض
لما واحده تقول لزميلتها بعد سنه تانيه ثانوى وش لوش كده انتى لسه مغلبتنيش ولسه فى سنه جديده وهنشوف مين اللى يضحك فى الاخر عايزانى اخد فكره ازاى عن البنات

البنات بيغيروا من بعض من جدا و ساعت اقرب الصحبات بيسيبو بعض عشان الغيرة من حاجات صغيرة....و موجوده ف الرجالة برضو بس تعتبر صفة متنحية حتي لو ظهرت هتبقي مش كبيرة .

فكرة كدة


اكيد الازواج بيغيرو على بعض وده شىء طبيعى..

بس انا بردو شايف ان فى بنات بيغيرو من صاحباتهم بطريقة صعبة...دى بتلبس كذا يبقى انا البس زيها دى بتحيط مكياج طب اشمعنا انا؟؟

معرفش
اقسم باللهخ انا عمري ما غيرت من صاحباتي يمكن عشان كده معرفش
بس ممكن اقول البنات بتستفز بعض
لانهم بيهتموا بالجمال وكده
غير الاولاد
وعلي فكره تلاقيها في الولاد بس ممكن من النواحي الماديه
معرفش

shaymaa okasha كتب:معرفش
اقسم باللهخ انا عمري ما غيرت من صاحباتي يمكن عشان كده معرفش
بس ممكن اقول البنات بتستفز بعض
لانهم بيهتموا بالجمال وكده
غير الاولاد
وعلي فكره تلاقيها في الولاد بس ممكن من النواحي الماديه
معرفش

ياريت يادكتوره متاخديش الموضوع على اننا بنتكلم عن شخصك انتى
احنا بنسالك يمكن تكونى تعرفى بنات بالطريقه دى زى ماقال عبده بيغيروا من بعض يعنى
وحتى لو اى حد مننا فى حاجه زى دى لما يدافع بيكون عن نوعه يعنى عن الولاد او البنات منعا للاحراج