وعادت أجواء الحرب الباردة!!!

ده دليل الاهتمام بالتفاصيل وتحمل المسئوليه

ومش عيب

الشخصيات نوعين

1- يهتم بالتفاصيل

2- يهتم بالصوره الكليه

كلنا فينا النقيضين بس احدهما يضغي ع الاخر سواء كنا شباب او بنات

شيء كويس
لكن مش عمال على بطال
و الفاتورة تيجي على دماغ الرجالة


اانا زمان كنت قليل الأدب شوية
كنت آجي من المدرسة الساعة 3 و تعبان
و عايز أكل و انام
تروح خالتي تتصل بأمي
و يستعرضوا آخر الأخبار
كنت بقفل السكة ف وشها
هو حاجة وحشة اه
لكن هي مش بتراعي الوقت اننا تعبانين

وانت ترد اصلاا ليه؟؟؟

متعلقش شماعة خلقك الضيق ع خالتك يا تريكه

برؤد عشان اقفل ف وشها

مش هرد عليك

و انا مش هتصل

يا حاج اقصد المشاركه

برؤد عشان اقفل ف وشها

يا تريكه موتني من الضحك

تعليق علي السؤال اللي فات ..
الرغي عند البنات مسألة لا تقبل النقاش ..
حتي البنت الـ socially retarded ليها حد انتيم .. بترغي معاه ..

________________

س: ايه الحاجة اللي تخليكي كبنت ترفضي اي عريس متقدملك بدون نقاش ؟
حاجة fatal يعني ؟

حلاوتك ف الانجليظى

اسكت ياض

انه يكون كذاب او معدوم الشخصيه والمبادئ

ليه الاولاد بحس انهم شايفين نفسهم من طينه تانيه

يعني لو سألتهم عن البنات بيطلعوا القطط الفاطسه

ليه مبيفكروش ان كلنا بشر والمسأله تربويه اكتر منها معتمده ع النوع؟؟؟

ماعتقدش ده موجود عن كل الأولاد يا شيماء
ده ممكن يكون في مرحلة معينة بس .. الأولاد بيبصو فيها للبنات بصورة عدائية شوية
المرحلة دي بتكون بعد الطفولة وقبل المراهقة ..
المفروض التفكير ده ينتهي بعد فترة المراهقة .. بس ممكن يفضل ملازم للواحد
زي عمنا انيس منصور كده

la la

ya3ni masaln

fe mawdoo3 2abl kda ettrak en elbnat ra3`aya

we kol el2awlad by2olo kda

elbant la to2taman 3ala ser

elbanat mo3zamhom tafhen we mawdee3 nkashhom tafha

نسبة كبيرة يا شيماء
وهو ده اللي بيدفعنا للتعميم
يعني ممكن يكون البنات اللي انتي بتتكلمي عنهم دول بنسبة 70 % او 75 %
وده طبيعي في مجتمعنا .. اللي فيه تهميش لدور المرأه عموما ..

لا يا ادمن
العنصر الرجالي هو اللي همش دورها
لو كان عاديه يقولك تافهه و و و وممكن تكون اللي يشغل بالها اكبر منه هو شخصيا ومن كل اللي عنده
ولو كانت ناجحه يقول مسترجله ولو متحضر شويه يقولل مشرفه بس متنفعنيش زوجه

بالعكس البنات بتشيل كتير جدا ودماغها كبيره جدا
بس الاولاد عمرهم ما فكروا كده
دايما يقولك تافهيين مش مثقفين رغايين وغيروه

المشكله اننا معندناش ثقافة ان البنت تتكلم مع الولد علي راحتها في كل ما يشغل بالها
ممكن الولد يعتبر بنت صديقه ويحكي لكن هي لا
واما تكون واحدة مثقفه شويه يقولك مثقفه بس جايبه يا تري الكلام ده منين؟؟ اكيد حد قالهولها

واما تتكلم بخفه يقولك دي مطيوره وعاوزه اللي يعقلها دي مش شايفه سنها

واما تتكلم بوقار يقولك دي عمله فيها ماما

واما تتكلم بطفوله يقولك عمرهم ما عقلهم هيكبر

واول ما تحصلل اي غلطه يقولك عادي بنات

ولو هو غلط يقولك كل ابن ادم خطاء

فين العدل بقي؟؟؟

ده اكن هو عنده دماغ وهي عندها بالوظه

وكأن ربنا خلقه من حاجه وهي من حاجه تانيه

وكأن ابوه رباه تربيه مرباش اخته بيها

مفيش انصاف في الحم ع البنات للاسف

انتي واخده background في النقاش .. بتتكلمي منها

طب ماتعذري الأولاد اللي بيقولو كده ..
لأن دلوقتي .. ايه طريقتك المبدأية الأولية في الحكم علي اللي قدامك ..؟
كلامه و و و و

ومعظم البنات هي اللي بتوصل الصورة دي عن نفسها
انهم رغايين وبتكلمو في حاجات تافهة ومش مثقفين و و و

هو انا لو فيه ولد لقي بنت مش رغاية ومثقفه وبتتكلم في مواضيع هو نفسه ميعرفهاش ..
سواء كانت سياسية او مجتمعية او او او او

هيقول عليها رغاية وتافهة ؟؟

مستحيل

لا لا مش مستحيل

المشكله ان الاولاد فيهم جزئيه النرجسيه وسي السيد

اقرأ المشاركه الللي قبل بتاعتك وشوف التعليقات

علي فكره دي تعليقات حيه من اولاد بيتكلموا ع بنات قدامي وقدامهم ومن وراهم

shaymaa okasha كتب:المشكله اننا معندناش ثقافة ان البنت تتكلم مع الولد علي راحتها في كل ما يشغل بالها
ممكن الولد يعتبر بنت صديقه ويحكي لكن هي لا
واما تكون واحدة مثقفه شويه يقولك مثقفه بس جايبه يا تري الكلام ده منين؟؟ اكيد حد قالهولها

واما تتكلم بخفه يقولك دي مطيوره وعاوزه اللي يعقلها دي مش شايفه سنها

واما تتكلم بوقار يقولك دي عمله فيها ماما

واما تتكلم بطفوله يقولك عمرهم ما عقلهم هيكبر

واول ما تحصلل اي غلطه يقولك عادي بنات

ولو هو غلط يقولك كل ابن ادم خطاء

فين العدل بقي؟؟؟

ده اكن هو عنده دماغ وهي عندها بالوظه

وكأن ربنا خلقه من حاجه وهي من حاجه تانيه

وكأن ابوه رباه تربيه مرباش اخته بيها

مفيش انصاف في الحم ع البنات للاسف

بالراحه بس

مش كل الأولاد كده .. زي بالظبط ما .. مش كل البنات كده

التعميم عموما غلط ..

بالنسبة لموضوع التربية وان ربنا خلقهم من طينة ودول من طينة تانية
فيه فرق طبعا في تربية البنت والولد داخل البيت ..
وبالنسبة للخلق .. فيه فروق فسيولوجية وسيكولوجية بين الجنسين
وعلي اساسه بيكون المعامله .. بس متوصلش للاحتقار اللي انتي ممكن تكوني بتتكلمي عنه ..

shaymaa okasha كتب:لا لا مش مستحيل

المشكله ان الاولاد فيهم جزئيه النرجسيه وسي السيد

اقرأ المشاركه الللي قبل بتاعتك وشوف التعليقات

علي فكره دي تعليقات حيه من اولاد بيتكلموا ع بنات قدامي وقدامهم ومن وراهم

اي أولاد بقي ؟؟ كلهم ؟؟

بالراحه بس


مش كل الأولاد كده .. زي بالظبط ما .. مش كل البنات كده

التعميم عموما غلط ..

بالنسبة لموضوع التربية وان ربنا خلقهم من طينة ودول من طينة تانية
فيه فرق طبعا في تربية البنت والولد داخل البيت ..
وبالنسبة للخلق .. فيه فروق فسيولوجية وسيكولوجية بين الجنسين
وعلي اساسه بيكون المعامله .. بس متوصلش للاحتقار اللي انتي ممكن تكوني بتتكلمي عنه ..

بص يا ادمن
التربيه دي اب وام بيقولوا ده صح وده غلط قدام الاتنين المفروض الاتنين بيلقطوا
بالعكس لو هنكلم عن فروق في التربيه
هيكون الولد تافه ومستهتر اكتر من البنت
والبنت متحمله للمسئوليه
لكن لو افترضت ان الاتنين تربيه واحده في بيئه مثقفه ومسئوله الاولاد كلهم باختلاف اجناسهم هيطلعوا كده
فروق فسيولوجيه وسيكولوجيه ماشي بس مش فكريه والفكر يختلف عن الفروق التانيه اللي بتتكلم عنها
انا اما بتعامل بتعامل بالفكر يا ادمن مش بالفسيولوجي والسيكولوجي

وبعدين انا لو شخص مستوايا الفكري عالي وشايف اللي قدامي بيفتح مواضيع تافهه
افتح موضوع من مستوايا واشوف رد الفعل والكلام وطريقة التفكير
احيانا كتير البنات مبتفتحش كلام كبير لردود الفعل السابقه
وده غلط عليهم لان كل واحد حر واللي مش عاجبه الموضوع يمشي
بس هنقول بيبقي لمعرفة اهتمامات الاخر
لكن اما بيتفتح كلام مهم بيتكلموا

اي أولاد بقي ؟؟ كلهم ؟؟

اه كلهم بس بنسب
وده ميزعلسش دي نزعه في اللي بيسيطر عليها وفي اللي مبيسيطرش

بص يا ادمن
التربيه دي اب وام بيقولوا ده صح وده غلط قدام الاتنين المفروض الاتنين بيلقطوا
بالعكس لو هنكلم عن فروق في التربيه
هيكون الولد تافه ومستهتر اكتر من البنت
والبنت متحمله للمسئوليه

الولد تافه ومستهتر
يعني مش من مبادئ التربية .. ان الأب والأم .. بيعلمو الولد
يابني دي أختك .. حافظ عليها .. متزعلهاش .. دي عرضك وشرفك ..

ومن التربية برضه .. في محظورات علي البنت مش موجوده علي الولد .. ده لأنها بنت
والموضوع مش متعلق بالثقة تماما
يعني الولد ممكن يسهر بره البيت .. البنت هتسهر ؟؟

بالنسبة بقي للمسؤولية ..
مين اللي بييجي يتقدملك يا شيماء ويقول ياعمي انا عندي شقه ومرتبي كذا وشغال كذا وهاعيش بنتك حياة كريمة كويسة ..
مين اللي مطلوب منه تأمين الحياه دي ؟
مين اللي بيصرف ع البيت ودي رسالته وواجبه .. مش تطوع منه علشان يزود مصروف البيت ؟؟

البنت !!!!

_________________________________

لكن لو افترضت ان الاتنين تربيه واحده في بيئه مثقفه ومسئوله الاولاد كلهم باختلاف اجناسهم هيطلعوا كده
فروق فسيولوجيه وسيكولوجيه ماشي بس مش فكريه والفكر يختلف عن الفروق التانيه اللي بتتكلم عنها
انا اما بتعامل بتعامل بالفكر يا ادمن مش بالفسيولوجي والسيكولوجي

تمام .. انا مدخلتش في موضوع الفكر ..
انا كنت بأوضح ان فيه فروق طبعا ..
نيجي بقي ..
هو لما يكون فيه فروق فسيولوجية وسيكولوجية
’’ طبيعي ’’ هيكون فيه فروق فكرية مبنية علي الفروق الفسيولوجية والسيكولوجية
طبيعي ان المواضيع اللي تشغل تفكير البنات بنسبة كبيرة .. تختلف تماما عن المواضيع اللي تشغل تفكير الولاد بنسبة كبير
وده مايمنعش انهم بيتلاقو في مواضيع مشتركة بنسبة كبيرة برضه ( زي الثقافة و الفن وغيرهم )

وكلامي ده مينفيش ان التعامل المفروض يكون قائم تماما في البداية علي فكر ..
بس انتي كده أخدتي جانب واحد مجرّد .. وهو كويس

لو العلاقة بين الجنسين قائمة علي التعامل الفكري بس ..
كنا انقرضنا

____________________________________

وبعدين انا لو شخص مستوايا الفكري عالي وشايف اللي قدامي بيفتح مواضيع تافهه
افتح موضوع من مستوايا واشوف رد الفعل والكلام وطريقة التفكير
احيانا كتير البنات مبتفتحش كلام كبير لردود الفعل السابقه
وده غلط عليهم لان كل واحد حر واللي مش عاجبه الموضوع يمشي
بس هنقول بيبقي لمعرفة اهتمامات الاخر
لكن اما بيتفتح كلام مهم بيتكلموا

ماهو .. كل اناء ينضح بما فيه
مش شرط علشان اعرف تفكير اللي قدامي افتح موضوع عالي

الشخص ذو التفكير العالي ( زي مانتي سمتيه ) بيبان عليه من كلامه
والشخص ذو التفكير اللي مش عالي بيبان برضه عليه .. بدون ماتفتحي نقاش
وده فن الحكم علي الناس

احيانا كتير البنات مبتفتحش كلام كبير لردود الفعل السابقه

يعني هتعاقبي الولاد علي حاجة البنات عملوها ؟؟ !!

وليه اسندتي السبب لكده ؟؟

طب ما ممكن من وجهة نظر تانية .. بتقول ..
ان الشخص بيفضل يتكلم في أكتر حاجة هو فاهم فيها ..
وزي ما قلتلك .. لظروف مجتمعنا .. نسبة كبيرة من الـ females .. ممكن تكون 75 % فعلا زي مانتي قلتي ان الولاد بيقولو عليهم كذا وكذا وكذا
والباقي .. مش كده خالص
وده هيبان من اول كلمتين
مش ممكن انا مثلا آجي اقولك ازيك .. تردي الله يسلمك عادي
وممكن آجي اقولك ازيك .. تردي تقوليلي انت عارف اصلا ايه معني كلمة ازيك ؟؟ وامتي اول مرة اتقالت و و و و ؟

من اول كلمة ومن اول رد .. بتكشفي عن الفكر والثقافة اللي جواكي

وكان فيه درس كويس في ثانوي علي ما أذكر اسمه الكلام والصمت

وكان فيه مقوله بتقول ’’ تكلم حتي اراك ’’
يعني طول مانت قاعد ساكت قدامي .. انا قلقان منك .. مش عارف انت ثقافتك ايه وتفكيرك ايه
اما لو اتكلمت .. هاعرفك علطول ..

لكن اما بيتفتح كلام مهم بيتكلموا

مفيش حد في الكون ملم بكل العلوم والثقافات
ممكن تيجي انتي تفتحي موضوع مهم من وجهة نظرك .. يكون مش مهم للي قدامك
موضوع الأهمية موضوع نسبي

والعكس صحيح

اه كلهم بس بنسب
وده ميزعلسش دي نزعه في اللي بيسيطر عليها وفي اللي مبيسيطرش

التعميم غلط غلط غلط

ليس بهروب من الرد

ولكن الرد في الحلقه القاده " الدخله الجايه بأذن الله " عشان عندي امتحان بعد بكره وورايا دراسه

ردك عندي بس ليس ناو لان الرد ع العرائض يستلزم وقتا في التفكير وتنظيم الكتابه والكتابه في حد ذاتها

سلام مؤقت