مقدمه عملى الباطنة
2 مشترك
صفحة 1 من اصل 1
مقدمه عملى الباطنة
من طرف Shamsology الإثنين أغسطس 30, 2010 8:03 pm
هنبدأ مع بعض إن شاء الله عملى الباطنة
بس قبل ما نبدأ لازم نستحضر النية
أيه نيتك فى مذاكرة عملى الباطنة ؟؟؟
إنك تتعلم ِحاجة تنفع بيها المسلمين فعلا بل وغير المسلمين (( فى كل ذات كبد رطبة أجر ))
صحيح أبوداود 2550 ، وخلى بالك من كلمة فعلا لأنك مثلا فى الفسيولوجى كنت بتقول
وهو أنا هنفع الناس بأيه لكن فى الباطنة عموما وفى العملى خصوصا هتتعلم حاجات
هى أساس شغلك بعد كده
ثانيا : رفع الحرج عن المسلمين لأنك بتتعلم حاجة هى فرض كفاية على المسلمين
وبذلك أنت وضعت عنهم الأثم
نرجع لموضوعنا عملى الباطنة
عملى الباطنة يا شباب بينقسم إلى عدة برانشات :
General sheet
Cardiology
Chest
Neurology
Abdomen
Miscellaneous
طبعا علشان نذاكر عملى لازم نكون مشينا شويه فى نظرى البرانش اللى هنذاكره
ماعدا الـ general sheet أعتقد إننا لازم نكون قراينا المنهج كله علشان نذاكره
مع أنه فى أول كل كتب العملى وهتلاقى كلام معقد وأنت مش فاهمه فده
هنأخره فى الأخر خالص ماعدا بعض النقاط منها حصة النهاردة
وهى أزاى ناخد History من العيان
How to take a History
أهمية الـ History :
الـ History بتاع العيان مهم جدا فى تشخيص المرض مش أول مالعيان يخش عليك
فى العيادة تقوم أنت قايل له نام على السرير وتكشف من غير ماتاخد تاريخ المرض
تبقى حضرتك غلطان والدكتور حسام موافى بيقول على الدكتور اللى بيعمل كده لفظ لن أذكره
و طبعا مش هتعرف تشخص ولا بالتالى هتعرف تعالج
طب هو التاريخ المرضى ده بيفيد فى التشخيص أزاى ؟
هخيلك تحصر تفكيرك فى أمراض معينة مش هتفكر فى كل أمراض الباطنة مثلا .
يعنى واحد قالك أنه عنده ألم فى صدره يبقى أنت بدأت تفكر فى عدة أمراض معينة
طبعا أنت حافظها تبدأ تسأله بقى عن خصائص الألم فى الآخر ممكن تشخص
من الـ history وتقدر تطلبه investigation معينة
طيب أزاى تاخد History :
الـ History بيتكون من 5 نقط مهمه وهى :
Personal History
Compliant
Present History
Past History
Family History
كان هذا الموجز وإليكم الأنباء بالتفصيل
[size=25]Personal history
هنعرف تاريخ العيان الشخصى ليه هنصاحبه مثلا
أيوه هنصاحبه
فعلا دى أحد مهام الـ Personal History
أنك تبقى famliail مع العيان
بعنى من المألوف مش من النوع ............
وده هيخلى العيان يقتنع بيك وبتشخيصك وبالعلاج اللى هتكتبه
العيان ده ياجماعة بنى آدم لازم نعامله بأدمية وباحترام فمينفعش أنى
أكشف عليه من غير ما أعرف اسمه مثلا .
الـ Personal History ده بيتكون من 8 نقط فى الميلز و9 فى الفيميلز ( تفرقه عنصرية )
أول حاجة فى الـ Personal History
1- الأسم name :
ليه ؟
زى ماقلنا to be famliail علشان لم تيجى تكلمه تنادية باسمه وتقوله مثلا يا حاج فلان
ودى حاجة مهمه جدا لو رجعت لكتب التنمية البشرية اللى بتتكلم عن أزاى
تحبب الناس فيك زى مثلا استمتع بحياتك للعريفى أو كيف تكسب الأصدقاء لديل كارينجى
ستجد قاعده عريضة تقول علشان تحبب الناس فيك لازم تعرف أسمائهم
وطبعا أنت محتاج الناس تحبك علشان العيادة تشتغل أمال هتاكل عيش منين ؟
2- sex الجنس :
طبعا مش هتسأل العيان وتقوله ياحاج هو أنت راجل ولاست
اللى ميشفش من الغربال
وهو ده مهم إنى أعرف sex
طبعا يا دوك
فى أمراض بتبقى common in females
أشهر حاجة الحالات psychic اللى بتمثل يعنى إنها مثلا اتشلت أو أتخرصت
نص حالات الحريم كده بتسهبل وخاصة البنات الصغيرين طبعا عارفين ليه ؟
طبعا فى أمراض فعلا أكتر فى الحريم زى collagen disease
أيه collagen disease ؟ اللى هى زى الروماتيود أو الذئبة الحمراء
أما عن الأمراض الأغلب فى الرجال فالسرطانات بأنواعها المختلفة
وحسبى الله ونعم الوكيل فى الحريم بياخدوا الأمراض الخفيفة ويسيبولنا السرطان
3- السن age :
هتقوله عندك كام سنة ياحاج فلان
ما أنت لسه سأل على اسمه علشان تقول كلمه فلان دى
طبعا لو ست هتلاقيها بلمت و تقولك أيه ؟ عندك كام سنه يا تيته
هتقولك يعنى شلاشين شنة يا حبيبى وهى سننها واقعة
متصدقش الحريم فى السن خالص 90% بيكدبوا فى الموضوع ده وبكره تشوف
لكن أيه أهمية السن ؟
طبعا مهم وإلا مكنش الأطفال بقى تخصص لوحده
يعنى جدو لما يجى يشتكى من chest pain أشك أنه ممكن يكون مثلا
Angina أو infarction ياااااااااااااااه
الكلمتين دول سمعنهم فين قبل كده
تقريبا سمعتوهم فى الباثولوجى
أما لو ميدو جاى يشتكى من chest pain غالبا هستبعد موضوع الذبحة ده
وخلى بالكم من كلمه غالبا
4- الوظيفة occupation
بتشتغل إيه عم الحاج ؟
ليه هو أحنا هناسبه
لآه يا دوك خد بالك إن فى بعض الشغلانات زى شغلتنا المهببة دى بتجيب أمراض
عندك مثلا نص الجراحين إن لم يكن ثلاث أربعهم عندهم فيرس سى
أو دوالى ساقين من كتر الوقفة
أكتر شغلانة هتفرق معانا فى المنهج الفلاح علشان البلهارسيا
طبعا فى أماكن شغل مشبوه زى شرم والحتت دى ممكن يكون عنده أيدز مثلا
ودى فعلا حالات حكى لنا الدكاترة الكبار عليها بتقابلهم فى العيادات
فهمت ليه بسأل عن الوظيفة
فهمت و لا أشد فى شعرى
5- مكان الإقامة Residence
ليه ؟ علشان فى أمراض endemic فى أماكن معينة
كان الدكتور اللى باخد عنده درس نظرى د . خالد هدهود كان بيقول جالهم
حالة فى امتحان الدكتوراة واحد من الجابون وعنده أعراض كذا وكذا فى الآخر
الحالة طلعت Loa Loa
أقطع دراعى من لغلوغه أن كنتم تعرفوا عنها حاجه
المهم محدش جاوبها طبعا لكن لما سألوا الأساتذة قالوا لهم دى حالة
سهلة خالص أصل الـ Loa Loa endemic فى الجابون
طبعا أحنا مش لينا فى الوهم ده يعنى خرنا مثلا نعرف عايش فى مدينة ولاقرية
برضه علشان البلهارسيا أو على قدنا مثلا فى الشرقيه فى بلد اسمها القرين
الفلاريا هناك endemic لوعرفت المعلومة دى هتفيدك طبعا
6- marital state
يعنى متجوز و لالاه
قلتلك مش هناسبه بس لازم نعرف طبعا
علشان sexual transmited disease
ومخلف ولالآه
وعدد الأولاد
وأصغرهم سنا
وده مهم جدا فى sheet الـ neuro علشان فى أمراض بتعمل impotance
7-Special Habits
يعنى أيه ؟
يعنى لامؤاخذة الراجل ده بيتعاطى حاجة ؟
وهى دى مهمة ؟
أيوه طبعا ؟
طب أيه هى الحاجات اللى بيتعاطها الناس
طبعا أول حاجة التدخين
طبعا علشان البلاوى اللى بتيجى منه من أول السرطانات المختلفة والذبحة الصدرية
والجلطات وأنت نازل
ملحوظة : لازم أكتب حاجاتين فى الـتدخين
أ- النوع : يعنى سجاير ولا جوزة مش كيلوباترا ولا LM يعنى
ب-severity : يعنى المريض ده mild , moderate or severe smoker
طب دى أعرفها منين
من حاجة أسمها smoking index
Smoking index = عدد الساجاير اللى بيدخنها فى اليوم × عدد السنين اللى دخنها
لو طلع 200 يبقى ده mild
لو 200 – 400 يبقى moderate
لو أكتر من 400 يبقى severe
مثال للتوضيح يا ولاد : لو واحد بيدخن علبه فى اليوم ( 20 سيجارة ) لمده 15 سنة
يبقى 20 × 15 = 300
يبقى ده moderate
فى حاجات تانية غير التدخين
آه طبعا
الخمرة alcohol ولعياذ بالله
خمرة فى بلاد المسلمين للآسف
وحسبى الله فى اللى فى بالى
علشان الخمرة بتعمل بلاوى كتيرة أشهرها تليف الكبد
طب لو مفيش حاجة من الكلام ده فى طريقتين لكتابتها فى الشيت
واحد هيكتب
No special habits
وده غلط لأنه مفيش حد معندوش عادات خاصة بيه
الصح نكتب no special habits of medical importance
8- Handeness
يعنى بيكتب باليمين ولا الشمال ودى مش هنسأل عليها إلا فى شيت النيورو
9- menstrual history
وده فى شيت الأبدومين للحريم بس طبعا وهنبقى نقول ليه هناك ؟
النقط دى مجموعة فى كلمة ناس أمره NAS OMRH
N----------------name
A------------------ age
S-------------------sex
O---------occupation
M-------martial state
R------------resdince
H---------------habits
اسره شمسولوجى
Shamsology- مـشــرف عــام
- عدد المشاركات : 1191
تاريخ التسجيل : 16/07/2010
المود :
طب عين شمس- الإدارة
- عدد المشاركات : 1480
تاريخ التسجيل : 24/08/2010
المود :
مواضيع مماثلة» عملى :: schemes كلينيكال الباطنة
» فيديوهات عملى الباطنة Dr Mark H. Swartz
» عملى اشعة الباطنة العامة دكتور بشير حلمى
» مقدمه بور بوينت للجهاز الدوري من طب الازهر جامعة القاهره صور جامده اخر خمس حاجات
» استفسار عن الباطنة ؟؟؟
» فيديوهات عملى الباطنة Dr Mark H. Swartz
» عملى اشعة الباطنة العامة دكتور بشير حلمى
» مقدمه بور بوينت للجهاز الدوري من طب الازهر جامعة القاهره صور جامده اخر خمس حاجات
» استفسار عن الباطنة ؟؟؟
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى