نظره للامام

السلام عليكم


ازيكم ياشمسولوجيه




بما ان مصر بتعيش حاله فريده وغريبه
من يوم 25 يناير 2011

والثوره وتخلى الرئيس عن منصبه



اهم حاجه نعرفها
المستقبل دلوقتى شايفه ازاى

احنا كلنا شباب والبلد دى لينا احنا وده مستقبلنا
نتكلم انت متفائل ولا لا
حاسس بايه
ايه رياك فى الثوره
مميزاتها وعيوبها مع انها لسه مكملتش
وهتكتمل باذن الله برئيس منتخب من الشعب يقدر يكمل المسيره

طيب بعد المستقل قارنه بالماضى احساسك كان ايه
شايف المملكه ازاى اقصد البلد ازاى
ايه اللى تمنيته انه يحصل وحصل
ايه اللى كان نفسك يحصل ومحصلش

من الاخر
اكتب ماتعرفه عن
المستقبل
الثوره
الماضى

بإيجاز


المستقبل .. أكيد أفضل من الماضي
نسبة تفاؤل ليست بقليلة ( يشوبها تشاؤم - تبادل أدوار بين التفاءل والتشاؤم- ) , وده جاي من ان أكيد الرئيس القادم لمصر مهما كان انتمائه ومرجعيته هيعمل اصلاحات , وخصوصا بعد اللي حصل النهاردة .. ومبارك شرف قفص الاتهام
وتبدأ دولة سيادة القانون
مستقبل أفضل ان شاء الله .. بس اللي هيفرق الطريق اللي هنسلكه للمستقبل ده


الثورة .. هي نقطة التخلص من الماضي والإنطلاق للمستقبل ( عند اكتمالها )
كشفت وشوش كتييير , والتخوين كتر جدا
الواحد في مواقف كتير جدا كان بيفضل الصمت
فيه شكوك حول كل الناس

وطبعا كان من أهم مبادئها , كرامة و حرية و عدالة اجتماعية
والديمقراطية طبعا ..
واللي ليها عيوب .. ومن عيوبها اللي مضايقاني .. فكرة التمتع بالحرية لمن لا يستحقها لانه لم يسع لها , ممكن تتمثل في .. ان واحد زي توفيق عكاشة وقناته بيتكلمو بحريه كامله في أي بتنجان , وزي مرتضي منصور اللي مقتنع تمام الاقتناع بانه الرئيس القادم لمصر
( دي أمثلة لانتقاد فكرة مصوّرة في أشخاص )


الماضي ..
الكرامة والحرية والعدالة الاجتماعية
لو عملنا رسم بياني ليهم في حكم مبارك مثلا
هيطلعلنا curve بيقع من الاعلي للأسفل وزاد وقوعه في آخر 10 سنين وقرب من الصفر

وان كل مسؤول كان بيتعامل ع انه بيتعامل في ملكه الخاص , ولن يحاسب
ومكانتش الكفاءة هي المعيار , بل كانت كيفية حماية النظام هو المعيار
( وبأنفي التعميم عن كلامي .. ممكن يكون بعض الأماكن كان هناك الكفاءة معيار )


الفتره الجاية دي كلها هتكون تنضيف لمخلفات 30 سنة , الله اعلم فترة التنضيف دي هتستمر مده كام ؟

رايك رائع
بس المستقبل ليا قلقان موت ومتفئل جدا لومشيت زى مانا عايز وفى دماغى يعنى

واللي ليها عيوب .. ومن عيوبها اللي مضايقاني .. فكرة التمتع بالحرية لمن لا يستحقها لانه لم يسع لها , ممكن تتمثل في .. ان واحد زي توفيق عكاشة وقناته بيتكلمو بحريه كامله في أي بتنجان , وزي مرتضي منصور اللي مقتنع تمام الاقتناع بانه الرئيس القادم لمصر
( دي أمثلة لانتقاد فكرة مصوّرة في أشخاص )

بص الحاجه دى هتشلنى

وكمان السلفيين 30سنه يقولو الخروج عن الحاكم حرام
وبعد كده يظهروابالطريقه دى
طب الاخوان مع انى بختلف معاهم بس عملوا حاجات كتير واستحملوا اكتر
انما السلفيين اشك

انا يعد الجلسه بتاعت مبارك اللى هو مش مبارك

حاسس بتفائل

انا شكاك جدا ومتشائم جدا..رأييى بإختصار:

-الثورة متعملتش عشان أغير اسم محطة مبارك واخليها الشهداء
-الدنيا هاصت..كل واحد عنده كلمتين حلوين بيرصهم جنب بعض ويقولك انا مناضل ثورجى علمانى سلفى وآسفين يا ريس..متعرفش هو بيحكى ف ايه بالظبط
-فين زيادة المرتبات؟؟فين السلع الغذائية الرخيصة؟؟
*عارف ان الثورة مكملتش لحد دلوقتى..بس انا مش هحكم على حاجة متوقع انها تحصل فى المستقبل
-التغيير الوحيد هو الحرية-رغم انها زادت عن حدها- ..كل واحد بكلمة..كل واحد برأى..كل واحد عمل حزب..كل واحد عمل جماعة..كل واحد عايش فى الغيبوبة

-بالنسبة للمحاكمات..

والله ما عجبنى فيها غير 3 حاجات..3 محاميين بمعنى اصح..

1-محامى الدفاع اللى قال فلان اشترك فى قتل المتظاهرين..طيب اشترك مع مين؟؟ليه بتجهلوها؟؟هاتلى اسماء القناصة اللى ادعوا وجودهم فوق سطوح الداخلية والمبانى المجاورة!!!
لا يا راجل؟؟هو انت تتخيل ان القناص حد هيشوف وشه اساسا؟؟دا لو حد شافه بس-مش هقول عرف اسمه- يبقا ظلمه اللى اداله السلاح ده

2-محامى المدعى بالحق المدنى اللى قال ناخد بصماته وانا معايا الختامة وجايب كل حاجة معايا..عشان بعد كدة اضمن ان اللى هيتسجن هو هو اللى كان بيتحاكم..

طيب ازاى اضمن ان ده مبارك اساسا؟؟
3-مدعى بالحق المدنى قال يحللو الدم وال DNA اللى خدو منه المايك بعدها

ودى الحاجة الوحيدة اللى تثبتلى انا-كإنسان شكاك- ان ده مبارك

مش موضوع اثبات ان ده مبارك ياعبدو ..
ده عبثي جدا ..

ده هما من مصلحتهم ان مبارك اصلا يكون مات ..
ده يمكن كان هناك فكرة تأجيل في المحاكمات يمكن يموت

__

دفاع المتهمين منظم جدا .. وطلباته واضحة جدا .. وعارفين بيقولو ايه وبيعملو ايه ومرتبين نفسهم

دفاع المدعين بالحق المدني .. غير منظمين وغير مرتبين وربنا يستر
المفروض يتحدو و يحددو مطالب ويصرو عليها ونقاط معينة يتكلمو فيها و و و و و


ده تقريبا كل عتاولة البلد في المحاماه منضمين في هيئة الدفاع عن المتهمين

مهو لو ده مش مبارك يبقا انا مضحوك عليا
ولو مضحوك عليا ف دى يبقا مش هصدق اى حاجة تانية

هو ياعم
اسمع كلامي

انا عارف ان هو..بس المفروض يدينى دليل..
ومفيهاش حاجة يعنى اما يحللو الDNA لا هو غلط ولا عيب ولا حرام

عبده مش فاهم وجهه نظرك بجد فى الحكايه دى
يعنى ايه تقول الرجل ده مات مهو كده هيطلع براءه ده حسنى ساعتها ضحك

طب لو مات احنا هنستفيد ايه مين اللى هيتحاكم على كل الجرائم
ولو عايش هيتحاكم عليها هو
مش فاهم ليه بقى تحليل dna

وانا قولت انه مات؟؟

انا بقول اثبتلى ان ده هو اللى كنت بتشوفه ايام زمااااان زمان خالص يعنى..اما مسك رئيس
ممكن يكون مات من زمان وده واحد شبهه..ممكن يكون مبارك هربان وده واحد مكانه..ممكن وممكن وممكن.....

انا عارف ان ده كلام مش منطقى الى حد ما
بس حد يثبتلى العكس

-------------

انا مليش دعوة مين يتحاكم..كل اللى يهمنى ان اللى غلط يتحاكم

لو مبارك كان مات..يبقا هتحاكم اللى حط الراجل ده
لو مبارك هرب وده واحد شبهه..يبقا تحاكم المجلس العسكرى

بغض النظر عن كون كلامى منطقى أو أى وصف تانى..انا من حقى يحللو ال DNA

*حاجة اخيرة..حد كان يصدق ان العادلى شارك فى تفجير القديسين؟؟
حد كان يصدق ان بورتو تاخد دورى ابطال اوروبا؟؟

ماتقيس نسبة السكر عندك كده ياعبدو

قيسهالى انت