إساءت الفيس بوك...............بين الرفض والتجاهل

أنا عن نفسى بعمل ريبورت وخلاص وعندى أسباب كتير:

1-دى صفحة أو جروب أقل من انى أشترك فيهم
2-لو اشتركت هما هيفرحو بالعدد
3-أنا ممكن أشترك -بالنسبالى عادى- بس ممكن واحد ميكونش عارف الجروب ده ويشوفه عندى فيشترك فيه
4-ممكن واحد يقتنع بكلامهم-واحد ايمانه ضعيف يعنى-
5-هستفيد ايه لو اشتركت؟؟!!!!
6-القافلة تسير..اللى يقول يقول

*فى فيلم الرهينة أحمد عز قال لياسمين جملة حلوة أوى:

عز:انتو اللى عملتو للإرهابيين قيمة
ياسمين:احنا مين؟؟
عز:الاعلام..ما انتو لو منقلتوش أخبارهم محدش هيعبرهم

دى بالظط نفس الفكرة

-------

فى أيام الثورة واحد بيحكيلى..

كنا قليلين بتاع 7000 ولا حاجة..كنا بنروح نستفز ف عساكر الأمن المركزى عشان يضربونا والناس لما يشوفونا بنتضرب هيتلمو ..بس العساكر مضربوش..وبالتالى الناس زهقو وبالتالى روحوا

-------

جروب معفن متخلف شبه صاحبه..أنا ليه اشترك فيه؟؟ليه أعمله دعاية بطريقة غير مباشرة؟؟مهو فى ناس بيعملوله shareويقولو لأصحابهم يعملوله ريبورت

طيب..الجروب ده لو فيه حتى مليار بنى آدم..أنا نقصت حاجة؟؟الإسلام نقص حاجة؟؟

ومحدش يقوللى انت آخد الحكاية ببساطة ليه؟؟عشان ردى هيكون :وما آخدهاش ببساطة ليه

-------

حكمة كان كاتبها محمد شمس معناها:لو حد حاول يقلل من شأنك بحاجة مش موجودة فيك..اعرف انه مش لاقى حاجة يمسكها عليك

-------

واللهم لا تؤاخذنا بما فعل السفهاء منا

وكمان بيت الشعر اللى احمد بيحبه:يخاطبنى السفيه بكل حمق..فأكره أن أكون له مجيبا
يزيد سفاهة فأزيد حلما..كعود زاده الإحراق طيبا

=======================

موضوع جميل جدا يا سوسى
يا ريت الكل يقول رأيه

انا بعمل ريبورت او بلوك
لو لقيت مينفعش
بعرف ان دول ناس واصلة ..و مش بحاول انشر لان هما هدفهم ان هما يننتشروا

بص ياعبدو
انا مش قصدى تشترك ...................خالص بالعكس
انا كمان بيستفزنى اللى بيعمل لايك عشان يدخل يشتم
الشتايم دى مش بتأثر فيهم بالعكس انت كده بتزود عدد الفانز بتاع الصفحة
وبتضعف موقف الريبورتات اللى بتتعمل............وبعدى انت فى ايدك انك تعمل الغاء للإعجاب ليه بتسيبه...........

ما انا فاهم ان ده مش قصدك..

أن بس بقول رأيى..عشان فى ناس بيحبو ينشروها ويبقا الريبورت كتير

أنا من نفس رأى عبدو
كمان عدد الناس الكتير المعجبين بالصفحات دى بيبقوا داخلينها عشان يشتموا
وانا شايف ان الشتيمة مش هتأثر معاهم ومش هينوبنى الا انى آخد سيئات على حاجة متستاهلش

انا رأى من رأيكم كده برضوا............ يعنى عشان مش نعملهم قيمة لأنهم احقر من اننا حتى نعمل شير حتى لو عشان الربورتات تبقى اكتر...........

طب احنا هدفنا ان اكبر عدد يعمل ريبورت للصفحه دى
طب ازاى وكل واحد فينا هيعمل ريبورت بس من غير شار



انا عن نفسى لما الاقى حاجه زى دى بيعملها ريبورت وشير علشان صحابى يعملوها كمان
فاعتقادى ان ده خير
ومن راى منكم منكرا فليغيره بيده فان لم يستطع فبلسانه فان لم يستطع فبقلبه وهذا اضعف الايمان

ماهو احنا لو معملنلهاش شير..محدش هيشوفها ولا يعرفها...وبالتالى هتبقى زى قلتها وهتفقد الهدف المطلوب منها

طب احنا هدفنا ان اكبر عدد يعمل ريبورت للصفحه دى

لأ مش ده الهدف الأصلى..

الهدف أكيد ان الصفحة دى تتقفل..وده قصدك..

بس انا مبفكرش فيها من الناحية دى..أنا بفكر من ناحية ان الصفحة محدش يشوفها اساسا..

واحد عبيط عمل جروب عبيط..اما نطنشه هيزهق..

-----------
خلينى معاك يا سيد للآخر..

فى كام جروب م دول اتعمل؟؟وكام جروب منهم اتقفل؟؟!!!

والنبى ياخويا ماعرف بس هم اكيد واصلين زى ماتريكه قال
بس انا ببص من ناحيه اعمل اللى عليها وخلاص

طويب

بأعمل ريبورت بس