مشروع العمارة - دعوة لكل مصرى

https://www.facebook.com/event.php?eid=151807594876476




Time
Friday, February 18 at 8:00pm - June 18 at 8:00pm


Location
فى كل عُمارة فى مصر


Created By
Mohamed Ißrahim, مشروع العمارة




More Info


أهداف المشروع ..

المشروع الأول :-
مشروع التكافل الاجتماعى :

(1) فى كل عمارة هننشىء صندوق للتكافل .. و كلمة "صندوق" هنا كلمة رمزية لأننا مش هنجمع فيه فلوس و بس ..
(2) إما ان شقة واحدة هتتطوع و تتولى أمانة الصندوق, أو إن الصندوق هتتولى أمانته شقة مختلفة كل شهر ..
(3) كل شهر أمين الصندوق هيعدى على جيرانه, و يجمع منهم تبرعات ..
(4) التبرعات ممكن تكون فلوس .. أو هدوم .. أو مواد غذائية .. أو بطاطين .. أو أى حاجة زايدة عن حاجة السكان ..
(5) فى نهاية الشهر أمين الصندوق هيوزع التبرعات فى أعمال خير يكون مقترحها على جيرانه, أو جيرانه مقترحينها عليه, و موافقين عليها ..
(6) توزيع التبرعات ممكن يكون بشكل فردى, مثلا زى لعلاج أشخاص محتاجين للعلاج, أو لمساعدة ناس محتاجين فعلا لإتمام شراء سكن أو لإتمام زواج, أو لشراء شنط رمضان, أو شراء بطاطين فى الشتا .. أو .. أو .. أو ...
أو ممكن يكون عن طريق جمعيات أو مؤسسات خيرية زى جمعية رسالة أو الأورمان أو بنك الطعام أو مصر الخير, أو أى جمعية معروف و موثوق فى نشاطاتها, أو للمساهمة فى بناء أو تجهيز مستشفى ..... إلخ.
(7) الشهر اللى بعده أعمال للخير جديدة بتبرعات جديدة و هكذا ...

*من كان عنده فضل ظهر فليعد به على من لا ظهر له .. و من كان عنده فضل زاد فليعد به على من لا زاد له* حديث شريف


المشروع الثانى :-
مشروع تطوير المناطق و المدن/القرى و المحافظات:

الفكرة ببساطة ..

(1) كل واحد فينا فى عمارته , هيعدى على جيرانه , و يسألهم بيتمنوا إيه لعمارتهم و لمنطقتهم أو لحيّهم , و كمان لمحافظتهم ..
(2) هنجمّع أفكار الناس و آرائهم و تطلعاتهم و مشاكلهم ..
(3) لما نجمعها و عددنا يزيد إن شاء الله هنجمّع ممثلين عن كل منطقة أو حى ..
(4) هنعمل "وثيقة" أو "بيان" بمطالبنا , عليه أسامينا ..
(5) هنقدم مطالبنا لمجالس الحى أو المدينة , و كمان للمحافظة , و لكل مسؤول عن مطالبنا ..

الهدف هو إننا هنبقى كلنا "مع بعض" ..
عارفين حقوقنا, و كمان واجباتنا تجاه المكان اللى عايشين فيه ..
هنصلح و هنطور منطقتنا و مدينتنا و قريتنا بإيدينا و بتعاوننا ..
المشروع محتاج إيجابية مننا ..
و مبادرة من كل واحد إنه يسعى لمعرفة مشاكل منطقته , و كمان محافظته ..
عايزين نوصل لكل عمارة .. و لكل منطقة و قرية و مدينة فى مصر , و نعرف مشاكلها و احتياجاتها , عشان نقدر نبتدى نحلها ..
و الفكرة كلها هتبتدى بإيجابيتك ...
و الفكرة كلها هتبتدى من عمارتك ...

---------------------------------------------------------------------------------------------

خطة العمل :-

#1: يا ريت تشوفو مطبوعات المشروع اللى ممكن نطبعها و نعلقها فى أى مكان ..









#2 : يا شباب .. صلاة الجمعة فرصة كبيرة للتواصل مع جيراننا و أبناء منطقتنا , و كذلك الحال فى قداس الكنيسة عند الاخوة المسيحيين , ممكن نستغل الفرصة دى بشكل كبير اننا نسألهم عن تطلعاتهم و اقتراحاتهم و مشاكلهم , و فى نفس الوقت ننشر الفكرة لعدد أكبر من الناس ...

#3 : إذا قدرتم , و تبقوا مشكورين جزيل الشكر , تطبعوا المطبوع اللى اقترحته كصورة مبدئية عن مضمون المشروع , و تصوروه , و نعلقوا على مداخل العمارات , و الجوامع و الكنايس , و فى المترو , و فى أى مكان واضح للناس , بصورة لا تؤذى المظهر العام للأماكن دى , هنبقى بكده برضو بننحقق انتشار أكبر للفكرة إن شاء الله , و كمان هتخلى الناس تعتاد الفكرة أكتر ...

#4 : لما نعدى على جيراننا , يكون معانا ورقة و قلم ندون فيها أفكارهم , و يفضل إن جيراننا يكتبوا أساميهم عليها , عشان بعد كده لما نيجى نتقدم بالاقتراحات أو المطالب إن شاء الله , يكون الورق ده معانا و يساعدنا إننا نعمل الوثيقة أو البيان الموحد بمطالبنا اللى عليه أسامينا ...

#5 : "الصورة تغنى عن ألف كلمة" ..
يا ريت لو نقدر نصور الأماكن اللى باين فيها مشاكل محتاجة تتحل , زى تراكم القمامة , أو طرق مكسرة , أو مشاكل فى الصرف الصحى , أو أعمدة إنارة محتاجة تتصلح , أو جناين محتاجة عناية ... إلخ


---------------------------------------------------------------------------------------------

ده فيديو بيوضح الفكرة العامة للمشروع



---------------------------------------------------------------------------------------------
---------------------------------------------------------------------------------------------

و أخيرا .. عايزين نوصل الفكرة لأكبر عدد من الناس فى مناطق مختلفة ..

ممكن تساعدنا فى كده ؟؟

إزاى نبعت دعوات لأصحابنا كلهم فى أقل من دقيقة ؟؟

How to invite ALL your friends to an event ??

1) Go to the Event and click “Select friends to invite”........ تحت صورة ال event

2) Once the page has loaded you should see all of your friends, but they are not selected.

3) Scroll down the list of your friends & make sure all of them are loaded.

4) At this point, copy and paste the javascript code below into your Web browser’s address bar, then hit “Enter”.
Note: Make sure you enter it into the address bar not the "search friends" bar.

5) If all goes well, it selects all of your friends!

6) Click "Send Invitations".

Here is the code:

javascript:elms=document.getElementsByName("checkableitems[]");for (i=0;i
الدال على الخير كفاعله

---------------------------------------------------------------------------------------------

بعد ما عددنا تخطى ال 1000 مشارك الحمد لله ..
تم عمل جروب تابع للمشروع عشان نقدر نشارك الأفكار و الاقتراحات و نناقشها مع بعض و ننسق ازاى نبتدى ننقلها على أرض الواقع .. و دى هتكون أول خطوة عشان المشروع ينتقل لمرحلة أكبر و يكون حملة نوصلها لكل مكان فى مصر ..
رأيك فعلا يهمنا ...

لينك الجروب
https://www.facebook.com/home.php?sk=group_211103038902173&ap=1

---------------------------------------------------------------------------------------------

الثائر الحق هو من يثور على الفساد ... ثم يهدأ ليبني الأمجاد

---------------------------------------------------------------------------------------------

https://www.facebook.com/event.php?eid=151807594876476