نعم أم لا للتعديلات الدستورية ولماذا ؟؟

انا عن نفسى هقول لأ

عشان كان ايه لزمته اما تعلق الدستور وترجع ترقعه؟؟

صلاحيات الريس لازم تتدل..وبعدين المفروض ان الدستور سقط
----------------------------------------

دا ميمنعش انى موافق على كل التعديلات

انا هأقول نعم ..
لأني موافق ع التعديلات كلها ..
ومتفائل ان دي مرحلة انتقالية فعلا .. وان مجلس الشعب اللي هييجي هيمشي في الطريق اللي شباب الثورة حددوه .. وهيعمل دستور جديد ..
+
ان عمل دستور جديد مبيكونش من صفر لـ 100 % ..
ده بيكون للمواد اللي عليها خلاف ..
في مواد بناخدها من دساتير تانية جاهزة ومتفق عليها ..

+
توضيح بس ياعبدو .. احنا دلوقتي فعلا الدستور سقط ..
تعطيل العمل بالدستور = سقوط الدستور
احنا دلوقتي ماشيين باعلان دستوري من القوات المسلحة
ولو وافقنا ع المواد دي ..
هنعمل مجلس شعب من ضمن مهامه .. تغيير الدستور بعد الفترة اللي بنعديها دي ..



نعم أو لأ .. فانا أول مرة هانزل ادلي بصوتي .. وحاسس انه مؤثر

وسعيد بالاختلاف ده ياعبود

هنعمل مجلس شعب من ضمن مهامه .. تغيير الدستور بعد الفترة اللي بنعديها دي ..

ما انا هقول لأ عشان مش ضامن دى

وسعيد بالاختلاف ده ياعبود

ما خلاص بقينا بلد ديموقراطى

انا موافق عالتعديلات بس في دستور جديد
و ليس الدستور الحالي

Abotreka كتب:انا موافق عالتعديلات بس في دستور جديد
و ليس الدستور الحالي

ازاي يعني ؟؟

يعني اتمنى ان التعديلات دي تبقى في دستور جديد مع غيرها مع التعديلات
لكن ف دستور حالي لا


متسألنيش ليه

يعني عايز تقول اننا نعمل دستور جديد فيه اخطاء .. وبعدين نبقي نعدله

..

انت مين يا تريكة ؟

تصدق انك عبقرى

ياض قصده ان التعديلات دى(المواد الجديدة) تتحط ف دستور جديد

انا بقول لأ
بعد ما حضرت الندوة امبارح اكتشفت ان المواد المعدلة فى بعض منها صياغته خطأ
وبعدين لو الاستفتاء انتهى بنعم
يبقى هنجيب عليه مجلس شعب مش مضمون وحاليا اللى جاهزين بس هما الحزب الوطنى والاخوان
وبالتالى مش هيكون اختيار الرئيس ممثل لرأى الأغلبية
وبعد كدة نحط دستور جديد ونعمل انتخابات جديدة ومجلس شعب جديد ورئيس تانى؟؟!!
طب وعلى ايه؟
خليها مرة واحدة احسن ...وكدة كدة سواء قلنا نعم او لا ..الجيش هينزل حاجة شبه دستور من 11 او 12 مادة تمشي الفترة الانتقالية لغاية ما يتعمل دستور جديد لو الناس قالت لا او بعد الانتخابات لما يتعمل الدستور الجديد فانا
شايف ان هى هى ودلوقتى احسن من بعدين

انا طبعا برده بقول لا .................اولا الدستور اللى بيحولو يعملوله انعاش ده مات خلاص وفقد شرعيته مع نجاح الثورة+انه اصلا دستور معيب وكان متفصل تفصيل على ايد النظام السابق.......وفيه مواد كتير بتناقض بعضها......وبعدين احنا اسقطنا النظام ليه هنتمسك بدستوره.............هى التعديلات فى حد ذاتها كويسة وانا موافقة عليهابس مش موافقة على الستور القديم......يعنى التعديلات دى مفروض تبقى نواة للدستور الجديد...مش مجرد ترقيع لدستور مهلهل.........

Just a doctor كتب:انا بقول لأ
بعد ما حضرت الندوة امبارح اكتشفت ان المواد المعدلة فى بعض منها صياغته خطأ
وبعدين لو الاستفتاء انتهى بنعم
يبقى هنجيب عليه مجلس شعب مش مضمون وحاليا اللى جاهزين بس هما الحزب الوطنى والاخوان
وبالتالى مش هيكون اختيار الرئيس ممثل لرأى الأغلبية
وبعد كدة نحط دستور جديد ونعمل انتخابات جديدة ومجلس شعب جديد ورئيس تانى؟؟!!
طب وعلى ايه؟
خليها مرة واحدة احسن ...وكدة كدة سواء قلنا نعم او لا ..الجيش هينزل حاجة شبه دستور من 11 او 12 مادة تمشي الفترة الانتقالية لغاية ما يتعمل دستور جديد لو الناس قالت لا او بعد الانتخابات لما يتعمل الدستور الجديد فانا
شايف ان هى هى ودلوقتى احسن من بعدين

تمام ..
بس ليه تخلي الجيش مستنفذ طول الفترة دي ؟؟ ماتخليه يكمل المؤسسات ويرجع ثكناته .. واهو الميدان موجود والناس موجوده ( واعتقد قولي كده غلط لان ده قفذ علي الشرعية الدستورية بان اي حاجة مش عاجبه شوية ناس يطلعو يتظاهرو علشانها ) بس اعتقد ومتفائل .. ان محدش هيعمل حاجة الناس مش عايزاها ..

وبعدين احنا اسقطنا النظام ليه هنتمسك بدستوره

مش هنتمسك بيه .. ماهو سقط خلاص

هى التعديلات فى حد ذاتها كويسة وانا موافقة عليهابس مش موافقة على الستور القديم.

تمام

يعنى التعديلات دى مفروض تبقى نواة للدستور الجديد...مش مجرد ترقيع لدستور مهلهل

ماهي فعلا كده ..
لو كانت نتيحة الاستفتاء ( نعم )
المجلس الأعلي للقوات المسلحة هيعمل حاجة اسمها اعلان دستوري فيه المواد المعدلة دي .. والدولة هتمشي بيه الفترة الجاية لغاية مانعمل مجلس شعب ( والله اعلم هيعملو شوري ولا ايه ) + نجيب رئيس + دستور جديد ..

يعني قلنا اه او لأ .. دستور 71 مش هيرجع تاني

علي فكرة انا بأوضح فقط .. وبنتناقش مع بعض ..
مش بأفرض رأيي أبداااا ..

انا لغايه امبارح ياجماعه والله انا قلقان ومحتار
حاسس ان اخيرا صوتى بقى له لازمه
الله يسميه بالخير ريسنا السابق مكنش بيحب يتعبنا خالص
المهم
هاقول لا
لان الدستور سقط ومينفعش اوافق على دستور ساقط
والدستور مواد كتيره فيه غير التعديلات مش عجبانى يعنى انا بوافق على التعديلات فى ضمن دستور مش مقتنع بيه
لو اه الاخوان هم القوه المنظمه دلوقتى على الساحه
وقله ثقتى فى الرئيس الجديد ومجلس الشعب بتخلينى اقول اعمل دستور جديددلوقتى واخلص
وبعدين لو قلت اه يعنى بمعنى كده هاوافق على الانتخايات مجلس الشعب وبعدين الرئاسه وبعدين عمل دستور جديد وبعدين انتخابات تانى
طب ليه مانا اتعب سنه وحده واخلص نفسى
والجيش لو عايز يظبط البلد من الفوضى هيظبطها
فيه حاجه فة تصرفات الجيش قلقانى
قله الثقه هى السبب الاكبر انى اقول لا وبعدها الاخوان مش لان الاخوان غلط بس محبش يكونوا هم السلطه الاكبر

Admin كتب:

Just a doctor كتب:انا بقول لأ
بعد ما حضرت الندوة امبارح اكتشفت ان المواد المعدلة فى بعض منها صياغته خطأ
وبعدين لو الاستفتاء انتهى بنعم
يبقى هنجيب عليه مجلس شعب مش مضمون وحاليا اللى جاهزين بس هما الحزب الوطنى والاخوان
وبالتالى مش هيكون اختيار الرئيس ممثل لرأى الأغلبية
وبعد كدة نحط دستور جديد ونعمل انتخابات جديدة ومجلس شعب جديد ورئيس تانى؟؟!!
طب وعلى ايه؟
خليها مرة واحدة احسن ...وكدة كدة سواء قلنا نعم او لا ..الجيش هينزل حاجة شبه دستور من 11 او 12 مادة تمشي الفترة الانتقالية لغاية ما يتعمل دستور جديد لو الناس قالت لا او بعد الانتخابات لما يتعمل الدستور الجديد فانا
شايف ان هى هى ودلوقتى احسن من بعدين

تمام ..
بس ليه تخلي الجيش مستنفذ طول الفترة دي ؟؟ ماتخليه يكمل المؤسسات ويرجع ثكناته .. واهو الميدان موجود والناس موجوده ( واعتقد قولي كده غلط لان ده قفذ علي الشرعية الدستورية بان اي حاجة مش عاجبه شوية ناس يطلعو يتظاهرو علشانها ) بس اعتقد ومتفائل .. ان محدش هيعمل حاجة الناس مش عايزاها ..

الجيش مش هيبقى مستنفذ ولا حاجة...كدة كدة هيرجع مكانه فى وقته المحدد ليه
وزى ما قلتلك هيطلع زى لايحة او وثيقة فيها كام مادة تعمل عمل الدستور لغاية ما يتعمل يعنى واللى اعرفه انه الدستور عشان يتغير مش هياخد اكتر من شهرين
وبعديها تتعمل استفتاء عليه لو كانت اللجنة التاسيسية اللى حطاه معينة مش منتخبة ولو منتخبة يبق اللى هيحطوه هيتوافق عليه رسمى
وبعد كدة نعمل انتخابات مجلس شعب وشورى على نضافة وعلى دستور جديد
لأن لو حصلت عالدستور الحالى هتبقى نفس اللي حصل فى الانتخابات اللى فاتت

باى ذا واى ...بعد التعديل: المادة 190 لسة زى ما هى ومكتوب فيها 6 سنوات مش 4 بالرغم من ان المادة 77 اتكتب فيها كل فترة 4 سنوات وده بردو يعتبر غلط
سيبك انت المهم الواحد ينزل يستفتى وخلاص ..أول واحد المرة يحس انه بيدى صوته وفيه امل انه يتسمع

وقله ثقتى فى الرئيس الجديد ومجلس الشعب بتخلينى اقول اعمل دستور جديددلوقتى واخلص

ده اللى قالقنى برده بس ان شا الله اكيد فى انتخابات نزيهة واشراف قضائى كامل بقى مش زى قبل كده

وزى ما قلتلك هيطلع زى لايحة او وثيقة فيها كام مادة تعمل عمل الدستور لغاية ما يتعمل يعنى واللى اعرفه انه الدستور عشان يتغير مش هياخد اكتر من شهرين
وبعديها تتعمل استفتاء عليه لو كانت اللجنة التاسيسية اللى حطاه معينة مش منتخبة ولو منتخبة يبق اللى هيحطوه هيتوافق عليه رسمى
وبعد كدة نعمل انتخابات مجلس شعب وشورى على نضافة وعلى دستور جديد

ما هم عملو التعديلات دى علشان الانتخابات مخصوص وتكون ع نضافة
كانوا عملوا دستور جديد وكنا نعمل عليه استفتاء بدل اللى حصل ده كان يبقى احسن
وكده كده الجيش هيفضل ماسك 6شهورفمش هتفرق شهرين بتوع دستور

هو لو النتيجة طلعت لا ايه اللى هيحصل المهم ؟؟!!
هيعملوا دستور جديد ولا ولا لا دى هتبقى رفض التعديلات ويفضل الدستور القديم ؟؟

انا لسه محتاار بس مبدايا موافق عالتعديلات معظمها مش كلها
ومجلس الشعب يبقى يختار لجنة تعمل دستور جديد بقى

هو لو النتيجة طلعت لا ايه اللى هيحصل المهم ؟؟!!
هيعملوا دستور جديد ولا ولا لا دى هتبقى رفض التعديلات ويفضل الدستور القديم ؟؟

انا لسه محتاار بس مبدايا موافق عالتعديلات معظمها مش كلها
ومجلس الشعب يبقى يختار لجنة تعمل دستور جديد بقى

اللى قالوه شادى الغزالى حرب و ضياء رشوان فى الندوة
انه لو اتقال لا هيبقى فيه استغناء عن الدستور تماما وعمل اللايحة اللى بقول عليها دى وهيبقى هى بمثابة دستور من 12 مادة
وبالنسبة للسطر الاخير فاللى انت قلته...فده سبب من أسباب رفضى للتعديلات لأن فى مواد موافق عليها بالفعل زى 77 بس مش موافق على مواد تانية
فبالتالى مينفعش اقول آه وده الصراحة انا شايف انه عيب فى الاستفتاء اصلا

والله عاجبنى جدا الحال بتاع الديموقراطية ده. .

كل واحد مننا..أنا وانت وانتى وهو وهى عايزين مصلحة البلد..أى حد عايز مصلحة البلد لازم ينزل يدى صوته..مهما كان اختلافنا فى طرية تحقيق المصلحة العامة, اللى هيحكم ف الآخر-على غير العادة- هو الارادة الشعبية..

كنا بنقول زمان خليك ايجابى وانزل حط صوتك..دلوقتى بنقول خليك مصرى وطنى بيحب بلده وحط صوتك

كلـــــــــــــــــــــــــه ينزل يا جماعة..أى حد بيصوت ف أى لجنة بالرقم القومى بتاعه ..

عجبانى جدا فكرة الاعلان على أون تى فى اللى بيقول:
"الشخص العادى يعرف أكتر من 250 واحد..خد 5 منهم بس معاك وانت رايح تصوت"

كلـــــــــــــــــــــــــه ينزل يا جماعة..أى حد بيصوت ف أى لجنة بالرقم القومى بتاعه ..

عبده انت متاكد من الكلمه دى
ده انا نزلت علشان اعرف اصوت
لان فيه ناس قالت مش مؤكد الحكايه دى

يا عم آه بإذن الله ..كل الناس بيقولو كدة ..



بس محدش يتستظرف ويصوت مرتين..عقوبتها جامدة جدا بس مش فاكر بالظبط

عقوبتها من سنتين لخمس سنين وغرامة من 5 ل 10 آلاف جنيه

زى الفل والله

خد 5 منهم بس معاك وانت رايح تصوت

تيجي معايا ؟ اصل باقيلي واحد واكمل الخمسة

عبده انت متاكد من الكلمه دى
ده انا نزلت علشان اعرف اصوت
لان فيه ناس قالت مش مؤكد الحكايه دى

أكيد يا ماجيكيان ..
بالرقم القومي وفي أي لجنة مش لازم تكون اللجنة اللي انت تابع ليها في محل اقامتك