عاجل | مؤكد ...المجلس الأعلى للقوات المسلحة يقبل إستقالة أحمد شفيق ويعين د.عصام شرف وزير النقل السابق

قرار حكيم
وادى الخبر من اليوم السابع
http://www.youm7.com/News.asp?NewsID=362245&SecID=12

....
د.عصام شرف رئيس الوزراء المكلف.. أستاذ هندسة الطرق بجامعة القاهرة.. وحصل على جائزة الدولة التشجيعية فى 1987.. وتولى وزارة النقل فى حكومة نظيف عام 2004



شغل د.عصام عبد العزيز شرف، الذى كلفه المجلس الأعلى للقوات المسلحة اليوم، الخميس، بتشكيل حكومة جديدة خلفاً لحكومة د.أحمد شفيق، منصب وزير النقل خلال الفترة من يوليو عام 2004 إلى ديسمبر 2005 فى حكومة الدكتور أحمد نظيف رئيس الوزراء الأسبق.

وقد تدرج فى عمله كأستاذ لهندسة الطرق بكلية الهندسة جامعة القاهرة، وأستاذ زائر بجامعة بيردو بأمريكا من عام 1984 إلى 1985، ثم عين مدرساً بهندسة القاهرة خلال الفترة من عام 1986 إلى 1991، وعمل أستاذاً مساعداً بكلية الهندسة جامعة الملك سعود بالمملكة العربية السعودية خلال الفترة من 1990 – 1996، كما عمل أستاذاً مساعداً فى جامعة القاهرة فى الفترة من 1991 إلى 1996، وأستاذ بنفس الجامعة من 1996 وحتى الآن.

وحصل الدكتور عصام شرف على عدة جوائز منها:
- جائزة الدولة التشجيعية فى العلوم الهندسية من أكاديمية البحث العلمى (مصر) عام 1987.

- جائزة الدولة الشجيعية للأفراد والهيئات (جائزة المهندس سليمان عبد الحى للأفراد والهيئات) من أكاديمية البحث العلمى 1987.

- شهادة تقدير من جامعة القاهرة فى الاحتفال بيوم العلماء من مصر 1988.

- حصل على نوط الامتياز من الدرجة الأولى من الرئيس السابق حسنى مبارك عام 1995.

- وجائزة جامعة القاهرة التشجيعية للتميز العلمى فى الهندسة 1997.

- وجائزة الدولة التشجيعية فى العلوم الهندسية عام 1997.

- وهو عضو بالجمعيات والهيئات العلمية من معهد مهندسى النقل وأبحاث النقل بأمريكا.

- وعضو بجمعية المؤتمر العالمى لأبحاث النقل فى سويسرا وفرنسا.

- وله 105 أبحاث علمية منشورة فى المجلات المحلية والعالمية معظمها فى مجال تصميم وصيانة ونظم إدارة رصفيات الطرق وفى مجالات نظم تحليل حوادث المرور.

ده زيادة للتاكيد بس

مش مهم الواحد يكون معاه جوايز ايه ولا دارس ايه؟
المهم يعرف يأدى شغله
والحاج اللى فوق ده فى قطر اتقلب فى عهده يعنى المفروض يتحاكم

فكك من القديم بتاع قبل الثورة ده

شرف تولى وزارة النقل فى 9 يوليو 2004 فى حكومة الدكتور أحمد نظيف رئيس الوزراء السابق عقب تكليفه بتشكيل الحكومة خلفاً للدكتور عاطف عبيد، لكن الظروف لم تمهله ليظهر تأثيره على قطاعات النقل، حيث خرج فى التعديل الوزارة الذى أُجرى فى 31 ديسمبر 2005، ليبتعد عن الأضواء، رافضاً الحديث عن أسباب خروجه المفاجئ ، خاصة أن فترته لم تشهد حدوث أية حوادث كارثية كحالات تصادم القطارات التى أطاحت بغالبية وزراء النقل.

من اليوم السابع
http://www.youm7.com/News.asp?NewsID=362245&
الراجل نضييف يا عم اهو
وبعدين نحاسبه عاللى جاى احسن

طب هو كان حد عنده دليل على شفيق انه عمل حاجة؟؟
عالاقل محصلش فى عهده كارثة!!
يعنى ايه نضيف ؟مش كان وزير نقل بردو ساعة القطر ما اتقلب ولا انا بيتهيألى؟
وبعدين هو مش ده من رموز النظام السابق هو كمان؟

شفيق .الشعب مش راضى عنه وكان ممكن يحصل فتنة
ناس معترضة عليه وناس مؤيدااه
بغض النظر عن عمله او هو كفؤ ولا لا
بس القرار ده صح

بالنسبة لشرف هو كان وزير من يوليو 2004ل ديسمبر2005 واستقال او اتغير واليوم السابع قايل كمان انه محصلشى تصادم قطارات مش عارف انت قصدك ع انقلاب القطر نهون بقى
وبعدين القوات المسلحة شايفاه يصلح لكده
يبقى بالتوفيق وربنا معاه

http://ar.wikipedia.org/wiki/%D8%B9%D8%B5%D8%A7%D9%85_%D8%B4%D8%B1%D9%81
شوف كدة
هتقوللى الويكيبيديا مش موثوق فيها
مكتوب فى الدستور كمان إنه استقال لما لقى إن الحكومة مش ناوية تعدل من طريقتها بعد حادث قطار قليوب
هدورلك عاللينك بردو

مش لاقى اللينك اللى كنت قريته دلوقتى
عموما أنا مش مقتنع باللى حصل ..حتى لو الراجل كويس فشفيق كمان كويس ومفرقش
واللى بيقول إن شفيق رمز للنظام القديم ينزل التحرير ويطلب إستقالة المشير طنطاوى لأنه كان وزير دفاع وانتاج حربى فى نظام مبارك

يا محمد الراجل ده تقريبا مسك سنة واحدة..مفيش اى حد ينفع تحاسبه بعد سنة او حتى 2 من اما مسك...

احمد شفيق لما ساب عيشة عبد الهادى..ويونس بتاع الكهربا سابهم عشان يخلصو الملفات اللى معاهم..على اساس انه لو جاب حد 2 هتخرب

اهو عبدوا قال اللى كنت هقوله
الراجل مسك سنة واحدة واستقال لما ملقاش تفيير زى ما قلت

وبعدين اهم حاجة علشان نقفل بؤ الشعب
والباب اللى يجيلك منه الريح سده واستريح

abdoo كتب:يا محمد الراجل ده تقريبا مسك سنة واحدة..مفيش اى حد ينفع تحاسبه بعد سنة او حتى 2 من اما مسك...

احمد شفيق لما ساب عيشة عبد الهادى..ويونس بتاع الكهربا سابهم عشان يخلصو الملفات اللى معاهم..على اساس انه لو جاب حد 2 هتخرب

حتى لو مش هحاسبه..ممسكهوش رئيس وزارة
وبعدين انت بتقول ملحقش يمسك وقعد سنة أو اتنين فميتحاسبش
يبقى ليه كل الهجوم اللى حصل على شفيق اللى مكملش شهر؟؟

dr shms كتب:اهو عبدوا قال اللى كنت هقوله
الراجل مسك سنة واحدة واستقال لما ملقاش تفيير زى ما قلت

وبعدين اهم حاجة علشان نقفل بؤ الشعب
والباب اللى يجيلك منه الريح سده واستريح

هو مش انا وإنت وعبدو مثلا من الشعب بردو ولا إيه؟

عشان الناس تهمد ومحدش يفتح بؤه ويقول النظام والنظام

هو مش انا وإنت وعبدو مثلا من الشعب بردو ولا إيه؟

انت عندك شك فى ده ؟
انا عن نفسى اه من الشعب
عبدوا بقى اساله انت

ملحوظة ..انا مقولتش عن شفبق انه وحش او غير كفؤ .. انا بقول انه هيعمل فتنة مش اكتر
وكلها 6 شهور مؤقتا مش اكتر فمش هتفرق اووى اى حد عنده ضمير وعارف النظام هو اللى يمسك الحكومة وخلاص

يا عبدو ...إنت مالشعب؟

حسبي الله و نعم الوكيل فيكو ياللي مشيتوا شفيق
و انت يا اسواني
انت عار على الدكاترة في طريقة حوارك دي

Abotreka كتب:حسبي الله و نعم الوكيل فيكو ياللي مشيتوا شفيق
و انت يا اسواني
انت عار على الدكاترة في طريقة حوارك دي