اتكلم في أي حاجة

هما مش ولاد رئيس دولة ؟

shaymaa okasha كتب:ملكي ولا ملكك ولا ملك الشعب ؟؟؟


واوعي تقولي ملكي بتاع الالبان

shaymaa okasha كتب:

هما مش ولاد رئيس دولة ؟

احم انا فهمت ناس تانيه

طب فهمتي من بقى ؟

طب لما العيل بتعهم ييجي هيعملوا سبوع و حلقاتك برجالاتك برضه

و كمان شهر العسل هيقضوه فين ؟؟؟

Abotreka كتب:و يترى هتقبيل الهانم تتجوز واحد عاطل
مبيشتغلش حاليا

يا بنت المحاظييييييييييظ
-.-.-.-.-..-.-.-.-.-.
انا عاوزاكم تشحذوا وتجمعوا كل إماكنياتكم فى "الأر" والنأ والحسد، وإللى مبيعرفش يتصرف ويتعلم حتى لو المره دى بس

عن نفسى هديكم كل المقومات إللى تساعدكم فى العمليه دى
...
1- العروسه من عامة الشعب وجدها "عامل" فى منجم ومع ذلك اتجوزت أمير وولى عهد تانى اكبر قوى فى العالم....كيت اتجوزت ويليام يا جدعان النهارده 29 ابريل وبقت "دوقة"كامبريدج

2- الفرح اتكلف "11.000000000 دولار ( هم 11 مليار دولار وانا معرفش المليار كام صفر) عاوزه "شهقه" جامده أوى تطلع من المعاميع والمعاميق

ال11 مليار دول يجوزوا شباب العرب والشرق الاوسط كله....منهم لله

3- العروسه كملت 29 سنه و4 شهور والعريس لسه يادوب هيكمل ال28 سنه شهر يونيو الجاى...مش بقولكم بيضالها فى القفص بنت المحظوظه

4- زفة العروسه كانت فى عربية " الرولز رويس» الملكية ( مش توك توك ولا فيات ولا مرسيدس موديل 10 سنين فاتت ولا بى ام دبليو نص عمر...رولز رويس يا هوووووووه) وبيشوفها عالهوا 2 مليارمشاهد عبر العالم، طرحة فستانها طولها 2,70 متر والفستان لوحده حكاااااااااااااااايه...جامد بجد...عن نفسى بحب الاستايل ده، والجيرب كان تــــــــــحـــــفــــــــه

5 - كيت عملت اللى فى دماغها وكانت مقرره مسبقاً انها فى "عهود ونذور" الزواج امام كبير الاساقفه "لن" تكرر وعود خاصه "بطاعة زوجها"...انسى يا ويليام انك تتحكم فيا وتمشينى على مزاجك،وبالفعل الاسقف مقلهاش اى عهود تتعلق بالطاعه لويليام...من اولها مربياه

6- الفرح حضره 1900 مدعو، بينهم نحو أربعين من الملوك والأمراء والمشاهير امثال لاعب كرة القدم ديفيد بيكهام وزوجته فيكتوريا وألتون جون. ونقلت مراسم الزواج مباشرة في 180 بلداً...دا غير الرؤساء اللى اتلغت دعوتهم ومن ضمنهم بتاع البحرين وسوريا

7- الزفه بدأ مسارها امام ساعة بيج بن والبرلمان في ويستمنستر وفي محاذاة جادة مول الملكية المزينة بالأعلام البريطانية، وانتشر اكثر من خمسة آلاف شرطي في الشوارع، فيما كان نحو 8 آلاف صحافي يتابعون الحدث....مش عمك عيد سعيد رمضان يعنى اللى بيصور الفرح

8- أقيمت ليلة "الحنه" اكثر من خمسة آلاف حفلة شعبية في الشوارع في كل ارجاء البلاد وصولاً الى 10 داونينج ستريت مقر رئيس الوزراء ديفيد كاميرون....دا غير الولائم الرسميه فى معظم دول العالم وقصر باكنجهام...واكيد الجاتوه مش من عند حموده بسطه ولا حتى ديليس

9- العروسه "ماشيه" مع العريس وربطاه بيها بقالهم (10 سنين) معرفش يفلفص منها ولا يقول يا فكيك، ولا زهق ولا هرب ولسه بيحبها وكمان ايه...اتجوزها،،، المفروض "كيت" تألف كتاب تدى نصايح للبنات غزاى توقع شاب فى شباككها وميعرفش يزوغ منها وكل ده وهو حاسس بمنتهى الرضا والسعاده وانه بيعمل كدا بمنتهى " الارااااااااااااااده"...تكونش عملاله عمل؟؟؟؟

10- خاتم الزواج موروث ملكى عائلى من الماس الازرق النادر...روووووووووووووووعه بياخد العقل

11- كل ده غير ان الواد زى القمر و طيار فى سلاح الجو الملكى وابوه ولى العهد الاول للمملكه وامه كانت اميره وجدته ملكه وجده دوق وعيله تشرف يعنى...نص نص،، يغوروا بسمعتهم المهببه
-.-.-.-.-.
ها...هتعرفوا تؤروا ولا نقول ربنا يسهلهم وخلاص؟؟؟

عندنا لما فرح يعدى ال10-15 ألف تبقا وقعة العريس والعروسه وعائلاتهم...مهببه بعيد عنكم من الأر والحسد، يتخانقوا ويتضاربوا وممكن الفرح يقلب بغم، وممكن الدُخله تبقا زفت، يعنى مثلاً العروسه تتحرق وهى بتسخن العشا ولا العريس يقع وهو بيشيلها ويتكسر ويقضى 30-40 يوم فى الجبس، ولا بعد الشر عربيه من عربيات الزفه تعمل حدثه

يا ترى دول بقا بـــــــــــــكُــــــــــــــــــــــــل الهيلمان والتكاليف دى هيتأر عليهم إزاى وهيحصل فيهم ايه؟؟؟ احتمال الر مش بيحوأ معاهم...محجبين

السؤال الأهم...يا ترى الجوازه دى هتعمر ولا هتحصل جوازة أمه وأبوه بأحداثها المكسفه ونهايتها المأساويه؟؟؟

تصدقوا الواد ويليام الندل ميفتكرش "امه" ديانا فى اليوم ده ولا حتى يقول كلمه فى حقها او يدمعله دمعتين على روحها؟؟؟
نداله...خلى "كيت" تنفع
بكره نقعد جنب الحيطه ونسمع الزيطه
=-=-=-=-=
ملحوظه للبنات والولاد يدوروا وشهم بعيد او يغمضوا عيونهم

بصى يا بنوته منك لها...الواد "هارى" اخوه "فاضى" ولسه يا دوب 25 سنه ،ممكن نلحق نحجزه ونظبطه،، الحكايه يادوب تكلفك تمن تذكرة سفر لانجلترا ومخبر "خاص" يتحرالك عن كل خطواته وتحركاته وربنا يسهل نعرف بيروح فين وييجى منين وحد يزؤك أؤودام عربيته وتلزميه...ويتعملك فرح زى ده واحسن كمان
ووقتها كل المصريين يروحوا يحضروا و يشرفوكى...بس كبروا البوفيه شويه

نقلا عن صابرين أبو على ( فى الفاضيه والمليانه )

3- العروسه كملت 29 سنه و4 شهور والعريس لسه يادوب هيكمل ال28 سنه شهر يونيو الجاى...مش بقولكم بيضالها فى القفص بنت المحظوظه

مدينهم اكبر من حجمهم