متظاهرون يحرقون مقر الحزب الوطنى بالسويس

قام متظاهرون بمحافظة السويس بإشعال النار بمقر
الحزب الوطنى الديمقراطى، كما انتشرت حالة من الفوضى والنهب بشوارع السويس،
حيث قام عدد من المندسين فى مظاهرة الغضب بنهب الجمعيات الاستهلاكية
وبتكسير مقر حى الأربعين .

كانت السويس قد شهدت منذ مساء اليوم عدداً من المظاهرات الغاضبه شارك فيه
كل القوى السياسية بالمدينة، بالإضافة إلى أعداد كبيرة من المواطنين الذين
خرجوا اليوم للتعبير عن غضبهم بعد مقتل 4 من المتظاهرين الذين شاركوا أمس
الثلاثاء فى يوم الغضب.

السبب لشدة اللي حصل في السويس فعلا .. هو ان الأمن اسقط شهداء من المتظاهرين
يستلم بقي رد فعل الشعب

واحد عندى فالفريندس عالفيس ...كاتب الstatus بتاعته
السويس= سيدى بو زيد

رجالة يا اهل السويس
رداااااااالة

فينكو يا صعايدة
ورونا همتكو

محاولة بس يا جدعان..متحرقش ولا حاجة

اهو ده عيبه
نفسي مظاهره سلميه تتعمل صح في البلد ديه
يعني ايه لزومها احرق واخرب وبيوت ناس تتقفل وعيال تتشرد؟؟؟؟

كده انا بضيع البلد اكتر واكتر بدل ما هي مليانه فساد بكمل عليها واوقف نموها الاقتصادي كمان

وبعدين شئ فقعني جدااااااااااااااا

اللي بيكسروا العربيات ليه ؟؟؟؟ هما اصحاب العربيات والمحلات هما سبب غلاء الاسعار؟؟؟
مش عارفه والله

دا كله نتيجه الضحايا

للاسف محدش بيفكر كده
مع ان انا هو العامل البسيط اللي في المصنع هو اللي في العربيه هو صاحب المحل او اللي بيشتغل فيه
كلنا مضرورين
فكروني بمثل مقدرش ع الحمار

لكل ثورة ضحايا
واللي بيحصل ده مقابل لعنف الامن

يا سلااااااااااااااااااااااااام ؟؟؟
حرايق وبلاوي وتقولي عنف امن؟؟؟؟؟؟

احنا اللي مش منظمين وغوغائيين ومعلشي في مننا كتير بيعانوا من الحقد الطبقي

shaymaa okasha كتب:اهو ده عيبه
نفسي مظاهره سلميه تتعمل صح في البلد ديه
يعني ايه لزومها احرق واخرب وبيوت ناس تتقفل وعيال تتشرد؟؟؟؟

كده انا بضيع البلد اكتر واكتر بدل ما هي مليانه فساد بكمل عليها واوقف نموها الاقتصادي كمان

وبعدين شئ فقعني جدااااااااااااااا

اللي بيكسروا العربيات ليه ؟؟؟؟ هما اصحاب العربيات والمحلات هما سبب غلاء الاسعار؟؟؟
مش عارفه والله

يا شيماء ف أول يوم كانت الدنيا زى الفل ومفيش طوبة واحدة اتحدفت..

انما اما يشوفو الأمن بيجر الناس زى المعيز كدة..ويضربوهم رصاص مطاط(على حد علمى محرم دوليا) ..ويرموهم بقنابل غاز..
ويرشوهم مية ف عز البرد

محدش يلومهم

بجد الاحتجاجات دى كانت عبارة عن"فوضى منظمة بعض الشىء"

كل واحد مع نفسه..

abdoo كتب:

shaymaa okasha كتب:اهو ده عيبه
نفسي مظاهره سلميه تتعمل صح في البلد ديه
يعني ايه لزومها احرق واخرب وبيوت ناس تتقفل وعيال تتشرد؟؟؟؟

كده انا بضيع البلد اكتر واكتر بدل ما هي مليانه فساد بكمل عليها واوقف نموها الاقتصادي كمان

وبعدين شئ فقعني جدااااااااااااااا

اللي بيكسروا العربيات ليه ؟؟؟؟ هما اصحاب العربيات والمحلات هما سبب غلاء الاسعار؟؟؟
مش عارفه والله

يا شيماء ف أول يوم كانت الدنيا زى الفل ومفيش طوبة واحدة اتحدفت..

انما اما يشوفو الأمن بيجر الناس زى المعيز كدة..ويضربوهم رصاص مطاط(على حد علمى محرم دوليا) ..ويرموهم بقنابل غاز..
ويرشوهم مية ف عز البرد

محدش يلومهم

لا يا عبدو انا اهلي شافو وفعلا الناس بدأت ولو كانت الحكومه هاصت
وانت نفسك في المشاركه بعدها قلت فوضي بس برأيي بقي مش منظمه لا كان نفسها تتنظم

لو قارنا مصر بتونس مثلا..يبقا ده قمة النظام

أنا فاهم قصدك والله..بس انا كإنسان لو خرجت عن شعورى..هفش غلى ف أى حاجة قدامى..حتى لو بتاعتى..

أنا مببرش..التخريب ده شىء مرفوض بس الناس معذورين بعض الشىء

لا بصراحه انا مش معاك

وأنا مش معايا

انا كنت بتكلم وانا مفقوع بس

سلامتك من الفقعه