سلامات - علي سلامة
+2
Just a doctor
Admin
6 مشترك
صفحة 2 من اصل 2
صفحة 2 من اصل 2 • 
1, 2
رد: سلامات - علي سلامة
من طرف Just a doctor الأحد يناير 09, 2011 11:44 am
أو إن الدورة الدموية
كانت من إنتاج مصنع
عضو بارز فى البرلمان
Just a doctor- من شموس شمسولوجي
- عدد المشاركات : 4835
البلد : هنا القاهرة
تاريخ التسجيل : 20/07/2010
المود :
sose- شمسولوجي ذهبي
- عدد المشاركات : 1211
البلد : ..
تاريخ التسجيل : 02/12/2010
المود :
رد: سلامات - علي سلامة
من طرف sose الأحد يناير 16, 2011 7:38 am
قفص العصافير
كتب على سلامة ١٦/ ١/ ٢٠١١
شلت ليه م البلكونة
قفص العصافير
وفردت التندة
وخبّيت الشبابيك..
مبقيتش بتسمع لما أناديك
يوم ما سألتك
ملقيش عندك شمعة
لحد ما ييجى النور..
رديت..
والصوت مكسور..
كان على عينى
بس منين..
مع إنك عارف إن أنا شايف
نور الكشاف..
وقفلت الباب..
من غير حتى ما أقولك وتقولى..
تصبح على خير
سلمنا قلوبنا للعتمة
اللى بتقدر فى ثوانى
تخلينا أغراب..
ساعتها حسيت
إن الحيطة العبيطة
اللى ما بين الشقتين
بقت سور..
ومن يومها
وأنا بقيت أخاف..
كتب على سلامة ١٦/ ١/ ٢٠١١
شلت ليه م البلكونة
قفص العصافير
وفردت التندة
وخبّيت الشبابيك..
مبقيتش بتسمع لما أناديك
يوم ما سألتك
ملقيش عندك شمعة
لحد ما ييجى النور..
رديت..
والصوت مكسور..
كان على عينى
بس منين..
مع إنك عارف إن أنا شايف
نور الكشاف..
وقفلت الباب..
من غير حتى ما أقولك وتقولى..
تصبح على خير
سلمنا قلوبنا للعتمة
اللى بتقدر فى ثوانى
تخلينا أغراب..
ساعتها حسيت
إن الحيطة العبيطة
اللى ما بين الشقتين
بقت سور..
ومن يومها
وأنا بقيت أخاف..
sose- شمسولوجي ذهبي
- عدد المشاركات : 1211
البلد : ..
تاريخ التسجيل : 02/12/2010
المود :
رد: سلامات - علي سلامة
من طرف mido le roi الأربعاء يناير 19, 2011 7:19 am
أنا مسامح الرصيف
كتب على سلامة ١٩/ ١/ ٢٠١١
قالوا الحزن ف القلب
مايغركش ضحكة عينيه..
أنا قلت عينى ع القلب
هايشيل إيه.. ولا إيه..
أنا مسامح.. مسامح
مسامح الحزن..
والرصيف المكسر
لما اتكعبلت مرة
عرفت إن الدنيا فيها
حضن أسند عليه..
أنا مسامح.. مسامح
أنا مسامح الكل..
من أد إيه وأنا مقصر
فى حق الريحان والفل..
مسامح الغربة
وختم الخروج
اللى ماسألش ليه..
مسامح حتى الناموس
اللى هرانى قرص..
شكلى ف المرايا
كان أهم درس..
خلانى أقول لحالى
مش برضه ده وشى
ولا ده حد تانى
وأنا لسه يا دوب
بتعرف عليه..
كتب على سلامة ١٩/ ١/ ٢٠١١
قالوا الحزن ف القلب
مايغركش ضحكة عينيه..
أنا قلت عينى ع القلب
هايشيل إيه.. ولا إيه..
أنا مسامح.. مسامح
مسامح الحزن..
والرصيف المكسر
لما اتكعبلت مرة
عرفت إن الدنيا فيها
حضن أسند عليه..
أنا مسامح.. مسامح
أنا مسامح الكل..
من أد إيه وأنا مقصر
فى حق الريحان والفل..
مسامح الغربة
وختم الخروج
اللى ماسألش ليه..
مسامح حتى الناموس
اللى هرانى قرص..
شكلى ف المرايا
كان أهم درس..
خلانى أقول لحالى
مش برضه ده وشى
ولا ده حد تانى
وأنا لسه يا دوب
بتعرف عليه..
mido le roi- مــراقــب قـسـم
- عدد المشاركات : 1407
تاريخ التسجيل : 26/07/2010
المود :
رد: سلامات - علي سلامة
من طرف Just a doctor الأحد يناير 23, 2011 8:05 am
ماخدتش ولا اديت
كتب
على سلامة
٢٣/ ١/ ٢٠١١
لما وشى بقى أصفر لمونة..
ماخدتش ولا اديت..
ولما اترميت فى قلب الطاحونة..
ماخدتش ولا اديت..
ولما شميت ريحة شياط..
ووقعت فوق دماغى كل الحاجات..
ماخدتش ولا اديت..
ولما قالولى..
من إيه الدم اللى فى وشك..
فين روحك
حاسب..
قلبك بيغشك..
ماخدتش ولا اديت..
ولما حسيت بألم فى راسى
ولقيتنى ناسى
اسم ابنى الوحيد..
ولما شوفتك رايحة لحتة بعيد..
ماخدتش ولا اديت..
لحد ما لقيتنى مربّط فى جبس وشاش
وشايف كل شىء طشاش
وحواليا ناس كتير معرفهاش..
بيقولولى مين اللى رماك م القطر
يا صابر..
كتب
على سلامة
٢٣/ ١/ ٢٠١١
لما وشى بقى أصفر لمونة..
ماخدتش ولا اديت..
ولما اترميت فى قلب الطاحونة..
ماخدتش ولا اديت..
ولما شميت ريحة شياط..
ووقعت فوق دماغى كل الحاجات..
ماخدتش ولا اديت..
ولما قالولى..
من إيه الدم اللى فى وشك..
فين روحك
حاسب..
قلبك بيغشك..
ماخدتش ولا اديت..
ولما حسيت بألم فى راسى
ولقيتنى ناسى
اسم ابنى الوحيد..
ولما شوفتك رايحة لحتة بعيد..
ماخدتش ولا اديت..
لحد ما لقيتنى مربّط فى جبس وشاش
وشايف كل شىء طشاش
وحواليا ناس كتير معرفهاش..
بيقولولى مين اللى رماك م القطر
يا صابر..
Just a doctor- من شموس شمسولوجي
- عدد المشاركات : 4835
البلد : هنا القاهرة
تاريخ التسجيل : 20/07/2010
المود :
رد: سلامات - علي سلامة
من طرف Just a doctor الأحد فبراير 06, 2011 3:24 pm
مين يقدر ع الشباب
كتب
على سلامة
٦/ ٢/ ٢٠١١
جربوا الكلاب..
والخوف...
والخراب..
سرقوا الرغيف
وقفلوا ألف باب وباب
وانتى رزقك شوية ضى
ف قلوب الشباب..
غيروا المناهج
خطفوا المدارس والبيوت..
جربوا الجوع
عشان نموت..
جربوا القسوة
والبلطجة
والبرد..
والمجرمين..
وكل ما يحرقوا الأرض
بيطلع الياسمين
جربوا البطالة
والخيانة
والسياسة
والنجاسة
والتزوير..
استعانتى بالصبر والصلاة
وعشق الحياة
واستعانوا بالحمير..
جربوا الخيول والجمال
والمال..
والطوارئ
وحظر التجوال..
جربوا النار والدمار
والسيف والطبنجة..
ولسه فى الناى نفس
ولسه بتغنى الكمنجة..
كتب
على سلامة
٦/ ٢/ ٢٠١١
جربوا الكلاب..
والخوف...
والخراب..
سرقوا الرغيف
وقفلوا ألف باب وباب
وانتى رزقك شوية ضى
ف قلوب الشباب..
غيروا المناهج
خطفوا المدارس والبيوت..
جربوا الجوع
عشان نموت..
جربوا القسوة
والبلطجة
والبرد..
والمجرمين..
وكل ما يحرقوا الأرض
بيطلع الياسمين
جربوا البطالة
والخيانة
والسياسة
والنجاسة
والتزوير..
استعانتى بالصبر والصلاة
وعشق الحياة
واستعانوا بالحمير..
جربوا الخيول والجمال
والمال..
والطوارئ
وحظر التجوال..
جربوا النار والدمار
والسيف والطبنجة..
ولسه فى الناى نفس
ولسه بتغنى الكمنجة..
Just a doctor- من شموس شمسولوجي
- عدد المشاركات : 4835
البلد : هنا القاهرة
تاريخ التسجيل : 20/07/2010
المود :
رد: سلامات - علي سلامة
من طرف snow_white الأربعاء فبراير 09, 2011 1:10 pm
25 يناير ميدان التحرير
كتب على سلامة ٩/ ٢/ ٢٠١١
ده مش عنوان مطعم
للفراخ والبيتزا..
ده ميدان للشرف والكرامة والعزة..
دى روح البلد
ودول بقى.. المصريين..
كأنهم فى الحج
سعى وطواف وعرفات ورمى جمرات
على وش إبليس..
فرح وأغانى وعروسة وعريس..
قداس.. وقلوب بتحرس مصر
من رصاص المجرمين..
والكل بيقول يارب
والكل بيقول آمين..
سنين.. عايشين تحت احتلال
مجرم.. سافل.. قاتل
لا ذمة ولا ملة ولا دين..
عارف..
ف رغيف العيش
ف الزيت والسكر
فى الهم.. والغم
فى صباحكم اللى زى الطين..
مسامحين..
إنما قولولى بقى
ده يرضى مين..
وإزاى نسامح اللى حرق غية الحمام
وزرع قناصين مأجورين..
دم الشباب ده
يرضى مين..
أجمل وأشرف ما فينا
نظرة عينيهم البريئة
بتبص علينا وتقول كلام
والله لو اجتمع كل شعراء العالم
ما يعرفوا يوصفوه..
اتفوه عليكم اتفوه..
هاتقولوا إيه لأمه
وبإيه راح تعوضوا أبوه
كل خزاين الدولة
ع اللى نهبتوه..
ما يساوى ضفر أصغرهم
اتفوه عليكم اتفوه
ده كان أول دفعته ف الكلية
وده كان بيرسم
وده كان بيكتب أغنية لبلد
كانت بتحمى اللى قتلوه..
اتفوه عليكم اتفوه..
كتب على سلامة ٩/ ٢/ ٢٠١١
ده مش عنوان مطعم
للفراخ والبيتزا..
ده ميدان للشرف والكرامة والعزة..
دى روح البلد
ودول بقى.. المصريين..
كأنهم فى الحج
سعى وطواف وعرفات ورمى جمرات
على وش إبليس..
فرح وأغانى وعروسة وعريس..
قداس.. وقلوب بتحرس مصر
من رصاص المجرمين..
والكل بيقول يارب
والكل بيقول آمين..
سنين.. عايشين تحت احتلال
مجرم.. سافل.. قاتل
لا ذمة ولا ملة ولا دين..
عارف..
ف رغيف العيش
ف الزيت والسكر
فى الهم.. والغم
فى صباحكم اللى زى الطين..
مسامحين..
إنما قولولى بقى
ده يرضى مين..
وإزاى نسامح اللى حرق غية الحمام
وزرع قناصين مأجورين..
دم الشباب ده
يرضى مين..
أجمل وأشرف ما فينا
نظرة عينيهم البريئة
بتبص علينا وتقول كلام
والله لو اجتمع كل شعراء العالم
ما يعرفوا يوصفوه..
اتفوه عليكم اتفوه..
هاتقولوا إيه لأمه
وبإيه راح تعوضوا أبوه
كل خزاين الدولة
ع اللى نهبتوه..
ما يساوى ضفر أصغرهم
اتفوه عليكم اتفوه
ده كان أول دفعته ف الكلية
وده كان بيرسم
وده كان بيكتب أغنية لبلد
كانت بتحمى اللى قتلوه..
اتفوه عليكم اتفوه..
snow_white- مــراقــب قـسـم
- عدد المشاركات : 3449
تاريخ التسجيل : 03/07/2010
المود :
رد: سلامات - علي سلامة
من طرف snow_white الأربعاء فبراير 16, 2011 1:19 pm
جلسة تخاطب
بقلم على سلامة ١٦/ ٢/ ٢٠١١
سنين طويلة يا ابنى
محروم م الكلام..
وم الغنا..
وأبوك عاجز
زى ما بيصحى بينام
يبص فى عيونك الجميلة
يبكى..
ويقول خسارة..
ورغم جلسات التخاطب
والصور والإشارة..
لا حد عرف يفك عقدة لسانك
ولا حد قدر يقولك إزاى بيغرق وطن
وليه بيسكت قائد العبارة..
لحد ما قاموا شوية شباب نضيف
من مواليد بلد ضعيف
رجعوا من تانى
الشارع والرصيف
ماعرفش إزاى.. ومنين جابوا البشارة..
واتعلموا فين..؟
وكل المدارس والمعاهد خربانة..
مفيش غير البخور والشعوذة ودكاكين العطارة..
اتعلموا فين.. وف انهى وطن؟
عشان يعلّموك كل الحروف فى ساعة زمن
ويعلّمونى أكتب قصيدة حب من قلبى
رغم كل الحزن والمرارة..
همَّ دول يا عبدالله اللى بيحموك
من اللى غرّبوا أبوك
وسلّطوا عليك فى الليل الكلاب السعرانة..
اوعى تخاف تانى يا ابنى لو ينقطع النور
أو تنهار محطات الكهربا
وتموت عمدان الإنارة..
الضى اللى ف قلوبهم يا عبدالله
يكفيك..
دمهم الطاهر يا عبدالله
هو الدوا اللى راح يشفيك
قول وراهم يا عبدالله
قول معاهم..
انت الوحيد اللى قلبك جميل زيهم
ومليان طهارة..
بقلم على سلامة ١٦/ ٢/ ٢٠١١
سنين طويلة يا ابنى
محروم م الكلام..
وم الغنا..
وأبوك عاجز
زى ما بيصحى بينام
يبص فى عيونك الجميلة
يبكى..
ويقول خسارة..
ورغم جلسات التخاطب
والصور والإشارة..
لا حد عرف يفك عقدة لسانك
ولا حد قدر يقولك إزاى بيغرق وطن
وليه بيسكت قائد العبارة..
لحد ما قاموا شوية شباب نضيف
من مواليد بلد ضعيف
رجعوا من تانى
الشارع والرصيف
ماعرفش إزاى.. ومنين جابوا البشارة..
واتعلموا فين..؟
وكل المدارس والمعاهد خربانة..
مفيش غير البخور والشعوذة ودكاكين العطارة..
اتعلموا فين.. وف انهى وطن؟
عشان يعلّموك كل الحروف فى ساعة زمن
ويعلّمونى أكتب قصيدة حب من قلبى
رغم كل الحزن والمرارة..
همَّ دول يا عبدالله اللى بيحموك
من اللى غرّبوا أبوك
وسلّطوا عليك فى الليل الكلاب السعرانة..
اوعى تخاف تانى يا ابنى لو ينقطع النور
أو تنهار محطات الكهربا
وتموت عمدان الإنارة..
الضى اللى ف قلوبهم يا عبدالله
يكفيك..
دمهم الطاهر يا عبدالله
هو الدوا اللى راح يشفيك
قول وراهم يا عبدالله
قول معاهم..
انت الوحيد اللى قلبك جميل زيهم
ومليان طهارة..
snow_white- مــراقــب قـسـم
- عدد المشاركات : 3449
تاريخ التسجيل : 03/07/2010
المود :
sose- شمسولوجي ذهبي
- عدد المشاركات : 1211
البلد : ..
تاريخ التسجيل : 02/12/2010
المود :
رد: سلامات - علي سلامة
من طرف Just a doctor السبت فبراير 26, 2011 4:24 am
رد بلدى
على سلامة ٢٠/ ٢/ ٢٠١١
الدم الطاهر..
يروى الأرض..
ف عز الدنيا ما بتموت م البرد
بيصبح حضن..
يرجع قلبى اللى مسافر
من حزن لحزن..
الدم الطاهر..
يزرع قمح وفرح وقطن..
يبقى كرامة
ووطن غير كل الأوطان..
الدم الطاهر..
بيرجع فينا الإنسان
ابعد إيدك عن قلمى
أنا عزيز بلدى بدون أحزان
من غير تزوير
من غير سرطان..
عارف..
أنا عمرى ما سمعت.. تحيا الثورة غير فى السيما
أنا عمرى ما سمعت عن بلدى
غير ف النكتة البايخة
اللى بتقتل فينا الفرحة بمليون تكشيرة..
ابعد إيدك عن قلمى
أنا عايز بلدى
بدون حيرة..
وجواز سفرى اللى يشرف
أكبر تأشيرة..
أنا عايز بلدى بدون دكاكين
بتبيع فى كلام..
بلدى اللى اتولدت
مع أجمل تعظيم سلام
للدم الطاهر....
على سلامة ٢٠/ ٢/ ٢٠١١
الدم الطاهر..
يروى الأرض..
ف عز الدنيا ما بتموت م البرد
بيصبح حضن..
يرجع قلبى اللى مسافر
من حزن لحزن..
الدم الطاهر..
يزرع قمح وفرح وقطن..
يبقى كرامة
ووطن غير كل الأوطان..
الدم الطاهر..
بيرجع فينا الإنسان
ابعد إيدك عن قلمى
أنا عزيز بلدى بدون أحزان
من غير تزوير
من غير سرطان..
عارف..
أنا عمرى ما سمعت.. تحيا الثورة غير فى السيما
أنا عمرى ما سمعت عن بلدى
غير ف النكتة البايخة
اللى بتقتل فينا الفرحة بمليون تكشيرة..
ابعد إيدك عن قلمى
أنا عايز بلدى
بدون حيرة..
وجواز سفرى اللى يشرف
أكبر تأشيرة..
أنا عايز بلدى بدون دكاكين
بتبيع فى كلام..
بلدى اللى اتولدت
مع أجمل تعظيم سلام
للدم الطاهر....
Just a doctor- من شموس شمسولوجي
- عدد المشاركات : 4835
البلد : هنا القاهرة
تاريخ التسجيل : 20/07/2010
المود :
رد: سلامات - علي سلامة
من طرف Just a doctor السبت فبراير 26, 2011 4:27 am
من حقنا نفرح
كتب على سلامة ٢٣/ ٢/ ٢٠١١
زى حجر فوق صدرى..
وانزاح..
جرح وخف وراح..
أنا اتكلمت كتير عن البراح
لكن أول مرة أحس إن مساحة قلبى
تيجى مليون فدان وزيادة..
سمعت كتير عن الرضا والسعادة..
لكن أول مرة نتقابل
وش ف وش..
أنا الشاعر البايخ
اللى كتب شعر مش موزون
لكن مفيهوش ولا نقطة غش..
وآدى امضتك..
ختمك..
بصمتك..
حبك اللى واصل لقلبى
وف قلوب أولادى أغلى شهادة..
قلنالهم خربتوها
وهمَّ فى عز جبروتهم
وحطينا العيال ورزقهم وقوتهم..
فى كفة..
والشاعر فى كفة..
وكان رزقنا شوية أصحاب طيبين
فرحوا العيال بكلمتين من قلب الشاعر
واللى ربنا قسم بيه زاد وكفى..
أنا الشاعر اللى قال كتير
كلام زى الحطب.. ناشف
عن الحزن والظلم والظالم..
وعن بيوت بتموت
فى شوارع ملهاش معالم..
من حقى أرتاح
وأحن لملمس الحرير الناعم..
أرجع لفطرتى
أجرى ورا الفراشات
تلميذ ابتدائى
ابن ست سنوات..
خجول رومانسى حالم..
من حقى أقولك بحبك
من غير ما اتكسف من هموم الشارع
أمد إيدى ف قلبى وأجيبلك كلمتين
أغلى من عقد وإسورة وحلق ومعاهم خاتم..
من حقنا نفرح.. دلوقتى.. حالاً
مش بكرة.. مش الشهر الجاى
ولا العام القادم..
صدقينى ها نتقابل
وها احضنك
كمان دقايق
وأنا صادق وربنا وحده العالم
مين كان يقول يا حبيبتى
إن الشعب ها يقوم ف يوم
ينتزع الحكم
من قلب جبروت الحاكم....
كتب على سلامة ٢٣/ ٢/ ٢٠١١
زى حجر فوق صدرى..
وانزاح..
جرح وخف وراح..
أنا اتكلمت كتير عن البراح
لكن أول مرة أحس إن مساحة قلبى
تيجى مليون فدان وزيادة..
سمعت كتير عن الرضا والسعادة..
لكن أول مرة نتقابل
وش ف وش..
أنا الشاعر البايخ
اللى كتب شعر مش موزون
لكن مفيهوش ولا نقطة غش..
وآدى امضتك..
ختمك..
بصمتك..
حبك اللى واصل لقلبى
وف قلوب أولادى أغلى شهادة..
قلنالهم خربتوها
وهمَّ فى عز جبروتهم
وحطينا العيال ورزقهم وقوتهم..
فى كفة..
والشاعر فى كفة..
وكان رزقنا شوية أصحاب طيبين
فرحوا العيال بكلمتين من قلب الشاعر
واللى ربنا قسم بيه زاد وكفى..
أنا الشاعر اللى قال كتير
كلام زى الحطب.. ناشف
عن الحزن والظلم والظالم..
وعن بيوت بتموت
فى شوارع ملهاش معالم..
من حقى أرتاح
وأحن لملمس الحرير الناعم..
أرجع لفطرتى
أجرى ورا الفراشات
تلميذ ابتدائى
ابن ست سنوات..
خجول رومانسى حالم..
من حقى أقولك بحبك
من غير ما اتكسف من هموم الشارع
أمد إيدى ف قلبى وأجيبلك كلمتين
أغلى من عقد وإسورة وحلق ومعاهم خاتم..
من حقنا نفرح.. دلوقتى.. حالاً
مش بكرة.. مش الشهر الجاى
ولا العام القادم..
صدقينى ها نتقابل
وها احضنك
كمان دقايق
وأنا صادق وربنا وحده العالم
مين كان يقول يا حبيبتى
إن الشعب ها يقوم ف يوم
ينتزع الحكم
من قلب جبروت الحاكم....
Just a doctor- من شموس شمسولوجي
- عدد المشاركات : 4835
البلد : هنا القاهرة
تاريخ التسجيل : 20/07/2010
المود :
رد: سلامات - علي سلامة
من طرف Just a doctor الأحد فبراير 27, 2011 6:54 am
كتاب القراءة
كتب على سلامة ٢٧/ ٢/ ٢٠١١
بمنتهى البراءة
سألتنى بنتى نور
فى أربع خمس أمور
مش ف كتاب القراءة
قالتلى بابا يا بابا
مش انت يا بابا
بتكتب أغانى
وتقول أشعار
طب أنا سمعت الشيخ يا بابا
بيقول إنك يا بابا
ها تروح النار
زى الناس الوحشين
الحراميين الكفار
قوللى يا بابا
يعنى إيه استعمار
يعنى إيه نيل
ويعنى إيه هرم
ومين اللى حط النسر ده
فوق العلم
يعنى إيه يا بابا
استفتاء
ويعنى إيه انتخاب
ويعنى إيه حر
ويعنى إيه نصاب
ويعنى إيه اغتصاب
يعنى إيه اختلاس
يعنى إيه هجاص
ويعنى إيه خصخصة
يعنى إيه يا بابا دستور
يعنى إيه معارضة
ويعنى إيه مظاهرة
وليه النهارده
خدنا أجازة من المدرسة
قوللى يا بابا
يعنى إيه قهر
وأين يقع خط الفقر
ويعنى إيه حظ
ويعنى إيه زهر
يعنى إيه يا بابا حرية
يعنى إيه إنسان
ويعنى إيه سرطان
يعنى إيه يا بابا
خربوها
ومين دى سمارة يا بابا
وإزاى يا بابا ضاعت من قلبك
وحضرتك كنت فين
لما خربوها
يا بابا..
بابا..
إنت معايا
فيه يا بابا ناس
بتقول كفاية
وفيه عساكر
ماسكين عصايا
وبنات متعورين
وتانيين ماشيين بيضحكوا يا بابا
هم دول إسرائيليين
قولتلها
نور
ممكن أسألك سؤال
قالتلى اتفضل يا بابا
قلتلها
هى قناة سبيس تون
رقم كام
وخدتها
عشان تنام..!
ملحوظة
(كتبت هذه القصيدة منذ أكثر من سبع سنوات)
يا ترى فيه حد ساعتها فكر يسمع شباب مصر الجميل ده ويجاوب على الأسئلة اللى مش من كتاب القراءة ولا كله عمل ودن من طين وودن من عجين وراح ينام..!
كتب على سلامة ٢٧/ ٢/ ٢٠١١
بمنتهى البراءة
سألتنى بنتى نور
فى أربع خمس أمور
مش ف كتاب القراءة
قالتلى بابا يا بابا
مش انت يا بابا
بتكتب أغانى
وتقول أشعار
طب أنا سمعت الشيخ يا بابا
بيقول إنك يا بابا
ها تروح النار
زى الناس الوحشين
الحراميين الكفار
قوللى يا بابا
يعنى إيه استعمار
يعنى إيه نيل
ويعنى إيه هرم
ومين اللى حط النسر ده
فوق العلم
يعنى إيه يا بابا
استفتاء
ويعنى إيه انتخاب
ويعنى إيه حر
ويعنى إيه نصاب
ويعنى إيه اغتصاب
يعنى إيه اختلاس
يعنى إيه هجاص
ويعنى إيه خصخصة
يعنى إيه يا بابا دستور
يعنى إيه معارضة
ويعنى إيه مظاهرة
وليه النهارده
خدنا أجازة من المدرسة
قوللى يا بابا
يعنى إيه قهر
وأين يقع خط الفقر
ويعنى إيه حظ
ويعنى إيه زهر
يعنى إيه يا بابا حرية
يعنى إيه إنسان
ويعنى إيه سرطان
يعنى إيه يا بابا
خربوها
ومين دى سمارة يا بابا
وإزاى يا بابا ضاعت من قلبك
وحضرتك كنت فين
لما خربوها
يا بابا..
بابا..
إنت معايا
فيه يا بابا ناس
بتقول كفاية
وفيه عساكر
ماسكين عصايا
وبنات متعورين
وتانيين ماشيين بيضحكوا يا بابا
هم دول إسرائيليين
قولتلها
نور
ممكن أسألك سؤال
قالتلى اتفضل يا بابا
قلتلها
هى قناة سبيس تون
رقم كام
وخدتها
عشان تنام..!
ملحوظة
(كتبت هذه القصيدة منذ أكثر من سبع سنوات)
يا ترى فيه حد ساعتها فكر يسمع شباب مصر الجميل ده ويجاوب على الأسئلة اللى مش من كتاب القراءة ولا كله عمل ودن من طين وودن من عجين وراح ينام..!
Just a doctor- من شموس شمسولوجي
- عدد المشاركات : 4835
البلد : هنا القاهرة
تاريخ التسجيل : 20/07/2010
المود :
رد: سلامات - علي سلامة
من طرف Admin الإثنين أغسطس 22, 2011 1:23 pm
زى كل عيد
يا برد الشتا الناشف
من كتر الجفا..
يا صهد الصيف
والبعد..
والضى اللى انطفى..
وبخل النخيل اللى مابيطرحش ضل
يا لقمة العيش اللى تذل
يا قسوة الأخ
اللى ما يعرف يضمنى
ويعزنى..
وف عز حزنى ألاقى حضنه كفاية..
يا قلب الحجر
حتى وأنا بموت بيسألنى
يا ترى إنتى معاهم.. ولا معايا..
ويعدى عيد.. ورا عيد
وزى كل عيد
وبعد ما يخلص الكحك واللعب والضحك
نقول نسينا..
وتفضل بعيد سينا..
رغم إنها أصل الحكاية..
Admin- Admin
- عدد المشاركات : 13407
البلد : هنـا .. في مكـاني
تاريخ التسجيل : 01/07/2010
المود :
-
رد: سلامات - علي سلامة
من طرف sose الأحد ديسمبر 04, 2011 5:40 pm
يا نن عين مصر
بقلم على سلامة ٤/ ١٢/ ٢٠١١
ليلة امتحان التاريخ
والبنت بتراجع..
ومصر اللى ف الكتب
غير مصر اللى ف الشارع..
النيل يا بابا بقى أجمل كتير
من النيل اللى ف الكتاب..
والفرح مش كداب..
والدم دم الشباب..
والعشق وطن..
لكن السياسة.. مدينة ألعاب
يا ناجح ف صندوق الانتخاب
اسمع السؤال اللى جاى..
لو نن عين مصر راح..
تفيد بإيه شهادة النجاح
وإزاى هشوف بكرة
وهاتشوفنى إنت إزاى..؟
بقلم على سلامة ٤/ ١٢/ ٢٠١١
ليلة امتحان التاريخ
والبنت بتراجع..
ومصر اللى ف الكتب
غير مصر اللى ف الشارع..
النيل يا بابا بقى أجمل كتير
من النيل اللى ف الكتاب..
والفرح مش كداب..
والدم دم الشباب..
والعشق وطن..
لكن السياسة.. مدينة ألعاب
يا ناجح ف صندوق الانتخاب
اسمع السؤال اللى جاى..
لو نن عين مصر راح..
تفيد بإيه شهادة النجاح
وإزاى هشوف بكرة
وهاتشوفنى إنت إزاى..؟
sose- شمسولوجي ذهبي
- عدد المشاركات : 1211
البلد : ..
تاريخ التسجيل : 02/12/2010
المود :
Abotreka- مــراقـب عــام
- عدد المشاركات : 8531
البلد : في الشقة اللي قصاد جيرانا
تاريخ التسجيل : 01/07/2010
المود :
صفحة 2 من اصل 2 • 1, 2
مواضيع مماثلة» سلامة: الدراسة فى كل جامعات مصر السبت المقبل
» هاني سلامة سفيراً لليونسيف لمكافحة شلل الأطفال
» الفحوصات الوقائية تضمن سلامة الأم والجنين
» سلامة: أفراد جهاز أمن الدولة "سابقا" لن يدخلوا الجامعات نهائيا
» هاني سلامة سفيراً لليونسيف لمكافحة شلل الأطفال
» الفحوصات الوقائية تضمن سلامة الأم والجنين
» سلامة: أفراد جهاز أمن الدولة "سابقا" لن يدخلوا الجامعات نهائيا
صفحة 2 من اصل 2
صلاحيات هذا المنتدى:
لاتستطيع الرد على المواضيع في هذا المنتدى