كل ما يخص التسجيل

التسجيــــــــــل


هو التقديم للالتحاق لدراسة الماجستير أو الدبلوم في تخصص ما بكليات الطب

يوجد أكثر من هيئة تقوم بالتسجيل للأطباء المقيمين حسب مكان العمل وهم كالآتي :

أولا
تسجيل وزارة الصحة

ميعاد حركة التسجيل

أول شهر أبريل من كل عام

شـــــروط التسجيل

1- أن تكون طبيب مقيم في تخصص معين واخد فيه نيابة ومستلم العمل فيه

2- أن يكون مضي عليك سنة مدة عمل فعلية في النيابة أو ست شهور لو واخد تخصص ملح بس بصراحة الشرط ده مش بيطبق يعني أنا ليا ناس أصحابي كتير أوي استلموا النيابة النهاردة وبعد أسبوع ظهرت حركة التسجيل واتقبلوا عادي .

3- مش هاينفع تسجل في تخصص غير التخصص اللي واخد فيه نيابة .

4- أوقات الجامعة بترفض تسجيلك لو عليك جزاءات لأنه المفروض أثناء
التقديم للتسجيل ما تكونشي واخد جزاءات لمدة تلات سنين فاتوا أو سنتين علي الأقل .

5- أوقات برده يرفضوا تسجيلك في الجامعة لو كان تقرير الكفاية بتاعك في
السنتين الأخيرتين أقل من جيد .


إجــــــراءات التسجيل


1- لما يتم الإعلان عن حركة التسجيل تروح إدارة التدريب في المديرية اللي انت تابع ليها وتقرا عندهم الحركة وتاخد منهم ورقتين
ورقة تعهد كفيل وورقة تانية بيتكتب فيها الرغبات .

ورقة الكفيل
تخلي واحد من زمايلك يمضيلك انه هو الكفيل بتاعك وتخلي اتنين تاني يمضوا علي انه الكفيل مش مرشح للسفر للخارج وانه بياناته صحيحة .

ورقة الرغبات
فيه بيانات بتملاها انت وفيه بيانات تملاها المديرية والإدارة


البيانات بتاعتك

- مطلوب فيها اسم الدراسة المطلوب الالتحاق بيها يعني ماجستير ولا دبلوم ممكن تكتبين رغبتين مختلفتين زي ماجستير ودبلوم أو العكس أو ممكن تكتب ماجستير ما جستير أو دبلوم دبلوم .
- بعد كده مطلوب تملا تلات رغبات لتلات جامعات اللي ترغب الالتحاق للدراسة بواحدة منهم وتكتبهم بالترتيب حسب رغبتك وخلي بالك من أول رغبة .


بيانات الإدارة

بعد ما تملا الرغبات بتاعتك دي وتملا بقية البيانات المطلوبة منك تطلع علي الإدارة بتاعتك تملا منها بيانات إذا كان فيه إجازة بدون مرتب أم لا وتملا منها برده خانة الجزاءات وتملا منها خانة تقرير الكفاية مع انه دي ممكن من المديرية

بيانات المديرية
بعد كده تطلع علي المديرية تملا من عندهم بيانات التكليف وبيانات حركة النيابة بتاعتك وبيانات الوحدة الصحية اللي كنت فيها


2- بعد كده تروح إدارة التدريب وتكون واخد معاك :
- ورقة الرغبات دي وورقة تعهد الكفيل .
- صورة طبق الأصل من شهادة البكالوريوس .
- صورة طبق الأصل من شهادة التقديرات .
- صورة طبق الأصل من شهادة الامتياز .
- صورة طبق الأصل من شهادة الميلاد .
- صورة طبق الأصل من شهادة التجنيد .
- صورة البطاقة الشخصية .
- دمغة بحوالي أربعة جنيه .
- ملف يتحط فيه الورق ده .

هاتروح هناك هاتراجع الورق مع الموظف المختص وهايدور علي اسمك علشان يشوفك مسجل أبل كده في أي حركة تسجيل أو إذا كنت مسجل في الزمالة أو لا وبعد كده تمشي .

3- المديرية هاتبعت الورق ده للوزارة والوزارة هاتبعت للجامعات .

4- في شهر سبتمبر أو أكتوبر هاتظهر نتيجة التسجيل وهايبعتوا في المستشفي انه ظهرت النتيجة بعدها هاتروح إدارة التدريب بالمديرية وتعرف منهم انت التحقت بأنهي جامعة وهايدوك جواب مهمة لمدة أسبوع تطلع علي الوزارة ومنها علي الجامعة علشان تروح تقدم الورق بتاعك ووقتها بيكونوا عاوزين ورق أصول مش صورة طبق الأصل وغالبا بيكونوا نفس الورق اللي فوق ضيف إليها كام صورة شخصية بالإضافة إلي رسوم التسجيل ودي بتختلف من جامعة للتانية وبتختلف من دبلوم إلي ما جستير بس طبعا رسوم التسجيل للماجستير أغلي من الدبلوم .

5- قبولك في أي قسم من أقسام أي جامعة بيكون علي أسس عامة بتحطها الجامعة وشروط خاصة بيحطها القسم زي التقدير العام تقدير مادة التخصص .


تنبيهــــــــــات هامة

1- أبل ما تكتب رغباتك اسأل علي القسم اللي عاوز تلتحق بيه وشوف نظامه إيه والرسالة بتاعته إيه نوعها وامتحان الفيرست بيكون امتي وامتحان السكاند امتي
اسأل علي كل حاجة تخص التسجيل بالدبلوم أو الماجستير في القسم نفسه وممكن تلاقي لائحة الكلية في التسجيل لأنه كل جامعة ليها شروط ولوائح بس برده في الآخر كل قسم وبيكون له سياسته ونظامه .

2- لو فرض انك واخد جزاء تشوف هل الجزاء ده مر عليه أكتر من ست شهور
لو مر عليه أكتر من ست شهور يبقي المفروض انه يتشال لأنه أي جزا المفروض انه بعد ست شهور الإدارة تبعت للمديرية علشان يدخل لجنة ويتشال عنك لو ما اتشالشي يبقي بسرعة حاول تخلي الإدارة تبعته للمديرية وهناك في المديرية يدخل لجنة علشان يتشال ولو رفضت الإدارة إرسال الجزاء للمديرية علشان يتشال عنك هددهم انك هاتشتكيهم في النيابة الإدارية لأنه ده شغلهم والمفروض كانوا رفعوا الجزاء لوحدهم بعد ما مر عليه ست شهور أما لو كان مر عليه أقل من ست شهور مش هاتقدر تشيله وساعتها هايتكتب في الورق بتاعك
وممكن لو عليك جزا وليك علاقة حلوة مع الموظف بتاع الشئون القانونية ما يكتبشي انه عليك جزا أساسا .
3- يكون أفضل لو كنت تعرف واحد زميلك أو صاحبك أخد دبلوم أو ما جستير في نفس القسم ونفس الجامعة اللي جالك فيها التسجيل علشان تقدر تعرف منه كل حاجة عن القسم والأسئلة ونظام الامتحان والكتب اللي بيتذاكر منها وكل حاجة .

4- يكون أفضل لو سجلت في قسم بيسمح انك تاخد نايب زاير عنده بس بشرط يكون النايب الزاير بيشتغل زيه زي النايب العادي لأنك بعد الفيرست ممكن تعمل تفرغ من وزارة الصحة وتروح تشتغل نايب زاير في القسم وبكده تقدر تاخد السكاند وتناقش الرسالة بتاعتك بسلام وبسرعة لأنك هاتتعرف علي الاستاف كله والمفروض انه علاقاتك تكون حلوة معاهم وماتعملشي مشاكل وفي نفس الوقت تتطحن نفسك شغل علشان تتعلم كويس .

5- إيه قصة التفرغ ده : معناه انك لو مسجل ماجستير تقدر بعد الفيرست تقدم علي تفرغ من وزارة الصحة ( اجازة ) بحيث المرتب بتاعك وحوافزك يتصرفوا عادي من وزارة الصحة وما تشتغلشي أي حاجة إلا إذا كنت عاوز تعمل زاير تروح تقدم في الكلية وفي القسم بتاعك علي نايب زاير لو كانوا بيقبلوا نظام الزاير أو تقدم زاير في أي مكان تاني لو مش بيقبلوا زاير في المكان اللي انت مسجل فيه
والتفرغ ده لمدة سنة أو سنة ونص بالكتير حسب موافقة وزارة الصحة وموافقة الجامعة .

6- فيه جامعات بتطلب منك نسبة حضور معينة ولو اتعديت النسبة دي مش هاتقدر تدخل الامتحان خصوصا في امتحان السكاند وفيه جامعات مش بدقق علي الحضور بس عامة لو الفيرست مش محتاج حضور أوي لكن السكاند لازم الدكاترة يشوفوك .

7- مش هاتقدر تغير التخصص اللي انت مرشح ليه بمعني انك كاتب نسا مثلا مش هاتقدر تخليها عظام لكن تقدر تغير من ماجستير إلي دبلومة والعكس بعد موافقة الكلية .

8- مش هاتقدر تسجل لو انت مسجل في الزمالة المصرية أو كنت خارج مصر أو مكنتش علي قؤة العمل بس فيه ناس زمايلنا سجلوا أبل ما سافروا ونزلوا امتحنوا والمديرية طبعا مش عارفة إنهم مسجلين

9- لو فرض انك اعتذرت عن التسجيل هاتتحرم من التقديم للتسجيل لمدة تلات سنوات إلا إذا كان اعتذاراك حاجة من اتنين مرافقة زوج أو رعاية طفل بشرط موافقة الكلية .

10- تقدر تاخد اجازة أبل الامتحانات بشويه وتاخد اجازة أثناء الامتحانات ودي معترف بيها واسمها اجازة امتحانات وانت بتظبت نفسك مع زمايلك النواب في القسم ومع مدير المستشفي .

11- لو انت مثلا من سوهاج ومسجل في عين شمس تقدر تعمل انتداب لأقرب مستشفي صحة في القاهرة لتسهيل الحضور في الكلية وتسهيل الدراسة وممكن تحضر تعمل حاجة اسمها تسهيل دراسة بمعني انك تحضر تلات أيام في الجامعة وتلات أيام في الصحة

12- الكلية بتديك أكتر من فرصة لدخول الامتحان بمعني انك لو سقطت ممكن تدخل الامتحان تاني وغالبا تالت . وممكن كمان تأجل الامتحان بتاعك لأنه الامتحانات في أغلب الكليات بيكون في أبريل وفي أكتوبر ولو سقطت في مادة في الفيرست ممكن تدخلها في الدور اللي بعده ما عدا جامعة الأزهر لو سقطت في مادة بتعيد كل مواد الفيرست .

13- ممكن تاخد اجازة بدون مرتب بعد أول سنة من التسجيل دا لو انت مسجل دبلومة أما لو مسجل ماستر يبقي ممكن تاخد اجازة بدون مرتب للدراسة بعد ما يخلص التفرغ والإجازة دي هاتمتد لأقرب دور هاتدخل فيه الامتحان .

14- لو ظهرت حركة التسجيل وحبيت تغير الجامعة اللي اتقبلت فيها ده ممكن بس بموافقة الجامعتين اللي قبلتك واللي رايحلها لأنه أوقات أقسام بترفض

15- لو حصل انه مفيش رغبة من الرغبات التلاتة جاتلك يبقي تروح الوزارة وتختار جامعة معينة والوزارة تديك جواب تروح بيه الجامعة وتستني لحد ما تعرف القسم قبلك ولا لأ

16- طب الأزهر بيشترط عليك انك تمتحن فيه مواد شرعية ضمن الفيرست .
17- جامعة قناة السويس بتسمح بتسجيل الماجستير أو الدبلومة للي يمر عليه ست شهور في التكليف أو النيابة

18- علشان تدخل الفيرست بتتطر انك تستني ست شهور يعني هاتتقبل في شهر أكتوبر مثلا وهاتدخل الفيرست في أبريل وأغلب الجامعات بتعمل كده لكن فيه جامعات زي جامعة أسيوط بتدخل الفيرست بعد مرور سنة من التسجيل يعني تسجل في أكتوبر وتدخل الفيرست في أكتوبر اللي بعده .
19- لازم تلف علي الأقسام علشان تعرف الكوريكيولم ( المقرر ) بتاع الفيرست لو مسجل ماجستير أو دبلومة حديثة وما تعتمدشي علي كوريكيولم بتاع سنة أبلها لأنه الأقسام تضيف حاجة أو تشيل حاجة .

20- لو انت مسجل ماجستير أو دبلومة حديثة هاتدخل السكاند بعد مرور سنة
من الفيرست أو ممكن سنة ونص في بعض الجامعات ولو مسجل دبلومة
قديمة في شهر أكتوبر مثلا يبقي هاتمتحنها في أكتوبر اللي بعده امتحان واحد

21- لو مسجل ماجستير فيه جامعات بتبدأ فيرست وبعد كده سكاند بعد كده رسالة وفيه جامعات تانية فيرست وبعد كده رسالة بعد كده سكاند .

22- فيه جامعات الرسالة بتاعتها عبارة عن مقالة ( essay ) ودي أسهل نوع
وفيه جامعات تانية الرسالة بتاعتها ( Thesis ) وفيه أوقات أقسام بتخلي الرسالة بتاعتها حاجة اسمها (**** analysis ) حسب سياسة كل قسم .

23- بالنسبة للدبلومة فيه نوعين من الدبلوم :

*دبلومة حديثة : دي بتتكون من جزئين فيرست وسكاند ونفس امتحانات الماجستير بالظبط لدرجة انه اللي بيمتحن ماجستير بيكون جنبك في الامتحان
بس اللي يفرقها عن الماجستير انه مفيهاش رسالة ولو حبيت بعد ما تخلصها
تخليها ماجستير يبقي تحضر رسالة وبس وبكده تبقي الدبلومة دي ماجستير .
والدبلومة دي هاتلاقيها في عين شمس وبنها وشبين وجامعات أخري .
* دبلومة قديمة : ودي جزء واحد بس وان شون ومش هاينفع تخليها ماجستير ودي هاتلاقيها في جامعة أسيوط وجامعات أخري .

ثانيا
تسجيل الطبيب الحر

كلمة طبيب حر للأطباء اللي استقالوا من وزارة الصحة

الأطباء دول يقدروا يسجلوا في أي وقت لما الجامعة تفتح باب التسجيل وعلشان يسجل لابد يقدملهم الآتي :
- شهادة إلغاء التكليف ( قرار الاستقالة ) ودي بتطلع من الوزارة ( أصل )
- شهادة طبيب حر من النقابة ( أصل )
- بطاقة شخصية يكون مكتوب فيها الوظيفة طبيب حر
- إضافة اللي باقي ورق اللي قولناه فوق .


ثالثا
تسجيل الشرطة والحربية والتأمين وباقي الهيئات

الهيئات دي عندهم نواب وبيخلوهم يسجلوا بسرعة تقريبا في أول حركة تسجيل بتنزل يقدروا يسجلوا أو بعد ست شهور من استلامهم العمل أهم حاجة موافقة جهة العمل بتاعتهم


لوائح بعض الجامعات

أنا رفعت ليكم لائحة التسجيل في كليات الطب بالجامعات الآتية

القصر العيني
أسيوط
الأزهر
شبين الكوم
طنطا
اللينك اهوه
mediafire.com j3iquthcfyj



مواعيد التسجيل لأشهر كليات الطب في مصر

القصر العيني
التسجيل في القصر العيني بيفتح في شهر سبعة من كل عام لمدة شهرين والفيرست بيكون في أبريل اللي بعده ولو انت مسجل ماجستير القصر العيني في الغالب كل الأقسام بتشترط عليك انك تاخد عنهم نايب زاير عندهم بعد الفيرست

عين شمس

التسجيل بيكون مرتين في السنة مرة في شهر سبعة من كل عام لمدة شهر لو انت مسجل ماجستير يبقي الفيرست بيكون في أبريل والمرة التانية في شهر نوفمبر من كل عام لمدة شهر والفيرست بيكون في أكتوبر

طب الأزهر

التسجيل بيكون مرة واحدة في السنة في شهر سبتمبر من كام عام

طب الإسكندرية

التسجيل بيكون مرتين في السنة مرة في أغسطس ومرة في نوفمبر

طب أسيوط
التسجيل بيكون في أبريل وأغسطس من كل عام

طب الزقازيق
التسجيل بيكون في شهر أغسطس من كل عام

طب شبين الكوم

التسجيل مرتين في السنة مرة في شهر أبريل ومرة في شهر أكتوبر


ملاحظة مهمة :
مواعيد التسجيل للكليات ممكن يتغير بس إحنا قؤلنا اللي ماشي اليومين دول في الكليات دي لأنه كل سنة وليها ظروفها .

نبذة عن

التسجيل اليجال ( الغير قانوني )

وده بيتم بكذا طريقة

- أول طريقة : انك تضرب شهادتين ( مزورين ) واحدة بتاعة الاستقالة وواحدة بتاعة النقابة وبذلك تبقي طبيب حرة وتقدم في أي جامعة كطبيب حر بس 99 % من الجامعات واخدين بالهم من الموضوع ده اليومين دول ومش بيقبلوا أي حد كده وخلاص وأوقات كتير بيبعتوا للنقابة علشان يتأكدوا انك طبيب حر ولو كشفوك هايلغوا التسجيل بتاعك ولو مشيوا رسمي ممكن تتهم بالتزوير وتحاسب قانونيا .

- تاني طريقة : كانت عن طريق موظفين في الوزارة بالرشوة بحيث يضيف اسمك في قائمة الأسماء اللي رايحة الجامعات بس الموظفين دول اتقفشوا واتحولوا للتحقيق وبطلوا يعملوا الموضوع ده .


بالنسبة لحرمانية التسجيل بهذه الطرق أنا ما اعرفشي مدي حرمانيتها بس احساسي بيقؤلي إنها حرام أقل حاجة علشان التزوير والغش وتاني حاجة علشان الرشوة


طبيب زاير

معناه انك تشتغل في قسم معين في مستشفي جامعي بحيث تدفع رسوم سنوية أو شهرية نظير شغلك في القسم وفيه أقسام في جامعات النايب الزاير بيشتغل نفس شغل النايب الأساسي وفيه أقسام تانية النايب الزاير مش زي النايب الأساسي في حجات كتير وممنوع عليه حجات كتير وفيه أقسام في جامعات بتشترط في التسجيل انك تاخد عندهم زاير وفيه أقسام تانية في جامعات كتير مش بتقبل زاير أساسا

مثال لإجراءات النايب الزاير في عين شمس
بتروح شئون الأطباء مستشفي الباطني الدور التاني(علوى)تاخد استمارة فيها بياناتك اسمك وتخرجك
فيها جزء بموافقه رئيس القسم و مدير المستشفي وتروح تمضيهم وتدفع 400ج مصاريف اداريه و200ج عن كل شهر الأولي في المستشفي والتانيه للقسم

وتاخد معاك
شهادة التخرج
شهادة الامتياز
شهاده الطبيب الحر


أو

موافقة جهة العمل
أو
إجازة

التقديم من يوم 1 إلي يوم 20 في الشهر


=================================================


والآن إخواني وأخواتي الأطباء والطبيبات مع قوانين وقواعد التسجيل كما جاءت من الوزارة بالنص :



الشروط العامة للتقدم للدراسات العليا للعام الدراسى 2008/2009


1 – يكون التقدم لجميع فئات العاملين بوحدات الوزارة بمختلف القطاعات بعد عامين من تاريخ التعيين أو التكليف فيما عدا التسجيل بدراسات الصحة العامة – الصحة الإنجابية - طب الصناعات والامراض المهنية – والسموم الاكلينيكية – بعد قضاء العام الأول من التكليف ويجوز الترشيح لهذه الدراسات لمن سبق إيفاده لأى دراسة شرط موافقة الإدارة الفنية.

2 – بالنسبة للتخصصات المختلفة يكون التقدم بعد سنة طبيب مقيم فى جميع التخصصات وستة اشهر من تاريخ حركة النيابات على أن يتقدم بما يفيد إستلامه النيابة لدراسة الماجستير فى تخصصات ( التخدير – الأشعة – النفسية – المعامل – طب الاسرة – طب الطوارىء ) وتختلف هذه الدراسات حسب الاحتياجات وتحدد هذة الاحتياجات بمعرفة لجنة التكليف .

3 – يتم إلحاق أطباء الرعاية الأساسية وتنظيم الأسرة والقطاع الوقائى فى مختلف التخصصات الإكلينيكية بناء على طلب الإدارات الفنية التابعين لها لمدة عام للتدريب على أعمال الطبيب المقيم فى فرع التخصص المرشح له تمهيداً للتسجيل فى العام التالى عدا المرشحين لدراسة الصحة العامة – الصحة الإنجابية – طب الصناعات والامراض المهنية والسموم الاكلينيكية .


شروط وقواعد وتعليمات الالتحاق بالدراسات العليا


للعام الدراسى 2008/2009


1 – يتم إيفاد المرشحين للدراسات العليا طبقاً للقانون 112 لسنة 1959 المنظم لشئون المنح والبعثات والأجازات الدراسية وتتضمن : -
أ – أن يكون قد أمضى فى الخدمة سنتين على الأقل .
ب- يجوز الإستثناء من شرط السن وهو 40 سنة.

2– أ - بالنسبة للتخصصات المختلفه يكون التقدم بعد سنه من حركة النيابات كطبيب مقيم فى فرع التخصص
ب – بالنسبه للتخصصات الملحه ( التى تحددها اللجنه العليا للتكليف حسب الاحتياجات) يكون بعد سته شهور من تاريخ استلام العمل وهى ( تخدير – اشعه – معامل – نفسيه – طب اسرة – طب طوارىء ).
ج – يتم الحاق اطباء الرعايه الاساسيه وتنظيم الاسره وقطاع الوقائى فى مختلف التخصصات الاكلينيكيه بناء على طلب الادارات الفنيه التابعين لها لمده عام للتدريب على اعمال طبيب مقيم فى فرع التخصص المرشح له بالمستشفى العام العلاجى تمهيداً للترشيح للكليات فى العام التالى.
3 - يسمح لمن سبق له الحصول على مؤهل أعلى ( دبلوم أو ماجستير ) بالتقدم للدراسات التى تستوجب شرط سابقة الحصول على مؤهل أعلى من درجة البكالوريوس ( بناءاً على شرط الكلية أو المعهد ).
4 – لا يجوز تغيير التخصص المرشح له بعد القيد بالكليه ويجوز تغيير الترشيح من الدبلوم الى الماجستير أو العكس بشرط إنطباق الشروط وموافقة الكلية.
5 – يسمح للمقيدين لدراسه درجه الماجستير فى السنوات السابقه بتحويل التسجيل من الماجستير للدبلوم او العكس بشرط موافقه الكليه على التحويل.
6 - لا يسمح للمقيدين بالدراسات العليا التقدم للترشيح للمنح والبعثات الدراسية أو التدريبية بالخارج أو بالداخل أو الزمالة المصرية.
7 - فى حالة الإعتذار عن الدراسة لأى سبب عدا حالات الحصول على أجازة لمرافقة الزوج أو لرعاية الطفل يحرم من الترشيح مستقبلاً لمدة ثلاث سنوات ويسمح بإيقاف القيد أثناء الأجازة لرعاية الطفل أو مرافقة الزوج فى حالة موافقة الكلية المقيد بها ولا يجوز تأجيل التدريب المقرر قبل التسجيل بالكليات.
8 - لا يسمح بالتقدم للترشيح للدراسات العليا للعاملين الموجودين بأجازات خاصة او إعارات سواء بالداخل أو الخارج.
9 - يمنح الطبيب أجازة لحضور الإمتحان دور أول ولا تخصم من رصيد اجازاته .
10- يجوز ندب الطبيب المقيم للعمل بالمحافظات التى بها كلية الطب المقيد بها ويتم منح المقيدين للدراسات التى لا تستلزم التفرغ ( الدبلوم والجزء الأول من الماجستير ) التسهيلات اللازمة للإنتظام بالدراسة طبقاً لجدول المحاضرات الصادر من الكلية فى هذا الشأن

التسجيل بأجازات بدون مرتب للدراسة

** يصرح بإجازات بدون مرتب للدراسة للفئات التالية : -
أ – من يرغب فى التسجيل باجازه خاصه بدون مرتب مع انطباق الشروط ( شروط التسجيل ).

ب - من سبق إيفاده للدراسة ولم يحصل على المؤهل ويرغب القيد مرة آخرى.

ج - من سبق له الحصول على مؤهل ( دبلوم – ماجستير ) سواء كان القيد عن طريق الوزارة أو عن غير طريقها.


هـ - وفى جميع هذه الأحوال يشترط الأتى : -

- موافقة جهة العمل والإدارة الفنية التابع لها المتقدم مع مراعاة لائحة القطاعات المختلفة.
- قضاء عامين عمل فعلى من بداية التكليف لطالب الماجستير والدبلوم.
- يكون القيد لأطباء الرعاية الأساسية والوقائية وتنظيم الأسرة فى أحد التخصصات الواردة بخطة الإدارة الفنية التابع لها المتقدم.
- وبالنسبة للأطباء المقيمين أن يكون قد قضى عاماً مدة عمل فعلى كطبيب فى التخصص المطلوب التسجيل فيه والمرشح له من قبل الوزارة وألا يكون التسجيل فى تخصص مغاير للتخصص المرشح له كطبيب مقيم.
- الإلتزام بالقيام بالإجازة بدون مرتب فى حالة قبول القيد لمدة عام لدراسة الدبلوم وعامين لدراسة الماجستير حتى ولو لم تقتضى الدراسة التفرغ ويلغى القيد بمعرفة الوزارة فى حالة عدم القيام بالأجازة خلال شهر من إخطار الطبيب.
- ويتم ارسال بيانات المتقدمين باجازات حاصه بدون مرتب للجامعات لللنظر فى قبولهم علاوة على الاعداد المرشحه من قبل الوزاره.



تعهد كفيل




أتعهد أنا /

باعتباري كفيلا عن السيد /

الذي تقرر إيفاده للدراسة /

× تضامني معه في سداد كل ما يظهر عليه من التزامات أو الديون التي تنشأ أثناء الدراسة0
× أن أكون ضامن في رد المرتبات التي تصرف له طوال دراسته في حاله انتهاء الاجازه الدراسية والمهمة العلميه وعدم عودته تنفيذا للقرار الصادر بذلك 0
× توقيع العضو * توقيع الكفيل
× وظيفة العضو * وظيفة الكفيل وعنوانه
× محل السكن * محل السكن
× نشهد نحن الموقعان علي هذا التعهد بأن السيد /
× وجهه عمله وعنوانه
× الكفيل عن السيد /
× والمعروف لنا شخصياً وقع أمامنا وتوقيعه صحيح علي مسئوليتنا وسيادته قادر علي الوفاء بتعهده علماً بأن سيادته غير مرشح للسفر إلى الخارج في مهمة رسميه أو منحه علميه أو سافر لأي سبب بعد توقيعه علي هذا الإقرار 0
× الشاهد الأول الشاهد الثاني
× الاسم الاسم
× التوقيع التوقيع
× الوظيفة الوظيفة
× التاريخ التاريخ
× بطاقة/شخصيه/عائليه بطاقة/شخصيه/عائليه
× الجهة التي يتبعها الشاهدان





دمغة 1 جنيه



مسلسل





** ملحوظة هامة : أى بيانات خاطئة أو غير كاملة من الطالب أو المديرية يتم استبعاد الاستمارة من الترشيح فى العام المتقدم له

( طلب التحاق بالدراسات العليا بالداخل )" يصرف بالمجان "
بيانات تملأ بمعرفة الطالب
أسم الدراسة المطلوب الالتحاق بها

رغبة أولى
رغبة ثانية
الإدارة الفنية المخصص لها الدراسة





أسم الطالب رباعياً





تاريخ الميلاد





الإدارة الفنية التابعة لها





الوظيفة الحالية





المحافظة




/ /







المؤهلات الحاصل عليها ( ترفق الشهادات )





أسم الكلية





تاريخ الحصول عليها





مجموع الدرجات





تقدير عام





تقدير مادة





رقم التليفون



1-





منزل/
2-





محمول/


أسم الجامعة المراد الالتحاق بها
1-
2-
3-


جهة العمل
الأصلية :
المنتدب إليها :




هل سبق قيده للدراسات العليا نـعم / لا





المنح والأجازات الدراسية بالداخل والخارج





سابقة حضور برامج تدريبية





أسم الدراسة





سنة القيد





النتيجة





الموقف





نعم





لا





المجال





أسم البرنامج





تاريخه





النتيجة














** أقـر بأن هذه البيانات صحيحة وتحت مسئوليتي التوقيع :
** بيانات تملأ بمعرفة شئون العاملين بالمديرية :

الأعمال التي زاولها منذ التخرج



التكليف





وحدات الرعاية الأساسية





خاصة بالأطباء المقيمين



الإدارة الفنية المكلف عليها

تاريخ التكليف / /
الإدارة الفنية التابع لها حالياً

تاريخ الاستلام بها / /
التخصص :
تاريخ الحركة
تاريخ الاستلام






بيان الإجازات بدون مرتب أو إعارات





تقارير الكفاية خلال العامين الأخيرين





الجزاءات خلال الثلاث أعوام الماضية



نوع الإجازة :
مدتها من / / الى / /
من / / الى / /




البيانات عاليه صحيحة وتحت مسئوليتنا شئون العاملين التوقيع
**مراجعة إدارة التدريب بالمديرية مدير إدارة التدريب التوقيع
** البيانات مستوفاة وبيانات الدراسات والمنح والإجازات الدراسية صحيحة وتحت مسئوليتنا.
تحريراً فى / / يعتمد ،
وكيل الوزارة