التكليف

التكليف في وزارة الصحة
قؤلنا في الجزء السابق انه التكليف في وزارة الصحة إما أن يكون :
أولا : التكليف في هيئات وزارة الصحة
1- القطاع الوقائي ويشمل
الوحدات الصحية بالريف – وحدات صحة الأسرة – المراكز الصحية بالمدن وحدات رعاية الأمومة والطفولة – عيادات الأحياء – مستشفيات التكامل – مكاتب الصحة

المميـــــزات

1- ماديا كويسة وممتازة خصوصا لو روحت مكان فيه شغل برايفيت كويس مع انه اليومين دول شغل البرايفيت بقي مش مجدي أوي .

اللي هاتاخده كالآتي
* مرتبك + حافز الطبيب ال 150 % + حافز الدعم الفني ( تضاءل أوي اليومين دول وقد يكون شبه انعدم ) باستثناء مكتب الصحة لا يوجد هذا الحافز + حافز ال 240 % اللي بيصرف للطبيب الأول والتاني بس + شغل البرايفيت لو فيه شغل برايفيت
2- لو عاوز تزوغ ممكن بسهولة تزوغ وممكن تقسم الشغل بينك وبين بقية الدكاترةاللي معاك يعني هايكون عندك فرصة انك تذاكر في اي حاجة أو تسجل أي حاجة اليجال أوتشتغل برايفيت في أي مكان تاني مع مراعاة الحرمانية في حالة التزويغ .


العيــــــوب
1- شغلك هايكون إداري أكتر منه طبي خصوصا لو بقيت مدير الوحدة أو اشتغلت في مكتب صحة وهاتتعامل مع موظفين غاية في الإهمال والتسيب معظمهم مش كلهم وطبعا انت متخرج من الكلية ومش عارف حاجة في الادرايات فا تحس انه نفسيتك تعبت شويه .
2- كل من هب ودب جاي يفتش عليك باليل والنهار اشي رئيس مجلس المدينة أو النائب بتاعهأو التفتيش المالي والإداري بتاع الإدارة أو المديرية أو الوزارة الرقابة الإداريةالجهاز المركزي للمحاسبات المحافظة . وعلي فكرة دي مش مشكلة أوي للي عارف وفاهم ادارايات كويس لأنه هايعرف اللي ليه واللي عليه ويعرف يوقف أي حد عند حده ويعرف يحمي نفسه قانونيا من أي أخطاء إدارية علشان كده لازم تتعلم ادارايات كويس أوي وأبل ما تعمل أي حاجة اسأل .
3- علشان تاخد نيابة لازم تقضي سنة أو سنتين في التكليف مدة عمل فعلية لأنه الأجازات مش بتتحسب وبعد ما تاخد النيابة تستني بتاع سنة ونص علشان تقدر تمتحن الفيرست بتاع الماستر.
4- مستواك الطبي والعلمي ومستوي ذكائك في الغالب بيكون في انحدار مستمر ان لم تطور نفسك لأنك مشهاتتعلم حجات جديدة كتير بالعكس لو قعدت كتير في الريف من غير ما تطور نفسك طبيا هاتلاقي نفسك بتنسي الطب .


2- القطاع العلاجي ويشمل

مستشفيات وهيئات وزارة الصحة

يعني انك تشتغل طبيب تكليف في مستشفيات وزارة الصحة بطريق الانتداب ودي عاوزة كوسة لأنه المفروض التكليف يكون في القطاع الوقائي مش العلاجي ( المستشفيات ) يعني بعد ما تظهر نتيجة التكليف بتاعتك وتلاقي نفسك روحت مثلا وحدة صحية تقدر تعمل انتداب منها للعمل باحدي المستشفيات كطبيب تكليف بس طبعا دي عاوزة واسطة .


المميــــــزات
1- هاتتعلمكويس خصوصا لو روحت مستشفي كويسة وهاتشتغل في قسم حسب حاجة العمل ورغبتك ورغبة مدير المستشفي
2-هايكون ليك علاقات حلوة مع الدكاترةزمايلك والأخصائيين والاستشاريين ومع موظفين المستشفي وحاول تكون علاقاتك حلوة مع كلالناس اللي في المستشفي خصوصا الموظفين والعمال والتمريض وبتوع الأمن
3- تقدر تعمل اسم لنفسك في بلدك من خلال انك تخدمأي حد تشوفه من أهل بلدك وتكون تعرفه أو ما تعرفوش شخصيا
علشان لما تفتح عيادة يكون اسمك مألوف وتكون عملت جمايلمع ناس كتير وأبل ده كله خدمة
الناس شئ كويس وربنا بيجازيك عنها خير
العيـــــــوب
1- ماديا مش زي طبيب الوحدة الصحية لأنك مش هاتاخد حافز ال 240 % وكمان حافز الدعم الفني وكمان مفيش برايفيت
اللي هاتاخده هو مرتبك وحافز الطبيب ال 150 % ويمكن شويه فكة من صندوق المستشفي وأوقات بعض المستشفيات بتدي فلوس للنبتشيات
2- شغل متعب أكتر من شغل الوحدات الصحية دا إذا كنت بدور علي الراحة يعني ومش هاتقدر تزوغ كتير لأنه بيكون عليك نبتشيات وبيكون فيه التزام في المستشفي اكتر طبعا من الوحدات الصحية
ثانيا : التكليف في الهيئات الخارجية


انه بعض الهيئات بتكون عاوزة دكاترة تكليف وبعد ما تخلص التكليف فيها وتجيلك نيابة بترجع تاني وزارة الصحة الهيئات دي هيا :
الشركة القابضة للمستحضرات الحيوية واللقاحات-وزارة التضامن الاجتماعى (من الذكور)- الهيئة القومية للبحوث والرقابة على المستحضرات-وزارة التعليم العالى ( الوحدات العلاجية ) - شركة مصرللغزل والنسيج-شركة مصر للطيران- جامعة الاسكندريه- جامعة قناة السويس- الإدارة الطبية- المركز الطبى بكلية العلوم- إدارة المعامل والأشعة- إدارة المدن الجامعيه- المركز الطبى بكليه التجارة- الهيئة العامه للتامين الصحى- جامعة المنصورة- مستشفي الطلبة- الإدارة العامة للشئون الطبية – إدارة السجون بوزارة الداخلية- الجيش


المميــــــــــزات
أولا : ممكن تلاقي تعليم كويس أوي في بعض الأماكن زي الجامعة – مستشفي الطيران
ولو اخدت تكليفك في إدارة السجون ممكن بواسطة قوية تروح مستشفي نضيفة تابعة لوزارة الداخلية زي مستشفي الشرطة بالعجوزة
وأوقات مستشفيات الجيش بتكون عاوزة أطباء تكليف ممكن برده تروح مستشفي جيش نضيفة زي مستشفي قصر القبة العسكري بواسطة
ودلوقتي فيه حاجة جديدة نزلت في التكليف انه ممكن تاخد تكليفك في الجامعة بشرط انه مجموعك يسمح وموافقة وزارة الصحة وموافقة الجامعة وده مش سهل بس ممكن وفيه ناس عملتها
ثانيا : أوقات وزارة الداخلية تنزل نيابات عندها وممكن لو اخدت تكليفك عندهم يكون ليك الأولوية في انك تاخد نيابة عندهم وتكمل معاهم ووقتها هاتستقيل من وزارة الصحة وهاتبقي تبع الداخلية طبيب مدني في الهيئات الطبية التابعة لوزارة الداخلية سؤاء السجون أو أي هيئة أخري بس النيابات دي قليلة ومش كتيرة زي حركة النيابات بتاعة وزارة الصحة وممكن ما تاخدشي التخصص اللي نفسك فيه .

كمان لو روحت هيئة التامين الصحي فيه فرصة انك تروح مستشفي تأمين كويسة تتعلم فيها كويس
بس طبعا دي مش مضمونة لانه مستشفيات التامين اللي كويسة مش كتيرة وممكن تتوزع علي مكتب من مكاتب التأمين العادية
ده بالنسبة للتعليم والتكليف في إدارة السجون والجامعة والتأمين والجيش لكن باقي الهيئات الخارجية اللي فوق دي أعتقد مفيش فرصة كبيرة انك تتعلم كويس فيها
العيـــــوب
1- ماديا مش مغرية يعني انت أساسا بتاخد مرتبك من وزارة الصحة لأنك انتداب وغالبا هاتاخد حافز الطبيب ال 150 % وبس مفيش أي دخل تاني إلا إذا الهيئة اللي انت شغال فيها ادتك حاجة زيادة زي مثلاا جزء من فلوس الصندوق أو فلوس نبتشيات لو كانوا بيدوا فلوس علي النبتشيات .
2- معظم الهيئات الخارجية مفيهاش تعليم كويس باستثناء الجامعة وبعض مستشفيات التأمين وبعض مستشفيات الجيش
هانفترض مثلا انك روحت تكليف في وزارة الداخلية هاتشتغل في إدارة السجون وبصراحة المكان ده مش حلو ولا فيه أي تعليم وممكن تروح مكان بعيد كمان عن مكان إقامتك الا إذا كان عندك واسطة جامدة وروحت مستشفي شرطة نضيفة


( كيف تستفيد من فترة التكليف )

الكثير من الإخوة الأطباء والطبيبات يعتقدون أن فترة التكليف فترة لا يمكن تحقيق أي فائدة منها وتجدهم دائما في حالة شكوي وضيق من هذه الفترة .
وأنا شخصيا أري أنها فترة يمكن استغلالها بشكل ممتاز عن طريق :
- لو عندك وقت فراغ كبير في التكليف ليه ما تستغلوش في حاجة مفيدة زي مثلا انك تذاكر في تخصص معين انت بتحبه ولا حتي بلاش كلمة تذاكر دي خليها تقرا هاتنمي قدراتك الطبية وهاتفضل مرتبط بالطب وكمان ممكن تتطبق اللي بتقراه علي الحالات اللي بتكشف عليها كل يوم . والأفضل انك أثناء التكليف تحدد تخصص معين يكون مناسب ليك وبتحبه أو علي الأقل مقبول ليك ويكون مناسب لمجموعك وتبدأ تركز عليه وتحاول تعرف عنه حجات كتير وتشتغل فيه
- ليه ما تروحشي يوم مثلا في الأسبوع تشتغل فيه في مستشفي معينة تتعلم بعض المهارات الطبية المفيدة
- ممكن أثناء فترة التكليف تلتحق بأي زمالة أجنبية أو معادلة وتبدأ تذاكر وممكن تخلص جزء من الزمالة أو المعادلة وأثناء نيابتك تكمل الباقي .
- ليه ما تحاولشي تتعلم الادارايات أثناء تكليفك هاتقؤلي أنا دكتور ومش متخرج من الكلية علشان اشتغل إداري هاقؤلك انه الإداريات مهمة أوي للدكتور والدكتور الذكي يعرف ادارايات كويس أقل حاجة يعرف ازاي يأمن ويحمي نفسه ادارايا علشان ما يقعشي في أي مشاكل إدارية لأنك بتشتغل تحت لوائح وقوانين
- برده ممكن تستفيد من التكليف ماديا عن طريق انك تشتغل برايفيت وحتي لو كان شغل
البرايفيت مش مجدي أوي بس صدقني هاتستفيد منه طبيا .

- ليه ما تحاولشي أثناء فترة التكليف تعمل اسم لنفسك في الوسط المحيط بيك ده هايساعدك
لما تيجي تفتح عيادة لأنه اسمك هايكون إلي حد ما اتردد كتير خصوصا لو كان مستواك
كويس .

- ليه ما تحاولشي تعمل شغلك كما هو مطلوب منك أثناء فترة التكليف حتي لو كان
الشغل ده مش ممتع أو شغل إداري بس انت مطالب بيه قدام ربنا أبل ما يكون قدام
المسئولين لأنه ببساطة قبلت الشغل في المجال ده وبتاخد مرتب نظير قيامك بالمهام دي
وما تحججشي بحاجة انت اعمل اللي عليك وما يهمكشي أي حد ولا أي حاجة أهم حاجة
ترضي ربنا وترضي ضميرك في شغلك لأنه أمانة وكلنا هانتسأل علي الأمانة دي.

- لو انت عندك الإمكانيات المادية انك تجوز أثناء التكليف ليه ما تفكرشي انك تبحث
عن انسانة كويسة مناسبة ليك وتجوزها وبكده تكون حققت هدف كبير في حياتك .

أهم حاجة حدد هدفك وشوف انت عاوز ايه ونفسك في ايه والدكتور الذكي هو اللي يقدر يستفيد من فترة التكليف ماديا وإداريا وطبيا واجتماعيا

===========================================

ودلوقتي يا صفوة المجتمع هاعرض ليكم القوانين الوزارية بخصوص التكليف في وزارة الصحة وخلي بالكم من تعديل المواد
قواعد وإجراءات تكليف الأطباء البشريين
(الفصل الأول)
نظام حركة التكليف

مادة(1): يتم الإعلان عن تكليف الأطباء البشريين في أول ديسمبر من كل عام و تقدم الطلبات من راغبي التكليف في الخامس عشر من ديسمبر من نفس العام ،علي أن يتم إستلام العمل في أول مارس من العام التالي 0
و يلحق بها حركة تكميلية يعلن عنها في شهر يوليو من نفس العام ، و تقدم الطلبات من راغبي التكليف في الخامس عشر من ذات الشهر علي أن يتم إستلام العمل في أول سبتمبر من ذات العام 0
مادة(2): يتم توزيع الأطباء المكلفين من خلال حركة تنسيق عام تتم على أساس احتياجات الجهات الطالبة و ترتيب الرغبات وفقا لمجموع الدرجات بشهادة التخرج - ويراعى عند التوزيع توحيد النهاية العظمى لمجموع الدرجات على اساس المجموع الاعتبارى، وذلك تلافيا لتفاوت المجموع من كلية إلى أخرى.
مادة(3): تعد استمارة رغبات للتقديم لحركة التكليف تضم:
أ ) بيانات عن خريجى الدفعة، من حيث الاسم - العنوان - التقدير العام - تاريخ التخرج - الكلية - الموقف من التجنيد .
ب) الرغبات : وتحدد من خلال الطوابع الخاصة بأسماء مديريات الشئون الصحية والهيئات والجهات الراغبة فى تكليف الأطباء لديها والمبينة بدليل التنسيق.
مادة(4): تعد كراسة ( دليل ) بالنت يحتوى على :
أ ) تعريف بالخدمات المقدمة من الوزارة فى المجال العلاجى – الوقائى - الرعاية الصحية الأساسية - الاسعاف والطوارئ.
ب) احتياجات المديريات والهيئات التابعة للوزارة من الأطباء المكلفين وكذلك الهيئات الخارجية والجامعات والجهات الراغبة فى تكليف الأطباء لديها.
جـ) المستقبل الوظيفى للطبيب بعد التكليف.
د ) الحوافز المقررة للأطباء سواء معنوية أو مادية.
هـ) شروط العودة إلى الوزارة لأطباء النيابات بالجامعة والجهات الخارجية لاستكمال تكليفهم.
و ) التدريب المهنى للأطباء أثناء فترة التكليف واعدادهم لمرحلة الأطباء المقيمين ( النيابات).


( الفصل الثانى)
التظلمات من حركة التكليف

مادة(5): يتم فتح باب قبول التظلمات من حركة التكليف لمدة 15 يوم من تاريخ اعلان الحركة وذلك للنظر فى تعديل التكليف فى الحالات الآتيــة:
ا ) عدم حصول الطبيب على الرغبة التى أبداها فى ظل سماح الاحتياجات والمجموع.
ب) الحالات الاجتماعية الخاصة التى تتعلق بالاستقرار العائلى للمتزوجات بناء على ما تحدده لجنة التكليــــف.
ج) الحالات الصحية التى تقررها لجنة التكليف والمؤيدة بقرار من القومسيون الطبى.
ويجب أن تعلن نتيجة التظلمات خلال شهر على الأكثر من تاريخ قفل باب التظلمات.

( الفصل الثالث )
نظام تكليف الأطباء على جهات خارج الوحدات التابعة لمديريات الشئون الصحية
مادة(6): ينظر فى الطلبات الواردة من الجهات الراغبة فى تكليف الأطباء لديها، خارج نطاق الوحدات التابعة لمديريات الشئون الصحية بالمحافظات، ، وذلك بنظام الإعارةمن المديريات الموزعين عليها و بعدموافقة هذه المديريات في ضوء إحتياجتها من الأطباء المكلفين عليها ، على أن يكون ذلك بالاعداد وليس بالاسماء ما عدا الاطباء المقيمين والمعيدين بالجامعات والمراكز البحثية التابعة لوزارة البحث العلمى والمكلفين على وزارتى الدفاع والداخلية والجهات ذات الطبيعة الخاصة المماثلة طبقا لما تحدده لجنة التكليف.

مادة(7): عند انتهاء مدة اعارة الأطباء المكلفين إلى الجهات المشار اليها، يعود هؤلاء الأطباء الى المديريات التى وزعوا عليها .


الفصل الرابع
(علاقة التخصصات الطبية ( النيابات ) بالتكليف)
مادة(Cool: يتم تكليف الأطباء الجدد فى السنة الأولى للعمل فى مجال الرعاية الصحية الأولية – مراكز الاسعاف - مكاتب الصحة - مراكز الأمومة والطفولة وتنظيم الأسرة وفى السنة الثانية للعمل بالمستشفيات ( المركزية – النوعية – العامة) وذلك بناء على تنسيق داخلى بالمديريات حسب حاجة المديريات والمجموع ورغبات الأطباء.
مادة(9): يتم الاعلان عن حركة تنسيق النيابات المؤهلة للتخصص للأطباء المكلفين فى نهاية السنة الأولى من التكليف وفقا للتخصصات الطبية المطلوبة، وبمراعاة الاحتياجات والمجموع والرغبات.
مادة(10): يبدى الأطباء المكلفون من خلال استمارة الرغبات الاسترشادية، رغباتهم فى الالتحاق بالتخصصات الطبية فيما لا يجاوز عدد ( 5 ) تخصصات فقط، وذلك حتى يتسنى الاسترشاد بها عند الاعلان عن حركة النيابات فى ضوء احتياجات المديريات .
مادة(11): تحدد لجنة التكليف سنويا التخصصات ذات الاحتياجات الملحة وكذلك الاعداد المطلوبة منها، ويعطى الراغبون فيها فرصة الالتحاق ببرنامج الزمالة المصرية من بداية التكليف وطبقا للشروط المقررة فى هذا الشأن

الفصل الخامس
(أحكام عامة)
مادة(12): تطبق هذه القواعد على جميع خريجى الجامعات الحكومية والخاصة.
مادة(13): لا يجوز تعديل التكليف بين المحافظات إلا بعد مرور سنة على الأقل من استلامه العمـــــل.


تم تعديل هذه المادة ( 13 ) بقرار وزاري كالآتي :
جمهورية مصر العربية
وزارة الصحة و السكان
الوزير

بسم الله الرحمن الرحيم
قرار وزير الصحة و السكان
رقم ( 330 ) لسنة 2008
وزير الصحة و السكان :
بعد الاطلاع علي القانون رقم 29 لسنة 1974 بشأن تكليف الاطباء و الصيادلة و أطباء الاسنان
و هيئات التمريض و الفنيين الصحيين و الفئات الصحية الفنية المساعدة و غيرهم .
و علي قانون نظام العاملين المدنيين بالدولة الصادر بالقانون رقم 47 لسنة 1978 .
و علي قانون نظام الإدارة المحلية الصادر بالقانون رقم 43 لسنة 1979 .
و علي قرار رئيس الجمهورية رقم 242 لسنة 1996 بتنظيم وزارة الصحة و السكان .
و علي القرار الوزاري رقم 152 لسنة 2006 بإعادة تشكيل لجنة التكليف للأطباء و الصيادلة و أطباء الأسنان و هيئات التمريض و الفنيين الصحيين و الفئات الفنية الطبية المساعدة .
و علي القرار الوزاري رقم 65 لسنة 2007 في شأن قواعد تكليف الأطباء البشريين .

قـــــــــــــرر
( المادة الأولي )
يستبدل بنص المادة 13 من القرار الوزاري رقم 65 لسنة 2007 المشار إليه ــ النص التالي :
" مادة 3 : لا يجوز تعديل التكليف بين المحافظات إلا بعد مرور سنتين علي الأقل من أستلام العمل" و يجوز في الحالات الإجتماعية أو الإنسانية الخاصة التي تقدرها لجنة التكليف
ــ و بناء علي الضوابط التي تضعها في هذا الشأن ــ أن يتم النقل بعد مضي سنة من استلام العمل "
( المادة الثانية )
علي الجهات المختصة تنفيذ هذا القرار ، و يعمل به من تاريخ صدوره ، و لايسري علي الدفعات السابق تكليفها قبل تاريخ العمل به .

مادة(14): يجوز الغاء التكليف للأطباء الراغبين فى ذلك، كما يجوز اعادة تكليفهم مرة أخرى بعد العرض على لجنة التكليف، وبشرط أن يقدم طلب اعادة التكليف خلال المدة المقررة للتكليــف طبقـــا لأحكام القانــــون رقــــم 29 لسنة 1974 بشأن تكليف الأطباء ومن فى حكمهم


قرار وزير الصحة والسكان
رقم ( 190 ) لسنة 2007
ــــــــــــــــــــــــــــ
وزير الصحة والسكان:
بعد الاطلاع على القانون رقم 29 لسنة 1974 بشأن تكليف الأطباء والصيادلة وأطباء الأسنان وهيئات التمريض والفنيين الصحيين والفئات الصحية الفنية المساعدة وغيرهم.
وعلى قانون نظام العاملين المدنيين بالدولة الصادر بالقانون رقم 47 لسنة 1978.
وعلى قانون نظام الادارة المحلية الصادر بالقانون رقم 43 لسنة 1979.
وعلى قرار رئيس الجمهورية رقم 242 لسنة 1996 بتنظيم وزارة الصحة والسكان.
وعلى القرار الوزارى رقم 152 لسنة 2006 باعادة تشكيل لجنة التكليف للأطباء والصيادلة وأطباء الأسنان وهيئات التمريض والفنيين الصحيين والفئات الفنية الطبية المساعدة.
وعلي القرار الوزاري رقم ( 65 ) لسنة 2007فى شأن قواعد تكليف الأطباء البشريين

قـــــــــــــــــــــرر
( المادة الأولي )
يستبدل بنص المادة(1) منقواعد وإجراءات تكليف الأطباء البشريين المرافقة للقرار الوزاري رقم ( 65 ) لسنة2007
المشار إليه النص الآتي :
" يتم الإعلان عن تكليف الأطباء البشريين في أول ديسمبر من كل عام و تقدم الطلبات من راغبي التكليف
في الخامس عشر من ديسمبر من نفس العام ، علي أن يتم إستلام العمل في أول مارس من العام التالي 0
ويلحق بها حركة تكميلية يعلن عنها في شهر يوليو من نفس العام و تقدم الطلبات من راغبي التكليف في الخامس عشر من ذات الشهر علي أن يتم إستلام العمل في أول سبتمبر من ذات العام" 0


( المادةالثانية )
ينشر هذا القرار فى الوقائع المصرية ‘ ويعمل به من اليوم التالى لتاريخ نشره.
وزير الصحة والسكان

فى : 6 / 5 / 2007
أ.د. حاتم الجبلى


وزارة الصحة و السكان
مكتب الوزيـر
قرار وزير الصحة والسكان
رقم ( 284 ) لسنة 2007
ــــــــــــــــــــــــــــ
وزير الصحة والسكان:
بعد الاطلاع على القانون رقم 29 لسنة 1974 بشأن تكليف الأطباء والصيادلة وأطباء الأسنان وهيئات التمريض والفنيين الصحيين والفئات الصحية الفنية المساعدة وغيرهم.
وعلى قانون نظام العاملين المدنيين بالدولة الصادر بالقانون رقم 47 لسنة 1978.
وعلى قانون نظام الادارة المحلية الصادر بالقانون رقم 43 لسنة 1979.
وعلى قرار رئيس الجمهورية رقم 242 لسنة 1996 بتنظيم وزارة الصحة والسكان.
وعلى القرار الوزارى رقم 152 لسنة 2006 باعادة تشكيل لجنة التكليف للأطباء والصيادلة وأطباء الأسنان وهيئات التمريض والفنيين الصحيين والفئات الفنية الطبية المساعدة.
وعلي القرار الوزاري رقم ( 65 ) لسنة 2007فى شأن قواعد تكليف الأطباء البشريين
وبناء علي ما أوصت به لجنة التكليف بإجتماعها المؤرخ 13 / 6 / 2007
قـــــــــــــــــــــرر
( المادة الأولي )
يستبدل بنص المادة ( 6 ) من القرار الوزاري رقم ( 65 ) لسنة2007المشار إليه النص الآتي :
" ينظر في الطلبات الواردة من الجهات الراغبة في تكليف الأطباء لديها ‘ خارج نطاق الوحدات التابعة لمديريات الشئون الصحية بالمحافظات ‘ بعد إتمام توزيع الأطباء علي جميع المديريات و ذلك من خلال حركة إعادة التوزيع في ضوء إحتياجات المديريات من الأطباء المكلفين و موافقة المديريات علي ذلك ، علي أن يكون ذلك بالأعداد و ليس بالأسماء ماعدا الأطباء المقيمين و المعيدين بالجامعات والمراكز البحثية التابعة لوزارة البحث العلمي و المكلفين علي وزارتي
الدفاع و الداخلية و الجهات ذات الطبيعة الخاصة المماثلة طبقا لما تحدده لجنة التكليف 0
و يصدر بإعادة توزيع الأطباء علي الجهات المشار إليها قرار من رئيس لجنة التكليف بعد العرض علي لجنة التكليف
و في حالة إستغناء أي من تلك الجهات عن الطبيب المكلف لديها قبل إنتهاء مدة التكليف ، يعود الطبيب إلي الجهة الأصلية التي وزع عليها إبتداء لإستكمال تكليفه بها 0
( المادةالثانية )
علي الجهات المختصة تنفيذ هذا القرار ، و يعمل به من إعتبارا من تاريخ صدور القرار رقم 65 لسنة 2007 المشار إليه

وزير الصحة والسكان
فى : 30 / 6 / 20


ودلوقتي هاقؤلكم ازاي تقدموا علي التكليف من خلال النت :

التعليمات الخاصة بالتقدم لحركة التكليف ( الطريقة الالكترونية ) الانترنت
طريقة التقديم عن طريق ( الانترنت )
من خلال أي متصفح انترنت مثال " Internet Explorer 6 IE6" أكتب في مسطرة العنوان "[ندعوك للتسجيل في المنتدى أو التعريف بنفسك لمعاينة هذا الرابط] "للدخول الي الخدمات الحكومية علي بوابة الحكومة المصرية ثم اختر رابط تكليف الخريجين للدخول علي حركة تكليف الأطباء البشريين ثم أتبع التعليمات الخاصة بالتقديم علي الانترنت و المعلنة علي بوابة الحكومة الالكترونية
تعليمات عامه للتكليف
ــ نظرا لإختلاف درجة النهاية العظمي و الصغري لكليات التخرج حيث إختلفت من كلية لأخري فقد تم
تعديل مجموع الدرجات إعتباريا ليكون من 4600 درجة حتي يمكن ترتيبهم تنازليا 0
و يمكن للطبيب حسابها كالآتي : ــ

مجموع الطبيب
المجموع الاعتباري = ـــــــــــــــــــــــــ × 4600
النهاية العظمي للجامعة
ــ سوف يقوم الحاسب الآلي بجامعة القاهرة بإجراء التنسيق العام للدفعة طبقا للمجموع و الرغبات و الاحتياجات
ــ سوف يتم إعلان النتيجة فور إنتهاء عملية التنسيق و سيتم بثها عبر شبكة الأنترنت ( موقع الوزارة ) وموقع الحكومه الالكترونيه ومديريات الشـــئون الصحية بالمحافظات ومستشفي معهد ناصر ومقر النقابات العامه والفرعيه بالمحافظات .
ــ يتم التنبيه بضرورة تسلم العمل للمكلفين خلال 15 يوما من تاريخ إعلان النتيجة حتي لايقع المكلف
تحت طائلة قانون التكليف رقم 29 لسنة 1974 و الذي حدد العقوبات التي توقع في حالة مخالفة
أحكامه وتقديم التظلم لا يعني عدم تسلم العمل0
ـــ عقب إعلان النتيجة يتم فتح باب التظلمات من حركة التكليف ولمدة 15 يوما وعلي مقدم التظلم
تقديم كافة مايؤيد تظلمه من مســـتندات إلي جهة تكليفه أو إلي مستشفى معهد ناصر بقاعة المؤتمرات
وسوف تعلن نتيجة التظلمات في غضون شهر من تاريخ قفل باب التظلمات بعد العرض علي لجنة التكليف 0
ـــ الأطباء خريجي تلك الدفعة ممن يتمون السنة التدريبية ( الإمتياز ) في تاريخ لاحق لنهـــاية فبراير 2009 عليهم مراجعة الإدارة العامة لشئون التكليف بديوان عام الوزارة (3 شـارع مجلس الشعب بالقاهرة ) و معهم الشهادة الدالة علي إتمام سنة الإمتياز حتي يمكن إتخاذ إجراءات تكليفهم وتسليمهم العمل طبقا للقواعد0
ـــ الأطــباء خــريجي تلك الدفعة والذين يتم ترشيحهم للعمل أطباء مقيمين بالمســتشفيات الجامعية أو
معيدين بكليات الطب و ترد قرارات ترشيحهم من هذه الجهات بعد صدور حركة التكليف يتم إجـابة
طلباتهم في ضوء القواعد التي تطبقها الوزارة 0
ـــ الأطباء الراغبون في إلغاء تكليفهم سيتم النظر في تلك الطلبات بعد العرض علي لجنة التكليف



ودلوقتي هانفترض انه خلاص نتيجة التكليف ظهرت طيب ايه الورق المطلوب لاستلام العمل
المطلوب كالآتي
الأوراق المطلوبة لاستلام العمل ( مسوغات التعيين )
تقدم هذه المسوغات إلي جهة التكليف التي تم التوزيع عليها ( المديريات و الإدارات الصحية ) 0
0 مايفيد الحصول علي درجة البكالوريوس .
0 شهادة قضاء سنة الأمتياز .
0 ترخيص مزاولة المهنة و يمكن الحصول عليه من الإدارة العامة للتراخيص الطبية بديوان عام الوزارة .
0 شهادة الميلاد أو مستخرج رسمي منها .
0 إقـــــرار الذمـــة المـــالــية و يمكن الحصـــول عليه من مكـاتب البريد المخــتلفة .
0 صورة ضوئية من ( بطاقة الرقم القومي )
0إقرار من الخريج أو الطبيبة بعدم الحصول علي معاش من أي جهة أو بالحصول عليه و في الحالة
الأخيرةعليه توضيح قيمة المعاش وجهة الصرف و رقم ربـــط المعـــاش .
0 شهادة بالموقف من التجنيد بالنسبة للذكور .
0 عدد 6 صور فوتوغرافية مقاس 4 × 6 .
0 صحيفة الحالة الجنائية موضح بها تقديمهـا لجــهة التكليف سواء كانت داخل وحــدات الوزارة
أو خارجها .
0 الأستمارة 103 ع . ح بمدة الخدمة السابقة معتمدة من شاهدين و مختومة بخاتم شعار الدولة
من جهة العمل و يمكن الحصول علي تلك الإستمارة من أقسام شئون العاملين بجهة التكليف 0
0 الأستمارة 105 تأمين و معاشات و يمكن الحصول عليها من أقسام شئون العاملين بجهة التكليف .
ملحوظة : ضرورة تقدم الطبيب فور تسلمه العمل بطلب لجهة تكليفه لضم سنة الأمتياز
لمدة خدمته الحالية 0

موقف المكلفين من التجنيد
الخريج المكلف الذي يتم تجنيده قبل إستلام العمل عليه التقدم بما يفيد تجنيده للجهة التي كلف عليها لحفظ وظيفته 0
الاوراق المطلوبة لإستخراج ترخيص مزاولة المهنة
! ــ نموذج صحة 13
2 ــ أصل شهادة البكالوريوس ( دمغة واحد جنيه )
3ـ شهادة الأمتياز ( دمغة واحد جنيه )
4 ــ أصل إيصال النقابة ( دمغة واحد جنيه )
5 ــ البطاقة الشخصية
6 ــ شهادة الميلاد ( أصل + صورة ) دمغة واحد جنيه علي الصورة
7 ــ الموقف من التجنيد للذكور ( أصل + صورة ) دمغة واحد جنيه علي الصورة
8 ــ عدد ( 3 ) صور شخصية مقاس 2 × 3
9 ــ دوسيه لحفظ الأوراق 0
قروش جنيه
10 ــ دمغة فئة 10 3 تلصق علي الترخيص الورقي 0

===============================================