مذكرات مدنجي يصارع للبقاء....(تم إضافة شابتر 7)

motamiez كتب:لا مش حقد هو بس بيوضح ازاي انه معجب بيها ومش مركز ف المحاضرة و هيا ولا ف بالها و بتركز ف المحاضرة عادي.............لسه المذكرات طويلة هتعرفي بعدين


اسف علي سوء التنسيق بس غصب عني .........

يدق منبه الساعه السابعه فيغضب صاحبنا (مش طه حسين لأ)

لأ أشغل mig33أحسن وأشوف مين أون لاين
وأشيت معاه بس إحنا الصبح مين ده اللي داخل يفطر ف مج

أمل مين يابني هو أنت لسه بتحلم بالبنت دي ياعم ارحم نفسك بقي....قوم يلا كفاياك نوم
حاضر ياعم المزعج قايم أهو الواحد ولا متنهي علي حلم ولا حقيقه في المدينة دي

الواحد أول
ما بيبدأ يذاكر بيحاول يفهم كل حاجه و يتأني براحته وبعد كده أما يتزنق
يكروت كتاب ف ليلة لو عاوز و فيه حاجه غيريبة اخر 4 او 5 صفحات بيتسابو ف
كل شابتر احتفالا بإنك خلصت الشابتر ده ومش بيجيله نفس يذاكرهم لاخر السنة
....وبيجي فيهم أسأله كتير.

حسن قال إنه هيظبط منبه علي الفجر عشان يصحي يصلي و يذاكر
بس علي طول الدنيا معاندة حسن و مصحيش علي الفجر زي ماهو عايز صحي قبل الامتحان بساعة و يدوب لحق يجهز و راح الامتحان.

motamiez كتب:

شابتر 5

ايوا ياحسن انا شايفه إنك انسان محترم وكويس وبصراحه انا متابعاك من السنة اللي فاتت
يعني بتبادليني نفس الأعجاب؟
متبقاش رخم بقي قولت إني مهتمة بيك علي طول
وانا مش عاوز أكتر من كده دلوقتي يا أمل
طيب ياحسن انا هستأذن دلوقتي عشان ألحق أروح ماما بتقلق عليا قوي_ شد حيلك وخلي بالك من نفسك.....سلام

سلام يا أمل



‏أمل مين يابني هو أنت لسه بتحلم بالبنت دي ياعم ارحم نفسك بقي....قوم يلا كفاياك نوم
حاضر ياعم المزعج قايم أهو الواحد ولا متنهي علي حلم ولا حقيقه في المدينة دي

يلا روح أتوضي وصلي عشان ننزل نفطر
لا يا عم انا مش فاطر ف المدينة بأكل العيانين ده أنا هروح أفطر عند عم تلوث أهو فوله أحسن من فول المدينة.
أحلي حاجه ف فول عم أحمد انه طعمه ملوش حل وتأثيره علي الدماغ والنوم برضو ملوش حل يا هتنام يا هتنام.
عاوزين نذاكر بقي يا محمود احنا متأخرين وعندنا امتحان بعد بكره ياتري هنلحق نخلص ونراجع ؟
إن شاء الله نلحق نقرا بس أحنا ونبقي انجزنا
ماشي ياعم المحبط بص ف كتابك واعمل مودك سايلنت
(قدامك 100 صفحه عاوز تلخصهم وتحل عليهم 200 mcqكل ده عشان امتحان ب15 درجات....اعمل اللي عليك ياحسن)
بص ياعم ضميري دلوقتي الساعه 9 انا هتغدي متأخر عشان منمش هضرب واحد نسكافيه عشان اركز وإن شاء الله هفرمت ال100 صفحه(أما نشووووف)
يدوبك جات الساعه 2 وانا لسه مخلصتش غير 20 صفحه الواحد أول ما بيبدأ يذاكر بيحاول يفهم كل حاجه و يتأني براحته وبعد كده أما يتزنق يكروت كتاب ف ليلة لو عاوز و فيه حاجه غيريبة اخر 4 او 5 صفحات بيتسابو ف كل شابتر احتفالا بإنك خلصت الشابتر ده ومش بيجيله نفس يذاكرهم لاخر السنة ....وبيجي فيهم أسأله كتير.


انا جعت أروح اتغدي وبعد كده اجي أشرب شاي عشان منامش وأخلص ال80 صفحه إن شاء الله (أنت بتحلم)
المهم حسن راح أتغدي و رجع الأوضة هو و محمود لقيو نفسهم أغمن عليهم و نامو في سبات عميق.....


صحي حسن بعد ساعتين وقبل مايقوم من علي السرير إفتكر كلام باباه و هو بيقوله شد حيلك يابني عاوزين تقديرات

الكلام ده خلي حسن يقوم و هو مليان حماس للمذاكره و قعد يذاكر لحد بليل بس لسه برضو في صفحة 50 لا ياعم أنا هشرب كوفي ميكس عشان منامش وأحاول أخلص ال50 صفحة اللي باقيين
بس حسن بعد ماشرب الكوفي ميكس(عشان يرضي ضميره بس) مكملش مذاكره غير نص ساعه ولقي نفسه فاصل شحن و نام
صحي تاني يوم الساعه 12
يا نهار إسود انا لسه معايا 50 صفحه ده غير المراجعة والمادة لو ذاكرتها ومراجعتهاش ولا كأنك عملت حاجه...طيب انا هقدر أخلص لحد بليل ولا أراجع الخمسين صفحة اللي ذاكرتهم(أنت فاشل ياحسن) طيب هوريك ياعم ضميري
إن شاء هخلص ال50 صفحة واراجع كمان(لا ياراجل متحل mcq ‎ بالمر)لأ كده كتير كفاية إني أذاكر وأراجع طيب دلوقتي الساعة 12 وأعمل
حسابك إنك هتنام بدري عشان تركز في الإمتحان.



الحيرة بين الضمير والعقل
العقل بيقول راجع ال50 صفحة وأهو mcq في اليد خير من عشرة علي الشجرة
الضمير مش هيرتاح غير أما تخلص ال100 صفحة مذاكره بغض النظر عن الكفاء و كونك هتعرف هتحل الأسئلة ولا لأ
ضمير حسن صاحي حبتني وقال انا هذاكر ال100 صفحة وربنا يبارك في الوقت إن شاء الله
حسن راح قعد علي الكتاب من أول الساعة 12 الضهر لحد 12 بالليل وكان فرحان قوي إنه خلص ال100 صفحة مذاكرة وكان نفسه يراجعهم عشان يعرف يحل بكره في الامتحان
الامتحان الساعه 9 و حسن قال إنه هيظبط منبه علي الفجر عشان يصحي يصلي و يذاكر
بس علي طول الدنيا معاندة حسن و مصحيش علي الفجر زي ماهو عايز صحي قبل الامتحان بساعة و يدوب لحق يجهز و راح الامتحان.
المراجعة جزء كبير جدا من المذاكرة ولو مراجعتش اللي ذاكرته كأنك معملتش حاجه و كنتيجه طبيعية حسن غلط في الامتحان بس كانت غلطات بسيطه تخليه ينقص 3 أو 4 درجات من ال15
حسن ماكنش فرحان عشان بالطريقه دي مش هيعرف يجيب الامتياز اللي هو عاوزه بس قال الحمدلله .ماكنش ليه نفس يقعد ف الكلية فروح المدينة علي طول.


(إزيك ياحسن يابني الحمدلله يا أمي كويس وأنتو أخباركو إيه الحمد لله يابني عملت إيه ياحسن النهارده في الامتحان الحمدلله كويس يعني هتجيب امتياز فيها المادة دي إن شاء الله_إن شاء الله يا امي بس دعواتكم معانا)
امتياز إزاي بس يا أمي يلا ربنا يسهل
أحسن حل إني أنام
صحي حسن بالليل بس كان مخنوق قال يمكن يكون عشان نمت في وقت غير طبيعي وصحيت بالليل بس في الحقيقه هو كان مخنوق من الدنيا مش عشان الإمتحان لأ عشان كل حاجه كان حاسس إن الدنيا معانداه مافيش حاجه هو عاوزها بيوصلها دايما كل شئ يبوظ بعد مايكون علي بعد خطوات منه.
أحلي حاجه إنه علي طول بيقول الحمدلله .

حسن ده بيدلع اااااااااااااااخر حاجه
وفاضي كمان Very Happy

motamiez كتب:

شابتر 6

(أجمل أحلام أنا بحلمهالك لو حتي بنام قلبي بيصحالك يفضل سهران يتمني حاجات لكن حيران بين قول و سكات)

ياتري يا أمل أنتي بتفكري فيا زي منا مشغول بيكي‎ ‎‏ من زمان
ساعات بسرح بخيالي وارسم حكايات و أشوفك جنبي وعنيكي مليانة حنان
نفسي أقولك بحبك بس مبتطلعش غير في الأحلام
وانتي برضو مبتبقيش أمل غير بس في الأحلام
لما تكوني بعيده عني في الحقيقه بحاول أقربلك في الخيال
وأعيش معاكي في عالم تاني وأسمعك بتندهيلي يا حسن قوم ذاكر وألقي نفسي بذاكر و أشد حيلي عشان بس سمعتها منك وانا سرحان
عارف إن قلبي هيملي دنيتك حب وحنان
و عارف برضو إنك هتبقي أسعد بنت في العالم كمان
بس أنتي مش عارفه كده ولا حتي الزمان
ساعات بحس إني عايش في وهم وإني عندك زي أي إنسان
بس وهم حبك خلاني أسعد إنسان
عشان بس بسرح في حبك ببقي فرحان
شوفي بقي لو قولتي بحبك هيبقي تأثيرها إزاي
نظرة من عنيكي ليا بتحسسني بالأمان
بقول لنفسي لسه في أمل تبقي ليا و نعيش مع بعض طول الزمان
نفسي تحسي بيا
نفسي تسمعي اللي قلبي بيقوله لما بيفكر فيكي و هو سرحان
حسن... حسن... حسن
أيه أيوه يارامي:
مالك يابني سرحان في ايه
في الدنيا يارامي
ممم طيب يلا كمل مذاكرة
طيب هكلم ماما في التليفون وأرجع أذاكر
الو.....الو إذيك يا أمي إذيك ياحسن وحشتني أنتي أكتر والله أخبارك إيه الحمد لله وانتو عاملين إيه كويسين الحمدلله طيب سلميلي عليهم شد حيلك ياحسن عاوزينك تجيب امتياز السنة دي حاضر بس أنتو ادعولي ربنا معاك يابني.
رامي
أيوه ياحسن
عاوز أسألك علي حاجه
إيه رأيك في البنت أمل
يابني فكك من البنت دي
ليه؟
بص بصراحه كده البنت دي أنا مش مرتاحلها وبسمع كذا واحد في المدينة بيحكي عنها بإعجاب وبيقول إنها بتبصله يعني شكلها كده من النوع اللي بيحب يعمل شبكه و يصطاد فيها سمك كتير و في الأخر السمك ده يترمي تاني في البحر بس ميت.
وبصراحه البنت دي صعب إنك توصلها ياحسن
لا ياعم أنت بتخرف تقول ايه دي بنت محترمه جدا و مش بشفها بتقف مع ولاد أساسا.

بص ياحسن في مثل حلو اوي بيقول ‏let actions say ‎
وبعدين ياعم أنتا إحنا جايين مصر عشان نتعلم و نبقي دكاتره و نفرح أهلنا و ننفع بلدنا ....متخليش حاجه تأثر عليك ياحسن .
طيب لو كان مش بإيدي يارامي
حاول تنساها ياحسن وابعد نفسك عنها خالص
طيب ربنا يعمل اللي فيه خير
يلا نكمل مذاكرة.

جميله يا اسلام

بس مش يمكن امل بتبص لكل الناس بطريقه حلوه وهما بيفهموا غلط ؟؟؟؟

وبعدين انت قاعد تذاكر ولا تحب في امل يا باشا؟؟؟؟

إزاي دي ؟

علي اساس اني بتكلم عن نفسي يعني


انا بحاول اجمع كل الجوانب لكل الطلبة ف قصة واحده

قال أمل قال

نت بتحب الناس بتبصلهم كلهم وكيرينج عليهم مش بدافع الحب

بص بصراحه كده البنت دي أنا مش مرتاحلها وبسمع كذا واحد في المدينة بيحكي عنها بإعجاب وبيقول إنها بتبصله يعني شكلها كده من النوع اللي بيحب يعمل شبكه و يصطاد فيها سمك كتير و في الأخر السمك ده يترمي تاني في البحر بس ميت.