كل ماتريد معرفته عن راوند الأطفال

الناس اللي داخلة راوند اطفال : كل ما تريد معرفته عن الراوند

السلام عليكم ورحمة الله وبركاته
باذن الله هنتكلم عن راوند الاطفال
=========
الراوند متقسم لمجموعة (ب) عندها محاضرة الساعة 9 وبعدين الراوند الساعة 11
والمجموعة التانية (أ) العكس الراوند 9 والمحاضرة 11

والناس متقسمة بطريقة هتعرفةها لما تروحوها هناك
مثلا :
الارقام من واحد لعشرين
من واحد لخمسة ومن عشرة لخمستاشر دول مجموعة أ
ومن خمسة لعشرة ومن خمستاشر لعشرين دول مجموعة ب
====================

الغياب بتاع الراوند لطيف
والمحاضرة مفهاش غياب
في محاضرات بتبقى حلوة اوي وفي محاضرات زي ما دخلت زي ما طلعت ((ايه الغالب ! ابقو اسألوا الناس اللي حضرت ))
لو الراوند بتاعك الساعة 9
ممكن تيجي متأخر لحاد 10 الا ربع وممكن اكتر كمان
بس لازم تيجي وتاخد غيابك
عشان عليه خمستاشر درجة
وتقسيمة ال15 درجة دي موجودة في الصور اللي على الجروب
لو جيت وملقتش النايب اللي بياخد الغياب
احضر عادي
وفي اخر الراوند اكتب ورقة عليها اسمك وخلى الدكتور اللي بيشرح يمضي عليها
في دكاترة مبترضاش وبيقفلو الغياب وقتي وهما موجودين

=========================
الحضور بتاع الراوند مهم جدا
وخصوصا ان الحالات اللي في الدرس قليلة جدا بالنسبة للي هيجولك في الراوند
حتى لو قاعد مش فاهم حاجة
خليك لحاد ماتيجو على الحالة
اعمل عليها شغلك وامشي
========================
الحاجات اللي المفروض تجبها
كتاب القسم النظري .,.,.لو هتحضر المحاضرات يبقى هاته
كتاب القسم العملي .,, مهم جدا
عشان هتاخد بيه الشيتات
وموجود فيه ازاي تعمل فحص وكده
بعدين للاشعات (اكس راي) كتاب ماجد اشرف
((((هتلاقي ناس جايبه كتاب لونه احمر او فشية كده((بتاع النجار)) ,.,كتاب فاكس جدا وملوش ااي لزمة ومش تبعنا اساسا ))))
وفي كتاب ماجد اشرف للشيتات .,., والاسئلة اللي بتتسأل معاها ((دا كتاب حلو ..كاتب في الشيت الحاجات اللي هتدوور عليها وكل حاجة في الهستوري ليها علاقة بالحالة دي ))
وفي اطلس فيه صور بتاع النجار ((د ا حلو بس مش اساسي ))
ولو بتاخد درس فهيبقى معاك ملزمتك
وفي شيتات بالعربي هنبقى نرفعها باذن الله
=====================
هتحتاج

stethoscope
measuring tape
هامر وسماعة ومازورة
=======================
بالنسية للحالات اللي بتجلكم
فانت بتدفع مع الغياب فلوس على حسب عدد الحالات اللي بتجلكم وعلى حسب ايه نظام الحالة اكيوت وللا كرونيك
وحوار الغياب ابو فلوس دا ., في كل الوحدات ماعدا الوحدة السادسة (الغياب فيها من غير فلوس )
دا كان في وحدات بتاخد فلوس على الاكس راي !!!!!
ولما تجلكم حالة مثلا هيبقى المفروض في واحد يشيتها ((ياخد منها الشييت ))
و عشان الحوار دا يبقى منظم .,., خلوها كل واحد برقمه ((عشان في ناس بتبقى راشقة وبيجو بدري ., تحس انهم كانو بايتين من امبارح ))
في الاول هتلاقي نفسك مش انتيريستيد تاخد شييت ((لكن في الاخر هتتخانئو مع بعض على اللي ياخد الشيت ))
والنايب بيعلم على اللي بياخد الشيت
========================
وفي بحث عليه 20 درجة ومعاه عرض تقديمي
والبحث دا مش هزار ((زي زمان مثلا )) .,..,. ويطلعوا اشاعات ويقولو عشرين درجة هدية وكلام من دا
في ناس نقصت ((اللي اتعرف انهم نقصو وصلوا لحاد 16 من عشرين ))
و ناس اتسالت عملتو ايه !؟ طب قولو كده اللي انتم عملتوه
وهوا بحث 3 صفحات ((بتعمل فيه النقط المطلوبة منك )
يعني نظام الكوبي واعمل عشرين صفحة .,. خلاص انتهى
=========================
وبيفضلو خمس درجات على مشاركتك في الراوند
ودي بعد ما بتخلصو البريزنتيشن .وتمشو انتو خلاص ,
ال ستاف بتاع الوحدة بتعتك بيتجمعوا ويشوفوا غيابك ويشوفو مشاركتك في البحث ((عن طريق المسئول عنك في البحث ))
ومشاركتك في الراوند عن طريق المدرسين والمدرسين المساعدين اللي بيخشو
وهما بيبقو عارفنكم .., لانهم تقريبا ستة بيخشلكم لمدة شهرين hammer