العروسة الصينية.. هل تصبح الحل لأزمة الزواج في مصر؟

نسبة العنوسة في مصر في تزايد ..

لو قلنا مثلا.. ان اللي هيتجوزو الشهر ده 100 %

25 % منهم .. متفهمين أمور بعض .. ومبيغالوش في الطلبات والحياة بتمشي ..

40 % الجوازة مبتكملش اصلا من الأول لعوامل كتير

35 % الجوازة بتنتهي بسرعة لعدم التوافق اصلا من البداية , ولخوف الاهل من ان قطر الزواج يفوت بنتهم , فلما توصل مثلا لظت 28 سنة بيجوزوها لأي حد ومبيكونش فيه اي تواق بينهم وده لانهم كانو من الـ 40 % اللي غالو في الطلبات لما بنتهم كانت لسه عندها من 21 لـ 25 سنة وفضلو يتشرطو و و و و لغايةما وصلت لـ 28 بدون جواز


ودلوقتي نسبة الاناث للذكور في مصر 4 : 1 .. وبرضه لسه الأهالي بيطلبو من الشباب طلبات وهمية مع العلم ان الشاب السليم الطبيعي المفروض يبدأ حياته بالجواز ويكافحو مع بعض , انما ميسافرش برة مصر 5 سنين او اكتر ويرجع محمل فلوس ويتجوز من أي حد واكيد مبيكونش فيه توافق طبعا و 65 % منهم بيستخدمها كجارية عنده وهو اتجوزها بفلوسه


الحل بين طرفي الموضوع المتقدم , والعروسة .. انا مبقولش الاهالي يرمو بناتهم لحد يبهدلهم , لا , يوافقو علي الشخص اللي يقدريكفي يومه ويعيش بنتهم حياة شريفة .. ويكون موجود عندهم متطلبات الحياة الأساسية ..

مش لازم مهر مبلغ خيالي , وشبكة مبلغ خيالي , وفرح في مكان بمبلغ خيالي , وشقة تمليك في مكان كويس بمبلغ خيالي , ووظيفة اصلا بتاخد مرتب خيالي .. منين بقي ده كله ؟

ويقولك دي بنت كذا متجوزة واحد كذا وكذا وكذا .. وتبدأ المقارنة , وهي بنتنا اقل منها في ايه وكلام يضرهم هما .. ميفيدهمش ..

عموما .. ربنا يهدي .. والعروسة الصينيه مش هتمشي يا حودا , المصرية هي اللي تصونك وتستحملك وتحافظ عليك ..

جامد

هههههههههههه موضوع جامد الصينية دى بقى هتطلع عينك هتقولك شغلى شغلى وكمان للاسف مش هتديك قرش من فلوسها يعنى مش هتبقى زوجة بيتها همها الاول وكمان مش هتعرف تستفيد منها انما المصرية اه بتصون بيتها وهى وفلوسها (لو عرفت تشتغل اصلا هم الرجالة عارفين يشتغلوا الاول بلا وكسة بقى) هتكون لجوزها من الاخر حرام عليكوا والنبى احنا ذنبنا ايه نعنس ليه مش كفاية هنستحملكوا ونستحمل مطالبكوا اللى مابتخلصش وتامراتكوا ودور سى السيد اللى عايشين فيه ده برده بنستحمله من الاخر اياك واحد مصرى يتجوز صينية كل بنات مصر والشعب العربى كله هيدعوا عليه ويبقى يقابلنى بقى ان عرف يعيش

رخصوا مهركو
تجوزوا على طول

لا لا يادكتور المهر ده اصلا موضة قديمة موت الاجيال الجديدة لغته خالص

مهو لو مش مهر
يبقى الست عايزة تتجوز عريس كامل من مجاميعه
و ده مش متوفر حاليا

انا عاوزه اعرف شئ بس
هي العروسه ديه ملهاش كرامه
بأي سعر واي مواصفات وهي ملهاش طلبات ملهاش مواصفات في اللي هتاخده ؟؟؟
شئ غريييييييييييييب جدا

واذا كانت الصينيه موجوده فين الكوبايات؟؟؟

انتى رجعتى تقلشى تانى؟؟

الصينية عارفة مصلحتها يا شيماء..مش زى ناس بيقعدو يتأمرو

الصينية عارفة مصلحتها يا شيماء..مش زى ناس بيقعدو يتأمرو

طب والله اللي بيتأمروا احسن من توكا توكا اللي هتبقي قاعدالك في البيت

وبعدين والله عروسه مفيده منها عروسها ومنها نقدم فيها العصير للضيوف

وبعدين دوبل اوبشنز تدوس الزرار الايمن تشيل العصير وتوديه
تدوس الزرار الايسر تقلب صنيه وتتحط ع الترابيزه بتاعة الانتريه

بزمتك دي جوازه ؟؟؟؟

بتوفر

علي كده انا عاوزه عريس صيني ان كان بيوفر

العريس هو الل بيدفع
العروسة بتتأمر و بس

طب قشطه انا كده كده هتأمر
فقشطه بس بشرط يكون بيقلب برده

هو الصيني مهره بكم ؟

وعلى كده بقى الدكاتره حاجزين .............صينى ولا هيشجعوا الصناعة الوطنيه
طب لعلمكوا مفيش واحدة فى الدنيا بتستحمل زى الست المصرية.........ده كفاية الظروف اللى احنا عايشين فيها والاسعار اللى فى السما ........دا احنا لو جبنا واحد من جهابزة علم الرياضيات....ودناله دخل اسرة مصرية متوسطة وقلنا يعيش بيه طول الشهر ...هيفشل فشل ذريع..........شوف انتا بقى الست المصرية العبقرية اللى بتعمل العمل البطولى ده ......وفى الاخر عايزين تروح تجيبوا الصينى وتسيبوا البنات المصرين .....لما يحمضوا من الركنه

لو لقيت الست المصرية الجدعة اللي تقدر
اللي اهلها مش هيغلو ف الطلبات
و ماله
أهو بلدي برضه

shaymaa okasha كتب:

الصينية عارفة مصلحتها يا شيماء..مش زى ناس بيقعدو يتأمرو

طب والله اللي بيتأمروا احسن من توكا توكا اللي هتبقي قاعدالك في البيت

وبعدين والله عروسه مفيده منها عروسها ومنها نقدم فيها العصير للضيوف

وبعدين دوبل اوبشنز تدوس الزرار الايمن تشيل العصير وتوديه
تدوس الزرار الايسر تقلب صنيه وتتحط ع الترابيزه بتاعة الانتريه

بزمتك دي جوازه ؟؟؟؟

Abotreka كتب:هو الصيني مهره بكم ؟

ليه هو انا اللي هدفع ان شاء الله؟؟؟؟؟؟؟؟؟؟؟؟!!!!!!!!!!!!!!!

Abotreka كتب:لو لقيت الست المصرية الجدعة اللي تقدر
اللي اهلها مش هيغلو ف الطلبات
و ماله
أهو بلدي برضه

لا جاي ع نفسك اوي يا عمو

sose كتب:وعلى كده بقى الدكاتره حاجزين .............صينى ولا هيشجعوا الصناعة الوطنيه
طب لعلمكوا مفيش واحدة فى الدنيا بتستحمل زى الست المصرية.........ده كفاية الظروف اللى احنا عايشين فيها والاسعار اللى فى السما ........دا احنا لو جبنا واحد من جهابزة علم الرياضيات....ودناله دخل اسرة مصرية متوسطة وقلنا يعيش بيه طول الشهر ...هيفشل فشل ذريع..........شوف انتا بقى الست المصرية العبقرية اللى بتعمل العمل البطولى ده ......وفى الاخر عايزين تروح تجيبوا الصينى وتسيبوا البنات المصرين .....لما يحمضوا من الركنه

لو هيفترو يبقو يحمضو أحسن

وزى ما تريكة قال: احنا نشجع الصناعة الوطنية بس بحدود

اقصد الصينية

شفتي الرجالة
بيضحوا ازاي

abdoo كتب:

sose كتب:وعلى كده بقى الدكاتره حاجزين .............صينى ولا هيشجعوا الصناعة الوطنيه
طب لعلمكوا مفيش واحدة فى الدنيا بتستحمل زى الست المصرية.........ده كفاية الظروف اللى احنا عايشين فيها والاسعار اللى فى السما ........دا احنا لو جبنا واحد من جهابزة علم الرياضيات....ودناله دخل اسرة مصرية متوسطة وقلنا يعيش بيه طول الشهر ...هيفشل فشل ذريع..........شوف انتا بقى الست المصرية العبقرية اللى بتعمل العمل البطولى ده ......وفى الاخر عايزين تروح تجيبوا الصينى وتسيبوا البنات المصرين .....لما يحمضوا من الركنه

لو هيفترو يبقو يحمضو أحسن

وزى ما تريكة قال: احنا نشجع الصناعة الوطنية بس بحدود

يا جماعه المصريات مفيش احسن منهم ومهما كانت طلباتهم معتقدش بجد حد ناو بيغالي فيها