المسابقة الدينية لليوم الثالث و العشرين من رمضان(انتهت)

تحية طيبة لأعضاء شمسولوجى الكرام


كل عام و انتم بخير


1-راجل مسلم حر عاقل بالغ مات و
خلف مالا و بنتا و ازواجا و عما و لم يكن عليه دين و مع ذلك لم يجز لورثته أن
يرثوه كيف هذا؟


2-راجل يكفي لازالة جنابته كوب من الماء و
عنده ماء كثير كيف ذلك؟


3-واحد حلف ان عليه ف اليوم و الليلة 17 ركعة
و التاني حلف ان عليه 15 ركعة بس و التالت قال انا عليا 11 ركعة بس كيف تفسر هذا ؟

المسابقه هتنتهى بكره العصر ..

بالتوفيق

1.كتب وصية و اتبرع بكل ماله

2.يمكن عنده أذي ف بعض جسمه و الماء هيسببله ضرر
3.

17 ركعة ده الرجل العادي القيم(2 صبح+4ظهر+4عصر+3مغرب+4عشاء)..ا
15 يمكن هيسافر بعد المغرب و بكده هيقصر العشاء ف ركعتين
11 يبقي سافر بعد الصبح

حد تاني هيجاوب يخوانا ؟

1-بص هو قانونا ينع ان الواحد يعمل في فلوسه كل حاجة ...شرعا مينفعش على حد علمي ان الوصية تكون باكتر من تلت التركة
فهي قانونا ممكن تمشي....

الإجابة الأصح بقى ان الشخص ده يكون نبي و الأنبياء لا يورثون
{ إنا معشر الأنبياء لا نورث ، ما تركنا صدقة }
زي م الحديث بيقول

2-ممكن برضه ...بس برضه حاجة تانية
واحد اغتسل قبل كده و اتبقى حتة صغيرة ف جسمه لم يصبها الماء
ساعتها مش هيعيد الغسل
و إنما هيكفيه حتة المية الصغيرة دي

3-تمام يا متميز

حلال عليك الكرت

ياااااااااااااه اخيرا

مش فرحان عشان الكرت لأ

عشان الواحد بعد ما شاف الأسئلة ف الايام اللي فاتت حس ان معلوماته الدينية في خطر

مبروك يا اسلام
والله فرحتلك يا ولدى

ااخد منك الكاس شوية
منتا مش بتدخل المنتدي غير عشان تجاوب و تاخد الكارت و تجري

يعم الراجل مخدش غير كرت واحد
هتنق عليه

كارت واحد بس...

اصله بشوفه بسم الله ماشاء الله كل يوم بيجاوب و اجابات مقنعة كمان

يبقي انتو بتضحكو عليه

motamiez كتب:كارت واحد بس...

اصله بشوفه بسم الله ماشاء الله كل يوم بيجاوب و اجابات مقنعة كمان

يبقي انتو بتضحكو عليه

على حظه بيجاوب مثلا كل الأسئلة صح
معدا سؤال واحد غلط

يا جماعة فعلا الحسد ذكر فى القران
واتارينى بقول مبكسبش ليه ههههه
معلش يا اسلام باشا يوم ليك ويوم عليك

مبروك يا اسلام
تم الغلق