ازاى تفرق بين شرايح الهستولوجى

بسم الله الرحمن الرحيم
بصوا يا جماعة أنا مش عايز أحبطكوا ...لكن في الحقيقة شرايح سنة تانية أكتر من أولى شوية ....
و صعب ان احنا نفرقها من بره
بس أدينا هنحاول أهو...

أنا عارف انكو لسه مخدتوش و لا حاجة
لكن عشان أنا هتشغل فيتالتة فحاول أخلص لكو الموضوع ده ....بس دعواتكو معانا في المجزرة

الاأول ...هتخدوا كده تلات شرايح عبط جدا
ال lip و ال tongue human و ال tongue rabbit
...ال lip مش الشفة بس ياجماعة
هي الشفة و حتة اللحم اللي تحتها لغاية الذقن
فحنا بنقطعها بالطول ....فبتبان عالشريحة زي حتة لحمة حمرا كده متنية بدرجة قليلة من الوسط
بس حاجة أساسي يعني ..
لما نيجي نبص تحت الميكروسكوب هتلاقيها من بره st squamous keratinized
اللي و الجزء من الشفة من بره اللي بيطلع عليه شعر الدقن ...و من جوه st squamous non keratinized ...اللي هو الجزء من الشفة اللي من جوه اللي مواجه للأسنان على طول ....و بينهم كده هتلاقوا شوية عضلات skeletal muscle Ts. ...و دي عضلة حوالين الفم داير ما يدور اسمها orbicularis oris
...فأكيد لما بنقطع الشفة حوالين الفم فتان العضلة مقطوعة ts .....
و عايزكم تفرقوا أوي منظر الشريحة دي عن شريحة تانية هنخدوها في آخر السنة و هي شريحة ال eyelid
...لانها ن بره هي هي تقريبا
لكن بدل العضلات دي هتلاقوا شوية sebaceous glands (فقاقيع بيضاء) حاجة اسمها mebomian glands بتفرز sebum
هيقولكوا ساعتها عاملة زي عناقيد العنب في شكلها بس مش وقته دلوقتي
كده خلصنا من أول شريحة

ندخل بقى عالتانية العبيطة شوية
و هي ال tongue human ..من عالشريحة بتبقى شكلها مثلث تقريبا
و من جوه سهلة جدا لانها هتلاقوها على سطحها اللي فوق في زوائد عليها عاملة زي سنان المنشار
هتعرفوا ساعتها ان اسمها ال pappilae بأنواعها المختلفة ..بس بلاش أعك و أقول أسمائها دلوقتي
و الشريحة التالتة أعبط منهم كلهم لأنها dont move و اسمها tongue rabbit
..و عبارة عن tongue عادي جدا ....بس الفرق انه بيضبطلك الميكروسكوب على نوع من ال pappilae معين اسمه foliate pappilae ...بيبقى شكله تقريبا زي حرف ال m

بس هو مادام tongue و دونت موف ...يبقى tongue rabbit

...أدي أول حصة بعد كده تقريبا هتخدوا تلات شرايح
ال esophagus
و ال stomach و ال pylorus

.....
ال esophagus
هتلاقوه 99% بيكون ليه lumen
..و مدور
و بيكون st squamos epithelium
فسهل جدا تعرفوه
ال stomach و ال pylorus

هو الفرق بينهم ساعات بيبقى غلس شوية .....لكن هي من عالشريحة بيكون شريط معرج ...بس لما تلاقيه شريط معرج بص تحت الميكروسكوب و شوف أوله زي آخره و لا لا لأنه ممكون يكون junction زي ما هنشوف

لو أوله مش زي آخره يبقى يا Pylorus يا stomach

الفرق بينهم في طول ال pit
أو الحفرة اللي على سطح الشريحة بتاعتنا طبعا و انت بتبص في الميكروسكوب مش من الشريحة من بره

لو لقيتها طويلة و لقيت حاجات مقطوعة ts كتير يبقى pylorus و انت مغمض
لو لقيت الحفرة صغيرة و ما تجيش في طولها ربع ارتفاع الشريحة نفسها يبقى stomach على طول

و عادي لما تكونوا ملخبطين في الأول ..طبيعي جدا ما تقلقوشندخل على حاجة تعتبر شوية رخمة ....و هي ال intestine
هي الصراحة تعتبر رخمة شوية لانهم كلهم ب lumen و صعب جدا تفرقه غير من خلال النظر في الشريحة

ال doudenum
حاجة ب lumen و مدورة و هتلاقوا فيها ال villus و ال crypt واضحين جدا .....لكن هتلاقوا brunner glands و هي عبارة عن mucus acini ...في ال nucosa و ال submucosa
..واضحة جدا و دي الحاجة اللي بنعرفها بيها
أما ال ileum ...بتتلاقوه في ال mucosa و ال submucosa
بتلاقوا شوية lymph nodes أو نقط بنفسجي متجمعة كده كتير في جزء واحد من الشريحة ...اسمها peyer patches
و دي ممكن إلى حد ما بان تحت الشريحة ...ان في حتة بنفسجي شوية من بره ...هي بتديك احتمال لكن مش أكيد لان في ال appendix شبهاا شوية
التالتة بقى ال jejunm
و دي لو مالقيناش حاجة خالص على طول تبقى jejunum
..ال large intestine ...نعرفها من شكلها عالشريحة ..بيبقى ال lumen ضيق شوية ...لأن ال crypts بتكون كتيره أوي و فيها برضه goblet cell كتير

و دي ممكن تعرفوها من عالشريحة لانها بتكون مدورة و الزوائد اللي هي ال crypts بتكونطالعة منها كتير اوي و بتخلى ال lumen ضيق شوية و بتلاقو لونها إلى حد ما بنفسجي

نيجي عال appendix
بتلاقوها حجمها صغير قوي عالشريحة لانها صغيرة في الاساس
و بتلاقوها ال ليومن ضيق قوي و بتلاقو فيها نقط بنفسجي منطورة في كل حتة ..و ممكن من عالشريحة تبان إن في كذا تجمع للنقط البنفسجي دي ...لان كلها ليمف نودز طبعا ....و ممكن تلاقوا فيها بقع حمرا لانها ساعات بيكون حصل فيها التهاب وحاجات زي كده .....

مده هانت و نبقى خلصنا شرايح ال git

يا رب بس الموضوع يعجبكوا عندنا بقى دلوقتي شوية شرايح عبيطة...ال liver

عندنا ال ليفر في 4 شرائح
أولهم Liver pig ...و ده سهل من عالشريحةة لانك بتلاقيه عالشريحة حته حمرا ..غالبا مربعة و شكلها غالبا بتلاقيه متقسم بخطوط لفصوص
و من عالشريحة بتلاقي حاجات حمرا متقسمه بخطوط كده بالطول و العرض أشكال خماسية و سداسية ...
و لازم التقسيم يكون واضح
لان الفرق الوحيد بينه و بين ال liver human انه التقسيم مش واضح في ال liver human

ال liver +gall blader
من عالريحة ...بتلاقي كده ال ليفر (اللي هو الحتة الحمرا) لكن في من جواه فراغ كده أبيض عالطرف أو من جواه على هيئة دائرة و ممكن ما تكونش الدائرة كاملة
مطرح قطعة ال gall bladder
مش محتاج تبص عاشريحة عالميكروسكوب
ال injected liver ده عبارة عن liver مصبوغ ب gelatine carmine
و ده عشان يبين مسار الدم ليس إلا فهتلاقيه عبارة عن خطوط حمرا اللي هو مسار الدم بين ال hepatocytes
..و متجمعين في الآخر في نقطة حمرا كبيرة اللي هو ال central vein
..
و برضه سهلة جدا
باقي كده 5 شرايح و يبقى ال git خلاص.....يا مسهل ال pancreas و ال submandibular glads
مالهمش شكل محدد عالشريحة
بس ممكن تلاقيهم حتت متقطعة لانها غدد و ما بتقاش ماسكة ف بعضها أوي
البنكرياس هتعرفوا ان ليه جزئين exocrine و اندوكرين اللي هو جزر لانجرهانز اللي بتطلع الانسولين

انتو بتعرفوا البنكرياس من islets of langerhans دي ...بتلاقوها كده كتلة حمرا بزبادة في وسط ال serous acini الموجودة و دوروا عليها لأن هي دي اللي بتميز البنكرياس
ال submandibular gland
هتلاقوها غالبا كده بنفسجي و فها حاجات فاتحة بتكون mucus دايب ..و حاجات المفروض حمرا لكن ممكن عيوب التحضير تخليها بنفسجي و هي ال سيروس اسيني ..
حاجة كده كوكتيل و مش بنكرياس ...و انت مغمض تبقى ساب مانديبولار جلاند


اخر حاجة في ال git
ال junctions
هما تلاتة

و كلهم بيشتركوا في حاجة واحدة ....انك بتلاقيهم حاجة طويلة كده عالشريحة ...

أولهم ...gastro -esophagel junction
من اسمها junction بين ال esophagus و ال
stomach

حاول تضبط إيدك على مكان ال جانكشن عشان ما تتوهش
لو ما عرفتش جيب أولها و آخرها و اربطهم مع بعض
لو أولها حاجة st squamous و آخرها pits و جلاند و حفر ...تبقى
..gastro -esophagel junction
أو العكس برضه يمكن ممكن يكون أولها ال pits و ال glands و أخرها st squamous

لو ...أولها pits+glands و حاجات مقطوعة ts كتير ...و آخرها villus و crypts ..و هتلاقي في ال ساب ميكوسا و الميكوسا
brunner gland تبقى
pyloro -duodenal junction

و أخرها و أسهلهم ....recto anal junction ...لو مش حاجة من الاتنين دول
أو لو شطور و بتحب العلم ...حاجة أولها crypts و مفيش villus
و أخرها st squamous و ممكن تلاقي hair follicle لو قاطع ناحية ال skim و تلاقي st squamous keratinizd
..يبقى على طول recto-anal junction