تمهيدا للبيو

بسم الله الرحمن الرحيم -بداية-

بنرحب بكل زمايلنا الجداد في اولي
يامرحب

هنتكلم عن البيو biochemistry الكيمياء الحيوية
مجرد توضيح لفروع المادة وهتدرسو فيها ايه

علم الكيمياء الحيوية
مادة اللي هيحبها هيحبها جدا & العكس صحيح

زي باقي المواد بندرسها في اولي وتانية-زي الفسيولوجي والتشريح والهستولوجي-


هتدرسو في اولي
Chemistry of Proteins
Enzymology
Chemistry of Nucleoproteins
Basic molecular biology
Metabolism of Nucleoproteins
Iron & Heme Metabolism
Biological membranes
Free Radicals In Health & Disease
Hormones

اولا هتدرسو chemistry of proteins
هتدرسو فيها الاحماض الامينية وانواعها وازاي بتتحد مع بعضها بعدد من الروابط علشان تكون سلاسل من االاحماض الامينية تسمي بالبروتين
هتعرفو مراحل تكوين البروتين والعلاقة بين تركيب البرويتن ووظيفته
يعني البروتين بيتكون بشكل معين بحيث انه يلائم وظيفته


وبعدين هتدرسو enzymes
علم الانزيمات
هتدرسو الحاجات اللي بتميز الانزيمات وتاثير الانزيمات دي علي العمليات الحيوية في الجسم
من تحفيز وتثبيط وغيره
وهتدرسو تنظيم نشاط الانزيمات دي وازاي الجسم بيتحكم فيها
وهتدرسوها من الناحية العلاجية العملية
انزيم كذا بيعمل كذا وغيرة
وهتعرفو عالم الانزيمات وازاي بتتحكم في مجري اي تفاعل معين وووو.......غيره
شابتر لذيذ


نيجي لل chemistry of nucleoproteins
مش هيمثلكو صعوبة قوي لان معظمه او نسبة كبيرة جدا منه اخدتوه في احياء الثنوية العامة
هتدرسو تركيب الاحماض النووية وهتدرسو النيوكليوتيدات والقواعد النيتروجينية وجزيئات السكر والكلام اللي انتو عارفينه ده
هتدرسو خصائص وتركيب ال dna وايضا هتدرسو خصائص وتركيب ال rna


اما بقي ال basic molecular biology
لذيذ بجد
هتدرسو فيه 3 عمليات التضاعف والنسخ والترجمة
تضاعف dna ونسخ dna ونسخ ال rna من ال dna وبعدين ترجمة ده لبروتين -الترجمة=تصنيع البروتين-
هتحبو الشابتر ده قوي
وهتاخدو كمان عيوب تكوين ال dna واصلاحها برضه ممكن الثانوي يسهل عليكو شوية


بالنسبة لل [color:f982=red[size=24:4c93]]metabolism of nucleoproteins[/size]
metabolism يعني التمثيل الغذائي -الأيض-
يعني تحويل ال nucleoproteins للصورة اللي الجسم يقدر يستفيد بيها منها
كلها معادلات بسيطه وحاجات تؤدي لحاجات
بسيطه يعني بس عايزة تركيز اثناء الشرح ومزاكرة اول باول


وكذلك Iron & Heme Metabolism
نفس الموضوع


اما biological membranes شابتر سهل جدا هتاخدوه في آخر السنة وممكن تقروه كده مع نفسكو هو سهل يعني
لانكو لما تكونو درستو اللي قبل كده كله في منهج الكيميا يعني هتستوعبو الكلام ده بسهولة


الشابتر بتاع ال free radicals كان اتلغي من علينا


اما شابتر ال hormones بسيط وسهل وبرضة
بيتكلم عن طريقة عمل الهرمونات عامة وتاثيرها وتصنيف الهرمونات



بالنسبة للمزاكرة
من كتاب القسم او ورق د- ايمن او ورق د- وليد

طريقة المزاكرة
فهم من المحاضرات اولا وهترتاحو جدا بالزات في المادةدي لو زاكرتوها اول باول

العملي
هيبقي رخم شوية وفي اخر السنه ممكن د-رشوان ينزلكو ورقة
الامتحان العملي بييجي منها


يارب اكون قدرت اوضح صورة بسيطه عن المادة
اي اسئلة او استفسارات اتفضلو