تمهيدا للهستولوجي

بسم الله الرحمن الرحيم -اولا-






نرحب بكل زمايلنا الجدد في اولي
اهلا وسهلا





هنتكلم عن الهستولوجي Histology

الهستولوجي = علم الانسجة

المبدأ الأساسي في المادة هو الحفظ - +الرسومات -


برضة من المواد اللي بيتم دراستها في اولي وتانية

ببساطة جدا هتدرسو في المادة دي اي حاجة في الجسم لما نجيب قطاع منها -جزء دقيق جدا منها-حته منها يعني- ونحطة تحت الميكروسكوب هنشوف ايه

يعني هندرس التركيب بتاع كل حاجة في الجسم
مش بس كدة + وظائف الحاجات اللي بنشوفها دي + ازاي بنشوفها

هتدرسو في اولي
Microtecnique
The Cell

The Tissues of The Body
منها
The Epithelial tissue
The Connective tissue
The Cartilage
The Bone
The Blood
The Muscular tissue
The Nervous tissue

The Vascular system
The Skin
The Lymphatic system
The Macrophage system
The Respiratory system

والباقي في تانية

هتبدو اول السنة بحاجة سهلة وبسيطة اسمها Microtecnique
بتدرسو فيه الاساليب اللي بنستخدمها علشان ناخد قطاع من اي حته في الجسم
هتعرفو ان فيه اساليب مختلفة حسب نوع القطاع اللي عايزين ناخده
وهتدرسو فيه انواع الميكروسكوبات وازاي بتكبر
وهتدرسو فيه انواع الصبغات-ماده بنضيفها علشان نشوف اللي احنا عايزين نشوفه-

ثم هتدرسو The Cell
لذيذ جدا
اللي اخد مستوي رفيع أحياء هيلاقي حاجات كتير من اللي اخدها موجودة في الشابتر ده
هتدرسو فيه الخلية - واللي بيمشي جواها من سيتوبلازم والحاجات اللي بتعوم فيه والمسؤولة عن عمل الخلية ووظيفة كل جسم بيعوم في السيتو بلازم

وبعدين هتدرسو Tissues of the body
يعني الانسجة
لما نحط خلايا كتير جدا جمب بعض يكونو نسيج
نسيج+ نسيج+نسيج=انسجة
الانسجة دي ممكن تكون الجهاز العصبي او العضلي او الوعائي او الدم وخلافة.....
هتدرسو بعض الانسجة اللي في الجسم
زي النسيج الضام والنسيج الظِهاري-يكسو سطحا او يبطن تجويف- والعضم والعضلات والدم والاعصاب والغضاريف...
هتدرسو في كل نسيج خصائصه ومميزاته
الخلايا الاصلية المكونه ليه
وظيفته

نتكلم عن كل نسيجة لمجرد المعرفة بس
connective tissue
اللي هو النسيج الضام
عبارة عن مجموعة من الخلايا بتعوم في مادة بين خلوية
لو كان المادة البين خلوية دي شبه سائله بيكون نوع النسيج ضاااام عادي
ولو كانت الماده البين خلوية دي جامده شوية-مش سائلة ومش صلبة- بيكون النسيج ده غضروف cartilage
اما لو كانت الماده البين خلوية صلبة بيكون النسيج عظم bone
ولو كانت المادة البين خلوية سائلة خالص بيكون النسيج ده الدم blood
يعني كلهم عباره عن انسجة ضامة بس بيختلفو باختلاف طبيعة الماده البين خلوية

هتدرسو في الدم مكوناته وتركيب مكوناته ووظيفتها هيبقي سهل لانكو هتكونو ان شاء الله اخدتوها في الفسيولوجي

muscular tissue
النسيج العضلي
هتدرسو تركيب العضلة وانواع العضلات وهيبقي برضه سهل هتبقو ان شاء الله اخدتو nerve & muscle في الفسيولوجي

وكذلك ال nervous tissue
نيجي بقي لل vascular system
الجهاز الوعائي
هتدرسو فيه تركيب الاوعية الدموية
وان فيه اوعية كبيرة في الحجم زي الاورطي -عارفينه-
واوعية متوسطة الحجم
واوعية تركيبها بيكون خاص شوية -مختلف يعني-
وان تركيب الشريان بيختلف عن تركيب الوريد
وازاي الدم بيتنقل من الشريان للوريد علشان يرجع للقلب
وغيره.....

و ال skin
هتدرسو الجلد وتركيبة ومكاوناته وتركيبها من غدد وشعر وغيرة

وال lymphatic system
اللي هو الجهاز الليمفاوي
هتدرسو تعريف الليمف وموجود فين النسيج الليمفاوي- هتعرفو انواع الاعضاء الليمفاوية او بمعني اصح العقد الليمفاروية وتركيبها وان طبعا ليها دور في المناعة


نيجي لل respiratory system
هتدرسو الجهاز التنفسي بس بقي مش طريقة عمل زي الفسيولوجي
احنا هنا هندرس تركيب ومكونات وتركيب المكونات دي
يعني بنشوفها ازاي تحت الميكروسكوب

الهستولوجي كله كده
هتلاقو
الحاجه مثلا اسمها كده
النواه شكلها ايه
بنشوفها تحت الميكروسكوب الضوئي او لا ولو بنشوفها بنشوف ايه
الصبغه نوعها ايه
بنشوفها تحت الميكروسكوب الالكتورني ازاي
الوظيفة

كل المنهج ماشي بالنظام ده

هتحسوها مادة سهلة بس انصح متهملوش فيها

بالنسبة للمزاكرة
كتاب د-ماهر عمارة او كتب د- محمد عصام انور او ورق د- حجازي

طريقة المزاكرة
صور + وصف +حفظ بنسبة كبيرة

العملي
بيكون يوم واحد في الاسبوع في المعمل بتاع الهستولوجي
معمل اولي اوتانية
مش كلكو في يوم واحد --- بتتقسمو بحيث كل واحد يحضر يوم واحد بس-
البالطو وكشكول الرسومات او الاطلس


يارب اكون قدرت ابسط واوصل فكره عامه عن المادة
اي اسئلة او استفسارات
اتفضلو