فاكر الحاجات دى؟؟؟

يااااااه دا انت قديم اوى

طب بذمتك معدتش عليك الحاجات دى

وفاكرها بالحرف
دى طفولتى

يااااااااااااااااه

والله زمان ...

ألا ليت زمان يعود كام يوم

ياااااااااااااااااااااااااااه .. رجعتنى بتاع عشر سنين كدة او اكتر

ايااااااااااااام .. الواحد اتغير خالص

سلاح التلميذ دة عمرى ما اشتريته اصلا فى ابتدائى .. مكنتش بجيب كتب خارجية

واللعب وبنك الحظ وصيادين السمك والاتارى والمساطر الغريبة كنت بلاقيها فى قلبظ والمسدس الخرز

وبوجى وطمطم وسلاحف النينجا ..والكوتشى اللى بينور آرك شوز

وبابا كان دايما يجيبلى مندولين وجيرسى وهو جاى وكنت اطلع استناه على السلم اول ما اشوفه وهو جاى من البلكونة علشان اخدهم

ايام جميييييييييييييلة

ياااااااااااااااااه
بجد و الله أيام تحفة مش هتتعوض

شوفوا الفيديو كمان
فى حاجات بردو جامدة من أيام زمان

http://www.aladwaa.com/new/

Admin كتب:http://www.aladwaa.com/new/

وسلاح التولميذ

والمعلم والمعاصر والمتميز والممتاز ..

في اعدادي وثانوي ..

و Bit BY Bit

ياريتها ترجع أيام ثانوى

و جيم .. كان منافس لـ bit by bit

دا انت من الخارجين عن كتاب الوزاره زمان

اللي كان اسمه hello



هو ده آخرهم في الانجليزي .. هاللو

فاكر النشيد بتاع الانجليزى

الى كنا بنغيه
هاللو هاللو هاو ار يو ام فاين ....

بسم الله ماشاء الله .. كنا أجانب

و كان في كتاب اسمه
magdy
ف الفرنساوي

المستوى الرفيع بتاعنا كان كتاب اسمه ال fountain

أيااااااااااااااااام

من فاكر زكية زكريا
و غباشي النقراشي
و لا بكار
و فطوطة و فوازير عمو فؤاد ...

و لا برنامج زي بدون مونتاج و كلام من دهب
و البرامج اللي كانت أساسية في رمضان

على قد الصراحة مالدش حلو على قد ما افسد جو رمضان

و كان في كتاب اسمه
magdy
ف الفرنساوي

مجدي مين ياعم

شلك مكنتش بتذاكر فرنساوي و انت صغير
الكتاب ده كان ف ابتدائي أو اعدادي

عندك حق يا تريكة الدش بوظ رمضان
أنا كنت بموت فحاجة لسمها بدون مونتاج
وكلام من دهب كان يا سلام عليه قبل السحور
حاجة تانية كان بتيجى ساعات قبل الفطار (puppet show)

على فكرة انا فاكر كتاب مجدى دهلا بس علاقتى اتقطعت بيه بعد 5 ابتدائى

Elfak Elmoftary كتب:عندك حق يا تريكة الدش بوظ رمضان
أنا كنت بموت فحاجة لسمها بدون مونتاج
وكلام من دهب كان يا سلام عليه قبل السحور
حاجة تانية كان بتيجى ساعات قبل الفطار (puppet show)

على فكرة انا فاكر كتاب مجدى دهلا بس علاقتى اتقطعت بيه بعد 5 ابتدائى

ادي الناس الدحيحة و لا بلاش

طيب فاكر كراسة الأول...و دليل تقويم الطالب
أيام متتعوضش

و لا ف رمضان من فاكر
مدفع الإفطار كنا بنحب نسمعه ف التلفزيون
و كان بجد برامج ليها لزمة

زي "الست دي أمي ".....
كان ف برنامج اكيد محدش فاكره اسمه
"مسير الحي يتلاقي"

و كان في برنامج اسه ..."شقاوة"
كان بيجيب الممثلين و يصوروا حلقة ف مدرستهم لما كانوا صغيرين



طب من فاكر "عالم الكرتون" الل كان بييج يالساعة 10 الصبح
ده انا كنت بسجله بالفيديو و انا ف المدرسة عشان لما ارجع ابقى اشوفه



بجد الأيام بتوحش كل شوية...
كان زمان هما تمثليتين و لا 3 الكل كان يتابعهم

بتاعة نور الشريف ...مثلا قول من 8 سنين كانت الرجل الآخر و كان الفخراني عامل ...للعدالة وجوه كثيرة
و عندك محمد صبحي ..عمل فارس بلا جواد
و حسن يوسف لما عمل الشيخ الشعراوي

حاجات فعلا متتعوضش تاني

ياااه على شقاوة ده مع انى مكنتش ببقي فاهم حاجة بس كنت بحب اتفرج عليه
كان فى كمان برنامج لمذيعة اسمها غادة عبدالسلام بس مش فاكر اسمه كان بيجيب صورة ممثل وهو صغير وعليك تعرف مين هو
مش 100 مسا
فارس بلا جواد السنة اللى اتذاعت فيها كسرت الدنيا
فاكر كمان البحار مندى؟
ولن أعيش فجلباب ابى اول ما اتذاعت كانت اخر حلقة صابح رمضان قعدوا يذيعوا كل الحلقات اللى فاضلة ليلتها طول الليل
يااااه أيام رجعتنى بتاع زلعتاشر سنة لورا