محتاجة مساعدتكم

السلام عليكم
انا دكتورة بحضر ماجستير باطنة فى عين شمس وعايزة مساعدتكم علشان انا مش خريجة عين شمس انا محتاجة ورق د/علاء فارما ود/جمال باثولوجى انا فهمت من المنتدى انهم احسن سورس بس المكتبه اللى فى الكليه مش موجود فيها غير الجزء اللى اتاخد فى الكورس وانا امتحانى اول 4 فلو حد يعرف النسخة بتاعة السنة اللى فاتت ممكن الاقيها فى اى مكتبه جزاه الله خيرا

هتلاقيها في مكتبة وتو كروس
هوصفهالك بس وصفها يطول شرحه

وفي مكتبة نيو ستار قدام الكلية ممكن النسخ دي تكون موجوده فيها
___
Topic Moved to :
استفسارات الفرقة التالتة

شكرا لردك يا dr/Abotreka بس ممكن توصفهالى اروحها ازاى
وشكرا لdr/admin انا روحت نيوستار ولقيت ورق د/علاء مش كامل وورق د/جمال مش موجود

بصي انتي انزلي اخر كوبري العباسية و بعد متنزلي لفي و ارجعي ورا تقريبا ف وسط الكوبري هتلاقي ميدان العباسية عدسي الشارع ناحية شارع الخليفة المأمون و اتمشي شوية هتلاقي الجامعة على شمالك
جامعة عين شمس
و بعدها على طول هتلاقي فتحة شمال برضه ادخلي فيها
هتلاقي نفق كده و يمينه فيه طرقه ضيقه فيها مكتبات و حاجات ككمده
اتمشي فيها لاخرها هتلاقي ف اخر الطرقه شريط مترو عديه و هتلاقي برضه سلالم على شمالك انزلي فيها و ادخلي تاني فتحة يمين هناك هتلاقي المكتبة
هي وصفة معقدة شوية
ده تلفون المكتبة عشان لو تهتي ف السكة و لا اي حاجة
26858869

ممكن تسألي عن المكتبات اللي ورا المدينة الجامعية
" وهو ده المكان اللي ابوتريكة بيحاول يوصفه "

جزاكم الله خيرا يا dr/Abotreka & dr/admin وربنا يسهل ان شاء الله واعرف اوصل بس لو حد يعرف ايه اقرب محطة مترو ليها يكون ريحنى اكتر وربنا معاكو السنادى ان شاء الله

منشية الصدر على ما اعتقد

بجد يا دكاتره انا متشكرة جدا انا روحت المكتبه والحمد لله لقيت كل اللى انا عايزاه هناك والمحطه منشية الصدر فعلا وبجد يا دكتور رقم التليفون افدنى كتير وساعدنى انى اوصل ربنا يجازيكم كل الخير ويكون خير معين لكم وان شاء الله يوفقكم فى كل حياتكم

منورة يا افندم
لا شكر على واجب

اخي عندما اقوم بتحميل ملف يظهر نص يقول انه الملف غير موجود ما معنى هذا ارجو المساعدة

ممكن يكون اللنك واقع
بس ده مش في كل املفات
ممكن تقول ايه الملف الل انت عايزه و نشوفلك لنك بديل

ممكن يكون اللنك واقع
بس ده مش في كل املفات
ممكن تقول ايه الملف الل انت عايزه و نشوفلك لنك بديل

تقريبا جميع ملفات سنه تالته

http://www.mediafire.com/?mjwxci5txz1y3

جميع ملفات تالتة اللي شغالة هنا

شكرا لك اخي

اخي الوحيد اللي يحتوي على ملفات هوا فولدر البارا بس شو القصه سامحني اخي تعبتك معاي

و الفارما كمان

هحاول اشوف الباقي

شكرااااااااااااا اخي

هنرفع الملفات قريب ان شاء الله