تهنئه شهر رمضان الكريم

كل عام وانتم بخير بمناسبه شهر رمضان الكريم اعاده الله عليكم بالخير واليمن والبركات


هااااااا
ناويين تصوموا يا اعضاء شمسولوجى ولا زى السنه اللى فاتت


بجد احلى حاجه فى رمضان اللمه الحلوه
على الفطار
وصلاه التراويح ورمضان كله حلو


احكوا على رمضان هنا

كل سنة واحنا بألف خير وطيبين ..

ده أول رمضان علي شمسولوجي

ربنا يعيد علينا الأيام بخير وصحة وسعادة

كل سنة واحنا كلنا طيبين..

اللهم بلغنا رمضان

كل سنه والامه الاسلاميه بخير وسعاده
اللهم بلغنا رمضان

كل سنه وانتوا طيبين
طبعا رمضان شهر غير كل الشهور
وبما ان الكل هني وبس
وحودا طالب نحكي اسحلي اكون اول مين يصدعكوا ويحكي
اولا اكتر شئ حلو في رمضان انك في مصر هنا اول ما يقولوا يوم الوقفه ان رمضان بكره
تلاقي الزينه اتعلقت في الشوارع والحواري وبتبقي بقصاقيص ورق بسيط بس تجنن
وتلاقي ريحه غريبه انتشرت في الشوارع ريحه حلوه ولون الاضاءه تحسه بقي مللائم للجو اللي انت داخل عليه مع انهم مبيغيروهاش
محلات الفوانيس تبقي مليانه فوانيس حلوه والاطفال عليها كتير
انا بنزل يوم الوقفه بس عشان اتفرج ع الشوارع والعيال الصغيره
وانا طبعا بشتري فوانيسس
يبدأ بقي رمضان من اول يوم عزايم تعزم وتتعزم اكتر شهر بشوف فيه اقاربي واصحابي والناس اللي بحبهم
تبقي الصبح قاعد بتحضر في الفطار
وقت من بعد العصر ده بتاعي لحد المغرب للقران وكده
والوقت يجري وتيجي المغرب
افتح التتليفزيون والراديو علي اخرهم عشان اسمع المدفع واقف في الشارع عشان اشوف الناس بتجري عشان تفطر والمحلات تقفل وتحس الشارع كله هااااااااااااادي
وبعدها اشوف بكار او سنوحي وااصلي المغرب وافطر
وبعد الفطار اقعد مع اهلي وبعدين التراويح وبعد التراويح العب بالفانوس وبعدين اشوف كام مسلسل كده واسهر فف البلاكونه عشان اشوف المسحراتي
واتسحر واسهر لحد الفجر اصلي الفجر واقراأ قران وانام
ممكن بقي يوم اصلي في بيتنا التراويح واخرج بعد الفطار مع البنات في اي حته
او افطر بره
في اماكن في مصر لازم تفطر يوم في رمضان فيها
زي الحسين والحتت ديه
وده يومي في رمضان

طب خدي فانوسك اهو من شمسولوجي السنادي ..

ولا أجيبلك كرومبو

كل سنة وانتم طيبين

طب انا عاوزه احطه صوره ليا
احطه ازاي؟؟

وقت من بعد العصر ده بتاعي لحد المغرب للقران وكده
والوقت يجري وتيجي المغرب

احلى وقت

shaymaa okasha كتب:طب انا عاوزه احطه صوره ليا
احطه ازاي؟؟

شكلك مقريتيش الموضوع ده كويس

شرح كيفية التعامل مع المنتدي

لا قريته بس بنسي

طب بما ان حودا بيهنى

فأحب أقولكوا كل سنة وانتوا طيبين ورمضان كريم
وربنا يعيده عليكم بالخير

أحلى حاجة فرمضان الجو الجميل اللى بينتشر بين الناس وزى ما شيماء قالت فعلا بيبقى فيه ريحة غريبة فالشوارع
بيبقى الواحد ماشي فالشارع حاسس ان كل الناس فرحانه حاسس ان الدنيا كلها بتضحك
زائد كمان أصوات الجوامع وصلاة التراويح بيبقى ليها طعم جميل
بجد انا بحس فرمضان ان مصر دى حتة من الجنة
وبعيدا عن قرف المسلسلات الكتير ووجع الدماغ اكتر حاجة بحبها فالتليفزيون اغانى رمضان الجميلة

وتانى كل سنة وانتم طيبين ومتجمعين وربنا يديم المودة والمحبة عليكم

وانت طيب يا محمد
ابقى صوم
ولو حتى صومة الكولاحه دى

Dr.7oda كتب:وانت طيب يا محمد
ابقى صوم
ولو حتى صومة الكولاحه دى

كولاحة
احنا عندنا بيقولو عليها صومة العصفور



اه نسيت

كل سنة و انتو طيبين

كل سنة وانتم طيبين



’’ وسيبكم من قنوات : سيئاتك عندنا .. واسأل مجرب من رمضان اللي فات ’’

motamiez كتب:

Dr.7oda كتب:وانت طيب يا محمد
ابقى صوم
ولو حتى صومة الكولاحه دى

كولاحة
احنا عندنا بيقولو عليها صومة العصفور



اه نسيت

كل سنة و انتو طيبين

لاااااااااااااااا
انا عاوزه افهم مين كولاحه دي؟؟؟؟

[quote]سيئاتك عندنا .. واسأل مجرب من رمضان اللي فات
اوباااااااااااا

ميتشوفيش القنوات اللي بتيجي تقول كده

جايبين بتاع456489608 مسلسل

زي ما يكون رمضان للمسلسلات بس ..

ايوه بشوفهم
بس مين كولاحه برده؟؟؟

ده اللي بيصوم لغاية الظهر

هههههههههههههههههههههه
ايام ما كنت في كي جي كنت بصوم للظهر يوم وللمغرب يوم
وعشان ارضي اكل ماما كانت بتقولي ان الغدا مبيفطرش

shaymaa okasha كتب:هههههههههههههههههههههه
ايام ما كنت في كي جي كنت بصوم للظهر يوم وللمغرب يوم
وعشان ارضي اكل ماما كانت بتقولي ان الغدا مبيفطرش

كي جي.......دنتي صويمة قديمة علي كده

اه اووووووووووووي
من اولي ابتدائي بصوم كامل
كي جي كان يوم ويوم

ماشي يا حودا
كولاحة
انت بتجيب الكلام ده منين

والله فى صومه اسمها كدا
دى العيال الصغيرين
بصومو لحد العصر

انت كبرت دلوقتى يافك