أدخل برجلك اليمين ... وعرفنا بيك هنا

من طرف **Admin** الثلاثاء أغسطس 16, 2011 5:47 pm

بسم الله الرحمن الرحيم

بداية .. هذا الموضوع هو عبارة عن تجميع للمعلومات البدائية عن الزمالة البريطانية لطب الاطفال
و ارجو من الله
العلي القدير ان يفيد بها اكبر قدر من الاطباء .. و على الجميع ان يجدد
نيته لله عز و جل .. و الا تكون فقط لطلب المال و لكن لرفعة هذه الامة
باذن الله ..

* تمنح نقابة أطباء مصر الطبيب الحاصل على هذه الشهادة درجة استشارى بعد الحصول عليها بخمس سنوات وتكافئ الدكتوراة المصرية .

* للحصول على الزمالةالريطانية يجب على الطبيب أن يجتاز الثلاث امتحانات كاملة وهى امتحان الجزء الأولوامتحان الجزء الثانى التحريرى وامتحان الجزء الثانى العملى وجميع الامتحانات تعقد بالقاهرة وبالتالى لا يسافر الطبيبللخارج .

* لا
تتطلب هذه الشهادة اي تدريب سابق في مستشفيات او اي خبرة .. سوى الانتهاء
من سنة الامتياز و القيد بنقاية الاطباء .. كما انها لا تتطلب اي شهادات
اخرى على غرار الـ icdl او الـ toefl او ما الى ذلك .. كما انها لا تشترط اي تقديرات في مادة الاطفال .

*
ببساطة شديدة لما تجهز لدخول الامتحان .. تروح نقابة اطباء مصر في فترة
التقديم ( و هي فترة تسبق ميعاد الامتحان ) تسجل اسمك و تملا الاستمارات و
تدفع المصاريف .. بعدها بفترة سوف تعلمك النقابة برقم الجلوس و ميعاد و
مكان الامتحان ..

المستندات المطلوبة لدخول الامتحان :

* شهادة البكالوريوس باللغة الإنجليزية للمتقدمين أول مرة 0

* رقم الكودبالكلية الملكية لمن سبق له دخول الامتحان سواء كنت معيدا لامتحان الـ first او متقدما لامتحان الـ second .

* أن
يكون الطبيب مقيداً بسجلات النقابة العامة لأطباء مصر و اشتراك النقابة
مدفوع حتى تاريخه .. و طبعا يتضمن ذلك ان يكون قد انهى فترة الامتياز و حاز
رخصة مزاولة المهنة فهى لاتتعامل الا مع الـ Postgraduates بعكسما هو موجود فى أمريكا حيث يسمح للطالب أن يأخذ الجزء الأول من الزمالة بعد السنةالثالثة من الدراسة فهى تتعامل مع الـ Undergraduates.

* استكمال بيانات طلب الالتحاق الخاص بالنقابة العامة واستمارات الالتحاق الخاصة بالكلية الملكية .

الامتحان :

عقد الامتحان : يعقد الامتحان 3 مرات كل عام خلال يناير ومايو وسبتمبر 0

موعد التقديم
: قبل اي امتحان بـ 4 شهور اي في اشهر (1-5-9 ) و طبعا عند كل امتحان
يحدد الموعد النهائي للتقديم و قد يتاخر قليلا طبقا لطلب الكلية الملكية و
يكون ذلك باعلان في نقابة الاطباء او على موقع النقابة :

[ندعوك للتسجيل في المنتدى أو التعريف بنفسك لمعاينة هذا الرابط]

و ذلك مثل هذا الاعلان :

[ندعوك للتسجيل في المنتدى أو التعريف بنفسك لمعاينة هذا الرابط]

مدة الامتحان
: ( خدو بالكم اننا بنتكلم هنا عن امتحان الجزء الاول فقط ) يعقد
الأمتحان على ورقتين مدة كل منهما ساعتين و نصف تتخللهما راحة لمدة ساعة و
نصف اي ان الامتحان يبدا الساعة 11 صباحا و ينتهي في الـ 6.30 مساءا ..
يوم طويل جدا زي ما احنا شايفين .

طريقة الامتحان : الفرق ما بين الورقتين هنا ان الورقة الاولى تهتم بالـ basic child health اما الورقة الثانية فتهتم بالـ extended pediatrics
و الفرق ده مهم لانك ممكن تمتحن ورقة واحدة بس و تاجل امتحان الورقة
التانية للدور اللي بعده .. بس المصاريف هتزيد عليك شوية زي ما هنشوف ..

و الامتحانات كما جاء في التعديل الاخير كل ورقة تتكون من :
25 سؤال ( multiple true-false questions )
35 سؤال ( best of 5 questions ) يعني اختار الاجابة الافضل و ليس الاجابة الصحيحة فقط
9 اسئلة ( extended matching questions )

مكان انعقاد الامتحان : يحدد قبل انعقاد الامتحان بأسبوعين ( يؤكد المكان فى الخطاب المرفق به رقم الجلوس ) .

الاعتذار
: يمكن الاعتذار بعد دفع المبلغ المطلوب و حتى فترة تحددها النقابة و ذلك
حتى يتسنى الوقت للنقابة لمراسلة الكلية الملكية و الاعتذار لها .. و لكن
يخصم مبلغ من مصاريف النقابة .. كما يمكن الاعتذار للكلية الملكية بذاتها
عن طريق المراسلة و لكن يتم استرداد فقط (90 % ) من المبلغ المدفوع
بالاسترليني و ذلك عن طريق شيك بالبريد .. و لكن لا يحق استرداد المبلغ
المدفوع بعد هذا الوقت او في حال عدم دخول الامتحان حيث انه قد تم حجز
المكان دون ان تتم الاستفاده منه .

إعلان النتيجة : تعلن النتيجة بعد مرور أربعة أسابيع من موعد عقد الامتحان .

الرسوم المقررة ( طبقا لـ 2009 )

و دي زي ما بعضكم خد باله من الاعلان الموجود على موقع النقابة :

415 جنيه إستيرليني +200جنيه مصرى للمتقدم للورقتين.
255جنيه إسترلينى +200جنيه مصرى للمتقدم للورقة الواحدة
يتم سداد الإسترلينى بما يعادل الجنيه المصرى ..

بالنسبة
للجزء الثاني فلم يتم تعديل المبلغ حتى الان و لكنه غالبا ما يكون نفس
المبلغ الاول .. اما الجزء الثالث فيكون ضعف هذا المبلغ ..

الكتب المطلوبة للمذاكرة

بداية هوه الكتب كتير لكن الكلام اللي باقوله هنا ده طبقا لكلام موظف النقابة و كلام الدكاترة في مختلف المنتديات :

اولا : لا غنى عن الكتاب الجبار Nelson textbook
سواء في امتحان الجزء الاول و الثاني .. لكن استخدامه كمرجع فقط و ليس
للمذاكرة .. يعني حاجة مش فاهمها او حاجه عاوز تعرف عنها اكتر و كده ..
لان الكتب الموجودة كتيرا ما تتعامل معاك على اساس انك راجل شديد و فاهم
كل الـ basics و تلاقي فيها جمل كتير على غرار (و زي ما احنا عارفين) مع ان احنا غالبا مش عارفين الزمالة البريطانية فى طب الأطفال Qqb006

!!.. كما انها تستخدم بكثرة لغة انجليزية صعبة بعض الشيء .. علشان كده يفضل يكون معاك مترجم و انت بتذاكر ..

ثانيا كتب الـ text :

*الكتاب الـ text الموجود في النقابة هو كتاب :
Illustrated Textbook of Paediatrics

Tom Lissauer, Graham Clayden

بس خد
بالك النسخة المتوفرة غير اصلية تصويرها سيء و العناوين مش باينة اوي .. و
ما لقيتش النسخة الاصلية في المكتبات .. و بيبقى معاها CD فيه الصور ملونة ..

*الكتاب الثاني اللي موجود في المكتبات هو كتاب :

MRCPCH MasterCourse: Editor-in-chife Malcomlm Levene

و ده كتاب عبارة عن جزئين الجزء الاول يمثل الـ basic child health و الجزء الثاني يمثل الـ extended pediatrics و دي الميزة اللي فيه .. و هوه اكبر من الكتاب الاول مرتين .. و يمتاز ان معاه DVD عليه فيديوهات يشار اليها في الكتاب عند المذاكرة .. نظام (انظر الفقرة ... في الـ DVD) .. كما يمتاز بالاشارة الى مواقع على الانترنت عندما تريد التوسع في موضوع معين ..
سالت الموظف المختص في النقابة و اشار الي بجودة هذا الكتاب و ان الكثير من الاطباء يستخدمه في المذاكرة ..

بعد كده فيه كتاب:

Essential revision notes in paediatrics for mrcpch

و ده
كتاب للمراجعة اكثر منه للمذاكرة .. لانه يسرد المنهج على شكل نقاط بدون
شرح .. و هو كتاب اتفق عليه الجميع .. لكن فيه ناس كتير بتقول ان المذاكرة
منه فقط كافية جدا ..

و طبعا : اسئلة الامتحانات هي الاهم ( باجماع العلماء! ) و ذلك للتدرب على طريقة الاسئلة ..
فيه
مذكرات ( question bank ) موجودة في النقابة نازلة من على موقع تابع
للكلية الملكية .. و هو موقع اشتراكه بحوالي 100 جنيه استرليني .. علشان
كده المذكرات دي النقابة مصوراها على ورق فيه بقعة بني كبيرة في النص بحيث
مش هتعرف تصورها .. و لا تقراها اساسا الزمالة البريطانية فى طب الأطفال Qqb006

!!
انا
باهزر .. لكن الصراحة فعلا ان قراءتها بايخة جدا و الموظف نفسه اللي في
النقابة ذكر العيب ده و قاللي ان كل الناس معترضه بس اللي مش عاوز في كتب
كتير اسئلة في المكتبات زي :
essential questions in paediatrics for mrcpch1 vol. 1&2
mrcpch1 paediatric mcqs with individual subject summaries 2nd edition

و غيرها الكثير زي مجموعة الـ Pastest .. و لو نزلت سالت في اي مكتبة هتلاقي كتب مختلفة عن الاسئلة ..
و فيه موقع مهم عليه اسئلة مهمة جدا و هو موقع :

123doc.com

ناس كتير في المنتديات قالوا عليه بس انا ما اعرفوش الصراحة ..

* ملحوظة مهمة : الكتب المطلوبة للجزء الأول والتاني تقريبا متشابهة لكن الذي يحدد الفرق بينهماهو ملازم الأسئلة التي نشتريها من النقابة فمدى صعوبة الأسئلة والمواضيع التي تركزعليها هذه الأسئلة التي هي بالطبع أعلى أو أكثر تفصيلا في الجزء الثاني عنها بالطبعمن الجزء

* لو حد بيسال على كورسات و للا حاجة .. هوه نقابة الاطباء بتدي دورات تاهيلية لدخول الامتحان .. لكن ما فيش دورات في المنهج نفسه ..

* الموقع الرسمي للكلية الملكية في طب الاطفال على شبكة الانترنت هو :

[ندعوك للتسجيل في المنتدى أو التعريف بنفسك لمعاينة هذا الرابط]

النقابة العامة لأطباء مصر .. لجنة التعليم الطبي المستمر ..

هـــاتف مباشر : 27963685 - 27958405

الموضوع منقووول