د. فوزى أبو دنيا يكتب: صعبان عليا يا أم التاريخ حالك

ساعات أتحايل ع السكات يهرب
وساعات أدور ع الكلام ألاقيه
صعبان عليا يا أم التاريخ حالك
دوران سواقيكى بلا قواديس
طولت شوارعك الظلمة بلا فوانيس
عطشنا وإحنا فى قلبك بندارا
من النسمة اللى لو جتنا
تسم النبض جوانا
من دمعك المتحجر
وقلبك المتكدر
وزمانك المتقدر
عليكى
على ولدك
يهده لجل مايهدك
كل أما يعلا طوبه بالبنيان
يدهس عليه لسابع الأراضين
يغرقك ف أسفل السافلين
وترجعى تدورى
على أيد طيبن
وعيون منورين
وطريق يوصلك
لولد ينصرك من تانى

*** *** ***
ساعات ألاقى الكلام هربان من على لسانى
ونازل عوم ف شريانى
كل اما انادى عليه يغوص ف وجدانى
ويدى ضهره لايامى
اصرخ بعز ما اتانى
بلاش تسبنى وحدنى
يطلع ف حلقى ويسده
ويشد فكرى من ودنه
ويقوله!
قوله ماتناديش تانى