الجزيرة تضع شعار معا لإسقاط مصر على صدر موقعها الإخبارى

سياسه اسرائيليه..

حسبى الله ونعم الوكيل ..

اقروا الكلام اللي هنا

http://forums.mazika2day.com/t127353.html

حسبى الله ونعم الوكيل

على راى مرتضى منصور ياشيخه موزه مصر لو وقعت قطر هتقع معاها والكل هيركع

مش عارف حاسس ان الجزيرة مش بالغباء ده انها تعمل كدة
بس أكيد دى النوايا الحقيقية حتى لو الصورة غلط
________________________________
والله أمير قطر والشيخة موزة دول بيفكرونى بتيمون وبومبا

معلش مين دول اللى قلت عليهم

الموقع بيقول انه حصل قرصنة هي السبب ف كده ....الشعار ده مش موجود حاليا

مشفتوش وثيقة ويكيليكس اللي بتكشف التعامل بين وزير خارجية قطر و قيادات مهمة في اسرائيل وانه هيدي توجيهات لقناة الجزيرة للمساعدة في الموضوع ده

لا شفتها على قناه الحياه

حاسس ان هي فوتوشوب

مش فوتو شوب ........ادخل علي الموقع هتلاقي انهم (بيقولو) ان دي نتيجة عملية قرصنة.

ده بغض النظر انها قناة مأجورة

بس فى سؤال واحد بسأله لنفسى


ايه الجزيره اللى بتعرضه ده؟.. مش فى مصر ولا هى اللى عملاه وجايبه المنظار بتاعت الامن المركزى
والعربيات اللى بدوس على المتظاهرين
والمايه اللى بتترش على الناس وهى بتصلى

مش هى دى الحقيقه ولا دا سراب
دى الحقيقه ياجدعان
الجزيره بتعلن بس

اه
هى مهوله فى الاخبار ماشى

بس هى بتعرض الحقيقه


التليفزيون المصرى هو السبب
الناس من كتر الكدب فى تليفزيون البلد
لجألت للجزيره
انا كامشاهد بروح على القناه اللى بتودينى لاكثر الاماكن الملتهبه

هي بتعرض الحقيقة اه
لكن في نفس الوقت بتكدب في حاجات كتير
او قول بتهول
يعني عندك يوم التلات الل فات
قالت ان مصر جابت شحنة سلاح من اسرائيل
و انها اسلحة متطورة و رشاش بيضرب بالليزر
عشان يضرب المتظاهرين
و لا حاجة حصلت
الله اعلم دي حقيقة و لا لا
و مرة لما قالت ان عائلة سويرس هربت على دبي
و هما ف مصر


يكون عدد المتظهرين 100 الف
تقولك مليون

أنا فعلا اتأكدت ان الصورة كانت محطوطة
وشفتها فى التليفزيون كمان كانوا مصورينها فيديو


ماجيكان : تيمون وبومبا دول كارتون





حودا: بص ...قناة الجزيرة شعارها
الراى والرأى الآخر


بس من اول أحداث مصر ملتزمة برأى
واحد بس وهو انها تهيج وتحرض الشعب وخلاص


+ انها بتذيع اشاعات على انها أخبار
مؤكدة


زى خبر سفر نجيب ساويرس واللى طلبهم
عشان يكدبه مرضيوش يدخلوه عالهوا


ولما يبقى لرئيس معين عمر سليمان لسة
مبقالوش 5 دقايق وده يكتبلك تواصل المظاهرات اعتراضا على اختيار عمر سليمان نائبا...ده
يبقى اسمه ايه غير تهييج





انا معاك ان الصور والفيديوهات
معظمها حقيقية


بس انت شايف مين اللى كان فعربية
الهيئة الدبلوماسية دى؟...أنا شفت الفيديو على فكرة وشفتها وهى بتدوس الناس عشان
محدش يحسبنى بفتى ...وانا اكيد ضد اللى حصل ده


الفيديو اللى كان فيه عربيه أمن
مركزى بتدوس الناس...فيه كام عربية اتسرقت واتولعت فيها؟؟؟ ليه ميكونش اللى جواها
واحد مالبلطجية ولا اخوان مسلمين او وكالات أجنبية عاوزة تخربها؟!





الصور اللى بيجيبوها بتاعة المن
المركزى وعناصر امن الدولة اللى بيتقفشوا فوسط المظاهرات...معاك انها ممكن تكون
صحيحة بس زى ما بيقعدوا يعيدوا ويزيدوا فيها يركزوا عالاسرائيليين اللى بيقفشوهم
فى السويس وغيرها


ويركزوا عالسويسريين اللى فوسط
المظاهرات وبيوزعوا منشورات عالناس وجايبينلهم صور ويفط من عندهم





انا شايف انها قناة الصراحة لا تستحق
الاحترام والتعبير الصحيح عنها ميصحش أقوله

انا معاك انها مهوله وتعمل كدا
بس بردوا ماتنساش ان الشرطه تاريخها اسود مع الشعب من زمان وتعمل اكتر من كدا
وانا بضطر انى اصدق الجزيره
ونرجع نقول ان التليفزيون المصرى المستفز هو السبب اللى خلانا نلجأ ليها

التلفزيون المصري ديه اخر قناة افكر ابص ليها
كلهم مع االريس
و الريس حلو و الريس زي الفل
ده لما محمود سعد حب يتكلم عن الموضوع ده و يغطيه ف البيت بيتك منعوه ان هو يتكلم
مهو ده تلفزيون مش محترم برضه

طبعا مستنين ناخد اية من قناة عميلة وخونة؟؟؟؟. حسبي الله ونعم الوكيل

يبقى احنا اساسنا غلط

وعايزينهم يرجعوا من التحرير!!