متابعة مظاهرات الغضب

انا لله وانا اليه راجعون......اللهم احمى شبابنا وارجعهم سالمين

تلاقيه كان بيقلش عليهم

"بارت مراعينا والبئر قد جف..والجوع يكوينا والصبر ما كفى"

من قصيدة جحا لهشام الجخ

هى لسة المظاهرات شغالة ولا ايه النظام؟

اها تقريبا
بس مش بحدة امبارح

رجالة ي توانسة
يبختهم الجيش هناك ساعدهم مش احنا اللي الجيش بيشرب فينا

الجيش هناك مساعدهمش الا لما استلم البلد تقريبا
يعني لما الريس خلع
وفيه خبر تداولته المواقع امبارح
بس انا مش مصدقه
ان جمال مبارك واسرته راح لندن

هيهربوا ليه
الامن هنا جلمد و الجيش
مش زي تونس


و بعدين هو رئيسم خلع ليه
عشان الشعب قام بمظاهرة راح خلع ؟
و لا عايز تفهمني انهم وصلوا لقصره

ياعم في فروقات كبيرة
شوف اللي طلعو هناك بالنسبة لعدد الشعب الكلي كام
وهنا كام
والمساحة هناك كام وهنا كام
بس كل شيء جايز ..
اللي اتعمل في تونس ثورة وانقلاب
اللي بيتعمل هنا لسه مظاهرات

شركات المحمول ترفض التعليق على قطع الخدمة عن المتظاهرين

رفضت شركات المحمول الثلاث العاملة فى السوق المصرية فودافون وموبينيل واتصالات التعليق على قطع خدمات الاتصالات فى منطقتى رمسيس والتحرير، أثناء مظاهرة حاشدة فى يوم الغضب الذى دعا إليه مجموعة من النشطاء الإنترنت على المواقع الاجتماعية الشهيرة، واكتفى مسئولو الشركات الثلاث بعدم التعليق حول هذا الموضوع.

يأتى ذلك فيما شكك مصدر مسئول بالقرية الذكية، حول مسئولية شركات المحمول عن قطع الخدمة عن مشتركيهم فى تلك المناطق، موضحًا أن مصلحة الشركات فى تقديم خدمات ذات جودة عالية لمشتركيهم، فى ظل المنافسة الشرسة بينهم.

وقال المصدر المطلع الذى رفض ذكر اسمه لليوم السابع، إن الجهاز القومى لتنظيم الاتصالات دائما ما يضع عقوبات على شركات المحمول، فى حال تخطى الحد المسموح به لجودة الخدمة.

ورفض الدكتور عمرو بدوى الرئيس التنفيذى للجهاز القومى لتنظيم الاتصالات الإدلاء بأى تصريحات حول انقطاع خدمات المحمول وغلق موقع تويتر الاجتماعى الشهير.

يشار إلى أن الجهاز القومى لتنظيم الاتصالات يضم فى عضويته ممثلين عن رئاسة الجمهورية وهيئة الأمن القومى، ومجلس الدولة ووزارات الدفاع والداخلية والمالية والإعلام إضافة إلى الرقابة الإدارية، بجانب ثلاث شخصيات عامة وثلاث شخصيات من ذوى الخبرة وممثل عن العاملين بالجهاز والرئيس التنفيذى.

وكان عدد من الناشطين السياسيين قد تقدموا ببلاغ إلى النائب العام المستشار الدكتور عبد المجيد محمود، يتهمون فيها شركات المحمول الثلاث بقطع الخدمة عن المتظاهرين بمنطقة التحرير والمناطق المجاورة لها.

انا مش عارف مين بيكسبهم ومشغلهم
الحكومة ولا الشعب اللي قطعو عنه الخدمة

و قبضوا على عمرو البخاري

انا سمعت اه
احمد زاهر و البخاري

بعد اتفاق المتظاهرين علي يوم الجمعة بعد صلاة الجمعة

اعلنت الحكومة ان الجمعة القادمة أجازة ..

اجااااازة......اجازة من ايه بالظبط

مفيش يوم جمعة

اهااااااااا...... يعنى هندخل فى السبت على طول

هيلغوه