مصر:الوطني يرفض الرقابة الدولية

مصر: الوطني يرفض الرقابة الدولية



الشريف قال إن المراقبة الدولية
للانتخابات تدخل في شؤون مصر




أعلن الحزب الوطني الحاكم في مصر رفضه
للدعوات المطالبة بالسماح للمراقبين
الدوليين بمراقبة سير الانتخابات البرلمانية
التي ستجري نهاية الشهر الجاري.



وقال الأمين العام للحزب صفوت الشريف إن
الجماعات المحلية فقط سيسمح لها بمراقبة
العملية الانتخابية المنتظرة في 28
نوفمبر/تشرين الثاني.



ونقلت صحيفة الأهرام المصرية عن الشريف
قوله إن مراقبة جهات أجنبية للانتخابات تعتبر
بمثابة تدخل خارجي في شؤون مصر
الداخلية, وإن الحزب الوطني الحاكم وجماعات
المعارضة القانونية متفقة على رفض مثل
هذا التدخل.



وكان فيليب كراولي المتحدث باسم الخارجية
الأميركية قال في مؤتمر صحفي عقده في
واشنطن إن بلاده ملتزمة بتأييد ودعم إجراء
انتخابات حرة وحيادية في مصر، وحمل
الحكومة المصرية مسؤولية تطبيق تعهداتها
بإجراء انتخابات شفافة ونزيهة.



وأضاف كراولي أن العملية الانتخابية الشفافة
تحتاج آلية نزيهة وذات مصداقية لتقبل
الشكاوى, وهو ما يستدعي تضافر جهود
الهيئات المحلية والدولية وحضور مراقبين
دوليين، على حد قوله.



وكانت انتخابات 2005 بمصر قد شابها العنف
والاتهامات من المعارضة والجمعيات الحقوقية
بعمليات تزوير واسعة.



وتقول الحكومة المصرية إن الانتخابات القادمة
ستكون نزيهة وشفافة, لكن جماعة الإخوان
المسلمين -كبرى حركات المعارضة- تتهم
الشرطة باعتقال عدد كبير من أنصارها قبيل
الانتخابات.



ومن جانبها تؤكد الجمعيات الحقوقية في مصر
أن السلطات تشن بالفعل حملة اعتقالات في
صفوف نشطاء المعارضة, إضافة إلى فرض
قيود جديدة على الشركات التي تقدم خدمات
لوسائل الإعلام الأجنبية.

والله رقابه دوليه رقابه محليه
النتيجه محسومه من دلوقتى
مش محتاجه حاجه

magician كتب:والله رقابه دوليه رقابه محليه
النتيجه محسومه من دلوقتى
مش محتاجه حاجه

مفيش حاجة اسمها محسومة , هو مش كلام وخلاص
لو الرئيس محمد حسني مبارك نزل انتخابات رئاسية نزيهة هيكسب بكل نزاهة ..
ولو بنسبة 55 % بس
المهم انو يكسب بنزاهة , عقليتنا كمصريين مبنحبش نجرب واللي نعرفه احسن من اللي منعرفوش والكلام الكتير ده
الريس كويس , الحكومة هي اللي مش كويسة
فيه فساد وفيه ظلم وفيه كل حاجة
بس مش بين يوم وليله هنتغير ونبقي احسن بلد في العالم , مش تغيير الرئيس هو اللي هيغير النظام كله .. انت بتتكلم في مؤسسة كاملة عايزة تتغير , بتتكلم في تغيير فكر

وفعلا الرئيس هو المرشح للحزب
ولازم كلنا نرفض المراقبة الدولية طبعا
كفاية منظمات المجتمع المدني , ولو هي مش كفاية .. مش معني كده اننا نطلب مراقبة دولية

وزي ما قلتلك لو الريس نازل وهيكسب بنزاهة
اما لو جمال مبارك نزل .. مش هيكسب او اي حد غير الريس , ولو كسب .. ساعتها ابقي معاك ان العملية مش نزيهة
وعلي فكرة كل مؤيدي المعارضة لسان وبس
وبالأخص اللي بينادو بالبرادعي .. هو عمل ايه لمصر ولا عاش في مصر اصلا
وكل مؤيدينه فرحانين ان الناس بتتكلم عنهم , وكلهم لسان بس .. لو بصيت علي اي واحد فيهم .. هتلاقي بيفضل مصلحته الشخصية علي اي شيء ويفضل يعملها مهما كانت الطريقة
الا قله قليلة جدا ( لأن التعميم غلط )

بلاش بقي نتكلم ونقول محسومة من قبل ماتتعمل

على فكره انا بتكلم عن انتخابات مجلس الشعب
ودى بالنسبه ليا بردو محسومه بس المره دى معرفش النتيجه مين بالظبط انما اللى اعرفه اللى عايزه النظام حتى لوكان من المعارضه هو اللى هيكسب
انما انتخابات الرئاسه لسه عليها بدرى ومش اوانها علشان نتكلم عليها
وانا معاك ان الشعب هو اللى لازم يتغير

على فكره انا بتكلم عن انتخابات مجلس الشعب

انت مش شاايف انها مصيبة اننا نتكلم في موضوع الرقابة دولية او منظامات مجتمع مدني .. في انتخابات مجلس شعب

اللى عايزه النظام

مش في كل الدواير

مش فاهم قصدك بالظبط
تقصد ان انتخابات مجلس الشعب المفروض انها تكون نزيهه ومنقلقش عليها او نخاف من اللعب فيها
بس كل حاجه عندنا بحساب
اساتذه فى انهم ازاى يخلوا الموظف الغلبان يفضل يفكر قبل ماينام فى لقمه العيش بتاعه بكره
وعايزهم ميحطوش دماغهم فى اعضاء مجلس الشعب الموقريين اللى اصلا الدوله حطاهم علشان يساعدونا
اما بالنسبه لحكايه اللى عايزه النظام فى الانتخابات دى بالذات لازم كل واحد يدخل المجلس يكون النظام عامل حسابه عليه
قليل جداجداجدا جداجدا لماتلاقى واحد دخل المجلس وعمل مفاجاه ليهم

اقصد ان الرقابة الدولية مرفوضة تماما في اي انتخابات عندنا ..

اساتذه فى انهم ازاى يخلوا الموظف الغلبان يفضل يفكر قبل ماينام فى لقمه العيش بتاعه بكره

يابيه النظام كله بايظ .. واحنا متفقين علي كده
هو مين اللي بيطلب منك رشوة وانت رايح تخلص اي ورق حكومي
الوزير , ولا الموظف الغلبان ده ؟؟
اي نعم الحكومة هي السبب .. هنقول هياكل منين
مش البيضة ولا الفرخة هي

انا وانت بكلامنا هنا دلوقتي .. مبنغيرش واقع ..
فـ سيبك من الكلام ع لسان المواطن الغلبان الشريف

لو اتكلمنا في اي نقطة في الموضوع .. هترجع لأن النظام كله فاسد ومش كويس
وهنتكلم في حاجات كتير اتطحنت كلام من قبل السياسيين وأوجدو حلول
وقالو نبدأ بالتعليم والصحة و و و و و
وهنتشعب في مناقشات كتير غير مثمرة

فبلاااش ..
وصدقني .. سيـــبك .. اي مرشح سواء كان وطني او معارضة = مصلحته الشخصية أولا .. متتعبش نفسك في نزاهة وغيرها ..

احنا عايزين معجزة يابيه

أنا اللي هقولك المرة دي اسكت يا أدمن

حاضر يابيه

يتقول كلام في محله ..يا تقول حالو يا حالو

حاللو يا حاللو

ناقشني يابيه

يعم النتيجة محسومة لو بانتخابات غير نزيهة ...فهمني حسني مبارك بس هيكسب ازاي ؟
قولي حاجة عدلة عملها الناس تحبه عشانها .
؟؟
عايز تفهمنيي ان من حبهم فيه لو تنحى و لا ساب الحكم الشعب هيقوله ارجع ابيوس ايدك زي محصل مع جمال عبدالناصر ؟

الانتخابات الجاية محسومة ي اي انتخابات يبني ...

قولي حاجة عدلة عملها الناس تحبه عشانها .

مدخلناش في حرب بعد 73 برغم كل الضغوطات

عايز تفهمنيي ان من حبهم فيه لو تنحى و لا ساب الحكم الشعب هيقوله ارجع ابيوس ايدك زي محصل مع جمال عبدالناصر ؟

ابقي اقرا عن عبدالناصر وتعالا نتكلم

الانتخابات الجاية محسومة زي اي انتخابات يبني ...

لو قصدك مجلس الشعب .. مش في كل الدواير بتبقي محسومة
بس في النهاية الهدف واحد .. محدش همّه علي خدمتنا : الشعب يعني

لو ع الرئاسة .. انا عند كلامي

لو الرئيس محمد حسني مبارك نزل انتخابات رئاسية نزيهة هيكسب بكل نزاهة ..
ولو بنسبة 55 % بس
المهم انو يكسب بنزاهة , عقليتنا كمصريين مبنحبش نجرب واللي نعرفه احسن من اللي منعرفوش والكلام الكتير ده
الريس كويس , الحكومة هي اللي مش كويسة
فيه فساد وفيه ظلم وفيه كل حاجة
بس مش بين يوم وليله هنتغير ونبقي احسن بلد في العالم , مش تغيير الرئيس هو اللي هيغير النظام كله .. انت بتتكلم في مؤسسة كاملة عايزة تتغير , بتتكلم في تغيير فكر

بدام هو كويس ساكت ليه عن الحكومة الفاسدة و هو عارف فسادها
و سايب ولاده و شلته ليه نهبين البلد ....
من اكتر رئيس ف عهده اتهان المواطن المصري ؟
من اكتر رئيس نسبة الفقر و الجرائم ف عصره زادت ؟


مقلتش ان عبدالناصر كويس
ليه مساويء كتييييييييير
لكن من وجهة ننظري هو و السادات احسن الوحشين
انا بقولك الشعب بيحبه ....
و كان نزيه اليد هو وولاده ....
مش زي ناس تانية ...

مكنش عنده لا قصور ف امريكا ولا واحد يقوله انا كنت ف العبارة بتاعة السلام يروح يضحك و يقوله العبارة الل غرقت و هو بيضحك


انت عايز تفهمني لو ريسنا تنحى هيقولوله خليك ؟

Admin كتب:

magician كتب:والله رقابه دوليه رقابه محليه
النتيجه محسومه من دلوقتى
مش محتاجه حاجه

مفيش حاجة اسمها محسومة , هو مش كلام وخلاص
لو الرئيس محمد حسني مبارك نزل انتخابات رئاسية نزيهة هيكسب بكل نزاهة ..
ولو بنسبة 55 % بس
المهم انو يكسب بنزاهة , عقليتنا كمصريين مبنحبش نجرب واللي نعرفه احسن من اللي منعرفوش والكلام الكتير ده
الريس كويس , الحكومة هي اللي مش كويسة
فيه فساد وفيه ظلم وفيه كل حاجة
بس مش بين يوم وليله هنتغير ونبقي احسن بلد في العالم , مش تغيير الرئيس هو اللي هيغير النظام كله .. انت بتتكلم في مؤسسة كاملة عايزة تتغير , بتتكلم في تغيير فكر

وفعلا الرئيس هو المرشح للحزب
ولازم كلنا نرفض المراقبة الدولية طبعا
كفاية منظمات المجتمع المدني , ولو هي مش كفاية .. مش معني كده اننا نطلب مراقبة دولية

وزي ما قلتلك لو الريس نازل وهيكسب بنزاهة
اما لو جمال مبارك نزل .. مش هيكسب او اي حد غير الريس , ولو كسب .. ساعتها ابقي معاك ان العملية مش نزيهة
وعلي فكرة كل مؤيدي المعارضة لسان وبس
وبالأخص اللي بينادو بالبرادعي .. هو عمل ايه لمصر ولا عاش في مصر اصلا
وكل مؤيدينه فرحانين ان الناس بتتكلم عنهم , وكلهم لسان بس .. لو بصيت علي اي واحد فيهم .. هتلاقي بيفضل مصلحته الشخصية علي اي شيء ويفضل يعملها مهما كانت الطريقة
الا قله قليلة جدا ( لأن التعميم غلط )

بلاش بقي نتكلم ونقول محسومة من قبل ماتتعمل

اول مرة اشوف حد بيفهم سياسيا

بدام هو كويس ساكت ليه عن الحكومة الفاسدة و هو عارف فسادها

يابني هي لبانة .. كل حاجة هنقول الحكومة
ماحنا عرفنا انها فاسدة
تقصد مين بالحكومة .. الوزرا
لو الوزرا .. بيتغيرو دايما
لو الحكومة كلها بالموظفين .. هنغير الموظفين ؟؟
يا باشا لو الوزير كويس جدا ونزيه .. بس اللي بينفذ الشغل والقرارات مش كويس .. يبقي ولا كأن الوزير بيعمل حاجة .. هو هيغير الوزارة كلها يعني ؟؟ هيغير الموظفين كلهم ؟؟
اتكلم بمنطقية

انت عايز تفهمني لو ريسنا تنحى هيقولوله خليك ؟

عبدالناصر يابني كان متأكد مليون % ان الشعب هيرجعه .. عبدالناصر من ناحية الكلام .. زي الفل اما سياسيا

من اكتر رئيس نسبة الفقر و الجرائم ف عصره زادت ؟

قوللي السبب والحل
الحل ان كل الموظفين والوزرا يتشالو .. بما فيهم ابويا وابوك ..
ويجيبو ناس جديدة .. مفيش في دماغها مفهوم اسمة رشوة او واسطة
ويمسكوهم البلد ..

ايه رأيك في الحل ده ؟

Admin كتب:

بدام هو كويس ساكت ليه عن الحكومة الفاسدة و هو عارف فسادها

يابني هي لبانة .. كل حاجة هنقول الحكومة
ماحنا عرفنا انها فاسدة
تقصد مين بالحكومة .. الوزرا
لو الوزرا .. بيتغيرو دايما
لو الحكومة كلها بالموظفين .. هنغير الموظفين ؟؟
يا باشا لو الوزير كويس جدا ونزيه .. بس اللي بينفذ الشغل والقرارات مش كويس .. يبقي ولا كأن الوزير بيعمل حاجة .. هو هيغير الوزارة كلها يعني ؟؟ هيغير الموظفين كلهم ؟؟
اتكلم بمنطقية


بيتشالوا بعد خراب مالطة
بعد ميكونوا نهبوا شيء و شويات و محدش بيحاسبهم على كده ....
لو الوزير كويس يحاول على قد ميقدر يشوف العالم المش كويسة و يمشيهم ...زي م أحمد زكي بدر شغال الله ينور
و الله الل اعره اذا كان رب البيت بالدف ضارب ...فشيمة أهل البيت كلهم الرقص

انت عايز تفهمني لو ريسنا تنحى هيقولوله خليك ؟

عبدالناصر يابني كان متأكد مليون % ان الشعب هيرجعه .. عبدالناصر من ناحية الكلام .. زي الفل اما سياسيا
متأكد منين بقى ؟

عايز تقولي انه بتاع كلام ؟
بس برضه بتاع فعل و كان راجل بجد ....و نظيف
ولاده منهبوش البلد و الناس بتحترمهم

و لما عبدالناصضر مات ....زشوف الشعب كان عامل ازاي ف جنازته
ورينا جناز حسني هتبقى ازاي ....اكيد جنازة عسكرية عشان هما عارفين ان مفيش حد هييجي غير شلة الوزرا و العالم دي

من اكتر رئيس نسبة الفقر و الجرائم ف عصره زادت ؟

قوللي السبب والحل
الحل ان كل الموظفين والوزرا يتشالو .. بما فيهم ابويا وابوك ..
ويجيبو ناس جديدة .. مفيش في دماغها مفهوم اسمة رشوة او واسطة
ويمسكوهم البلد ..

ايه رأيك في الحل ده ؟

و انت قولي ليه ف ايام عبدالناصر مكنتش يه كم الجرائم البشعة دي
و لا عبارة بتغرق و لا شعب كل همه طابور العيش...و بطاقة التموين
السادات لما المصريين ف بطولة عربقية كانت ف تونس و بتلاعب الجزائر
البربر قلوا ادبهم
راح باعت كوماندوز يخدوا اللعيبة و الجمهور و الل هناك
راح ضرب قواع امريكية و لا معرفش اسرائيلية ف ليبيا و لا همه
يوم لما يوسف السباعي اتقتل راح باعت كوماندوز يحرروا الرهائن
كان مصر ليها اسم و هيبة
مش زي الل كابس على نفسنا ده

و انت قولي ليه ف ايام عبدالناصر مكنتش يه كم الجرائم البشعة دي
و لا عبارة بتغرق و لا شعب كل همه طابور العيش...و بطاقة التموين
السادات لما المصريين ف بطولة عربية كانت ف تونس و بتلاعب الجزائر
البربر قلوا ادبهم
راح باعت كوماندوز يخدوا اللعيبة و الجمهور و الل هناك
راح ضرب قواعد امريكية و لا معرفش اسرائيلية ف ليبيا و لا همه
يوم لما يوسف السباعي اتقتل راح باعت كوماندوز يحرروا الرهائن
كان مصر ليها اسم و هيبة
مش زي الل كابس على نفسنا ده

انت بتعرف الجرايم البشعة دي منين .. من الصحافة .. مكانش فيه ساعتها حرية صحافة
+
ان كنا ايامها في حالة حرب ومهزومين .. لو كان المجتمع خربان .. محدش هيهتم
+
اننا بطباعنا بنتكاتف في الأوقات دي

__

ماهو طابور العيش وبطاقة التموين وغيرهم .. من الفساد .. فساد حكومي وفساد شعبي
والزيادة السكانية مشكلة مش هيّنه ..

__

يابيه الأيام مش زي بعضها ..
احنا لا قد امريكا ولا اسرائيل دلوقتي
زمان كان السوفييت بيساندونا - مش لحلاوة عيوننا , لأ .. علشان يعاندو الأمريكان اللي بيساندو اسرائيل -
دلوقتي لو عملنا اي غلطة .. هناخد علي قفانا ..
شيء بديهي ان امريكا واسرائيل اقوي منك
وبديهي اكتر منه انك لو دخلت في حرب مفيش عربي واحد هيدخل معاك

____

مش شايف انه حرام انك تختذل كل اللي انت بتتكلم عليه في واحد بس
وسايب اللي بينفذّو كلهم .. وبتقول عليهم .. غلابه !! ؟

فكرني بس ابقى أكمل بعدين
عشان ورايا بلاوي بس متلتلة دلوقتي

بس بالنسبة لآخر سؤال ....غجابته
اه و بكل فخر
هو السبب ...مفيش وزير عدل بيخليه ماسك
عاييز تقولي انه مش عارف فساد الوزرا بتوعه
سيبهم ليه بدام كويس؟

الحيطان ليها ودان

انت شكلك حزب وطني يا ادمن

سؤال ...إيه رأيك ف الوزير يوسف بطرس غالي ؟
كويس و لا وحش
و المساعد بتاعه

على فكرة احنا مش منتدى سياسى

abdoo كتب:على فكرة احنا مش منتدى سياسى

Admin كتب:

abdoo كتب:على فكرة احنا مش منتدى سياسى

شكلك هتوديني داهية ي ادمن