DM التشخيص والعلاج بالتفصيل .. أكيد هيفيدك

السلام عليكم ورحمة الله وبركاته

كل الأعضاء الأعزاء في سنة الكفاح غير المسلح - سنة الإمتياز - يارب يكون الكل بيستفيد وبيتعلم كل يوم جديد


بداية .. إحساس لا يوصف لما اول مرة تتحط في موقف ان عيان بيسألك أنا عيان سكر وده تحليلي ومش عارف أعمل ايه ؟ أزود العلاج ؟ أجيب علاج تاني مع ده ؟ أغير العلاج ده خالص ؟ آخد انسولين ؟


علشان كده .. حاولت في الموضوع ده نتفق على أساسيات تشخيص وعلاج عيان السكر NIDDM or type 2 DM

نبدأ ..... بسم الله

أولا ... إزاي اشخص عيان Diabetes .. عندنا حالتين

** لو عيان Asymptomatic لازم علشان أشخصه قراءتين أعلى من Normal
** لو عيان معاه Symptom زي " ployphagia,, polydepsia,, polyurea,, xerostomia " ... غالبا ريقي ناشف على طول وبدخل الحمام كتير وباشرب ميه كتير
العيان ده كفاية قراءة واحدة high
وطبعا ممكن يكون أول تشخيص بعد ما العيان يدخل في Complication

ال Normal بقه كام ؟؟

Fasting blood sugar = 70:110 mg/dl
2h Post Prandial = up to 140 mg/dl

يبقه العيان علشان يبقه diabetic لازم القراءة تكون

FBS >126 mg/dl or PP >200 mg/dl

تمام ... بس كده ظهر عندنا حاجتين

عيان سكره fasting = 110 - 126 وده اسمه Impaired Fasting glucose
وعيان سكره Post Prandial = 140 - 200 وده اسمه Impaired glucose Tolerance

فاهمين لغاية دلوأت إننا شخصنا عيان سكر أو IFG أو IGT

نبدأ نعالج بقه ....

أولا .. عيان ال IFG أو IGT ده نبدأ معاه ب life style modification ويقلل وزنه ويقلل السكريات ف الأكل ويعمل excercise لانه بيحسن الحالة بتاعته

بعد شهر بعمل تحليل تاني ... غالبا بيكون رجع normal أو بقه diabetic أو لسه زي ما هو

وده هنبدأ معاه العلاج ؟؟؟ علاج ايه هو عنده سكر ؟؟

لأ .. معندوش سكر .. بس عنده نفس ال risk factor of Cardio Vascular complications زيه زي عيان السكر

والعلاج يبقه ايه ؟ .. مع اللي اتفقنا عليه هنبدأ نزود له قرص Metformin " Cidophage , Glucophage " 500 mg مع الوجبة الأساسية يعني الغداء أو العشاء وخلي بالك قولنا مع الوجبة لانه بيعمل شوية GI upsets بيتاخد في آخر الأكل

ليه بقه بدأنا بال Metformin ..... الكلام الجديد بيقول انه بيقلل ال incidence of MI and Stroke علشان كده بنبدأ بيه لكل عيانين السكر ... بص بقه Obese , Thin كله بيبدأ بيه

كلمتين عنه ... تركيزاته 500 و 850 و 1000 وال Maximum Dose = 2250 mg/ day

ال Contra Indication : Renal or Liver Impairment

ال control بتاعنا هيكون قياس السكر ف الدم صايم - عشوائي - بعد الأكل كل فترة أو الأريح طبعا HbA1c اللي بيوضح ال control خلال 3 شهور وطبعا المفروض يكون أقل من 7

العائلة التانية ... ال Sulfonylurea
وأشهرها ال Glibencamide و Gliclazide يعني " Daonil , Diamicron " والتركيز بقه 5 mg لل Daonil و 80 Diamicron
وفيه طبعا MR أو modified release بتركيز 30 و 60 mg والميزة بتاعته Longer Duration of Action

ال Contra indication : Renal failure

وده بنستخدمه مع ال Cidophage لما نوصل لتركيز عالي مع ال Cidophage 1700 mg/day مثلا

معانا طبعا دواء بنحترمه كلنا وهو Amaryl بتركيزاته 1و2و3و4 mg ... ,وال Maximum dose بتاعته عليها اختلاف ناس بتقول 6 mg / day وناس بتقول 12 mg / day بس بصراحة أنا شايف ان 12 دي كتير .. ممكن 9 بالكتير

على فكرة ممكن نستخدمه مكان ال Diamicron من الأول او لما ال Diamicron يجيب آخر

العائلة التالتة ... ال Glitazones

وأشهرها ال Rosiglitazone وال Pioglitazone اللي هي ال " Rosizone , Avandia " بتركيز 4 لل Rosi و 15 لل Pio

دول شغالين أكتر على ال Post Prandial hyperglycemia وبيعملوا Salt & water retention علشان كده بلاش نستخدمهم في عيانين Cardiac

حته دمها خفيف .. أن ال Pio شغال مع ال females أحسن من ال Rosi

و السبب ان ال Rosi بيعمل Osteoprosis not related to Menopause علشان كده ال Pio أحسن من ال Rosi لل Females

N.B. فيه أدوية compination " Metformin + Glibenclamide " زي ال Glimet
ودي طبعا كويسة جدا

*** عملنا ده كله ووصلنا تركيزات عالية والعيان مبيستجبش ... Don't wait till B-cells give up .... يعني متأخرش الانسولين كتير

كلمتين بقه عن الانسولين علشان أنا تعبت

الانسولين للعلاج - بعيدا عن جداول الكتب - عندنا نوعين بنستخدمهم على طول

Actrapid وده short acting زي الانسولين المائي بتاع الاستقبال

و MIXTARD اللي هو Short + Intermediate acting وده اللي بنستخدمه للعيانين اللي على انسولين

معلومة جامدة ان الانسولين ليه Anti Inflammatory action يمكن اكتر من ال steroids ودي مهمة علشان تقلل ال Atherosclerosis وتقلل ال Mi ,Stroke

يعني ايه انسولين 40 و انسولين 100 .. ببساطة استخدم سرنجة تركيز 40 مع ال 40 وسرنجة تركيز 100 مع ال 100 علشان تبقه وحدة الانسولين ف الاتنين واحدة

بدخل الانسولين للعيان بنظام trial & error يعني بحسب الجرعة وادي 2/3 الجرعة الصبح قبل الفطار و 1/3 قبل العشاء واقيس السكر على مدار اليوم واظبط الجرعة واقيس واظبط وهكذا

الكتب بتقول ان الجرعة 0.6 : 1 unit لكل كيلو بس الطريقة الأسهل واللي المعظم شغال بيها بتقول ال Fasting BS بتاع العيان على 10

ملحوظة قبل الأخيرة أول ما تبدأ انسولين العيان بيدي responce جامدة جدا الخلايا من زماااان نفسها ف انسولين علشان كه ابدأ اقل شوية من الجرعة اللي المفروض تديها ومتخفش خلال شهر هتعدي الجرعة اللي انت حسبتها

ملحوظة أخيرة : كل عيانين السكر المفروض ياخدوا Lipid lowering Drug زي Ator 10 mg كل يوم مع قرص او 2 Aspocid علشان نقلل مشاكل كتيييير فاهمنها طبعا


عارف اني صدعتكم ... بس يارب يكون الموضوع أفادكم

أحدث خطة لعلاج Diabetes من American diabetes Assosciation




كل ما ورد ف الموضوع قابل للنقاش لأنه مجرد اجتهاد موثق وأرحب بالاراء والمشاركات

منقول