كيفية عمل إفادة للتدريب من التكليف إلى المستشفيات بدون قضاء وقت فى التكليف

إفادة للتدريب

يعنى أه ده مسمى كده وخلاص
المهم
أولا شئ هو توفيق ربنا

بعد كده فى جهتان أثنين ممكن تروح تددرب عليهم ومسموحلك
أولا المستشفيات الجامعية
ثانيا الأمانة العامة للمستشفيات التعليمية ( معهد ناصر - معهد رمد أزهر - ...........)

المهم بالنسبة للمستشفيات الجامعية لازم موفقة رئيس الجامعة شخصيا
المستشفيات التعليمية بتجيب موفقة الأمانه العامة وبعدها مدير المستشفى

يعنى مشكلة أنك تجيب وسطة لرئيس الجامعة أو لمدير المستشفى
طب فى ناس عملتها من غير وسايط أه
واحد صحبى جهز الدوسيه بتاعه وكان واخد دورات كتيرة فى المناظير وراح لمستشفى الطيران وقابل المدير من غير وسطه ولا غيره والمدير أعجب بيه وددله الموفقة
بس راح الوزارة مدير التكليف وقفه للموضوع من غير سبب

طب أه الفرق الجامعة ولا التعليمى رأى التعليمى أفضل
بس أنا رحت الجامعة علشان أحاول ققدم ماستر



طب ليه مستشفيات الصحة متنفعش
علشان دى مستشفيات الوزراة وأنت كده فى الوزراة والنقل الداخلى فى الوزارة مش قبل 6 شهور إلى سنة

طب بعد الموفقة هتعمل اه
بعد موفقة المكان هتطلع على الوزارة
وتدخل لمكتب مدير التكليف يأشر عليها ( الخطوة دى خلصتها من غير وسطه توفيق ربنا بس)
وبعدها تروح لمدام سعاد فى الأرشيف
تاخد منك الورق وتقلك أنزل تحت لمكتب الوزير وقدم طلب
هتنزل تحت وتطلع للمبنى التانى وتروح مكتب د عبدالحميد أباظة مكتب الوزير تقدم طلب هناك
صيغة الطلب

المقدمة بعدها
الرجاء الموفقة على إفادتى للتدريب لمدة عام فى مستشفى كذا حيث أنا مكلف فى كذا


ويقولك تعال الساعة 2 أو 3
وبيتوافق على كل الورق مفيش إشكال
تاخد الورق ترجع تأشر عليه من مدير التكليف وترجع لمدام سعاد
تعملك ورقة تانية تقلك صورها أربع نسخ
ترجع تأشر عليها تانى من المدير
وتروح بعد كده للمديرية إلى أنت فيها
تاخد موفقة وكيل الوزارة كل ده سهل بعد ما خدت جواب المخاطبة من الوزارة
يعنى كل ده روتين
المهم المديرية هتبعت معاك جواب أنها موفقة
ترجع للوزارة تديك جوانب تانين واحد للمديرية وواحد للجهة إلى أنت هتروح فيه إفادة تدريب
المهم
ترجع المديرية المديرية تديك جواب للإدارة إلى أنت تابعها
افدارة تتديك جواب انك تخلى إداريا من المكان إلى أنت فيه وحده صحية أو مركز صحة تروح تخلى من هناك
ترجع للإدارة
تاخد أمضة كل الحجرات غلى فى الإدارة على الأخلاء
شئون قانونينة
معاشات
حاسبات
تفتيش مالى وإدارى
أمن وقائى
عهد

لفيت على كل الغرف
المهم بعدها ترجع بورقة الأخلاء للمديرية
تديك جواب لجهة الأنتداب
مع العلم القبض بتاعك هيبأه موجود لسه فى مكان شغلك

وكده أنتهت اللفة

طب أه إلى ممكن يحصل بعد التدريب لمدة عام
بتجدد التدريب
وفى حركة أفضل
بعد ستة شهور تجيب من مكان اتدريب درجة فاضية وتنقل درجتك المالية على المكان ده وبكده أنت سبت وزارة الصحة خالص و أتنقلت للمكان ده
ودى أفضل فى المستشفيات التعليمة وأسهل من الجامعة لأن لو عملتها فى الجامعة فأنت كده أصبحت طبيب ثالث ولو أنت طبيب ثالث وخلصت الدكتوره وتتحول إلى أصطف جامعة وعلشان كده نقل الدرجة المالية على مستشفيات الجامعة بأه صعب جدا ومالغى فى بعض الجامعات

المهم قبلت ناس كتير وأنا بخلص الورق من دفعتنا
فيه إ‘لى راح مستشفى الجلاء نسا
وفى إلى راح معهد الرمد أزهر
وفى إلى عملها على جماعات تانية
وفى إلى عملها على معهد القلب بأمبابة ( بس المعهد أخد من الناس إلى عاوزه تدرب عنده 6000 جنيه مقابل التدريب يعنى علشان يوافق لازم ياخد الفلوس دى كأنك طبيب زائر )


دى كده مختصر القصة كلها الحمد لله
ربنا يتمم على خير

منقووووول