أدخل برجلك اليمين ... وعرفنا بيك هنا

من طرف motamiez الجمعة نوفمبر 12, 2010 12:09 pm

السلام عليكم Smile

ردا علي الموضوع الذي طرح من قبل أحد الأعضاء (عبدووو Razz

) و حتي لا نظلم المدخن بهذه الاتهامات لابد و أن نري الوجه الاخر للعملة...

اه أنا مش بدخن الحمد لله علي فكره Very Happy

يحكي صاحبنا المدخن فيقول:

انا مدخن ....باختياري بكامل حريتي....مش هقلكم بقي اصدقاء السوء و الكلام الفاضي ده....اناصحيت
الصبح في يوم وقررت ان انا ابقي مدخن رحت كشك سجاير اشتريت علبة سجاير و ولاعه و دخنت في نفس
اليوم....و من ساعتها و انا رسميا مدخن......اكبر عدو ليا هو غير المدخنين مش كلهم الحقيقة ...بس الجهله
من غير المدخنين....الجهله الي لسه ما يعرفوش ان انا من حقي ادخن..........انا لما بدخن بحرق فلوس و
بحرق صحتي و صحتي دي ثروة المجتمع الي انا عايش فيه.........فلوسي و انا الي بكسبها بشغلي و من
حقي احرق جزء منها في متعه انا بحبها من حقي..................و ثروة المجتمع الي هي صحتي بدفع في
مقابل حرقها...ده يعني علي اعتبار المجتمع صعبان عليه صحتي او فارقه معاه.بس المهم ان انا بدفع في مقابل
كل علبة سجاير احرقها 6 اضعاف ثمنها ضرائب.....يعني انا بشرب سجاير مريت اصفر..ثمنها ثمانيه جنيه
و نص للعلبه ,يعني بتساواي= ثمن السجاير+600% ضرائب , اولا شركة الشرقيه للدخان ال بتصنع
سجاير مريت بتاخد من فليب موريس(صحاب العلامه التجاريه ل مريت) و احد و اربعين جنيه في الالف
سيجاره يعني السيجاره بتتكلف اربعه قروش تقريبا ,و العلبه كلها بتتكلف 80 قرش و قول ببقية الجنيه
تغليف...
يبقي العلبه بتتكلف علي فليب موريس جنيه واحد لا غير...,و بيكسب 150% يبقي حنيه و نص ,
يبقي الدوله بتحصل السته جنيه الباقيه ضرائب..يبقي كده المجتمع بيحصل مني 9 جنيه يوميا ضرائب لائن انا
بحرق علبه و نص في اليوم....يبقي في الشهر المجتمع بيحصل مني 270 حنيه ضرائب....بيعمل ايه بقي
المجتمع بال270 جنيه؟؟؟؟؟...اقولك بيدفعها لخضرتك علشان تتعلم ببلاش, و علشان تتعالج ببلاش, و علشان
تركب موصلات مدعمه, و تاكل عيش مدعم, و تركب عربيه و تحط فيهل بنزين مدعم, وبتدفع منها مرتب
للموظفين في الدوله...ال270 جنيه هي بالظبط قبض مرتب طبيب في الدوله اول تعين بالحوافز و الزيادات و
البدالات..,سفتم بقي المجتمع واخد حقه مني تات و متلت...بس ان زعلان من المجتمع شويه واخد علي خاطري
,لان المجتمع بيصرف شويه من الفلوس الي انا بدفعها علي علامات سخيفه مكتوب عليها ممنوع التدخين و
بيعلق العلامات دي في الاماكن العامه الي برضه انا مساهم فيهل بصدري الي بحرقه...المجتمع بيتردني من
الاماكن العامه و الموصلات العامه و بيجبرني ان انا ادخن في الشارع و في اي مكان تاني بعيد عن الناس
علشان اذا كان من حقك لن تدخن ف من حقي ان استنشق هوائا نقيا.!!!!...بجد عباره تحرق الدم..طيب مدمن
المخدرات شخص صرف من فلوسه علي متعه هو بيحبها و حرق صحته الي هي ثروة المجتمع ..الفرق بيني و
بينه حاجتين...

اولا:- ان مدمن المخدرات ما بيدفعش ضرائب لا هو ولا تاجر المخدرات.

ثانيا:- ان المجتمع عمره ما بيعتبرني مريض زي ما هو بيعتبر المدمن مريض

المجتمع بيعملني علي ان انا كلب جربان لازم ينعزل حفاظا علي صحة الاخرين...الاخرين الي انا وغيري من
المدخنين تقريبا بنصرف عليهم............................انما المدمن المجتمع بيعامله علي انه مريض و
بيدخله مستشفيات عامه و يقوله يا حبيبي يالي بقيت مدمن و خربتها تعالي انت مسكين و مريض تعالي نعالجك
بالفلوس الي بيدفعها المدخنين............,

لما بركب اي طريق سريع بيدفعوني ضريبة مرور(كارته) و
فلوس الكارته دي بتتصرف علي تحسين حالة الطريق الي انا ماشي عاليه..و انما الضريبه الي بيدفعها المدخن
مفيش فيها مليم بيتصرف علي برامج و اعادة تاهيل و توعية المدخنين.!!!!!!!!!!!!!!!!!!!!!!!!!!!!!
..يا جماعه المدخن ده مواطن مثالي ., من حقه انه يدخن و في مكان مخصص للمدخنين و تكون في كراسي
محترمه و قاعده مريحه و مزيكا شغاله هتقولي مزيكا؟ ..هرد و اقولك اه المدخن ده ما بيشحتش من حد
...المدخن قاعد بفلوسه...لو بطل تدخين!...تأكدوا ان غير المدخنين هما ال هيبقوا خسرانين....المدخن شمعه
تحترق من اجل المجتمع... بس يا خساره المجتمع ما بيطمرش فيه.....

ملحوظة : الموضوع ف قسم تهييس المدخن:شمعة تحترق من أجل المجتمع 22562_108368099180613_100000222707281_212683_3019511_n