الجمعة.. من «الغضب» إلى «الخطر»

اليوم.. يواجه الوطن «جمعة جديدة»، البعض يريدها «جمعة الغضب الثانية»، والبعض الآخر يراها «جمعة الخطر» وما بين أولئك وهؤلاء.. ينتظر ميدان التحرير الجميع، سواء كانوا بالملايين أو كانوا فقط بالعشرات. العديد من القوى السياسية والحركات الناشئة بعد الثورة دعت إلى هذه المظاهرة، بل واعتبرتها «الثورة الثانية»، بينما اعتبرتها القوى المغايرة لها فى الآراء بمثابة «الخراب» لهذا الوطن. تُرى أى الفريقين ينجح ويثبت - بوجهة نظره وأسبابه - أنه على حق، والأقدر على استقطاب الشارع.

الموافقون على المظاهرة

حزب الجبهة

حزب التجمع

حزب الناصرى

حزب الغد

حزب الكرامة

شباب الاتحاد القومى

حركة شباب 6 أبريل

حملة دعم البرادعى

شباب من أجل العدالة والحرية

الجبهة الحرة للتغيير السلمى

شباب جماعة الإخوان

اتحاد شباب الثورة

حركة فداكى يا مصر

حركة شباب 25 يناير

لجنة الحريات بنقابة المحامين

ثوار ماسبيرو

جبهة إنقاذ مستقبل مصر

الأسباب:

1- الاحتجاج على أداء المجلس العسكرى

2- الاحتجاج على أداء حكومة د. شرف

3- إصدار تشريعات دون نقاش مجتمعى موسع

4- المطالبة بوضع قانون يجرم الفساد السياسى

5- المطالبة بإقالة الوزراء غير الفاعلين

6- المطالبة بتطهير الجامعات من «القيادات الفاسدة»

7- إعادة النظر فى حركة المحافظين

8- المطالبة بتشكيل مجلس رئاسى مدنى

9- المطالبة بإسقاط الإعلان الدستورى

10- إلغاء المحاكمات العسكرية

11- حل المجالس المحلية

الرافضون للمظاهرة

حزب الحرية والعدالة

حزب الوسط

حزب الوفد

جماعة الإخوان

الجماعة السلفية

تحالف ثوار مصر

ائتلاف الوعى المصرى

لجنة الإغاثة الميدانية

الجماعة الإسلامية

حزب شباب التحرير

اللجنة التنسيقية للثورة

جمعية محبى مصر السلام

مجلس أمناء الثورة

ائتلاف العاملين بالدولة

الأسباب:
1 - المظاهرات توقف العمل والإنتاج
2 - مستقبل مصر يواجه خطورة بالغة
3 - الدعوة إلى مظاهرة مليونية فى هذا التوقيت تستهدف القضاء على الثورة وإشاعة الفوضى
4 - رفض التشكيك فى قدرة المجلس العسكرى على قيادة المرحلة الانتقالية

28 يناير جمعة الغضب

مئات الآلاف يخرجون تجاه ميدان التحرير للمطالبة بإسقاط النظام، لتحدث مصادمات عنيفة مع قوات الشرطة،
قبل أن تنسحب الشرطة وتنزل قوات الجيش، ويتم فرض حظر التجول.

4 فبرايرجمعة الرحيل

أول مظاهرة مليونية فى ميدان التحرير للمطالبة بإسقاط النظام، بينما يستبعد أحمد شفيق، رئيس الوزراء الجديد، تنحى مبارك أو تسليم السلطة لنائبه عمر سليمان.

11 فبراير جمعة الزحف

حشود مليونية تتجه نحو قصور
الرئاسة بمختلف أنحاء الجمهورية، قبل أن يعلن نائب الرئيس عمر سليمان تنحى مبارك فى السادسة مساء، وتولى المجلس العسكرى قيادة البلاد.

18 فبراير جمعة الانتصار

ائتلاف شباب الثورة يدعو إلى مظاهرة احتفالية فى ميدان التحرير، وتأبين شهداء الثورة، والمطالبة بالإسراع فى تشكيل حكومة جديدة، والتحقيق مع المتهمين بقتل الشهداء.

25 فبرايرجمعة الخلاص

ائتلاف شباب الثورة يدعو من جديد إلى التوجه لميدان التحرير بمناسبة مرور 30 يوماً على اندلاع الثورة، والمطالبة بمحاكمة الرئيس السابق، والعادلى وجرانة وعز، بالإضافة إلى إقالة رئيس الوزراء أحمد شفيق.

11 مارس جمعة الوحدة الوطنية

بعد أحداث هدم كنيسة أطفيح، دعت اللجنة التنسيقية للثورة إلى مليونية فى ميدان التحرير للتأكيد على ضرورة محاكمة المتسببين فى أحداث الفتنة الطائفية.

22 أبريل جمعة رد الجميل للجيش

دعوة لمظاهرة للتعبير عن التقدير لدور القوات المسلحة فى حماية الثورة، وهى المظاهرة التى شارك فيها عصام شرف، أمام المنصة بطريق النصر تأكيداً لاستمرار الموقف المُعلن بتعليق المظاهرات بعد تنفيذ المطالب.

20 مايو جمعة رفض التصالح

آلاف المواطنين ينظمون مظاهرات لإعلان رفضهم ما تردد عن رغبة الرئيس السابق فى الاعتذار للشعب للعفو عنه، بالإضافة إلى رفض التصالح مع «القتلة ولصوص المليارات».

9- المطالبة بإسقاط الإعلان الدستورى

تعليقا علي المطلب ده وغيره
..

أومال كنا عملنا فيها ديمقراطيين قوي ليه وعملنا استفتاء وقلنا نعم ولا ايد واحده والكل هيحترم راي الاغلبية ولا كان شعارات واحنا مينفعناش الا ديكتاتور وفعلا منستحق او لا نجيد استخدام الديمقراطية زي ماكانو بيقولو

الموضوع النهارده كان ممكن يبقي مظاهرة مليونية كبيرة بالتحرير .. علشان نوصل للحكومة والمجلس العسكري ان الناس متابعة آدائهم .. ومش راضية عن بعض النقاط ..
مظاهرة كبيرة .. وأكيد ده يفرق عن ثورة غضب تانية
وهي الأولي لسة مانتهتش اصلا
الثورة تنتهي عندما تتحقق كل مطالبها
اه فيه شوية بطء و و و , بس ده احنا بقالنا 30 سنة فساد ( ومحدش كان يتوقع انه يبقي بالشكل ده ) .. ده كله هيتصلح في كام شهر


انا موافق علي بعض النقاط اللي فوق مش كلها

صحيح
هو كل حزب المفروض ايه وظيفته و بيعمل ايه

روح لكل حزب واطلب منهم البرنامج بتاعهم , وممكن تلاقيه ع النت في الموقع الالكتروني لكل حزب

بلا قرف
عالم فاضية و موراهاش غير الكلام ف التلفزيونات
ليل نهار

ربنا يقويك علي مشغولياتك

و هما وراهم ايه
ليل نهار قعدين يقولك انتخابات و دستور و بتنجان
يا شيخ بلا كلام فاضي

مش عارف ايه حكاية البتنجان معاك النهاردة؟...انت جعان؟
انا شايف ان الناس كان لازم فعلا تنزل النهاردة
بس تنزل عشان تقول ان فى لسة ثورة...عشان ترجع الوحدة بين المسلمين والمسيحيين
زى اللى كان ايام التحرير..وتقضى على أى طائفية
عشان فعلا مفيش محاكمات..تأجيل..تأجيل..تأجيل
بس مينفعش نقول جمعة الغضب التانية لأن الأولانية اللى حصل فيها مينفعش حصل تانى
يوميها التخريب اللى حصل كان بزيادة والناس اللى ماتوا كانوا بالمئات
فمينفعش جمعة غضب
انما ممكن نقول عليه"جمعة تصحيح مسار الثورة "

Just a doctor كتب:مش عارف ايه حكاية البتنجان معاك النهاردة؟...انت جعان؟
انا شايف ان الناس كان لازم فعلا تنزل النهاردة
بس تنزل عشان تقول ان فى لسة ثورة...عشان ترجع الوحدة بين المسلمين والمسيحيين
زى اللى كان ايام التحرير..وتقضى على أى طائفية
عشان فعلا مفيش محاكمات..تأجيل..تأجيل..تأجيل
بس مينفعش نقول جمعة الغضب التانية لأن الأولانية اللى حصل فيها مينفعش حصل تانى
يوميها التخريب اللى حصل كان بزيادة والناس اللى ماتوا كانوا بالمئات
فمينفعش جمعة غضب
انما ممكن نقول عليه"جمعة تصحيح مسار الثورة "

و انا نفسي الشباب ينزلوا
و الله الواحد سمع مكالمة مبكية من مصعب الشاعر
قال الل همهم اوي صحة مبارك و بيتعالج ف مستشفى فايف ستار
و الشباب الل ماتوا و الل عنهم رات و لا كان حصل حاجة
و لا حد طيب خاطرهم بكلمة حلوة
عشان حتة رفرة اذينية ...ده يلااجل لو ادوها حتة دواء indral
و لا اي نيلة هتخف
و لما يحكموا بالاعدام يحكموا على واحد مش موجود
و بعدين حبيب العادلي ميستحقش اعدام ازاي ؟
ده هو اس الفساد

و الجيش ليه خاف يطلع عالهوا مع يسري فودة
؟
ايه خاف يتشال هو كمان زي شفيق و السباعي ؟
و سوزان هانم ازاي يخرجوها من الكسب غير المشروع
لو ردت ملييار جنيه حتى
اسمها سرقة و حاجة للدولة
هي دي مش عقوبة جنائية ان شاء الله

يعني انا اسرق اراضي الدولة
و يوم لما اجي اتمسك اقول خدوا الارض ؟
ايه الهبل ده

هما خايفين من ايه ؟

I appreciate these words

Admin كتب:

9- المطالبة بإسقاط الإعلان الدستورى

تعليقا علي المطلب ده وغيره
..

أومال كنا عملنا فيها ديمقراطيين قوي ليه وعملنا استفتاء وقلنا نعم ولا ايد واحده والكل هيحترم راي الاغلبية ولا كان شعارات واحنا مينفعناش الا ديكتاتور وفعلا منستحق او لا نجيد استخدام الديمقراطية زي ماكانو بيقولو

الموضوع النهارده كان ممكن يبقي مظاهرة مليونية كبيرة بالتحرير .. علشان نوصل للحكومة والمجلس العسكري ان الناس متابعة آدائهم .. ومش راضية عن بعض النقاط ..
مظاهرة كبيرة .. وأكيد ده يفرق عن ثورة غضب تانية
وهي الأولي لسة مانتهتش اصلا
الثورة تنتهي عندما تتحقق كل مطالبها
اه فيه شوية بطء و و و , بس ده احنا بقالنا 30 سنة فساد ( ومحدش كان يتوقع انه يبقي بالشكل ده ) .. ده كله هيتصلح في كام شهر


انا موافق علي بعض النقاط اللي فوق مش كلها

متفق معاك ف كل حرف