صدقة جارية لتشغيل جهاز قياس غازات الدم في مستشفي الأطفال

مشروع الصدقة الجارية ده كان معمول لسنة سادسة فقط بس أنا لقيت إن مفيش مانع إن كل طلبة الكلية تشترك فيه، جهاز قياس غازات الدم بينقذ حياة أطفال كتير يوميا وعدم وجوده ممكن يبقى السبب في وفاة اطفال كتير برضه من الغير قادرين



الموضوع باختصار :
كنا عايزين نعمل عمل خيري كبير شوية، السنة اللي فاتت جمعوا فلوس واشتروا جهاز تنفس صناعي وجهاز قياس غازات الدم .. (((جمعوا 150 الف جنيه ))) ودي دفعة سنة سادسة فقط.

فاحنا رحنا لمستشفى الاطفال .. واتكلمنا مع دكاترة كتير .. وهما محتاجين يشغلو جهاز قياس غازات الدم اللي في الاستقبال ((اللي واقف مش شغال حاليا ))، كان في حاجات كتير غيره .. بس ده هو اللي على اولوياتهم

الجهاز دا عشان يشتغل محتاج سنويا .. ما يقارب من 50,000 -60,000 ، احنا اتفقنا مع جمعية أحباء مستشفى الاطفال ((اللي احنا هنشتغل تبعهم )) .. وهنلم الفلوس من الدفعة ..

بس احنا محتاجين ناس يشتغلوا معانا .. فاللي ممكن يساعد معانا . او عنده اي استفسارات يرد على الموضوع.
احنا مش هنقتصر التجميع من الدفعة بس ..
تقدر تلم من اصحابك , اهللك , قرايبك , جيرانك , من اي حتة يعني

بالنسبة لسنة سادسة: هتلف شنطة صغيرة في الدروس .. ((دي تبعنا )).





بالنسبة لباقي الدفعات أو اللي مش بياخدوا دروس أو اللي مشافوش الشنطة ممكن يسجلوا عالفورم دي بياناتهم
والمبلغ اللي حيعرفوا يتبرعوا بيه تقريبيا - الخانة دي محدش غير المنظمين حيشوفها بس مهمة عشان نرتب التجميع حسب الأولوية بالنسبة للمبلغ للوصول للهدف أسرع - وأحنا حنتصل بيهم، والمبلغ اللي حيدفع حتاخد بيه إيصال من جمعية أحباء مستشفى أطفال الدمرداش.


اللينك
http://www.surveymonkey.com/s/2659H3J



يا ريت تنشر الموضوع في أي موقع او جروب عالفيس بوك بدون الإشارة لمصدره