أدخل برجلك اليمين ... وعرفنا بيك هنا

من طرف **snow_white** الثلاثاء أغسطس 17, 2010 6:40 am

Introduction to 1st year Histology 60774430

اولا يعني ايه HISTOLOGY

الهستولوجي هو العلم الذي يدرس تركيب الخلايا والأنسجة

وعلى فكره احنا خدنا اغلب الهستولوجي ده في الاحياء في الدراسة الثانوية

هي كل الحكاية اختلاف اللغة
نيجي بقه للمنهج
ايه محتواه

اولا CYTOLOGY ده بيدرس مكونات الخليه وكل حاجه فيها بالتفصيل الممل زي النواة والميتوكندريا وغشاء الخليه ... إلخ هتدرس طولها وعرضها وقطرها ومكانها في الخليه ووظيفتها وكده يعني

ثانيا BASIC TISSUES

يعني ايه يعني بندرس كل انسجه الجسم الرئيسية وهم اربع انسجه

EPITHELIAL TISSUE

اللى هو النسيج الطلائي

CONNETIVE TISSUE

اللى هو النسيج الضام

وده بيندرج تحته 3 شباتر كمان اللى هم

cartilage الغضروف
bone العظام
blood الدم

muscular tissue اللى هو النسيج العضلي

nervous tissue اللى هو النسيج العصبي

ثالثا vascular

هو ايه ده
ده شابتر هندرس فيه الاوعية الدموية يعني الشرايين والاورده وكده

رابعا lympoid

طبعا اللى بيقرا دلوقت بيسمع مصطلحات غريبه وهيتخض منها في الأول

عموما لما تدخل السنة هتعرف انها سهله جدا والله

الشابتر ده بيدرس الجهاز الليمفاوي اللى بيدي الجسم المناعه زي الطحال والغدد اللمفاوية واللوز وكده

Introduction to 1st year Histology Fw12

خلااااااااااص

كده المحتوى خلص

طب نتكلم بقه عن الهستولوجي عامه

العملي بتاع الهستولوجي مهم جدا

طب بيتكون من ايه العملي ده

العملي فيه جزئين

رسومات وشرايح

ايه الشرايح ده

الشرايح هي عبارة عن بعض الحاجات اللى هتاخدها زي خلايا الدم مثلا زي الطحال والحاجات ده هتشوفها تحت الميكرسكوب

طيب والرسومات

الرسومات هي رسمة لكل حاجه بتاخدها وهي امرها سهل

بس فيه نوعين من الرسومات

E.M اللى هي بالمكرسكوب الالكتروني وده بتترسم بالقلم الرصاص

L.M اللى هي بالمكرسكوب الضوئي وده بنلونها

اما بالاحمر والازرق وده عشان بنصبغها بصبغه اسمها H & E ده اختصا وهتعرفها بعدين

واما بالبني بقه او الوان تانيه حسب الصبغات

وده هتعرفها لما تبدا دراسه ومش مجال لذكرها دلوقتي

Introduction to 1st year Histology Fw12

طيب كده خلصنا تقريبا استعراض للمنهج

اتبقى اقول ملاحظات مهمة عند مذاكره الهستولوجي (( الوصايا العشر ))

1 / تقرا الجزء اللى هتذاكره الاول بتركيز وتركز على العنواين الرئيسية والاساسيات وتعرفها كده بتكون خدت 80 % من االدرجة وبعد كده تبدا تتفحص وتقرا بالراحه بقه

2 / الطول والعرض والقطر اللى هي DIMENSIONS مش مهمة اوي بس فيه حاجات هيركزوا عليها اوي المفروض تبقى عارفها دايما

3 / كل ما تخلص شابتر حاول تربط اجزاءه ببعض وتعملها زي خريطه في دماغك كده ده هيساعدك

4 / لما تذاكر الخلايا حاول تعرف كل خليه السيتوبلازم بتاعها حمضي ولا قاعدي

5 / حل الاختيارات اللى هي M.C.Q مهم جدا وهيفيدك كتير وهيثبتلك المعلومة

6 / المراجعه باستمرار مطلوبه في الهستولوجي لانه بيعتمد على الحفظ وسهل يتنسي

7 / ترسم بإيدك كل حاجه بتذاكرها وده هيسهل عليك جدا

8 / وانت بتذاكر هات ورقة فاضيه واكتب فيها الكلمات الرئيسية

9 / اعمل مقارنات كتير للخلايا في جداول ده هيسهل عليك ويخليك تحفظ بسهولة

10 / حب اللى انت بتذاكره واوعى تغصب على نفسك

Introduction to 1st year Histology Fw12